沙嗲王 (MPM文華商場) (已搬遷) 新店位置

星期六晏晝兩點半去食, 以為等兩個number好快點知 等極個number都唔叫 ，下面排隊等半個鐘,上面嗌嘢食等半個鐘. 座位有大把,就係冇人做嘢. 餓到兩個小朋友嗌救命，嘢食其實就ok嘅，至少呢間分店以後都唔會再嚟。

今日係旺角行完街諗唔到食咩，咁岩經過沙嗲王就決定食佢，叫左個2人餐，有2份頭盤，兩個主菜，一個小食，2杯飲品同2份甜品頭盤叫左一碗忌廉湯同一碟藜麥田園沙律估唔到藜麥同蔬菜既味道咁夾，蔬菜夠新鮮，口感爽脆小食點了脆蝦棒食落啖啖蝦肉，可惜得8件食哂覺得唔夠喉主菜點了鐵板嬌嫩巨脾飯配白架喱及脆炸鱸魚飯配黃架喱鐵板嬌嫩巨脾飯配白架喱巨脾果然巨型，上台時嘩了一聲，佔了整塊鐵板的一半，巨脾煎得剛剛好，外皮酥脆，雞肉嫩滑，配合白架喱增添美味脆炸鱸魚飯配黃架喱今次條鱸魚略嫌炸過龍，油味稍重，配黃架喱還好可以入口另外仲叫左份蒜香牛油烤餅用來點架喱食果然架喱配烤餅是必須的飲品叫了杯菠蘿碧海及熱黑糖薑母茶甜品因爲冇哂雪糕所以來了兩份鮮芒果椰汁西米露

星期日中午同幾個旦散去SuperPark玩左半日，已經早早決定晚餐要旺角食沙嗲王，不過其實食黎食去，個個都係點平時食開果啲野，雖然係無乜新意，但勝在每次食都覺得好味道，大家都百吃不厭😋同埋我好鍾龍呢間既卡位，坐得特別舒服😁尋晚每人點一個餐，我同呀仔再另外點左啲每次必食既小食細仔同契女食肉醬溫泉蛋飯肥仔食豬軟骨飯我食白咖喱豬扒飯小食~避風塘軟腳蟹（肥仔必點）雞軟骨（肥仔必點）牛油雞翼（肥仔必點）芝士一口貝（我間中點）石頭鍋娃娃菜（第一次點）飲品~芒果沙冰（Happy）朱古力沙冰（兩個仔）荔枝紅茶（契女）由我細細個已經好鐘意食【沙嗲王】，跟住到我個仔，遲啲應該到我個孫，期待3代同堂去食沙嗲王既日子……🤣

旺角唸唔到食咩，經過沙嗲王見到出新品，感覺幾吸引哦，日式蟹粉豆腐鍋配薄餅，全部都係我好鍾意食嘅！很喜歡沙嗲王嘅裝修，古典又有色彩美的波西米亞風，位置又很寬敞，坐得好舒服。坐低就快快點咗個鍋醫肚😋個鍋係石鍋，剛剛送來時D餸係鍋入面滾得好犀利，要記得用餐具翻下佢，驚D豆腐漆底會窿。薄餅的水準keep到，食落口感覺唔油膩有韌性又好香餅味，個蟹粉豆腐鍋俾料俾得勁足！！食落去啖啖都係又滑又鮮嘅蟹粉和豆腐，加埋又蟹肉絲，整個覺得價錢值返來。但可惜個廚房落鹽落得重手，個人覺得我呢個鍋真係好咸啊😭希望可以改善啦

某人一直想去食沙嗲王，今日終於聽左佢講去食😏佢仲自稱係忠粉，成日去食😂去到基本上咩都唔洗我諗。呢間分店都幾大，地理位置都非常方便。—————————————————————#至尊2人套餐 💰253有選擇困難症既你地，兩個人去食最岩揀呢個餐。👉🏻主菜：日式蟹粉豆腐鍋配薄餅&白咖哩香茅豬排飯前者真係超級吸引，本身以為豆腐唔太好食，一上枱「炸炸聲」，齋睇個樣都好吸引，聞落幾香。個蟹粉豆腐撈埋啲飯食真係超級正，味道岩岩好，唔會太咸，好好味！份量非常多，好抵食，超滿足。後者已經係必叫既野食，豬排較薄身，有兩大塊，香茅味的確好重，啲汁亦好香濃。👉🏻小食：蒜蓉牛油雞翼（四隻）炸得幾香脆，炸粉唔算好多，但唔夠熱騰騰，好彩肉質唔算乾身。👉🏻熱黑糖薑母茶&凍珍珠奶茶前者幾特別，飲落算幾暖胃，養生之選😂後者好大杯，珍珠都好多🤭後記：原本餐牌寫有哈根大雪糕，但結果講無，但芒果西米露🙄，可能要睇下你好唔好彩落單個陣又無問要咩沙律🥗/餐湯🥺希望下次可以叫齊曬全部野！*每次食都有優惠卷送，所以一定下次會再食😂

話說今日喺旺角睇戲之前有兩個鐘食飯，食咩好呢？又唔想劣食，又想坐耐少少(⁎⁍̴̛ᴗ⁍̴̛⁎) 所以一於去朗豪坊對面間沙嗲王食一食想念好耐嘅白咖喱豬扒飯我哋六個人帶咗一個二人套餐，有蟹粉煲配薄餅同埋重點咖喱豬扒飯，佢仲送一款小食我哋梗係叫必食脆蝦棒啦！兩個都係送飯必選，白咖喱個就真係冇得輸。蟹粉再加埋薄餅真係一塊接一塊喇喂另外在帶咗兩款菜同埋一個香蒜炸雞翼同埋好邪惡嘅XO醬炒蘿蔔糕。辣辣地蒸到好香脆，忍唔住食多幾舊細細粒雞翼皮脆肉嫩，OISHI!!!!!!埋單每人$120左右，個個都食到停晒手有嘢剩，真係大件夾抵食！又坐得舒服😌

好耐無來旺角食飯，都唔知食咩好。結果我地都係決定食沙嗲王😂，好似次次來旺角都係食佢🙈由於平日的關係，所以唔使等就入得。日式豆腐蟹粉鍋配飯呢個係必食既，幾時都無令人失望🤤d汁配飯一流水牛芝士pizza餅底夠薄，不錯👍🏻

幾年冇黎過，D裝修完全變左，印象中以前好似燈光暗D🤣叫左白咖哩炭燒雞扒飯，春卷，同薄餠。白咖哩雞扒飯飯，汁同雞扒分開上，個汁甜甜地，一定要同飯一齊食，仲會令你撈好多飯😆雞扒有炭燒味，一D都唔乾，好奶好juicy，如果大塊D仲開心😍可以再食多幾塊雞扒🤣蝦春卷, 入面都幾多蝦膠，即炸，熱到要等一陣先可以食，炸得好好，唔會油淋淋。有沙律醬點埋一齊食。我地仲要人地比多D我地🤣簿餠係完全一D都唔油，雖然入面係用好多油整🤣但佢整得好好，好脆，面好乾身唔會油，最怕食出面個D油浸薄餅，其實想講嘅係佢個咖哩汁，超好味，好濃香，都係甜甜地，有椰汁香，我個人鐘意呢個汁多過白咖，個汁好味到唔夠點🤣

沙嗲王係其中一間我覺得旺角鬧市碩果僅存性價比高嘅餐廳，如果你想食野又諗唔到食咩好，去沙嗲王冇死，中日韓西餐大小食大雜燴，但質素又ok架喎，最緊要係價錢唔使太care,食到飽飽都唔會食左你隻車。首先食我嘅至愛，招牌白咖喱豬扒飯。豬扒size岩岩好，厚薄適中，沒有一絲肥肉，炸得金黃，又唔會過硬，點埋帶甜味嘅白咖喱，真係食幾碗飯冇問題。第二樣野必食係日式蟹粉豆腐鍋，佢真係冇咩肉嘅，鋪係上面嘅野食左咁多次我都冇深究係咩，感覺有啲似吞拿魚。雖然冇肉，但成鍋豆腐熱辣辣咁上，夾埋個汁，食啖豆腐送啖飯，冬天食一流！不過朋友就覺得有啲漏，我完全唔覺！沙嗲肩胛肥牛拉面份量好足，肥牛部位口感都唔錯，面唔係米線河粉，亦唔係日式拉面，係有啲中式蘭州拉面嘅質地，幾有咬口，成個面唔錯蒜香牛油雞翼絕對推薦！！由質感同味我都俾滿分，炸得脆又唔硬，蒜香同牛油味係會包圍住你成個口腔！！好食過kfc N倍！！希望唔係我今次特別好彩，下次都食得返咁好食！呢度岩一人食，亦岩多人一齊食，咁多款主食小食，點都砌到個你滿意嘅combination!係度食過咁多次，冇食過中伏野，就算唔出色，佢嘅價錢都會令你下返啖氣

At about 19:00 this night, we didn’t need to wait and have dinner directly. The environment is fresh and the lighting is enough.This is outside the restaurant which is eye-catching.Almost no people in a room on second floor. So, we find a seat to sit down very quickly.This dish is recommended. Tofu and crab.👍🏻😋 With pizza or rice which can be chosen.Fired potato and chicken~ This is normal and a little bit oily.

好耐未試過食餐飯食到一肚氣，今日去咗沙嗲王食午餐，一入到尼客人都頗多，但係侍應數量不足，無論係點菜，上菜都勁慢，仲要㩒極掣都冇人應，令人等到燥-到點菜啦！三個人嗌左三個lunch set，其中一個我哋嗌咗芝士焗牛柳粒飯。點知佢上菜既時候，比碟咁既野我！(Sorry摷散左碟飯，左邊本身有隻溫泉蛋的)-喂，冇牛柳粒既？但多左個溫泉蛋？咁我哋即刻向侍應求證，睇下係唔係比錯餐啦，( 我哋以為係肉醬溫泉蛋餐），正當我地查詢嘅時候，周圍嘅食客紛紛都表示，自己嗰個牛柳粒餐，其實係冇牛柳粒嘅。但2個講廣東話唔正既年輕侍應妹妹堅持話冇比錯餐，話呢個係牛柳粒餐，因為呢碟冇肉醬，所以冇比錯餐。ok fine，咁但係你個牛柳粒餐得醬汁同洋蔥絲，貨不對辦喎！到底係侍應們唔識睇繁體字，定唔識中文呀？牛柳粒喎！唔係醬喎！！見到有幾枱食客投訴，門面依舊冇經理處理，由得兩個侍應妹妹繼續死頂！之後佢話幫我地倒左佢再換過碟尼，其實碟飯味道冇問題，係冇左餸，點解要倒左佢？？如果要補鑊嘅話，可以拎碟牛柳粒出嚟就可以，點解要咁唔環保呢？-呢間沙嗲王，無論侍應既常識同態度、廚房出餐既效率同質素，都令我都好失望，欺騙顧客！

原本我地諗着去山東街果間,但Google search吓,原來好遠。結果嚟左MPM果間la!原來要先上工2樓再轉lift上5A。由於本人實在太肚餓,所以好快就嗌左嘢食。 呢間沙嗲王應該係新裝修 ,環境十分之靚 一入去就畀佢嘅環境吸引住。 我哋嗰日嗌咗 午餐嘅白咖哩香茅豬扒飯($58), 飲品就要紫薯鮮奶珍珠(+$7)。 講返個白咖哩香茅豬扒飯, 豬扒有三塊咁多,但係觀塘嗰間係得兩塊唔知點解, 相信係個別分店嘅問題。 豬扒變得好人未有輕微咁咋過白咖哩 十分香甜, 愛嚟撈飯一流。 紫薯鮮奶嗰個奶味好勁如果鍾意奶嘅人都應該會鍾意飲, 沙爹王與珍珠係好q, 所以成件事係好好飲。 另外小食方面我哋就嗌咗薄餅同埋雞翼, 雞翼炸到金黃色十分好食。 薄餅就好油所以有啲唔好食。

今日又有同事生日，她們提議去沙嗲王，久沒有幫襯了，今日就大隊人馬去食個午餐喇！這裡場地算大，座位都舒服。但服務態度我真心個句，改善一下喇！🥢咖哩豬扒飯 🐖王牌首選人氣食品，我們都是專程為這而來，二種不同咖喱造法，白咖喱比較椰奶香味重，黃咖喱就帶微辣辛香重咖喱香味，兩者各具特色，豬扒入味軟腍而不失嚼勁無得彈！👍🥢蒜蓉牛油雞翼目測大概都知有幾脆口，內裡保持有肉汁，火候掌握得不錯。👍🥢薄餅一般分量不大可以試試。🥢粉卷軟軟的澄麵皮包著豬肉，味道可以略為油多了點。🥢香酥炸墨魚香噴噴外脆墨魚有彈口，蘸點甜酸醬同食一流。👍🥢冬陰公湯米線酸辣味香濃，海鮮料就一般。🥢椒鹽豆腐外脆內軟兼滑不流口。😋🥢蟹棒春卷小食來說不錯，香脆可口一點不油膩。🥢XO 醬蘿蔔糕絕對是惹味之作，加入 XO 醬的蘿蔔糕，用石窩盛載保持熱力，粒粒香辣味美。🥢薄餅比較油膩。

沙嗲王既下午茶餐真係好抵食：50蚊以內已經有一個飯，一個小食同埋一杯野飲！唔好以為佢既份量會好少，個飯同晚餐有得比，而雞翼都有兩隻！白咖喱雞排飯 ＋ 蒜蓉雞翼 ＋熱檸水 ＄48白咖喱雞排飯保持一貫水準，有兩大舊雞排，飯既份量亦都好多，媲美晚餐！蒜蓉雞翼好脆，好大隻，一人兩隻，剛剛好！熱檸水既檸檬好澀，應該係因為放係水太耐！成餐飯唯一既敗筆係，食食下有隻小蟑螂係餐牌經過，店員只係整死左佢就了事，完全無交代，令我地都一頭霧水！

每次係旺角唔知食咩好就會黎食沙爹王，因為貪佢夠多選擇，咩國菜都有得食，而我朋友就最愛食白咖哩豬扒飯，每次食都覺得個白咖哩真係好好食，，加上個炸得剛剛好的香矛豬扒，，真係每次都會回味！蒜蓉牛油雞翼圖文一致，炸出黎既雞翼同餐單上係一模一樣的，一樣咁吸引，食落外脆內嫩，仲可以保持到雞翼既肉汁，讚👍🏻 脆蝦棒呢道菜做緊特價，外形細小，餡都幾足料，真係食到蝦，細細條幾易食。印度薄餅配咖哩汁口感鬆軟，粉底打得幾好，拉開有彈性，幾好食