沖繩二段料理 (荷里活廣場)

營業中

休息中

成日去荷里活廣田，都經過呢排，次次都排晒隊，今次見到竟然只有一枱客等緊，決心一試，我地一家3個，店員安排左一張大枱俾我地，位置相當充足，唔怕bb攪到d個蒸爐👍🏻我叫左個泡菜雞肉壽喜燒烏冬，不過黎到時似乎同相就有比較多岀入，不過味道是不錯的，老公叫左漢堡黑咖哩烏冬，個咖喱味道ok嘅，不過汁就多左d反而最令人驚喜係兩個甜品包，特別係紫薯，有encore 嘅衝動，紅豆味雖無紫薯吸引，但都好食，下次再去應該只食甜品😂

看戲前先晚飯, 跟友人選了這間日本食店 (看起來好像新浦崗 mikki 那間), 各自點了黑咖哩豚肉烏冬及壽喜燒豆腐烏冬, 壽喜即菜湯底加野菜, 可是豆腐跟普通湯煮的沒有分別, 也沒甚味道, 只配上椰菜及少許菇, 只能說整個烏冬很清淡, 味道有點失色, 也沒什麼其他特式; 朋友的黑咖哩豚肉也只是不過不失, 咖哩味算淡, 整體而言烏冬類似乎比較失色, 如果再要來試定必點另外的鍋燒定食, 看到旁邊客人吃得香香的, 不期然後悔幸而驚喜在最後出現, 沒有期待下再點了甜品海鹽焦糖冬甩新地, 雖然海鹽味道並不太足夠, 實物跟餐牌上的相片也不太相附,  只是那個冬甩的香脆卻意外好吃, 加上雲尼拿雪糕及海鹽焦糖伴碟, 全晚最吃得開懷的就是它

放假先黎落雨，但係商場行下街一樣可以好開心，今日就係商場shopping同覓食!我個人好鍾意食麵包類，又好鐘意吉士! 行街經過見到Antoshimo Cafe & Bakery 有賣沖繩黑糖吉士麵包($20)，就買左一個黎試下，黑糖加吉士應該唔錯ge😁麵包一到手，熱騰騰，外脆內軟，都算香口，勝在夠熱夠軟熟，但吉士唔夠多，味道亦唔夠脆。$20一個就唔算抵食，但一試無妨，仲有其他味例如紅芋，抹茶紅豆同咖哩風味！

同中同係鑽石山 dinner gathering 我地倆個分別點左個set 我叫左漢堡烏冬 除左個湯味有特色外 其他前菜配料例如胡麻醬豆腐都好普通 另外 漢堡份量超細件加味好普通 感覺失望 整體上整個餐份量偏少 價錢每人大約 $70 下次建議都係試番招牌沖繩炸包 哈哈

下午五點幾嚟到荷里活廣場， 被Antoshimo 門口的廣告牌吸引了, 大大隻字寫 上蒸下煮， 到底是什麼呢？ 好像很有趣的樣子， 這個餐連飲品也只是五十幾蚊， 即管去試試吧 😃😃😃店內掛了很多沖繩的神獸， 為店舖加上一點點日式風采， 店鋪應該開了一段日子吧， 檯及櫈子都有點殘舊， 套餐的膠托盤 及蒸籠也有一點破爛 影響清潔分。點了豚梅肉烏冬， 平時食開豬梅頭肉， 這個叫法好像有點中式， 不知道日式餐廳也會用上梅肉這個稱呼😮😮 烏冬來了， 店員解釋烏冬要沾下層的湯底來吃， 烏冬上面撒了一層甜甜的肉鬆， 烏冬很滑 偏淋身，湯底感覺不天然， 梅肉不算很鞋。 用烏冬沾湯來吃， 吃了兩口已經忍不住將整個烏冬放到湯裏去了😂😂😂， 根本就應該要合體呀 😆~ 湯底的小窩下 甚麼也沒有， 還以為會有火呢 😅 是我想多了整個套餐最讚的是旁邊的炸雞， 香脆多汁， 外層有一點 炸米？ 總之就脆啦～飢point : 5/10#hungermarch #非飢詩

之前係沖繩食過既炸包, 知道不久前係香港開左分店, 可惜地點全部都唔就腳無綠品嚐。連續一星期都落雨, 冇戶外活動安排, 只可行商場, 行行下發覺原來係荷里活廣場都有分店, 一於買返個麵包, 懷念一下係沖繩時既感覺先本身唸住一人一個, 我想食那個紫薯中間夾住年糕既炸包, 可惜話這個已經不做了, 只有淨紫薯炸包, 如果全個都係紫薯我又覺得有點兒太溜, 所以最後我都兩人決定只點一個咖喱炸包過下口癮!麵包係即叫即炸, 到手時熱辣辣, 麵包雖側炸過, 但係唔覺太油, 就算用手拎出黎食, 隻手點完都有一種油淋淋既感覺, 麵包炸完都仲好鬆完, 好香咖喱味, 但係入面既肉只係好小小小....只有一啲啲肉絲, 佢既賣點係咖喱香...做得不錯...

今晚我去鑽石山分店食野，我有攞飛，職員仲示意我，有人食完下一張就到我，仲叫我企響門口等，唔好行開。我咪聽佢講，不過係企旁邊，唔想阻佢做生意。我見到有人埋單，心諗到啦，因為已經好肚餓…點知另一個職員比左另一個冇攞飛既客人即時入座，嬲到我爆！！頂頂頂頂頂！！！

荷里活廣場都幾多日系餐廳，呢間我應該好耐之前食過tea，但正餐未試過。主打賣沖繩名產o既餐廳，就咁睇menu 都幾吸引，而且比起同類日食好似價錢幾相宜。就試佢招牌「沖縄鍋焼きチーズ雑炊二段定食」，咁首先會有一個蒸籠主菜，豬肉、雞、海鮮或者純素都得；配一個鍋燒炊飯，有d 似意大利飯，撈埋醬油豬骨、壽喜燒或者蕃茄濃湯等；另外有舊凍食豆腐同埋o野飲。我叫o左「R1 蜜糖芥末豚梅肉」($68) 配醬油豬骨炊飯。前菜豆腐配胡麻醬，仲有好多木魚碎，十分醒胃。主菜蒸豚肉蘸上honey mustard，為本身比較清淡o既肉生色不少，而且份量都有番咁上下，又肉又菜。個飯呢，一上檯個哥哥就教o左我地，d 芝士係落落去d 飯度再攪拌的。o岩o岩落o個剎，突然覺得個賣相激似鹹魚/鹹蛋肉餅飯 (唉呀sorry ah……)，因為粒深橙色大芝士成舊鹹蛋咁，d 黃色芝士條又好似薑，跟住米餅d 飯黐埋一舊反而似肉餅，加埋個銀色o既兜好令人聯想起一盅盅飯……ok 番番o黎，其實撈埋係ok 的，芝士味幾濃郁，同埋溶o左會變成個質感幾好o既撈飯，係略嫌本身個湯都係多o左少少，而家有d 水jer jer 收唔到汁。加$18 至

由於是日唔想諗食咩，見這間餐牌夠簡潔，之前又路過這兒多次亦尚未試這兒嘅特色脆包，決定今次去試一試。簡單地叫咗個A餐配紅芋脆包及蜜桃紅茶，之後等食…首先嚟芝士併盤，有無咩味嘅胡麻醬豆腐，有又凍又腍薯條，最係唯一ok嘅芝士炸雞；至於個特色紅芋脆包，唔知有咩特別，只係一個炸包，餡料無咩味道，只係甜甜地嘅蓉咁豚梅肉黑咖喱烏冬嘅咖哩無咖哩味，但烏冬口感不錯。大蝦蕃茄濃芝士炊飯味道香濃，夠芝士味，可惜部份海鮮不新鮮，尤其係魚塊…有“乸”味

引入左沖繩炸包呢樣名物多年，一開始傳媒大力宣傳，不過熱潮好快就過去。作為吃貨，一路都想試食一下，但無奈聽到「炸包」呢個名，都會有點卻步，怕太油膩太炸。由屋企樓下商場開左呢間店舖，直到自己搬埋屋，事隔幾年，終於有一日下午茶時段經過，買左個黎試下。選揀既口味係今期流行 - 紫薯($20)。一開始以為沖繩紅芋係芋頭，不過店員話係紫薯，我都傻傻分不清楚。炸包比拳頭大少許，係即炸既，熱辣辣。咬落十分香脆，估唔到入面層「饅頭」都有用紫薯加麵粉咁搓。不過餡料就明顯無圖咁多，只係佔半個包既面積。紫薯蓉唔會太甜，亦唔膩，配埋炸包食都幾好味。下午茶黎講，都可以一試。

Antoshimo cafe&bakery 嘅沖繩芝士二段(蜜糖芥末漢堡扒)定食甜品]💲82.先用6分鐘將蒸籠嘅配料蒸熟然後再蕃茄汁同飯拌好✨再加入芝士個漢堡扒好juicy!!好香!!同蜜糖芥末好match!!好食!!同蕃茄飯味道唔夠濃🙁不過加左芝士加番分記住問店員攞多啲芝士😈唔洗怕羞😈😈😈😈💕總括黎講喱個炊飯幾有特色幾特別✨不過飯量少左啲😛同樣食完仲有甜品送✨

因其2段烏冬慕名而來， 但當坐下時被告知，由於消防問題，已經無左火鍋爐的食法。不過一場黎到，都坐低左試下食啦！四個人叫左三個烏冬，一個芝士飯。食物黎到， 依然係好似蒸煮咁出， 上面係蒸籠，下面係烏冬火鍋。雖然無左火鍋爐，但係味道還是很好， 湯底夠味，扁烏冬彈牙， 唯一不足係梅肉唔夠味道。芝士飯要自己另加芝士，係咁撈撈到芝士熔解，不過撈完都無出面芝士撈飯咁好食，如果講突出的，都係烏冬好食點！最後買單308 4個人， 晚餐黎講算唔錯啦！

一人晚餐時間，被餐廳門外的餐牌吸引著，是很久沒吃的咖哩掛烏冬！沒有懸念走進食店。餐牌花多眼亂，終於選好了黑咖哩烏冬配漢堡蒸籠。連飲品才$8x，cp值挺高。上菜時熱熱的，蒸氣撲鼻，很配合當天有點冷^_^蒸籠裡的食物比較淡味，我直接把食物拌在咖哩中黑咖哩惹味而且分量足，值得一讚烏冬面口感一般，不過不失。漢堡排有驚喜，拌在咖哩中很搭！在香港比較少有咖哩掛烏冬，如果是咖哩愛好者，可以一試，藉此回味一下日本的味道吧～

這次我們點了梅豚肉岩鹽蒸烏冬、岩鹽燒魚柳蒸烏冬、炸雞和凍豆腐，飲品選了2杯凍蜜桃茶。話說蒸烏冬這個吃法好新奇，從來未吃過呢店員首先會將蒸烏冬的蒸籠和電磁爐放在枱面上，然後把蒸籠蓋蓋上就開啟電磁爐，計時器倒數6分鐘後，便可以開餐了剛蒸好的烏冬是熱騰騰的，賣相也蠻吸引。因為烏冬蒸煮的時間很短，應該不能靠6分鐘時間把蒸籠內全部食物蒸熟，所以蒸籠內的食物也有預先煮熟。烏冬很滑溜，大概因為短時間蒸煮能保持其本身的水分，烏冬上拌著少許蒜頭，有微微的咸味和蒜香，十分好吃至於餸菜方面，魚柳十分爽口彈牙，梅豚肉有少許騷味，感覺想很便宜的豚肉片而已。而紅蘿蔔、椰菜和菇也散發著微微的咸味。飲品方面，凍蜜桃茶很大杯，略嫌太甜，味道一般。

無目標用膳，選餐廳會先看meun，此餐廳的meun吸引，卡通公仔加上食物鮮明，就算不太懂沖繩料理也被吸引。加上餐廳位於open area，看到座位也挺舒適，便和兩位友人入去用餐。先說整體感覺，就像一套劇本、道具、服裝、配樂、配角都出色的電影，但主角的演出慘不忍睹，足以令整套戲的分數跌至50分。價錢實惠，二人餐248，兩主食加上芝士拼盤，沖繩炸包，奉送甜品、飲品。餐廳裝修不錯，位置也舒適。料理也夠特別，檯上的爐也有趣。服務也滿意。奉送的甜品 - 沖繩冬甩新地是整個餐最好的，冬甩脆口不油膩，配上雪糕，不太甜，加上是奉送，此甜品有90分。沖繩炸包香噴噴，有三種口味。芝士拼盤也不錯，芝士味夠。明太子忌廉燒魚柳湯烏冬 - 明太子忌廉配烏冬不會撞板，但明太子的份量奇少，吃不出明太子的辣味。最吊詭的是魚柳，看似炸（燒）過，但放在蒸爐上，魚柳變得淋之之，還有沙律醬，奇怪的感覺實在想像到。而且魚柳太咸，極重雪味，作為主食中的主角，真的完全不對板。其實這餐廳賣的沖繩料理特別，若可改善下主菜的食材質素，相信會更吸引客人。