沙嗲王 (已結業)

今日途經旺角購物，突然好想食咖哩，於是去左沙嗲王，因為有白咖哩，坐低左人不太多，叫左白咖哩香茅豬扒飯，豬扒份量依然足夠，入味又夠淋，有好多白咖哩汁，佢D白咖哩汁真係好夠味，又特別，送飯真的一流。 食完仲有汁剩，真想叫多個白飯嘅衝動。不過最後都冇叫因為怕肥。白咖哩始終是我最愛，有空會再來幫襯

沙嗲王可以說是又好食又平價的餐廳，位於旺角西洋菜街的沙嗲王是香港人耳熟能詳的餐廳，對清貧的情侶，絕對是一個中價的選擇。Tastybuddy叫了兩個麵和雞翼餐加珍珠奶茶。 沙嗲粉絲配香矛豬扒$39作為沙嗲王，沙嗲絕對是招牌菜。味道夠香又濃，配合索汁的粉絲就完全享用了這個沙嗲汁。香矛豬扒可媲美茶記水平，不過在沙嗲香味下，香矛味道不太突出。 咖哩粉絲配雞扒$39咖哩比沙嗲稠，應該要以飯作伴。Tastybuddy建議大家應以飯配白咖哩。而雞扒就如圖所見，烤得太焦。 雞翼薯條餐$35雞翼味道可以，不過三條太少，如果兩個人就難分。薯條屬幼身，跟大型連鎖店的薯條類似，因此，味道不算特別。 珍珠奶茶加$6味道一般，不過以加六蚊的價錢絕對合理。總結：儘管今次有點失水準，但依然值得推薦，其味道和價格十分好。

沙嗲王可以坐得耐，所以已經變左我地reu既經常之地，唔想駛太多錢，咁當然自己叫一個飯黎食算啦，我就叫左白咖喱豬排飯，白咖哩呢種咖哩好特別，唔會好辣，但有少少甜甜地，好惹味岩哂我呢d唔係好食得辣既人，豬排都炸得好香脆，下次可以再試多次

平時去沙嗲王一定會嗌招牌白咖喱豬扒飯，白咖哩汁十分惹味，豬扒炸得酥脆，真係好好食😋 (講番重點~) 今日想試下新野就試下依個芝士焗牛柳粒米意配紅酒牛扒汁，賣相好似好吸引👍😉送到黎的賣相總算是「符合商品說明條例」吧😂牛柳粒都鋪滿在米意上，牛柳粒是美國榖飼牛，食落都幾重牛味🐮，而且牛柳粒的數量不少！面頭再鋪上芝士烤焗過，好香！我就無嗌到飯，叫左米意，米意係米粒形狀的，口感其實是意大利粉🍝，算是改進版！由於細細粒，加上較滑身十分易入口😋 原來除左芝士仲有溫泉蛋🍳 混和之後溫泉蛋漿慢慢流出，食落口感更豐富，是有多種層次的味道！但食到最後覺得有點膩😓 而且配的紅酒牛扒汁有點不夾，令成個焗飯過於濃味，依個芝士焗牛柳粒米意定價$75，我覺得有點少貴💰，如果有朋友仔想好似我咁試新野，我建議兩個人Share食再加多個小食就最好啦😌飲品跟餐半價，我就叫左台式珍珠奶茶，奶茶算是沖得不錯，吾太甜，茶味淡口薄身，很多珍珠且煙煙韌韌，真係值得一試👍

好耐無食沙嗲王！今次一班人 叫左好多野食Xo醬海鮮炒飯足料！ 入面有帶子 蝦果d略嫌xo醬吾夠味下次可以加番多d菠蘿炒飯比較濕身 飯一粒粒菠蘿香味吾夠芝士年糕甜甜地 芝士好濃味 好正年糕都軟哂 同芝士融為一體細細碟吾會好滯軟殼蟹個調味係吾錯但係炸到好軟吾酥脆蛋包飯好似一堆濕立立既野吾好食！汁好浠炒聖子好味 夠擭氣煙肉菠蘿pizza 烤到脆脆地 推介！印度牛油薄餅無汁點 但好香好夠味！

細細個就成日同班朋友食不過近兩年都無食過，時隔兩年，水準依然甚高。嘿嘿。白咖喱豬排飯。個汁真係世界級好味。一定用哂黎撈飯。惹味又有椰香味。豬排大大塊。唔油膩 香茅味好香。嘿嘿。避風塘軟殼蟹。雖然熱氣，不過真係好好惹味香口。 外脆內軟～仲覺得比以前大隻左，蟹身完整左嘿嘿。薄餅咖喱。最鐘意薄餅有淡淡奶酪味。而已又脆又軟既餅皮最正。咖喱汁味道無變過。香椰香味。嘿嘿。越南春卷。次次都覺得生菜好新鮮春卷料足，皮脆，包埋生菜食口感一流。嘿嘿同以往一樣 ，食完有現金卷送，好快又會食第二次。嘿嘿。

約左班friends係旺角食飯，佢地最後揀左食沙嗲王。因為我遲到嘅關係我係去到之前已經講左要蟹子豆腐鍋飯，由於我已經食過好多次沙嗲王，我最鐘意呢個飯，所以我再點返呢個食上到去，一樣野都未黎，好彩。第一樣黎係西蘭花，唔知點解佢地會點好一般之後黎左個飯，我已經唔記得係咩飯，又冇影相之後就係蟹子豆腐鍋飯，lam lam脷跟住仲有個軟殼蟹，一般般最後加單叫多左蘿蔔糕沙嗲王算係間濃味既餐廳，不過幾岩我口味

呢間食過拉面湯底太淡　淡而無味　所以一般　因為拉面重視湯底但白咖哩就好好食　帶有小小甜　同　咖哩微辣既味道！每次去都會叫ｘｏ醬炒蘿蔔糕　味道唔錯　只係蘿蔔糕有時會炒得太過熟會令到個口感無左　變得過軟低價錢５０蚊到一樣菜　唔算貴！

今日同屋企人第一次黎食沙爹王一行四人 大家都細食 都係諗住嗌三個飯一個小食 同埋一人一杯野飲之前都睇過openrice食評去諗食咩㗎啦白咖哩香茅豬扒飯 好似係必食嘅 咁都有嗌啦: (咁一食呢個飯 白咖哩味就唔好食得出嘅 但係香茅味好突出 好大陣香茅味 好好食)其他兩個飯係嗌咗沙嗲肥牛拉麵 我就唔好食得出沙嗲味囉 但係啲牛感覺都唔係平時喺街市買嘅cheap cheap牛肉嘅 )同埋 香芒蟹肉炒飯($70) 呢個飯都好好食芒果甜甜哋 好有食慾 成個飯都好惹味呀)後再揀小食 挨咗個印度薄餅($25)兩件: ( 個印度薄餅係第一個嚟嘅嘢食 熱熱哋咁食yum啲咖哩汁呢又真係幾好味 ) 同埋 越式薄皮春捲 : 越式春捲嚟嘅時候畀埋一杯嘅生菜 唔 , 都覺得冇乜驚喜 呢個春捲入面包住啲 粉絲少少肉 類似咁樣)嘢飲我哋四個都嗌左 椰汁芒果沙冰($38*0.5) : (我哋係野飲黎先嘅 第一開始飲 有啲似刨冰咁多冰 後尾慢慢融返做啲冰 變番類似芒果汁 我覺得好 解暑 係都甜嘅 但係 我ok lor 幾鍾意)

平時都係食中餐比較多，不過偶爾試下外國菜都幾好，當換下口味咯嘛！沙嗲王屬於星馬菜，試下呢°嘅味道如何先！像貓豬扒飯，一上檯聞到嗰种混合著椰香，咖喱香，仲有香茅特別嘅香味就即刻肚都餓曬，豬扒好正！出邊嗰層有d焦，咬落就有d脆，而裡邊就好嫩，一d都冇平常我地食豬扒嗰种油油膩膩嘅感覺，白飯係像日本米嗰隻圓圓嘅珍珠米，比較有彈性，撈埋d咖喱汁來食就真係餸飯到不得了吖！朋友嘅沙嗲牛肉麵，麵係公仔麵，比較普通，可能烏冬會比較好食，但係湯就真係正，沙嗲味好濃郁，有dd辣辣地好開胃，牛肉非常之嫩，真係加分唔少吖！仲有糖心蛋都唔錯，好有蛋味！

完全唔得既朱古力飲落無麥味，少少朱古力既味道都無，好淡味，顏色睇落都可以，清淡有如清水，但飲水會好飲好多，味道怪怪，但又形容唔出！建議如加多少少朱古力粉會較理想。

六舊蝦餅都要成五十蚊，質素黎計，貴左小小，啲蝦餅真係有隻蝦係入面，味道還可以，但覺得份量小左啲喜出望外嘅係聖子，超級大隻，又冇乜沙，唔會辣到飛起，唔食辣嘅人都可以食到

二人快食晚餐來到旺角沙嗲王，單點了三樣食物，包括泡菜和牛粒炒飯、薄餅配咖哩汁及牛油雞翼四件，牛油雞翼熱騰騰上枱，脆炸香口，味道很香牛油味很好吃，但小心很熱氣呢！薄餅鬆軟，咖啡汁香濃，配合薄餅來吃非常可口。至於泡菜和牛粒炒飯值得推介，和牛粒大大粒，味道口感很好，很有牛肉味，泡菜炒飯很野味，令人感到很開胃，整個炒飯味道配合得很好，另外加左隻溫泉蛋，令炒飯更加香濃野味，不錯的菜色。

正呀，唔洗排隊!!!點左泡菜安格斯牛柳粒炒飯，酸酸辣辣幾開胃。😋小食雞翼：得４隻好少，不過個雞皮好好味！雞軟骨：炸粉有點多，好厚一曾，裡面雞軟骨部分仲比炸粉細粒。軟殻蟹：好味，冇缺點！（每次必點）經常去呢度都要等，係得今次完全唔洗排隊，仲有呢度幾扺食👍🏻

今日下午約了兩位姪女去旺角吃午餐, 沿着山東街行, 抬頭望, 見到 沙嗲王 的招牌於是不再作其他選擇，一於排位，等了五分鐘便有位了.餐廳共有多層, 我們被安排座位於一樓, 餐廳很多客人, 但座位不算迫, 裝修比較舊.每張枱上也設有叫人鐘, 可以通知店員  "加水, 呼叫, 点菜, 取消, 結賑" 也算方便.大家也須留意餐廳提示 "电子產品及貴重物品, 切勿放於枱上, 如有濺濕及任何損壞, 本店恕不負責賠償"算是公道. 我們看了多頁彩色餐牌, 結果點了新出品 芝士焗吞拿魚薯仔沙律, 賣相不錯, 入口有薯仔, 吞拿魚, 洋蔥, 芝士, 及煙肉在面, 調味適中, 焗得很香口, 只是份量很少, 可能售價平. 也點了煙肉菠蘿鮮茄醬 Pizza 用木板墊著上檯,  Pizza 面積很細, 也很薄, 配料算是滿滿的, 但只是薄薄的, 每人吃兩塊, 也不覺飽.底皮很薄,  焗得也香脆.   香芒啖啖蟹肉炒飯上檯時芒果然鋪在炒飯面, 沒有令人失望, 芒果粒甜而不酸, 再有些肉鬆, 蟹肉, 腰果, 蛋絲和蔥, 一齊炒, 是一個很實際可口的炒飯.  味道算是不錯, 也不油膩.  飯粒炒到很乾身, 好入口.