沙嗲王 (官塘工業中心) (已結業)

因觀塘重建，在裕民坊的總店消失了。原本以為食沙爹王要去其他區了，幸好得家姐提醒，要不也不知道沙爹王在工廠區重開。重開的店面不細心看都不知道是沙爹王，從門外看真的不覺有招牌。內部沒什麼裝修，變成工厰飯堂的模樣。同媽媽姐姐三個人點了白咖喱豬排飯、鮑汁雜菇豆腐鍋和越南豬肉粉卷。其中白咖喱同豬肉粉卷是餐廳早期已有的菜式，簡直屹立不倒。豬排飯依舊好味，白咖喱汁唔辣偏甜，拌飯之選。豬排鬆軟，用匙和叉也能輕鬆扯開，老人家食都無問題。豆腐鍋也是很好伴飯，熱辣辣上枱，直到食完整餐溫度也是暖的。豬肉粉卷就覺得一般，粉皮好點靭，味道正正常常。

叫左蟹粉豆腐鍋跟飯上到黎熱辣辣好滾撈一撈勻底既咸蛋先好食上面有少少蟹肉用黎送飯一流跟餐半價叫左杯蘋果綠茶+JELLY $13可以走冰, 對女人係恩物, 養生得黎又可以係炎炎夏日入面飲

昨天要去觀塘工作，因以觀塘午餐時間很難找座位，所以朋友推薦我去吃沙嗲王！ 這間餐廳的位置也不容易找，如果不是朋友帶路，我也很難找到，我們12點半就到了餐廳，所以很多空位！ 我點了他們的招牌，日式蟹粉豆腐鍋配飯$74 這個餐製造需要時間，如果是趕時間的，就不要點了！ 我們等了大概20分鐘才到蟹粉和蟹肉和豆腐都十足，用石鍋上桌熱騰騰的，拌著飯吃，超級配！ 吃的時候要小心，因為真的是太熱了，小心燙嘴🤪🤪 可惜是份量太多，我吃不完😕😕 而且價錢也不便宜，連加一，埋單要$81，午餐來說有點太貴！ 偶一為之也是不錯的選擇

有晚同個friend喺 apm 逛街，行到咁上下肚餓揾飯食，佢突然之間話想食《沙嗲王》嘅白咖喱豬扒飯，咁我哋唯有撤離apm，改去觀塘工業中心第二期嘅《沙嗲王》。講真《沙嗲王》而家個位真係冇咁就腳，而且門口又窄又騎呢，好在入到去內籠都算夠大，座位亦算寬落。白咖喱豬扒飯 ($61) - 咖喱好香甜，但加番少少辣應該會好味啲。豬扒肉質夠鬆軟嫩滑，一句講晒，好好送飯。沙嗲海鮮米線 ($63) - 跟住大大碗上枱，內裡有蝦、蜆、青口同魷魚，配料算足，沙嗲香濃，滋味不俗。鮑汁雜菌西蘭花 ($49) - 冇乜鮑汁味，比想像中淡，就當食得清新啲健康啲。惠顧滿$30，就可以半價享用特飲，我哋揀咗兩杯鮮芒椰汁沙冰$24，一杯配台灣珍珠，一杯配西米。飲得出用新鮮芒果做，甜美可口，讚！

今日黎到觀塘，諗起好耐冇食過沙嗲王，就即刻衝過去食。首先入到去十二點三左右，唔多人，比較清靜，但食物質素唔頹，有保證。我地叫左日式蟹粉豆腐鍋配薄餅🍕豆腐鍋有少少鹹蛋黃味，將豆腐配上薄餅，正，好match好正。薄餅係印度薄餅黎，配上咖哩汁又係一流。我地都有叫個黃金鹹蛋黃雞翼，炸得好香，濃郁鹹蛋黃個皮😋😋😋紫薯鮮奶同薑母茶都好推薦。今次好有驚喜，事隔兩年再食，都想再快啲有下一次。而呢間比較少人啲可以唔洗等咁耐🤪🤪

去沙嗲王呢～ 無論睇左幾耐menu，最終都係嗌白咖喱豬扒飯 不過今次再加左$10要埋個藜麥沙律，雖說係細size但都足料！白色嘅唔係一般沙律醬，而係比較light的他他醬。白咖喱豬扒飯水準依舊，有三小塊豬扒，因為嗌左沙律所以同時叫了少飯。午餐包飲品，我嗌左平時比較少有的ginger ale 薑味汽水，正好去一去白咖喱嘅濃味。好多人都唔知觀塘開咗沙嗲王，其實佢嘅位置勁方便，喺地鐵站行幾分鐘就到！埋單時記得拎埋張coupon，下次用又可以減幾蚊喇～

好耐都無食過沙嗲王既白咖哩豬扒飯今日專登去叫左個外賣當然要人氣No 1嘅白咖喱豬扒飯 $61白咖喱汁同飯分開放，唔會返到屋企嘅時候啲飯索晒啲汁淋到一patpat 醬汁份量足夠，帶點微辣好惹味豬扒偏淋身，唔鞋口唔靭而且仲有成3塊豬扒山咁一定夠晒飽餐牌

一直都幾鐘意食沙嗲王除左覺得佢容易搵位之外啲嘢食大份兼抵食之前仲推陳岀新 夠創新岀左寵物小精靈系列咖哩身為90後寵物小精靈陪住每一個小朋友長大真係童年回憶吖🥳🥳所以岀左寵物小精靈系列就梗係要試下好得意咖唔同寵物小精靈會有唔同顔色🤩我地叫哂咁多隻色諗住試下啲味有無分別未食之前好擔心藍色同綠色會有怪味😣但係發現其實無分別嘅就算藍色同綠色都唔會有怪味所以我好欣賞呢兩個新菜式😚😚😚至於隻比卡超對眼同個口就好似話用米紙整嘅所以食得不過我就唔敢食喇可以食面珠仔同鼻因為係蕃茄同紫菜所以今餐食得好開心🤓🤓🤓

唔係講笑，沙嗲王真係由細食到大。以前細個食開個間沙嗲王係裕民坊上一樓個間（入面海盜主題仲有一隻隻木船卡位～）裕民坊個間冇左之後，就搬又去官觀工業中心。咁岩個日同屋企人講起想食沙嗲王，就去左喇！溫泉蛋牛肉焗飯呢個焗飯我覺得真係超好食，牛肉粒好淋，將溫泉蛋撈埋啲飯，蛋味同牛味好夾，芝士味又好正，但係如果一個人食就會太膩。白咖哩豬排飯白咖哩一直都係沙嗲王嘅王牌，中意食甜咖哩嘅人真係可以試下，雖然我比較中意食日式咖哩，但係沙嗲王嘅白咖哩真係唔錯。豬排冇雪藏味，飯又係用珍珠米，白咖哩送飯一流。牛油雞翼炸粉唔係好厚，好好食。芝士薯條紅酒汁薯條冇可能難食，但餐牌上面講嘅紅酒汁個味道就唔係太覺有。蝦春捲炸芝士年糕呢個芝士年糕相比起其他就差咁啲，年糕冇想像中咁煙韌。同埋真係好膩～

沙嗲王連鎖式食肆，一向食物質素唔太差，係小資首選，最鍾意一大班人去到叫到食枱都係野，飽到攬住個肚都只係百零蚊🤩今日喺公司附近食，工廠區地舖，其實都幾大，1點鐘到唔洗等位就入得，同同事一人叫一個餐叫左個蟹粉豆腐鍋，有埋飯同餐飲，落單唔係好耐就有得食😝依舊保持水準👍咖啡係即磨，略嫌多奶左少少但仍然係唔錯嘅選擇😋😋

新年嚟嚟去去都食盤菜，今日有機會出去食，一於頹食，去沙嗲王係咁咦食啲嘢算喇。逢親去沙嗲王，基本上八，九成機會我都係叫自選麵，沙嗲湯係必選👍🏻今次我揀嘅係即燒黑椒雞扒，配沙嗲湯，麵底就揀咗粉絲 $61，另外再加$4叫多半隻溏心蛋。餐牌上寫明雞扒製作需時，所要都等咗十幾分鐘先有得開餐，雞扒係用鐵板上，外皮微焦，賣相吸引，食落肉質鮮嫩，但黑椒味就唔太出，不過連埋沙嗲湯食都ok，因為個湯超濃郁，配粉絲就可以掛湯，不過怕肥嘅朋友可能就唔適合叫沙嗲湯，因為都幾油吓～

今晚同朋友食飯，點左個日式蟹粉豆腐鍋、咸蛋黃軟売蟹、雞軟骨，飯品係涷荔枝紅茶加啫喱。日式蟹粉豆腐鍋都係好似以往咁好味，雞軟骨還好，就是有點硬，但咸蛋黃軟売蟹呢個真係唔得！好淋，好似擺左好耐，蟹肉肉質鬆散唔新鮮之餘，仲有少少臭味，但未算好濃的臭，呢個真係無下次，最得人驚嘅係涷荔枝紅茶加啫喱，我叫少冰，少甜，哇！真係難以形容個感覺，仲有淡淡的茉莉花香，但係我唔係叫荔枝紅茶咩？ 之後問姐姐攞糖漿，加完好少少，但都好難入口，可能各人口味唔同，大家都可以試下。總結，咁落去真係唔掂。完。

觀塘中午 "搵食" 一向甚艱難, 因為人流甚多, 周圍都排長龍, 迫滿人。這天未夠 1:00 pm, 找到這間來過幾次的沙嗲王, 見很久沒來過了, 可以循環一下。每次來必定會叫的 set lunch ~ 白咖哩豬扒飯!白咖哩汁份量很多, 香濃幼滑而不辣。用上很多洋蔥, 蒜片與香茅, 非常惹咙。單是一碗白咖哩汁撈飯已可以吃掉一大碗飯。豬排切小塊, 但有 4 小塊, 份量相當足夠。呢間位於工業中心內的沙嗲王門口連招牌也沒有的, 如果不是觀塘返工的人, 恐怕不易找哩。室內環境尚算可以, 光猛舒服, 不過如果 lunch time 只得一人, 就一定要搭枱了。這店一向都是有加一的。

呢間沙嗲王超難搵，同search 既圖片完全唔同😂，可能係工廈所以冇招牌，唔係朋友帶路都搵唔到。觀糖呢間沙嗲王都算大間，同埋可能太難搵，係中午時段都唔多人，唔洗等位👍🏻👍🏻今次叫左個新出既脆炸鱸魚飯，睇個賣相好吸引，配合黃咖喱都唔錯，但剩食魚既話就比較淡味。同埋爐魚係得半條，本身睇相以為有一條，都失望左下。另外叫左杯青蘋果紅茶，一嚟到以為中伏，不過都算不過不失，係啫喱有少少奇怪。當然一定要叫白咖喱豬扒飯，保持水準，好好食。

今日專登LUNCH過嚟食, 大概1:20左右到達, 都唔算太滿座, 唔駛等位可以直入, 睇到午巿個餐牌, 選擇都好多, 之前只係食過白咖喱配飯, 配烏冬都係第一次試, 上菜時間都唔算太耐, 最怕LUNCH時間上餐時間等得耐, 打工仔食飯時間一小時, 真係趕到甩頭甩骨, 遇到漏單或等得耐就慘啦 !白咖喱豬扒烏冬 - 賣相不錯, 豬扒好軟熟, 烏冬有煙韌口感沙嗲肩胛肥牛拉麵 - 賣相可以, 沙嗲味好濃, 肥牛都好新鮮青蘋果綠妍茶 - 底層有青蘋果味啫喱, 味道一般荔枝紅茶 - 底層有荔枝味啫喱, 味道都可以, 唔難飲總結 : 午巿價錢都唔算太平, 但食物質素搭夠, 一星期去一次都可以