沙嗲王 (新都城中心二期)

營業中

休息中

不嬲都中意食佢白咖哩豬扒飯，見佢外賣上門都算多野簡，忽然想試厚切焗豬扒飯，睇相好似吾錯，試下啦。點知中曬伏，個飯份量好少，一隻匙羹畢一下，d 飯只係舖平隻匙羹甘少，就已經畢到底，可能得半碗飯，吾夠飽都算，豬扒好細塊，仲要3分之2塊都係肥膏。我去大x樂食個焗豬性價比高好多。再甘樣做生意吾只會趕客，以後都吾會再比機會。

價錢抵，又快，很好的選擇。版面方便易用，簡單都是不錯的選擇。比預計的時間也快很多，只是攞餐要在收銀處排長龍，如果可在帶位counter 那裏取餐那就更好。希望能夠改善此安排。

自從「沙嗲王」改頭換面之後，似乎真係吸引到一批年青嘅客人幫襯。仲記得細個嘅時候，最鐘意食佢哋嘅 #沙嗲魚柳湯米線😋 雖然明知係「肥死人系列」食材，但係都會偶爾去幫襯😅... 不過人大咗，漸漸已經喺我記憶中消失。估唔到咁啱呢晚朋友仔會提議去「沙嗲王」食飯，終於有機會再返去試吓。喺呢個非常時期，weekdays都坐滿客，實在難得。本來諗住照舊叫碗 #沙嗲湯米線，點知望均勻成個餐牌，都冇沙嗲食材😅 唯有退而求其次，跟餐牌上推介，叫咗個 #滑lulu蛋黃咖喱吉列豬扒飯、再加兩隻 #蒜香燒雞翼 嚟share。厚切嘅 #吉列豬扒，出奇地鬆化，口感不油不膩，配埋 #黃咖哩汁，真係好惹味👍🏻 至於隻 #雞翼，雖然睇起嚟有啲燶，不過又腌製得幾入味，一人一隻份量啱啱好。食完呢餐感覺好滿足，仲將我早前對佢嘅劣評通通忘記哂... 唔錯唔錯😆

真係好多年冇食過沙嗲王，自從冇喺觀塘做嘢之後已經多年冇食過了😅今次過去寶琳經過見到白豬扒飯一定要再試，講真其他食店都好多位，呢間都起碼有八九成滿座👍🏼我當然一定要叫白豬扒飯，有好香嘅香茅味道，完全無咖哩味。d肉好淋。我老公叫左肩胛肥牛飯，沙嗲汁底好野味👍🏼 好食😋跟餐飲品半價，叫左一半小甜凍啫喱奶茶，好飲👍🏼一杯芒果西米沙冰，呢杯比較似甜品芒果西米露，感覺怪怪不過唔係唔好飲😅 只係感覺一路食飯一路飲甜品😂

好耐無食沙嗲王喇，將軍澳區嘅新都城都開咗間，好似話開始營業嘅時候有啲運亂，所以我哋都係等開業一段時間穩定咗先去食。原來而家係用電話search QR code點餐，更方便快捷準確。沙嗲王嘅食物比我感覺一向唔錯，呢間都一樣而且地方乾淨，服務態度唔錯幾有禮貌而且其中嘅蟹粉豆腐鍋比到我驚喜，食完走出門口仲講咗幾次好味。除咗午巿套餐仲有學生套餐，價錢比午巿套餐平$5-$20。升級套餐：+$10是日餐湯，一般嘅白湯味，唔稀，蘑菇算多。+$15一口炸雞球，有啲辣，雞肉有少少鞋，但都脆嘅，不過有啲係熱，有啲係凍。+$15脆蝦棒，脆卜卜加埋醬好味。+$10奶油娃娃菜，煮娃娃菜唔會有難度，純粹扮健康同事點。蟹粉豆腐鍋配飯，汁料有好香濃嘅鹹蛋黃味，蟹粉味，絕對唔係死鹹，豆腐嫩滑，上面仲舖咗蟹肉，送飯一流，真係有回味無窮嘅感覺，鹹蛋黃迷必試。芝士焗牛柳粒飯，牛柳粒都幾多，舖面嘅芝士好足料，唔錯㗎。黃咖哩脆炸鱸魚米線，每份係半條魚，起咗中間嘅大骨，好香脆，魚肉新鮮唔鞋，米線湯底好濃，就咁食都唔會清。+$2凍奶茶。+$2凍荔枝紅茶(配啫喱)，茶味幾濃。+$7凍紫薯鮮奶配珍珠，無咩紫薯味，係比較厚同杰身。

沙嗲王可謂充滿兒時回憶，細個成日去食，跟住好長一段時間冇再去，沙嗲王呢個名就好似沉寂咗一段時間。經過革新之後，沙嗲王返嚟喇，同以前一樣都係大排長龍，食飯時間總係人山人海，所以避過繁忙時間去試試。白咖喱豬扒飯 — 2- 3 件豬扒熱辣辣好 Juicy，配埋啲白咖喱好餸飯，份量好足料 特大雞扒配薯條 — 呢個製作需時，至少等 15 分鐘，上枱時真係嘩嘩聲，堅係特大雞扒，皮脆肉嫩，切開時仲有肉汁，調味略淡但食到雞味，薯條份量好多可開心share 恭喜沙嗲王再次成為心水飯堂之一！

其實我唔食吵嗲／咖哩 所以選擇唔淨得好多😶最後揀咗個鮑汁雜菌豆腐鍋($49)+白飯加底($5)個鍋俾相像中細 預一個人食一定要加飯 如果唔係一定唔飽 亦唔可以淨食豆腐 因為煲野好鹹 撈飯好啲而且佢啲飯算好食個煲主要係軟豆腐 冬菇 草菇不過佢超級熱 去到食完都仲好熱🔥最好等佢涼一陣先 否則辣襯就食唔到味味道okay啦 豆腐都滑嫰 不過就唔特別同埋都易煮 都係落成磚軟豆腐 菇 一包鮑魚汁 煮熟自己都整到 唔值$54個人麻麻地沙嗲王😕如果唔係友人想食都唔會食佢

好久沒吃過沙爹王，週末來寶琳逛街的時候路過，於是決定在這吃午餐。週末好多都是一家大小一起來吃，這家店深受小朋友歡迎。招牌白咖喱豬扒飯白咖喱香而不膩，豬扒有點像越南的香茅豬扒，咬下去不會太乾，淋上白咖喱汁好正。平時吃不下太多白飯，配上他們的咖喱汁都能把飯全吃完。石鍋蟹肉豆腐煲上菜的時候還是沸騰的，好香的蟹黃味。可以選擇白飯或者印度煎餅，必食！紅酒芝士薯條另外叫了焗薯條，吃起來像平時外面的poutine，薯條炸得很脆。不過不是太嚐到紅酒味。

雖然沙嗲王並唔係烏冬聞名， 但係佢嘅烏冬質素唔錯。 尤其是係個白咖哩烏冬， 以前每次嚟都會選擇香茅豬扒白咖哩烏冬， 個白咖哩湯底一啲都唔辣 ，烏冬亦都做得好滑， 所以好好味， 美中不足嘅係個香茅豬扒做得比較差， 豬扒嘅肉質太林， 毫無質感。近期發現原來佢有個厚切吉列豬扒白咖哩湯烏冬， 吉列豬扒比香茅豬扒做得好D， 起碼肉質結實D，口感較好。 所以厚切吉列豬扒湯烏冬已經成為咗我嘅首選。另外佢嘅炸春捲都整得幾香脆，不防一試。另外佢嘅特色飲品系列入面嘅特濃朱古力沙冰， 上面有一層厚厚嘅阿華田粉，好飲😋。

今晚早左6點食飯，就去左食呢間，平時都要等好耐，不過今次都要等左大約10分鐘先有得入。我就叫左個黃咖喱香茅豬排飯，$63都唔算太貴。首先值得一讚係個汁，好濃同好香，用黎送飯食啱曬。而且個豬排都好鬆軟，好易咬到。唯一不足嘅地方係坐嘅位比較逼，食得無咁舒服。

與同住新界東的朋友們飯聚，在假日的下午一於來試一試這家開業不久的「沙嗲王」。曾幾何時「沙嗲王」盛極一時，幾乎每個區都能尋得分店，可是不知何解餐廳突然間關掉一間又一間，漸漸地消聲匿跡了。聽說那是因著SARS和金融風暴等的惡劣情況，那時候失業率飇升，甚麼股票地產債劵通通一鋪清，好些人日日無奈上演扮番工，然後待在快餐店裡等著吃二手飯。既然都沒人出街用餐，「沙嗲王」又豈能渡過寒冬？天作孽，猶可恕；自作孽，不可活。只願今天的香港不要歷史重演。勢料不到這「沙嗲王」竟在事過境遷，經濟重拾正軌的多年以後捲土重來，而且更在基哥的大型商場開張營業。「沙嗲王」的再現會否屬另一個秋官效應？由於朋友表示想吃沙嗲，故咱們第一時間想起餐廳來。小的對餐廳出品其實印象模糊，記憶中彷彿是有沙嗲和咖喱粉麵的選擇。午市的繁忙時段來到「沙嗲王」，由於有著新廁所的效應，餐廳其門如市。倆小口子提早到達卻以為一向更早的朋友倆經已抵達，小的走入餐廳的大堂來回巡疏，始終不見人蹤。幸好小的一向兩手準備，在尋人之前已預先取票輪候。雖然老伴一向不愛等位，但他卻更是個為別人赴湯渡火的人，既然朋友揀了「沙嗲王」，而且尚未到達，咱們便順理成章地耐心

星期日同屋企人一齊落街食個下午茶，屋企附近開咗沙嗲王但一直未有機會試。今日決定一齊嚟試下。睇餐牌比大大隻雞脾的圖片吸引了，決定要嗌呢個！下午茶餐本身配熱飲或汽水。如果不用飲料，還可以減$2。而我今天決定比自己少少放縱，點了「鐵板嬌嫩巨脾配薯條」及+$2配凍蘋果綠茶配啫喱。雞脾即點即煮，要預20分鐘時間製作。雞脾已預先起⻣，及在中間切了一刀，賣相似雞扒，外皮煎得香，雞肉嫩滑多汁，而且預先起骨感覺很貼心。薯條炸得不錯，沒有落鹽，原汁原味，食落唔會有太多油。凍蘋果綠茶配啫喱飲唔到綠茶味，普普通通。

今日屋企人見到咖喱王開咗第五人格嘅主題，好想試，於是我都過咗嚟試一下，試一下聞名已久嘅咖喱。呢度最出名嘅係白咖喱豬扒飯，我又點可以唔試吓呢？試咗之後覺得好好食，畫龍點睛之處在於咖喱，佢啲咖喱同普通咖喱有啲唔同，超級香忌廉味，係好食啲嘅，豬扒同埋飯都OK，但咖喱真係太吸引啦。

食左神級白咖哩豬已經好多年近期嗲王密密係唔同既區再開都有去食今晚黎到將軍澳新都城成個場都好光猛黃藍白既配色好醒目個#白咖喱豬扒飯 signboard 好型呢期做緊第5人格crossover但我無打, 就恕我pass啦~(之前Eva 我有試架😂)今日食左個半熟蛋雞扒飯老實講, 真係等左好耐,落單後成35-40分鐘先黎,友人既白咖喱早已經係胃到消化緊🤦🏻‍♂️不過, 係值得等既!用鐵板上成件事好有氣派又幫成個餐keep warm而件雞扒真係正, 調味一流煎香,微焦, 份量都好足👍🏻加埋個豉油+蔥油既配搭簡單, 傳統, 正!另外加左個蒜蓉牛油焗蜆好香, 味道濃郁,連埋d湯汁一齊食, 味蕾大滿足但份量偏少, 兩野食完閒日食晚餐始終王者級別,當其他餐廳只有小貓3,4隻嗲王早已要拎飛.PS: d 生水好生, 生過無煲過既溪水

是日中午突然想食沙嗲王，所以身體力行坐車去食，中午排隊人數唔多，五分鐘左右就入得去。都知沙嗲王最岀名唔係沙嗲而係白咖哩，但今日想一反常態食沙嗲所以就叫左沙嗲肥牛湯粉絲，再加個印度燒餅。沙嗲味唔算太濃，但都食得岀沙嗲味，粉絲比較淋無咩咬口，有少少食糊仔既感覺，肥牛份量一般。印度燒餅反而有驚喜，上枱熱辣辣，夠鬆軟，口感幾好唔會太乾，用黎沾汁好好食，奈何最重要個汁就比較失望，睇黎下次都係食番的白咖哩比較好。