沙嗲王 (已結業)

很久很久以前吃過它的白咖喱香茅豬扒飯，香茅味夠濃，覺得做得不錯，但後來妹妹說己退步了，香茅味不足，這已令我卻步。不過由於妹妹吃完有二十元現金劵回贈，眼見快要到期，於是試試那白咖喱香茅豬扒飯，雖然味道差了，但可能還可接受，反正現在很多食肆加價之餘，食物味道都在退步之中，這已是普遍現象，只是能否接受。白咖喱香茅豬扒飯($53)飯餸分開上，這顧及了不喜歡或不想飯撈汁的食客。有很多咖喱汁在那碟白咖喱香茅豬扒，椰汁份量不減，豬扒份量有約5小件，起初以為有很多豬扒，一吃之下，發覺豬扒原來是切得很薄，是肉片的厚度，怪不得有5小件之多! 要求不高的話，香茅尚算足夠；白咖喱的味道也可以，豬扒越吃越覺得咸了點，但肉鬆粉實在加得太多，頗濃的豬扒底味及白咖喱味都仍未能掩蓋那不悅的味道，可見肉鬆粉的破壞力太大，我是無法接受。幸好那些白飯，好像用上珍珠米，口感帶點軟糯，這飯給我一點點驚喜，但仍令我不會再有下次。

話說今日漂完牙果幾日建議唔好食有色嘅野，諗左好耐究竟食麥好呢？不如食粥？白色實唔怕。點知即比人Ban左！機智嘅女友人提議食<<沙嗲王>>。我心諗唔係掛，食完咪成排牙啡哂！估唔到佢同我講食<<白咖哩豬扒飯>>！！，突然間覺得佢真係好醒！白咖哩咪白色囉！實令堋牙愈食愈白！哈哈<<白咖哩豬扒飯>>白咖喱配香茂豬扒真係一流！豬扒微辣惹味，白咖哩汁濃郁，有大量汁可以撈飯，正！呢個配搭好完美，由細食到大，都仲好鐘意食。<<白咖哩安格斯牛粉絲>>超多粉絲，見朋友食左好耐都食唔哂！安格斯就名黎o既車，同普通肥牛差唔多。<<意大利乳酪五穀沙冰>>好想推介一下呢杯聽個名好似好健康，諗住佢實唔會好味，咁你就錯啦！呢杯沙冰入面嘅五穀係脆架！！！飲落好crunchy，細細粒融入d沙冰到，好正！而佢嘅乳酪，係酸味較少，甜味較重，我個人幾喜歡！仲有加左少許朱古力碎&棉花糖，口感唔錯！感覺係用心之作，唔係平時果d咩青蘋果綠茶類嘅頹野😂

今晚同友人經過山東街，抬頭一望見到沙嗲嘅招牌，回想讀書時代嘅飯堂，就提議同友人是日晚餐不如就喺沙嗲王解決，等位等左大約15分鐘(都真係幾多粉絲)就安排入座，環境比以前果種黑媽媽嘅感覺爭好遠，小妹記得佢地興海盜佈置，不過時代唔同(好明顯真係好耐無黎過)而家環境夠晒光猛，同時都係有禁制叫人落單，加水，結帳，呢個設計真係幾好！咁耐無黎，梗係要叫返個白咖哩香茅豬扒飯！白咖哩一啲都唔辣，仲有好香嘅椰香味，又夠幼滑！香茅豬扒夠入味，一啲都唔油膩，豬扒肉厚，每咬一口都保持到有肉汁同爽口， 可埋啲乾蔥配搭，一流！試左一口友人叫嘅黑椒雞扒，都值得一試！因為雞扒表皮煎得香脆，而且唔會煎到好乾，仲好嫩滑又juicy...仲一啲都唔辣，小妹下次都要叫呢個雞扒！

每次喺旺角唸唔到食咩都會唸起沙嗲王😬貪佢平，靚，正！同埋cash coupon無限loop地用有新野食喺張墊枱紙度見個picture咁靚就捧下場先 白汁芝士鱈魚柳海鮮焗飯 熱辣辣地送上，飯係炒飯底鱈魚一d都唔腥arrrr而勁香嘅芝士味係撲鼻而來的個種芝士就好似平時我地BBQ燒嘅芝士腸嘅芝士好有親切感😜除了一大塊長過個焗碗嘅厚切鱈魚，仲鋪滿左要meet蝦尾嘅蝦同埋椰菜，勁豐富！加上白汁，超滋味安格斯肥牛沙嗲拉麵 等左好耐，終於湯好隻牛喇Li個之前食過再encore的，事關佢濃稠嘅沙嗲湯底配搭安格斯牛肉And 拉麵隻3個country嘅signature 於一碗拉麵度好match, 真材實料，好讚！青檸梳打爽呀

今日，我叫避風塘炒蟹、薯仔沙律和蟹粉豆腐煱⋯⋯個避風塘炒蟹，有好香的蒜香味，蟹表面好金黃色：食落去外脆內軟，不太乾身！另外，蟹粉豆腐煱熱騰騰上碟：份量十足，豆腐好滑，蟹膏味好濃郁。正呀另外，薯仔沙律外表好普通:但食落去好多薯肉，唔係用粉開的薯蓉。呢啲先係真正的薯蓉。

知道沙爹王同芒亨出crossover,我同老公當然要去潮聖 我點了鬼人藥，其實係利賓納洛神花菜，酸酸甜甜，幾好飲5/10分 老公點了大回復藥，即是青蘋果荔枝薄荷特飲，大回復藥當然要加蜂蜜！不太覺得有薄荷味，但加上蜂蜜都唔會太甜，好飲！6/10分 老公點了雞肉拼盤，雞肉好嫩滑，但味道較偏淡，不夠入味，薯角味道不俗。6/10分 咖哩牛肉蛋包飯，咖哩少少甜甜地，不辣，飯為抄飯 6/10分去前未有祈望，只為潮聖而去，但發現食物比預期好味

After buying Lego from the mall, me and my friend were getting a bit hungry and saw Satay King around the corner so we decided to have that dinner. The restaurant is well decorated! Unfortunately, they don't make Pokemon dishes anymore so we can't try. Anyway, the menu seems different from other branches. To start with, we got some starter such as soup and salad. I normally don't like lobster soup because it's super fishy but this one was different. It wasn't that fishy at all. It was actually q

8年前做學生當呢度係飯堂因為又平又抵食。人大左自自然然會去食其他野而冇再去。8年後同男友唔知食咩好就黎呢度食,仲拍心口話ok架, 唔會唔好食....點知拍爛左自己心口。我個人對味道比較冇咁挑剔.....但係呢個菜心真心唔好食。上檯果陣個煲熱辣辣, 熱到劈洌啪勒咁點知一食落口,連我呢個廚藝白痴都知呢啲菜心係烚到爛先係個煲撈兩下放上檯,入到口冧到呢....完全冇咬口唔爽口,我同男友一人食左小小就放棄。豉椒炒蜆味道過鹹, 蜆有沙。有明太子,但係冇明太子味,又係過鹹。終於有樣係同8年前一樣冇變過份量足,好濃沙嗲味。呢樣都係我8年前逢到必點。8年前脆卜卜熱辣辣8年後皮唔脆又唔熱...唔知係咪忙到放左好耐先有時間拎俾我地豆腐幾滑,外面唔熱皮都唔脆但係咬落口舊豆腐就夠熱,不過唔夠香口惹味。呢一餐破壞左我對沙嗲王咁耐以黎既印象...唉.....

我一向鍾意食蟹，所以今晚同B小姐食飯，佢就話不如去沙嗲皇食蟹去去到後我地就叫左2款用蟹煮成既菜式第一款就係日式蟹粉鍋配飯侍應拎黎時熱騰騰，淺嚐一口，豆腐嫩滑無比，蟹粉與雞蛋香濃撲鼻，加上還有少許香蔥的清香味下，用以配著白飯來食，著實是美味得我不停食完一啖又一啖第二款是我最愛食既避風塘軟殼蟹今次點的是加倍份量的，真的頗多，軟殼蟹炸得很香口，同時也很入味，炸粉唔會太多，味道咸香野味，食在口中啖啖肉，好食得我地都係咁食食食係一輪笑聲同美食下，好快就過左2個鐘，滿足滿足

首先，沙爹王之所以甘受人歡迎系因為沙爹王確實好優惠以下系沙爹王優惠（長期有效）：1、凡惠顧滿20元送2元現金代用券，沒有任何限制，只要消費券就可以用，很實用！2、凡惠顧滿150元送特製辣椒醬，超級好吃的辣椒醬啊！！唔食真系浪費曬！！！紅爐芝士蒜香蝦！阿媽同大姨吃到停唔落口香葉包雞，雞肉好嫩，香葉真系好似佢嘅名咁樣香噴噴咖哩自養肥大軟殼蟹，蟹肉多又鮮，值得嘗試奶油津白，聽個名好似好厲害，其實就系D大白菜，唔系想像中咁好食鮮芒果蝦沙律，芒果好食白咖哩豬扒飯屬於沙爹王的“必食”食品，白咖哩味道很溫和，香甜。避風堂炒軟殼蟹

今日約左好耐無見既朋友見面，出到黎旺角又唔想飲茶，係友人提議下去左沙嗲皇食野～去到由於我地都咖係好肚餓，所以叫左2樣野食咁大把第一道就係豉椒炒聖子，份量幾多之餘，個樣都幾靚，食落都好新鮮，聖子肉質都好彈牙爽口，豉椒味剛好，唔會太咸，亦唔太油，炒得真係唔錯另外的北海道芝心餅個樣就較衰，但食落又唔差，軟熟得黎，芝心內餡更是很滋味，食在口中感覺幸福！就係咁又食又傾就過左2個幾鐘，坐得舒服，食物都好味，加上又無時限，下次都可再黎過

近排大家都使大左，所以依家岀街食飯都要節制下。行完旺角好忍到手，冇買到野，六點幾早早地食個早飯，趕睇八點半。去左沙爹王，因為想用埋d coupon佢，去到六半左右，冇乜人，叫左例牌，即係日式蟹粉豆腐，同白咖哩豬排飯，經朋友推介，第一次試白咖哩厚切豬排，另外加多個脆蝦棒。個蟹粉豆腐一如以往，滾住上，雖然顏色同以前不相伯仲，但味道似乎冇以前食開既濃郁，我叫呢個dish 就係想食佢既味濃jar ma, 所以覺得爭小小。不過豆腐依舊滑溜，撈勁多落白飯度，都ok既。白咖啡厚切豬排，第一次食，原來係炸的，比非厚切的大概厚一個double，炸得好香口，一d都唔油膩，但係我食到有小小酸，唔知係咪個炸粉，不過我朋友又話冇問題。我諗我都係鐘意經典非厚切多d. 蝦棒keep 到水準，食到個蝦膠爽爽地。整體黎講ok la.

今晚獨自一人到沙嗲王吃晚飯，這次是我第二次來吃，第一次印象已經不好，今次來到點了沙嗲雞扒飯，價錢$58.3，賣相挺好的，一碗沙嗲，兩塊雞扒及一碗飯，一開始吃都覺得還可以，但是後來吃到一半已不想吃，本身到上黎食物都是暖的而不是熱烘烘的，沙嗲越吃越覺得在吃花生醬拌飯一樣，沙嗲花生味太重，而辣油又平平無奇，雞扒就是去bbq燒的那些冰鮮雞塊，撒點胡椒粉就煎，而且又煎得不是完全熟，飯的話，我寧願吃普通的白飯（酒樓），不知道用的是什麼米，不太喜歡。整體感覺是沒有passion,還要服務費加一，我覺得不值這個價錢。如果吃這個價錢，我拎願去吃快餐，買兩個餐還有餘。或者沒有試白咖哩豬扒那個吧，但它的名稱這樣就想試試沙嗲：/失望.......整體評分如下：

近排喺Facebook見有朋友Post左個五官端正嘅比卡超飯上黎，原來係「沙嗲王」Crossover比卡超推出一系列主題食物同飲品！話哂以前都有煲開比卡超，一於就去棒下場。見到個餐單，第一眼望到嘅就係個個最矚目嘅比卡超大頭飯啦，都係為左佢而黎，二話不說就叫左個。要留意嘅係，除左個飯之外，仲跟個咖喱汁。個咖喱汁就有紅、綠、藍三隻色俾你簡，問左侍應，其實三色味道同經典嘅白咖喱味道一樣。但你問小編呢，小妹就覺得三隻色都同個飯唔太match啦，尤其係勁似漱口水look嘅藍色！不過眼看四方，見到最多人簡嘅又竟然係藍色喎！正所謂勇者無懼，唉唔＿驚頂硬上！個飯嚟到，第一眼望落，砌得又真係幾精緻喎。黃薑飯做主體，兩隻耳仔同個鼻就用黑糯米做陪襯，眼同口就用可食用類似紙質嘅材料鋪上去，再加兩片小蕃茄一左一右作為比卡超嘅紅色酒粒，加加埋埋個樣都有八九成似啦！（但上面就鋪左啲唔太入局嘅沙律菜，影響左成個觀感，減少少分，其實應該分開上）。食落口，炒飯食得出粒粒分明、煙韌同偏硬身，炒得有番咁上下鑊氣，飯嚟講係唔錯。而飯嘅裡面其實係包著左幾舊炸豬扒，不過唔知係咪因為比飯包著嘅關係，感覺有啲「冧」左，食落口冇咗酥炸嘅

因為好耐都無去過「沙嗲王」食，所以今晚我們特意去咗旺角女人街店食晚飯！我們叫咗比卡超咖喱豬扒飯、比卡超海鮮鴛鴦蛋包飯、沙嗲安格斯肥牛拉麵、和風明太子釀無骨鷄翼、溏心蛋、脆蝦棒、芒果黑糯米、青檸柑梅蜜、鮮芒椰汁紅豆沙冰同青檸柑梅賓！比卡超咖喱豬扒飯嘅賣相就非常吸引，但黃薑飯就好乾、好「偕」同好韌，耳朵位嘅黑糯米更加韌！比卡超海鮮鴛鴦蛋包飯有大量嘅沙律菜伴碟，醬汁嘅味道還可以，但蛋包飯嘅蛋就比較老同「偕」！沙嗲安格斯肥牛拉麵嘅肥牛超肥，只有肥膏無肉，拉麵嘅麵質好「偕」，味道淡而無味，賣相非常嘔心，令到我們食慾大減！和風明太子釀無骨鷄翼炸得唔夠熟，我們要求店員幫我們再番炸！芒果黑糯米嘅芒果非常香甜，黑糯米相當煙韌彈牙！