池記 (已結業)

兩人叫了(1) 牛筋湯麵 - very good(2) 豬軟骨湯麵 - very good(3) 薏米水2杯 - 是熱的, 很少甜, 有蜜早, 幾好呀, 有home feel (不過在singapore所有餐廳都有嗰隻薏米水味道更討好)(4) 油菜心 - very good(5) 蜆介鯪魚球 - 是炸的 (蜆介醬及炸鯪魚球不及羅富記的美味)(6) 炆冬菇 - 清味, quite good!

試咗佢嘅招牌淨海蝦雲吞,吹到咁勁,又話每日限量供應20客,滿懷希望,點知都係失望.啲雲吞勁細粒,最重要係同普通鮮蝦雲吞真係冇乜唔同.仲要成$42碗,勁昆水!

味道：見到有個雲吞麵夠膽賣成$38，仲話限量供應20客咁寸，咁我就試下佢有乜特別la，食完真係想爆粗!! 雲吞麵的麵同雲吞size奇細；湯底無特別，有微量金華火腿但無味的，唔知加埋做乜；個麵無配菜，好寡；游水蝦應該係一隻分四粒雲吞，咁少點會有游水蝦的鮮味ne，係個麵幾彈牙。廟街一碗$16的雲吞麵都好食過佢la!! 環境：裝備得幾靚 服務：服務差，一慣香港的服務態度 衛生：見d waiter好hea咁執檯，唔係幾衛生 抵食：想比0分...可惜最低係1分...

非常失望.講到什麼"米芝蓮指定食肆",真係太虛有其表了!!!雲吞又細粒,雖然我都明白雲吞不一定大粒先好食,不過都唔好細得噤過份.牛坑腩雖然就幾簿同幾琳,不過味道一概欠奉!評語係我認為"鬼佬"係唔識食"雲吞麵"囉!

今日唔係好肚餓所以只是想食碗麵,去到池記叫兩個套餐,一個係炸醬麵+紅白$48元,要飲凍豆漿+2元炸醬麵我喜歡加小小醋,小小胡椒粉,一匙蝦籽湯撈食,炸醬做得好香口,麵質又爽紅白普通,加小小西米,紅豆同豆腐花都太淡la,甜返小小好D,一個係雲吞麵+炸雲吞$48元,要飲凍豆漿+2元雲吞有4粒,味道普通,唔通要試海蝦雲吞先得,$42元一碗,炸雲吞都只是一般.

呢日去完inside out飲野就來左呢度食飯﹗第一次來，全場爆滿，睇一睇枱上面原來池記係米芝蓮推介既餐廳，好似好勁咁喎﹗我要左個豉油王薑蔥撈麵，工友就要左個淨海蝦雲吞，再加多個柱候蘿蔔及油菜﹗薑蔥撈麵豉油味清淡，薑絲味相當濃，味道辛辣得要命，反而大蔥味道不出眾，似是薑絲撈麵多一點﹗工友的海蝦雲吞成四十幾蚊碗，咬落味道相當鮮甜，蝦味濃郁蝦身亦爽口彈牙，配上少肥豬肉令雲吞更甜美，雲吞皮極薄帶蛋香﹗好食﹗柱候蘿蔔食落清甜無渣，根本無須加入柱候汁都已經好好食，反而加左偏鹹失卻原味的可愛﹗仲點左未飲過既熱薏米水，飲落唔會太甜順喉薑味足，如冬天來整番一杯真係舒服哂﹗埋單岩岩一百蚊，挺有好感的雲吞麵家，會再來吃的﹗

入到去, 要搭台叫左:雲吞麵幾細碗下,不過一粒雲吞一粒蝦, D皮好薄得黎唔會溶左咁,幾好味.豉油皇蝦子撈麵餐個麵彈牙.好多蝦子,不過冇咩豉油皇, 蝦子味蓋過左？　跟餐有菜同意米水.個意米水好特別呀, 唔係度度都有得飲, 有D薑味, 冷天仲可以令身體WARM D 呀.

Humm. 我記得以前池記好似係TIMES 對面，是但啦…走入去都係為左食下野，呢區黎講講錢都算合理…講真句，係二月我入左佢三次…第一次去都係食wonton noddle, 不過不失咁啦…size 唔太唔細，一啖一粒… D noodle 又冇乜"簡" 水味，的確幾好…但係真係少左D我亦試過其他東西，牛腩飯唔差，用呢個價錢黎計銅鑼灣算係咁。不過就真係冇乜驚喜囉。炸醬麵...well...唔spicy...冇乜特別…睇黎最好食都係wonton.. 但係上次食到尾發現佢D 　蝦....................有好大蝦腸未洗乾淨..............well...................我好怕呢D 野，不過好彩冇沙..........服務就真係麻麻啦…其實我真係唔鍾意塔枱…因為好大厭力....

真係諗唔到點解佢啲野可以賣咁貴！雲吞麵+油菜要$42，雲吞麵+紅豆沙要$48，啲麵有少少梘水味，啲雲吞無蝦的鮮味，個湯底又怪怪地，紅豆沙無紅豆味，真係無樣掂。服務更加唔掂，鋪頭都坐得幾滿，佢居然拎起工具抺冷氣機上的水，完全無理過坐係冷氣機下面啲人。大佬，人地食緊野架，你啲水跌落黎仲使食既？我又見到有顧客已經坐低，因為叫咗幾次寫野都無人理佢地而起身走人。咁既服務+咁既食物質素，真係諗唔明點解有咁多人食，我就一定唔會再去啦！

很多人誤會池記是與雲吞麵大王麥煥池的後人有關係而命名的。曾求証於麥奀記之店主 - 明哥，即麥煥池的次孫，他支吾其辭下的答案是: 非也! 無直接關係。不過，池記的雲吞麵確實帶著麥派的濃厚影子。銀絲細麵，散尾小雲吞.....但雖有雷同，味道欲是大相逕庭。無論是麵的大小粗幼，筋粉的比例，令人有足夠理由相信是同一家供應商生產的東西。唯一不同之處是池記的麵帶著令人極為討厭的重鹼水味，相信是貨源不新鮮之故。湯底偏甜，沒有了蝦籽卻轉來一絲絲的豬骨味。因有骨頭熬湯，所以帶點混濁，感覺是怪裡怪氣，不是味兒。最糟糕的是雲吞，說穿了是用魚市場供應剝了殼漂白過的蝦肉，後混入大量比目魚粉企圖掩蓋平淡不堪下價貨的味道。這裡另有專門用新鮮海蝦做的雲吞供應，索價四十多元......上好的雲吞本來就是應該用新鮮的海蝦而不是這些急凍貨，我真的想不出有何理由我要多付額的金錢去換取應有的東西。四十多元的雲吞麵才有新鮮的海蝦，那二十多元的東西又有什麼 "毒蛇猛獸" 在內呢?確實此店的裝修，地點和外觀的衛生程度比傳統的雲吞麵店更容易被外國遊客或食評家接受。難怪最近一次的米芝蓮本地食肆評級中，此店和其它 "金玉其外" 但本地老饕嗤

老公和同事中午幫襯過池記, 亦同我講過唔好食, 但係我唔記得咗。呢間亦無德福店坐得舒服, 而且明明有好多位, 但仲叫我搭枱坐, 我唔想並拒絕, 店員亦沒有再堅持, 不然我會走人唔幫襯。還是叫碗雲吞麵快快吃完離開, 她們有細蓉供應, 但我好餓呢, 怕細蓉不夠吃, 所以點了正常的雲吞麵, 可是正常的仲係好細碗, 和飯碗差不多大, 4小粒雲吞沒有多少蝦, 皮仲多過餡, 麵份量好少, 連我細食女孩亦可兩啖食完。 而且味道不佳, 咁差水準份量又太少夠膽量索價$27, 真的有點兒那個, 我想大部份都付上在貴價的舖租上吧?! 但主打食物都整得咁差, 我無信心再試其他食物, 而且消費者是精明的, 願意付上這樣的價錢當然有點要求, 這樣一碗無質素的雲吞麵好難吸引到食客再回頭喎!!!

剛剛食完H記嘅雪糕buffer，真係想揾D熱嘢暖吓肚，最後揀咗係池記食雲吞麵。湯底偏淡；麵則略腍，唔夠爽口，比之前退步了；幸好雲吞還能保持水準，蝦肉鮮味彈牙。

I like noodles, but I like good noodles. I went to Chi Kee Wonton Noodle today, but was disappointed with the noodles and wantons there. Noodles were much too soft and wantons were so disgusting. The shrimps they used were not fresh and taste so bad. The wanton soup was no taste. I definitely cannot find the noodles and wontons that I like here. I will not go back again.

I am a usual customer here and also MK shop. Today I ate 雲吞麵 and 牛筋可. 雲吞麵--- Soup very NO taste. Almost water feel. Noodles not thin enough as usual. VERY DISAPPOINTED. So I ordered 牛筋可 as the second bowl.牛筋可--- I expected the soup should be better with beef sause but.....still very NO taste. The noodles is ok.Conclusion, very horrible comapare to weekdays. And even worst than in MK shop. Please don't go within the weekend. 6months ago I tried 坑腩麵, VERY horrible and small in size. So I never ord

我只叫了碗牛肉麵,首先喝一口湯味道清甜牛肉嫩口,本來覺得不錯的，可是到我吃下第一口麵時覺得麵未煮熟,咀嚼時有嚼到粉的感覺, 於是我跟侍應姑姑講出問題，她有點不耐煩的說:「我們的麵是彈牙不是不熟,可能你吃慣林的吧！」她連聽我講一句意見的耐心都無, 便把我原本的那碗麵拎到廚房再煮，明顯地到我再吃時已經沒先前問題！其實味道是可以,可是出品有問題卻不作檢討, 欠缺誠意,食品質素再好都令人大失所望！