沖繩二段料理 (荷里活廣場)

營業中

休息中

令人驚喜的晚餐，本以是仿沖繩料理的餐館，卻有令人回味的感覺。沖繩風小食拼盤，配備有水雲椰菜沙津，沖繩紅豆炸包，酥炸單骨雞翼及薯條。酥炸單骨雞翼外層是脆身麵包糠，配上疑似葡汁醬料，十分惹味。紅豆炸包，外層撒上粗粒白糖，味道似沙翁，餡料有紅豆和麻糬，份量如手掌般大。食完小食拼盤已有半飽的感覺。沖繩苦瓜奄列黑咖哩飯，令人喜出望外的主菜，炒飯內還有雞肉及水雲為配料，黑咖哩香味濃郁，是微辣醬料，苦瓜味也不太苦，而奄列蛋亦煮得剛剛好。海鮮鱈魚籽意大利粉(九州直送)，原以為只有鱈魚籽，上菜時方知還有魚塊、蝦及魷魚圈，配料齊備，加上白汁醬料，味道不過不失。海鹽焦糖多士，是多士加上香草味雪糕，配上海鹽焦糖醬，並以紅芋為伴碟。雪糕襯上咸味醬料，新鮮的配搭，咸咸甜甜的感覺很特別。熱的玄米茶預先添加了糖，味道有點像啫喱糖般甜，不太自然，我個人則比較喜歡無加糖原味的玄米茶。

今日係礸石山睇完戲後經過呢間日左小食餐廳，見佢環境同食物都幾吸引， 所以就入去一試。 佢有2人餐真係多選擇特別有沖繩小食拼盤有雞亦， 沙律， 薯條，仲有個出名既炸包。同時個餐包埋一個飯一個面 。基本上3個人都夠食。 小食拼盤以炸物為主 每樣入口都好香口， 特別係雞亦上面有芝麻，入口好香好脆裡面仲幾嫩。 日式甜咖哩意粉， 入口 比較淡冇咩味 沖繩海葡萄傳統炊飯， 味道略苦不太岩我 基本上餐廳食物味道都一般，比較合適鐘意炸野既人口味。

早前參加Openrice的食評抽獎活動抽到了兩張電影卷在此先借機感謝!抽到的電影是巨鯨傳奇今天老婆仔1點便收工我又剛好放假所以打算今天看電影放映時間上只有在荷李活廣場的適合所以刻意來到鑽石山選了座位買了卷後還有一小時可以吃個午餐在這裡逛著發現這間餐廳好像不錯所以毫不猶豫就入內坐下了看到推介的套餐都很豐富我們又頗肚餓所以點了138元的套餐包括海葡萄炊飯以及芝麻雞扒甜咖哩意粉還有小食拼盤和玄米茶先來的是芝麻雞扒甜咖哩意粉菜單上指這是沖繩的甜咖哩也頗期待咖哩味很重但卻不會很辣很易入口我和老婆仔都很欣賞這咖哩說將來去沖繩一定要再試試和意粉的配合也算不錯還有一大塊雞扒製作得很香我們對整碟意粉也有很高的評價至於海葡萄炊飯老婆仔對於表面的海葡萄很感興趣外表看起來很特別不過吃上來其實沒什麼味道炒飯本應很有味道但原來裡面有老婆仔討厭的苦瓜苦味雖然不重但也令整碟飯幾乎也都交給我吃了至於小食拼盤裡面有薯條、沙律、雞翼和香芋煎包不過感覺沙律和薯條都很普通沙律味道很淡薯條也不太突出或者配回茄汁會更好不過雞翼也頗特別表面應該是灑了糖所以吃起來香的同時又不會感覺太熱氣而香芋煎包也是很不錯的甜點外面同樣是很香又灑了糖

是日午餐: 芝士黑咖哩野菜漢堡扒炊飯兩塊漢堡扒細得可憐,所謂咖哩汁係無咖哩味的,芝士又勁少,係有味飯,叫做食得下咁喇,成餐唔可以用好食黎形容,只係叫做好過無得食.呢間嘢，無下次。呢個價錢,大把選擇！

While walking through Hollywood Plaza, I noticed Antoshimo because of their fun decorations and photography booth. I didn't use it but it appears that you can take selfies. The menu is vibrantly colored with interesting Japanese fusions foods but while the images are very enticing, the menu itself is difficult to read in English and even my Chinese friend said that the Chinese was also hard to follow due to the layout. Despite this, I was able to point at foods that looked tasty and order what I

早DD食午餐, 咁就冇咁多人啦(早極咪又係12點)調味料, 又係例牌野, 不過幾乾淨環境係幾好既^^食包我麻麻, 不過個樣係幾得都會主動比水唔辣既紅色粉, O咀浸左辣椒既調味水, 正, 仲有陣陣酒味湯:唔夠hot (圖片中show出黎既麵多好多><但實物就舷幾條)Curry: 偏甜, 唔係咁like, 不過日本野係咁Salad: 睇都知too much 汁啦苦瓜egg:沖繩特產, 正, egg 軟, 苦瓜爽炸chicken:normal紫薯炸包:其實食完上面個早set都full啦, 食lee個包就覺我冇咩特別了, 唔算太甜, 即炸

流心芝士炸包($22)熱辣辣炸起，拎上手搣開都真係幾熱架搣開佢芝士唔係好澎湃咁湧出黎，都會見到有流心但就唔多，咬啖個包好鬆軟好香，芝士味原來都唔少，味道取勝。好味指數：7.5/10日式甜咖哩素肉鬆薯條($24)呢個甜咖哩都算有d蔬果粒，薯條反而炸得唔係好香脆，但食落整體唔錯。好味指數：6.5/10沖繩風蕎麥湯麵($48)配以水雲、花生、豆腐、芝麻，上碟個樣同想飲中有d出入，味道認真麻麻，唔推薦。好味指數：5/10黑糖忌廉冰咖啡($15)呢杯咖啡相當岩心水，黑糖令到咖啡更香，仲要有層冰沙，幾驚喜。好味指數：8/10窮遊指數：7/10

12點到，啲人仲未開始午飯，所以仲有好多位。叫左3個飯，兩個bun, 一杯野飲。其實店內得5枱客左右，但上菜速度好慢，多客啲都唔知要等幾耐囉！#蕃茄菠蘿燴雞炊飯#飯加左啲好似紫菜同菇一齊炊，上面放左啲木魚碎。質感好似爛飯咁，唔好食而個餸就唔錯，甜甜酸酸的，雞好嫩！#水雲鰹魚湯#就鹹左啲喇，但我愛入面的水雲！#日式甜咖喱野菜雞柳炊飯#飯一樣。個甜咖喱雞就好好味#海葡萄苦瓜雞肉炊飯#呢個飯有少少唔同，係苦瓜雞肉同菇一齊煮的，無咁爛。海葡萄脆卜卜，好好食#咖哩豚肉bun#個包好脆，炸過的，熱辣辣。餡就唔係好多，啲豬肉係絲來的。咖哩都係甜咖哩，都好好食。#紅豆bun#入面好似有年糕咁，唔太甜，正！而且年糕唔痴牙#黑糖凍咖啡#老豆話太多碎冰，之後仲自己加左啲黑糖粉落去添Bun可以再encore

星期五晚約屋企人食飯，諗住近近地鑽石山搞掂就算。但真係冇乜選擇，食黎食去都係DONDON屋、元氣果D，今次就諗住去搞D新意，試左呢間日本野。岩岩開張果陣見佢好似賣繽(炸包)為主，所以就試過外賣繽。但今次入去堂食先知佢既選擇越黎越多，有賣日式便當同西式意粉。三個人入去先叫左咖哩飯、海鮮炒意粉、墨魚汁飯，之後再加多兩個繽。叫左一個咖喱繽，一個紅芋繽。個繽一上枱係非常辣口，溫度夠。咖哩夠香，紅芋唔算甜，配埋入面既拉絲年糕，外脆內軟口感極佳。黑咖哩甜身夠香，但苦瓜炒蛋極咸 ，完全食唔到。海鮮意粉就只有黑椒同芝士粉味，略欠誠意。大蝦墨魚汁飯，顏色就好黑但食落係冇味既。總括黎講，外賣繽可以繼續支持，但堂食就難D喇。

炎炎盛夏，又是想念沖繩的日子了。於是相約友人吃沖繩便當和炸包去。  這家Antoshimo採開放式設計，自成一角，路人不多，自然採光令餐廳舒適敞亮。打開新餐牌，竟找不到沖繩便當，改以定食形式奉客。除原有的湯麵、咖喱、炊飯等和風主食外，也加入日式意粉。    選了沖繩海葡萄雞肉炊飯($68)，海葡萄是蕨藻類，一串串的小綠顆粒像葡萄，因而得名。  這兒的海葡萄算是新鮮，顏色翠綠，帶海水味，口感特殊。不過海葡萄造東西一定要新鮮吃才最美味，還是在當地吃最好吧。 炊飯內混有雞肉粒和苦瓜片，味道不差，苦瓜片夠甘苦，如能切得厚片一點口感會更佳。不過，那炊飯真是不敢恭維，飯黏作一團，明顯是擱了一段時間，奉客前才再翻熱的，而且偏稔身。  隨餐奉上水雲鰹魚湯，水雲也是我喜愛之物，也有特殊的口感，帶點煙靱，沒甚麼味道，帶微微酸香，湯偏清淡。  友人的是芝士黑咖哩野菜漢堡炊飯($54)芝士份量不多，黑咖哩比一般咖哩香濃一點，漢堡扒欠了點肉香，炊飯也是同一問題。餐飲升級為抹茶忌廉豆乳(+$15)，這豆乳十分有驚喜，面層的忌廉撒上抹茶粉，很有奶香。豆乳豆味偏濃，不會太甜，抹茶味不算濃，不會蓋過豆香。  這時的炸包

小妹一直係日本迷、之前係九州住過一段時間，難得見到有來自沖繩嘅餐廳，二話不說立刻去試。我地一行三人，叫左3個box (A、E set) 同 3個炸bun小妹叫嘅係紅芋味，有點甜，但年糕正如佢地所講もちもち～都算ok但個box真係好令人失望苦瓜蛋苦瓜唔苦但係無蛋味，只有苦瓜嘅青味個油蕎麦似中式油麵，口感ok但無味，只有少少咖哩味個雞翼味道有點怪，酸酸地咸咸地，而且好大雪味個湯ok但入面啲「豆腐」唔係豆腐，而係好香米味嘅年糕雖然服務態度ok，可惜咁嘅價格，去其他餐廳會實際啲（好似係）

同女朋友係鑽石山老荷搵野食. 好多間都食過今次試呢間見佢乜都沖繩沖繩. 日本野應該冇死落單15分鐘冇野食, 隔黎台仲耐過我都冇呢個餐有雞亦, 橋麥面, 炸魚, 湯雞亦: 1分2咁上. 共六支, 正常橋麥面: 太林, 冇橋麥味炸魚: 正常, 夠味呢個餐有咖哩漢堡, 飯, 苦瓜芝士蛋, 湯咖哩漢堡: OK 幾好味飯: 係咁多樣野入面最好味, 有味飯黎, 有D雞肉同姑姑苦瓜芝士蛋: 蛋太老, 食唔出有芝士, 好很苦既苦瓜, 十分生同爽口唔難食. 唔好味. 岩哂形容呢間餐廳

下雨天，選擇鑽石山荷里活廣場，貪其不用濕腳。荷里活廣場的食肆試過不少，逛一逛，這間標榜冲繩食品的小店，我和Honey 都未試過，所以一試。我點了菠蘿甜酸雞套餐，配菇飯（$58）。原本配日式湯（+$15升級改飲品，我選抹茶豆奶）雞肉的汁醬甜酸剛好，可惜，炸雞肉外層的脆脆層，全被汁醬浸得一pat pat。至於抹茶豆奶，不太甜，好喝！Honey點白汁蝦仁意粉，配玄米茶（$64）玄米茶改飲品（+$15升級忌廉咖啡）意粉比飯餐好。意粉好香蒜蓉味，白汁香濃，蝦仁也爽口。忌廉咖啡是沙冰，也不太甜，好喝！總括而言，食品味道尚算不錯。但店面只有一位侍應，根本應接不暇。而且，午餐份量和食材，相對價錢較貴（連加一）。兩人午餐，平均每人$80，在廣場內，可有更好的選擇。

今日在荷里活廣場附近工作，避開了繁忙的 lunch hour，到2點多才在商場內找地方醫肚。經過此食店，被獨特的沖繩音樂吸引，所以決定入內試試。由於已過了2點，食客比較少，環境也很舒適。我點了蕃茄菠蘿雞柳飯，味噌湯味道不錯；蕃茄菠蘿雞柳，味道偏酸，可以令人有開胃感覺，雞柳一食便知雪雞，沒有味道而且肉質比較實；而米飯偏淋，沒有什麼口感可言。

華仔在股票賺大錢，他說要請客! 他說也要買一隻介指向他拍拖五年的宝宝求婚，宝宝真的很幸福，因為華仔真是一個超級的好男人，他每次賺了錢，也買很多禮物給女友!為了報答我給了他股票的資訊，他帶我去一間日夲的冲繩小店Antoshimo, 我們都點了限量版的海葡萄炒飯，還有海帶湯! 價錢才68元，但不包飲品!地方很大很舒服，裝修也超可愛，得日夲化! 但海葡萄炒飯飯很甘香，海葡萄也很入味，令我們胃口大開，想不到小小的店子有這水準，真的不錯!