沙嗲王 (新都城中心二期)

營業中

休息中

又到食晏時間啦，路過新都城，一邊睇下有什麼好食。原本想去南記度食，冇乜選擇價錢又唔平，都係香港仔老店舖好味啲。再搵，見到一間沙嗲王，鋪頭寬敞環境光猛仲好新淨及整潔，便入去吃。我們order咗一個海鮮沙嗲米線和印度薄餅配黃咖哩汁。海鮮沙嗲米線，兩隻中蝦、兩條墨魚、一隻青口、芽菜及三四隻蜆仔。沙嗲味好香濃，還花生嘅味道，湯底唔口渴，米線一般嘅米線啦。整體嚟講係唔錯嘅。印度薄餅配黃咖哩汁，薄餅熱辣辣，有啲啲香脆，黃咖哩汁好香濃。用q r code落單可以平兩蚊又方便。第一次登記做會員，還有五蚊coupon送，仲可以立即使用。我拿拿林當然登記做會員啦。整體嚟講，食物ok嘅，環境整潔。不妨一試。

今日叫左兩個午歺，必食白咖喱豬扒飯，當然冇得輸，味道一如既往嘅好，另外叫左一個泰式酸辣鱸魚，但係等咗好耐，差唔多20分鐘都未上，重有份量太少，冇几啖食晒完，仲叫咗個手拍青瓜非常好味，另外職員叫我地自助落單可以減兩蚊，但係佢又要過嚟打張單俾我哋，其實同我哋攞單有咩分別？慳唔到幾多…

去新都城中心行街，又到3點幾下午茶時間就周圍行下睇有咩好食，咁下午茶就想食炸野，又見到呢間沙嗲王好似幾抵咁就試下。睇佢餐牌見佢既餐20幾30蚊就有下午茶，最後叫咗兩個餐 白咖哩豬扒米線同蒜蓉牛油雞翼配薯條，同兩餐都好味，蒜蓉牛油雞翼仲要係即炸出黎，夠晒熱。個店員仲同我地講用手機點餐可以有得減2蚊，抵食既下午茶。

好耐都冇食過沙嗲王 見到呢度有間就拎張飛等位 諗住食個白咖喱😆入去見到有個二人餐$236 懶得諗就直接嗌呢個用手機落單都幾方便 好過之前人手落單不過唔知佢哋人手不足定係編排有問題好多張枱都冇執 出面又排晒隊餐湯冇乜味沙律麻麻哋白咖喱鐵板巨髀飯 普通白咖喱冇之前咁好食 啲味好似唔同咗佢用鐵板上但係個鐵板唔熱 只係微暖隻巨髀都冇之前咁大隻冬陰功海鮮烏冬 佢個湯底唔夠酸唔夠辣唔似冬陰功 不過隻烏冬係讚岐烏冬好食同個半隻溏心蛋都OK蒜蓉牛油雞翼 炸得好脆 不過有啲油朱古力沙冰啲朱古力味真係好濃 好好飲👍🏻但係芒果椰汁沙冰西米 佢啲西米唔知點解好似未煮熟咁 咬落去好硬 🙄男友話成餐飯最好食係個雪糕 最保持到水準🤣🤣芒果椰汁西米露啲西米 同杯嘢飲嘅西米一樣都係好硬🙄但係味道OK成餐飯計埋+1 $259咁嘅質素真係有啲失望

由中學時期食到宜家都十幾年，品牌味道仲keep到一定水準，最出名當然係白咖喱🍛飯啦，個咖喱有咖喱味，辣味比較輕，適合唔太食到辣的我。配菜香茅豬扒，十分好味。另外仲叫左個大雞髀。肉質嫩滑。

呢日 #小秘書 再次失守👉🏻👈🏻 又一次破財💸 比人說咗成粒鐘，離開美容院已經三點有多，個肚已經肚到咕咕聲😅 講真… 商場裡面嘅餐廳大部份都試過哂，適逢今日「沙嗲王」冇人排隊，一於入去食埋個 #下午茶餐 先去下一站。餐牌上明明寫住可以自選 #醬汁，點知落單嘅時候，侍應話 #滑lulu蛋香茅豬扒飯 係冇醬汁㗎，所以唔可以加咖喱汁（但係餐牌話呢個飯可以配 #自家醬油 㗎喎），咁點解又話唔可以轉呢？哎 咁我唯有轉過第二樣，要咗個 #白咖喱香茅豬扒飯，分量比我想像中多，白咖喱依然惹味，不過件豬扒就真係好肥，咬落去啖啖肥油… 雖然有啲罪惡咁，不過配埋啲咖喱又幾好味🤤 所以最後都係食晒落肚😆整體質素都唔差，不過價錢係比一般茶餐貴咗少少，間中幫襯吓都無妨嘅😉

今日行行下新都城，想食下咖哩飯，沙嗲王招牌菜又係白咖哩，話時話我都有好幾年無食沙嗲王，所以今次都想試試佢，睇下質素可否保持返之前級數。咁一坐低，環境空間真心唔錯，幸好當時的客人人數唔係多，所以又唔會感覺太迫夾。所以今日可以好好享受食個飯。咁落左個白咖哩豬扒飯，再加埋雞軟骨小食。過大約十分鐘後，主角上桌了，香濃白咖哩味呈現眼前，所以覺得好吸引。豬扒感覺係少少脆香感覺，配上白咖哩，香味更好。所以保持返以往的水準，可以再試試。

星期六一家來晚餐。我同小朋友好鍾意食佢呢個烤餅，酥香軟得黎又外脆佢個生炸雞翼同椒鹽雞軟骨都好有水準，香脆又不油膩。之前食過佢牛油雞翼麻麻地（好似係推介菜式）可以不試。石鍋蝦醬通菜好香蝦醬味，大愛，淨呢個餸可以食一碗飯冬蔭功海鮮烏冬就麻麻地，唔夠酸同辣，應該配粉絲會好味d。

早係十年八年前，沙嗲王曾經開到成行成市。以往亦有約朋友到沙嗲王食晚餐。但我諗大約都有三四年無再幫襯喇。咁啱今日要早起入將軍澳。就試下你換返啲回憶返嚟啦。我自己就未食過沙嗲王嘅早餐嘅。所以我對佢無咩期望。早餐比我想像中大份。魚柳雞扒亦都真心出色，另外一提就係，成份早餐我最鍾意嘅蛋，唔好睇佢平平無奇，不來佢係溏心蛋喇架。係咪好吸引呢。整體成個早餐係充滿驚喜。雖然佢已經不再風光，但我都好希望佢能夠繼續做落去。除咗味道好之外，亦都有一種回憶。

都好多年冇食過沙嗲王啦，最近見佢將個品牌大翻身，裝修設計都幾新穎，假日見冇咩人排隊、下午茶套餐又幾優惠就試咗，竟然都幾有驚喜！ 🍴 冬陰公肩胛肥牛米線 ($50) ⭐️⭐️⭐️⭐️ 餐牌上原本係沙嗲肩胛肥牛粉絲，不過可以轉湯底同埋麵，我就將佢轉咗做冬陰功同埋米線，酸酸辣辣好開胃，肥牛份量都算多，不過就有少少韌，整體都唔錯。 🍴 白咖哩香矛豬扒米線 ($52) ⭐️⭐️⭐️💫 其中一款招牌湯底，香茅豬扒配上白咖喱真係一絕，我鍾意襯米線多過原本餐牌上嘅拉麵，米線配埋個湯底真係想連湯汁都飲埋！ 🍴 蒜蓉牛油雞翼 + 薯條 ($29) ⭐️⭐️⭐️ 炸得啱啱好，有少少蒜蓉嘅香味，咬開個皮之後d煙冒出嚟，好新鮮好脆！薯條份量都唔少，性價比好高！ .............................. 沙嗲王 (新都城中心) 地址📍: 將軍澳貿業路8號新都城中心2期2樓2001-02 & 2087A號舖 總評分: 6.6/10 .............................. 味道😋: ⭐️⭐️⭐️💫 環境👀: ⭐️⭐️⭐️💫 服務👨🏻‍🍳: ⭐️⭐️⭐️ 衛生🧹: ⭐️⭐️💫 抵食💰: ⭐️⭐️⭐️⭐️

最近沙嗲王做緊優惠，好多經典小食/菜式嘅價錢返返去12年前嘅價位，令到好耐冇幫襯嘅小編都忍唔住，兒時回憶都通通返晒嚟！不過今次唔係好肚餓，所以就淨係叫咗佢嘅優惠下午茶餐。《蒜蓉牛油雞翼🐥+蒜香牛油烤餅 $38 》加配 《迷你沙嗲米線$8》雞翼嘅牛油味都算香濃，蒜蓉味唔會太勁，炸得夠脆卜卜，而且都幾大隻。牛油烤餅夠鬆軟，蒜味幾香，不過始終冇配咖喱汁都係差少少🤪加埋$8多個米線真係夠晒飽肚同底食，湯底同我嘅回憶中一樣，都係咁香濃。《白咖喱豬扒拉麵🐷》實不相瞞，小編曾幾何時都好迷戀呢個拉麵🙈，雖然拉麵面底唔算好特別，但係佢嘅白咖喱湯底真係好濃郁，記得當時初初推出嘅時候真係超有人氣呢！豬扒肉質鬆軟，而且香茅味十足，好味。不過仲有一樣野都係冇變，就係食完之後都幾口渴⋯🙈

我哋叫咗沙嗲王外賣，叫咗招牌白咖喱豬扒飯，同埋白咖喱豬扒烏冬，另外叫咗個咖喱薄餅。送到黎嘅時候個豬扒擺喺白飯面，個汁就分開擺，唔知係咪外賣關係，我覺得豬扒有啲硬😅冇堂食咁好食，我哋嗌多咗個白飯加底，俾仔仔食。個白咖喱豬扒烏冬，嚟嘅時候個湯同啲面係分開，咁就唔會因為時間等得耐而林晒，基本上送到上嚟嘅時候仲係熱辣辣。跟住就係我哋最鍾意食嘅咖喱薄餅，薄餅仲有美味地嘅熱，小朋友食得好開心，唔算好油膩，好香脆可口。

香茅豬扒粉絲湯底 很淡， 沒有以前的濃郁杰身， 粉絲也沒有以前的煙韌七喜不夠"氣" 最離譜係進食途中， 竟有員工推著手推車， 到鄰桌收拾碗碟， 手推車看似裝 "豬 餿"一樣的, 那員工將湯汁續个倒入那"餿水箱"內 ,勁影響食慾， 唔知道嗰條走廊其實很窄, 個人覺得很過份 ， 還收加一服務費 .其實可以喺手推車設計上加裝三邊圍板， 美觀很多，大家樂都做到，為何一間餐廳做不到I

係開飯訂外買自取，已到取貨時間都話末有，最後要等多半小時，想取消都話唔得😡，而且見到d人到門市外買盡快過過開飯訂😡，都唔明咩服務太度全部做唔到取貨時間，不只第一次訂，我訂左幾次次次都唔準時取貨，請改善下服務承諾。

白咖喱香茅豬扒飯🥄香茅豬扒都算大塊，有2-3塊，肉質都幾‘林’，啲咖喱汁又夠香，　keep到好似以前咁嘅味道，難得👍🏻嚟沙嗲王必食😋　沙嗲肥牛粉絲🥢沙嗲湯底好似糊仔一樣😖唔知想點，味道可以，肥牛都唔差輕量滑LuLu蛋雞扒飯🥄啲飯一啲都吾輕量😂😂蛋吾會真係去到滑LuLu雞扒皮脆卜卜，雞肉好滑👍🏻另外飲品我地叫左凍荔枝紅茶同特濃朱古力沙冰跟餐叫荔枝紅茶要加$2紅茶略苦，荔枝味係ok，仲有啫喱配埋而特濃朱古力沙冰就要加$13柸朱古力一啲都吾好飲，朋友飲左兩啖就冇飲到