沙嗲軒 (香港黃金海岸酒店)

營業中

休息中

係黃金海岸酒店staycation, 晚餐近近地去酒店內的餐廳食野。本身都不抱太大期望，但竟然食到好好食的麥皮牛油蝦。開邊大蝦本身已經無腸，炸到皮脆，可以連殼食，浸滿香脆的麥皮牛油，配上肉質爽口彈牙的新鮮大蝦，完全係滿滿的幸福感，食完蝦肉，仲可以一大啖淨麥皮咁食，都好香口。巴東牛肉有少少似乾身的咖哩，肉質比較瘦同唸，牛肉吸晒d汁，每一口都好入味。用印度薄餅伴巴東牛肉食就最夾，鬆化的薄餅好香牛油味，配醬最好食。

同朋友唔知食乜就走咗去黃金海岸 見佢又唔使等位又唔使book位就衝咗入去食🙈同朋友嗌咗個海南雞飯，炒蘿蔔糕同埋串燒個炒蘿蔔糕大家其實可以唔使叫嘅因為真係好難食😂😂😂個賣相又唔討好唔識形容啲味😅又咸又甜咁我就真係唔識欣賞我串燒我哋就淨係嗌咗牛同豬 味道唔太差嘅但係牛串就有啲乾豬串反而就幾juicy 同埋佢個沙嗲醬又幾好食😋到成餐飯嘅重點就係海南雞飯成個碟入邊嘅重點係碗飯😋 平時出街食到嘅雞油飯好多時都真係淨係雞油唔會有任何鹹味 又或者啲鹹味係一啲都唔夠嘅 (個人喜歡食有味嘅雞油飯😂😂) 個飯嘅鹹度啱啱好 又唔會太油膩只係啲油啱啱好包住粒飯啫👍🏻👍🏻 然後個湯唔會太過味精 唔會特別口渴 反而個雞有少少失望 冇乜味道但係又唔會太鞋嘅不過而家香港都好難食到啲好好食嘅雞㗎喇🥲不過喺買單嘅時候 原來恒生信用卡仲有八五折😂 有個小驚喜😂😂

為慶祝結婚周年，又因疫情無得去旅行，就專登揀咗遠離市區又有渡假環境嘅「黃金海岸酒店」住番晚加飲飲食食，買咗個「悠然下午茶住宿計劃」，包雙人豪華海景房、入住當日嘅主題下午茶、翌日嘅雙人自助早餐。雖然個住宿計劃無包午餐，但今早食完早餐，再去行千島湖，返到嚟啱啱好正午多啲，退完房就順道晌埋酒店內嘅「沙嗲軒」食完午餐先走，一來覺得酒店晌防疫方面做得好，二來食過好幾次「沙嗲軒」（尖沙咀分店）都喺印象良好，三來揀食星馬菜感覺就更添渡假氣氛，故此就梗喺捨遠取近啦。 始終喺酒店餐廳，環境唔會差得去邊，整體佈道雅致，加上疫情關係，枱與枱更加編排得多一點距離，所以，空間感更強。 我哋被安排坐晌落地玻璃一旁，自然更光猛，視野更開揚，讓人感覺更舒適。 而對出有啲高腳枱櫈，可以俾客人坐晌出面飲吓嘢，只可惜疫情下未有開放。 上面都提過，晌度食嘢就喺貪酒店做防疫做得好，甫坐低，侍應捧咗一大盆熱水連鋼夾，喺俾客人消毒餐具用，呢啲就喺細節位嘅分野。「沙嗲軒」主打喺賣星馬菜，翻一翻餐牌，當然發現唔少熟悉嘅星馬菜式啦。分類上，包括前菜、湯品、海鮮、雞類、牛肉、傳統星馬美食、飯類、蔬菜類、甜品及飲品。結婚周年，當然要食得盡興

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生我哋599•Eat幫到你無論大鋪小店我哋都會盡試盡講今日食評有✍🏻Satay Inn@Hong Kong Gold Coast Hotel試食指數⭐️⭐️⭐⭐️⭐店舖衛生⭐️⭐️⭐️侍應態度⭐️⭐️⭐️⭐((每項5⭐️為滿分))周日是。。。滿街是人的日子🙆🏻‍♀️🤷🏻‍♂️我哋為咗避開人潮特登揀啲位置比較偏僻選擇比較冷門嘅地點食飯黃金海岸酒店係信心之選每次都令我食得安心又放心今次試食Satay Inn🥢👍🏻海鮮喇沙👍🏻👍🏻去骨海南雞飯👌🏻椰汁西米布甸喇沙可以選擇小辣或者特級辣海鮮包括鮮蝦、魚蛋、魚片配半隻蛋、豆卜、芽菜、青瓜絲面底係幼米線椰汁湯底稀咗少少但係味道濃郁熱騰騰上枱食完個湯底都仲溫㗎👍🏻正宗海南雞飯係去骨🦴賣相首先吸晴🤩雞夠滑油飯夠香口味挑剔嘅我都食到冇停口👍🏻👍🏻幸好飯後甜品食完才上🤨原因好簡單大家睇吓圖片就知啦👀🧠不過不過味道係ookk 的👌🏻黃金海岸酒店內的餐廳大都保持一貫水準👍🏻二人三主食一甜品盛惠390👌🏻

星期六行完千島湖(即大欖涌水塘), 過來試試這間位於黃金海岸酒店的沙嗲軒。真心覺得，招牌海南雞飯值得試試。不過，魚頭湯米粉就非常之普通。唔薑味，唔番茄，唔酸梅！！同我在新加坡食的魚頭米粉湯完全不同。好失望。😞

去沙灘玩完，就入酒店搵餐廳食晚飯。沙嗲軒基本上我地次次都會食，因為新加坡菜真係好岩一家大細食。我地當日叫左菜粒素雞蛋白炒飯、蒜香蜜糖雞翼、炸蝦餅同埋雜菜煲，四款餸都好適合小朋友食。每次黎都必叫炸蝦餅，啖啖蝦肉，好彈牙爽口，配埋酸辣醬真係好開胃，兩個仔都爭住食，不過岩上檯時都幾熱下，要攤耐啲先好俾小朋友食呀。蒜香蜜糖雞翼好驚喜！食到我哋個個都舔舔脷，呢個推介！菜粒素雞蛋白炒飯一貫水準，唔會太油，我地食慣淡味嘅覺得味道剛剛好，小朋友岩晒雜菜煲令我驚喜之處係佢既湯底，我竟然忍唔住係咁飲啲湯，唔會好咸，冇咩味精，好易入口，呢個真係要加分！兩個仔唔鍾意食菜既都係咁食菜，下次去沙灘玩我會再黎呢度食飯

與老婆跟兒子玩完沙灘，行過來食飯很方便。打電話訂位立即有。三個人結脹要600塊，不算很貴 ，但不是openrice寫的100至200元。叫了兩肉一菜:巴東牛肉、肉骨、鹹魚芥蘭，白飯及飲品。巴東牛肉高質，價錢合理;肉骨茶也不錯，沒有某些茶餐廳那些藥材渣; 芥蘭也可以。飯嫌份量少，最後點多個椰香飯，椰香飯沒有油飯那麼油膩。飲品叫了「美祿恐龍」給兒子。這杯飲料我覺得最不值，要60多元，是我的涷啡的一倍有多，完全不理解。建議父母們不一定要花這個價錢，而且兒子最後也喝不完。(服務方面，其實很殷勤，但就是太殷勤，肉骨茶吃剩一件，前前後後三個侍應趕著想收，我都說未食完，第三個想收我趕快夾落自己碗內，最後卻掉了在地上)

今日去屯門探朋友，所以去咗黃金海岸食lunch，酒店無咩選擇，所以揀咗近門口既呢間。我哋2個人叫咗3樣嘢，海南雞飯，肉骨茶，通菜牛腩煲，首先講海南雞飯，普普通通一般，肉骨茶偏鹹，味道不太正宗😔個通才牛腩煲非常濃味，口味偏重。。。個人覺得食物質數一般，份量較少，但侍應生服務態度好，特別係個男既侍應。環境清靜舒服😌如果想食好嘢呢度唔會係好選擇😆特別一提，openrice嗰張coupon係一定要print出嚟先用到，咁其實好唔實用好無謂，家下個個都用e-coupon既年代，呢點可以改善下～

同小朋友去完黃金海岸沙灘玩已經筋竭力疲，走左過黎酒店搵野食。咁啱得依間有位，就一試龍與鳳。fruit punch，好有果汁先生感覺，無咩特別。美褖恐龍好香可可味，上面堆既粉好多好好味。海南雞飯都好好味，個皮好滑，油飯好香，但個湯太咸，有d扣分。芝士酥餅，熱辣辣好香好正，啲芝士好似流心咁，有拉絲效果。芒果糯米飯真係好難食，啲飯軟林林，一啲糯米應該有嘅煙韌感覺都冇，仲要90幾蚊，唔值得食既甜品。主菜其實都幾好食嘅，係甜品差少少。

兩日一夜既生日package, 黎到第二日包午餐每人一份。本身唔多想㨂素食，不過因為好多都係辣，所以㨂無可㨂🙈🙈🙈。✨薏米水幾好飲，唔太甜清清地幾健康，我覺得熱好飲過凍，因為凍既比較淡。✨菜粒素雞蛋白炒飯： 個飯都幾大碟，炒飯夠乾身粒粒分明幾有咬口，蛋味都幾香，不過個人嘛嘛地素雞，本身無咩味覺得有d 寡。開頭食果時覺得好咸，佢面頭果下鹽重手左，但食食下又ok 番✨加多加多沙律：唔好睇佢賣相好似一pat......食落味道有驚喜🤩個醬甜甜地又有啲花生同沙嗲味，裏面有菜，豆角，薯仔，青瓜，沙葛，估唔到係幾夾同埋好食嫁喎✨肉骨茶浸中藥味好濃，但又覺得幾好飲，舊肉幾腍幾香，真係想再飲。✨咖喱雞飯: 見番d 肉覺得好開心😂， 原本都驚佢好辣，但我唔食得辣都接受到。d 雞都幾多，有兩隻雞鎚同兩大舊雞胸，啖啖肉！仲有薯仔都好好味， d 汁最後拎晒黎撈炒飯先食得到。

今日係十，10月，一日之前嘅9月30號，我同我女朋友聽日就去日本玩啊好開心啊，噉呢今日呢我哋就嚟咗屯門黃金海岸酒店咩。噉我哋就嚟咗一間，誒沙爹軒嚟試下下午飯，真係好肚餓喇，等到12點幾都先食嘢仲要車鉤，但喺呢度有個好處呢就係七五折嘅食嘢，噉記得下次唔好出口咗先至嚟食嘢喎，噉我哋呢度食嘢呢就試咗個招牌菜，就係海南雞飯。另外呢日結都結咗條魚，噉樣試下呢度嘅廚師手勢啦。噉我哋叫咗半隻海南雞不過跟住就好似麻麻地一樣黑，噉試下個雞油飯好唔好味。

老公話星期五想食好d又想試下新野, 於是去左黃金海岸酒店既"沙嗲軒"食馬拉野。好耐都無去過黃金喇，間餐廳比想像中熱鬧，應該係因為有暑假住宿package 同飲食優惠，所以餐廳內好多一家大細。我地叫左三樣野**加多加多沙律（$85)第一次食呢種沙律，覺得幾得意。個沙嗲醬幾好食，菜幾爽脆，係一個good starter**巴東牛肉（$115)D 汁同我以前食開既小店賣既巴東牛肉唔同，牛肉方面有d um, 小失望，但都算幾好送飯**肉骨茶（$88)呢度既肉骨茶好香藥材味，排骨亦都好林好入味，雖然唔算大碗，但中意肉骨茶既朋友絕對值得一試

本身想食自助餐，但book吾到位，所以到對面餐廳食新加坡菜。雖然人多，落單後都要等一會兒，但都值得的。海南雞雞皮一點也不肥，可以連皮食，雞肉嫩滑，三隻醬料都齊哂！油飯不會過油，超香口，想起都快要流口水了。豆角新鮮，炒乾身後，不會完全失去水分，加上肉碎，口感豐富之餘，更香辣可口。沙嗲串燒，雞、牛和豬各兩串，廚師把肉類處理得真的很好，任何肉類都保持鮮嫩，食串燒怎可以沒有沙嗲醬，為了每一啖肉都充滿醬汁，先把所有肉拆開，再沾上醬汁。最後開始飽了，蘿蔔糕才送上，起初都不太想食，但一放落口又停不了！第一次食蘿蔔糕加上蛋去煎香，秘製醬汁帶甜，配搭完美～～下次再來黃金海岸酒店，不一定要吃自助餐，這間餐廳也是不錯的選擇呢！

今日去完迪士尼非常疲累，唔想煮飯於是就忽然間醒起黃金海岸酒店沙嗲軒有海南雞同埋肉骨茶！ 就即刻揸車去今日係星期六冇book位，所以喺門口等咗大約五分鐘一坐低就睇menu其實樣樣嘢香港人都會好鍾意食！不過每一台都嗌海南雞嘅，所以我哋都唔執輸。叫咗半隻海南雞， 食落口真係好有雞味 ，雞胸肉係極之滑！好有海南雞的味道！當然酒店價錢一定偏貴啦 💰不過因為唔係日日食，所以我哋好滿足呢個肉骨茶就唔到位喇！我覺得麻麻地....藥材咪又重得滯，都係唔及馬拉嗰啲好飲。 👆呢個好似係印度roti，係用好多牛油整成嘅，肥過肥仔記！代替白飯或者油飯嘅啫,本人覺得有飯好食好多!呢個涼瓜煲真係好食，sambal醬又唔係好辣,涼瓜又唔係好苦,真係好正不過就油咗啲

在黃金海岸酒店不是吃自助lunch便是在這間沙嗲軒吃。因為上次是在沙嗲軒試過一次，感覺不錯，今次再試多一次。，應該爆了首先是是這杯薏米水，薏米水不甜，應該沒有落砂糖，薏米肉很淋身，應該泡了很久。65分。再來小食肉骨茶,侍應拿着肉骨茶未走到附近,便暈倒了肉骨茶的香味，而且大大嚿豬肉,很有馬拉肉骨茶的味道，比想像中好，八十分！咖喱薯仔雞肉，咖喱味比較淡，薯仔亦只有兩三塊，雞肉的肉身也不是10分有口感， 60分！最後，海鮮炒飯，海鮮味完全融合了飯身，配合得非常好， 80分！