池記 (已結業)

雖然經過好多次，都未入過去，因為成日好多人，今次見入面好多吉位就試一試。一入去，服務員好好招呼，笑容可掬，我覺得呢樣要讚。坐埋位後，服務員首先幫我斟茶，d茶幾好飲，唔同一般茶餐廳0既「茶水」，於是我決定唔叫野飲，拎起餐牌，見到一碗麵都廿幾卅蚊，不如叫個餐又有甜品一舉兩得，叫左雲吞麵+紅白(即係豆腐花+西米露+紅豆沙)=$42。先黎麵，雲吞0係麵底，有4粒，真係只有蝦，唔似一般粉麵店會加埋豬肉，蝦肉幾彈牙，雲吞皮唔太淋又冇散哂，口感幾好，麵竟然冇乜梘水味，又爽口。雖然食完個麵，都等左超過5分鐘都未有人黎執碗又未上紅白，剛好飲完杯茶叫人加茶，幫我加茶0既阿姐先識向廚房叫人上甜品，但始終都係冇執我個碗囉~終於紅白上檯，攪一攪，發覺豆腐花只有面0既薄薄一層(3mm左右厚吧)，西米唔多，紅豆沙為主，豆腐花其實幾滑，西米就太淋，紅豆沙對我黎講太甜，朋友就話0岩0岩好，可能我食得比較清淡啦~最後埋單時，收銀嬸嬸笑住咁話：「下次再黎試其他野丫~」聽到幾warm架﹗

晚餐跟父母來到這間.....三人點了雲吞麵, 雲吞撈麵, 豬手撈麵, 炸鯪魚球我吃了雲吞撈麵撈麵份量很大...我一個人吃不完雲吞有6隻....都吃不完我喜歡池記的麵很彈牙有附上豪油...令麵不會淡味炸鯪魚球熱辣辣...彈牙=]跟餐有5粒....吃一粒飽了價錢可能比起一般的貴dd...但吃得飽算ok了=]地方如果可以寬敞點就好

噚日, 去銅鑼灣逛街, 因為未食早餐, 咁就拿拿声去”池記”食番個brunch, 之前都食過, d麵好彈牙, 湯底好香, 依家度度都有雲吞麵舖, 但係好多d麵都係淋bat bat, 又重味精, 所以依家想食雲吞麵時, 我都會想嚟池記, 今日咁肚餓, 2個人就要左兩個撈麵set : 雲吞撈麵+ 炸雲吞+ 凍豆漿$50, 雲吞撈麵+ 薏米水+ 豆腐花紅豆沙$46, 有麵, 有小食, 有飲品(可捒薏米水/豆漿), 重有甜品, 食完好飽好滿足, 嚟既時候, 係門口聞到很香既炒蝦子味, 下次要試吓蝦子撈麵先……

mar 24, 08, 自己來quick lunch,叫咗 : 套餐ai) 雲吞粗麵-1碗4粒,皮薄,但入口比較重胡椒粉味,亦夾雜少少麻油味,鮮味ok-個湯底幾夠鮮味,個麵選了粗麵,所以有質感,入口亦滑,爽,完全無腍身feel,不過就有鹼水味(可接受) ii) 熱杏仁露-問咗喺生磨,的確無溝嘢,有杏仁味,但唔濃,質感亦比較稀,可能喺露嘅關係啦-都算幾大盅 - 呢d咁旺嘅時間,當然要搭枱啦,同枱都喺遊客,換人之後,再坐落嚟又另3個遊客 - 服務好勤快

又一個人0係銅鑼灣搵lunch 食... 因為健康問題, 連日來無啖好食, 見今日情況好了d, 0黎呢度試試佢d雲吞, 叫了碗雲吞牛筋麵(雙併湯麵$33).份量都唔細, 牛筋有一孖, bite size 雲吞有4 粒... 先呷啖湯, 好勁蝦籽0既味, 一般清, 幾鹹, 飲多兩啖舌頭仲開始痕(??), 麻麻0地; 麵條爽口, 不過鹼水味去唔清(係一夾起就已經聞到鹼水味!), 食得好無癮; bite size 雲吞包得求其, 賣相幾醜-_-" 入面係全蝦肉, 幾爽口, 不過一般鮮味, 而且始終無豬肉, 對我0黎講都係爭d; 柱侯牛筋反而唔錯, 雖然d 汁鹹0左d, 但牛筋又入味又腍得「起膠」, 意料之外.環境唔錯, 乾淨企理, 裝修認真靚, 講究得連門柄都雕晒花的! 招呼一般, serve 我0個位阿姐一路拎住我碗麵一路放落檯一路同另一位阿姐傾偈, 幾驚佢噴晒d 口水落我碗麵度@_@" 不過食三十幾蚊0野, 都唔要求d 乜了.之前食完隔0黎何洪記, 已經覺得佢「爭d」(詳見2007 年11 月25 日食評), 但今日食完呢度之後, 原來呢度比何洪記更加「爭d」, 相信唔會再0黎了.

也是另一個開夜的晚上，又是十時許蛇出來吃宵夜，還記得以前在這裡吃過雲吞，覺得其蝦子湯很夠香味，是日就正好來試埋新鮮坑腩。坑腩也不太像坑腩的，廋的佔很大部份，只有邊位帶肥，美味與否，一看便知八九。吃一口，果然是較韌的，也硬硬的凍凍的，全不軟熟，明顯地是煮起後擱了好一陣子的，又不再放湯，不及格。湯底是蝦頭蝦尾湯，沒有蝦籽的影。麵彈牙，但帶點鹼水味，可以更好。36蚊的一碗麵，也應有更高的要求。難怪何洪記那邊早晚都咁多人。

12.7 (Fri) dinner豬軟骨拉麵：其實係幼麵。豬軟骨ｄ骨再『林』ｄ就更好，麵同豬軟骨既味道都算唔錯。麵口感ok但少，成碗野都係迷你size，好彩我當宵夜見到有set，例：糖水+碗麵就40蚊，好似唔錯，下次試下先上菜速度超快收銀阿姐好好人，見我食藥問我要唔要匙羹

欣賞完音樂會後同阿妹黎左呢度食野本身係想去天后食出名既華姐清湯腩但又驚咁夜去到已經關門唯有就地搵間類似既粉麵店代替呢間野既裝修幾靚,連對筷子都好精美但野食就麻麻,同出面普普通通十零蚊碗既雲吞麵好似冇咩分別d湯底鹼水味好重,諗住加腩汁蓋\\\\\\\住d鹼水味點知都要+1蚊先得廿六蚊一碗雲吞麵,我諗係食佢\\\\\\\d裝修同檯檯凳凳

雲吞好味,湯有好多壹粒粒蝦子同埋燒咗的魚味.服務差,冇笑容,黑口黑面,同食物,環境唔襯.貴咕D,不過裝修靚過麥*記好多,銅鑼灣無選擇.

這間銅鑼灣店專做遊客生意，本來沒有理由來試，不過結果還是戇居居的做了一次老襯。雲吞麵$25碗是預期之內，不過水準一般，麵條更仍留有鹼水味。及第粥更不濟，$32一碗粥底還是不綿，材料只得兩粒肉丸及一些豬潤豬什，卻加了些堯柱絲扮矜貴，可惜對我倆來說是毫不討好。食完喉乾頸渴，相信又是味精作怪。服務也欠佳，不會主動添水，仿似提你食完就好起身走。當日天降大雨，食客當然狼狽，侍應卻緊張非常，對未進入店內的，要先確保收好雨具才放入；對已入店的則大聲指示他們不要弄濕地面。實在令人吃得不是味兒。

前日下午介紹個ｆｒｉｅｎｄ來這家”池記”吃牛坑腩，但很失望，３３元的一碗麵只得三片薄牛腩，肉質好但沒有牛腩味，一點也不好吃...似吃牛肉麵多一些...我的河粉一點也不滑，好像是還未煮熟似的，碗麵很細，我想吃了兩碗也不會飽，總結是..連在灣仔一些$1x一碗的麵店也不及!最後我因介紹錯而向我個ｆｒｉｅｎｄ陪罪，然後去了灣仔一間去開的麵店填肚.

今日試了牛坑腩麵,肉質比九記猶有過之,但湯底不是牛骨湯,似雲吞湯較多,見到有一粒粒蝦子,同牛坑腩相配,怪怪的.甜品杏仁露甚佳,不太甜,有杏仁味,相信是生磨的,如能加些蛋白就更好.

因在附近工作,去了池記幾次.雲吞最好,湯有味精,試過食完口渴.麵則一時時,有時好,也有試過有鹼水味.粥則不過不失.比起附近其他麵店,明顯裝修,格調够高.見過出爐影帝兩公婆喺度食麵,好興奮..

睇咗師兄的評語,好奇特登去試吓,整体唔係差,雲吞幾好.装修靚,迫咗D,但起碼唔似嗰D百年老店汚糟,伙記寸,周圍D客幾斯文.我唔知以前重有間池記,不過D侍應話係羅素街開咗拾幾年喎.話之佢セ記,又唔係食名氣.....

行完街揾嘢食,見舖面乾淨,入嚟叫了壹碗雲吞麵.雲吞好味,湯底有蝦味重有壹粒粒蝦子.唔夠喉,見侍應推介又叫了坑腩麵.無黏牙,肉質好,值得推介.整體感覺幾好,下次可再嚟.