沙田一至尊燒鵝·生滾粥品專門店 (已結業)

去到石門站，地鐵站附近有好多嘢食！最後都揀咗呢間沙田一燒鵝，門面金色好靚，入到去好似漫畫格局，整整齊齊，觀感不錯！坐低後叫咗一碗雙拼米粉，嗌咗我最鍾意嘅燒腩仔同油雞組合！呢款係下午茶餐，但係我嘅午餐就係佢！價錢非常划算！簡單但係一啲都唔淡味！如果下次過黎，會試下食佢哋招牌燒鵝！

最近平日放工不時會到石門練舞，練習前當然要找地方先醫肚🤣 發現其中一間餐廳經常大排長龍，但上openrice卻頗多劣評，好奇下就決定親自來嚐一嚐，果然有意外驚喜🥰⁡👉🏻食物: 4.5/5⁡▪️燒鵝💯必點之選！意外地給了一隻超級大的鵝髀😳竟然比我手掌更大😮入口外皮超級香脆😍鵝肉充滿肉汁，不愧是招牌菜！⁡▪️蔥花蝦米腸粉超級有驚喜，同樣是必點之選👍🏻布拉腸粉口感帶有韌度，簡單配上蔥花蝦米已十分美味🥰⁡所以有時不要盡信他人的評價，要自己親自去嚐嚐！

下午2點在附近搵食，諗起朋友話呢度燒味飯都唔錯，就入去試下。一入到去，侍應完全無理過我，所以自己搵個位坐低。想落單，舉手差不多5分鐘又係無人理我，唯有大叫：唔該寫野。。。直至有人埋嚟為止。。😒點咗叉鵝飯，整體調味不錯，咸甜香味均適中，叉燒鬆軟，但燒鵝皮燶，太肥，只有肥羔無肉。食到中途，安排另1位客人坐我對面，但中間無隔板。我覺得此店的員工防疫意識極薄弱。我不介意搭枱，但要有隔板囉。。所以我主動向店員要求加塊隔板。但店員竟然係要求我坐過隔鄰吉枱。但其實我坐响度先而且已經食到中段。。係咪應該請未食既嗰位坐去另一個位呢？都算喇，於是我仲要自行攞住碗飯過隔離枱，儘快食完走人，無下次

今日閑來無事 經過沙田一燒鵝 這間沙田一燒鵝其實心裏面一早想試但一直沒有機會 咁啱今日提早放工 家裏沒人煮飯 自己一個食飯唯有叫外賣 於是大膽一試 叫了一個叉油雞飯外賣 原來佢會免費跟一個菜乾湯今晚就有著落啦 返到屋企打開盒飯 開始食用 叉燒同油雞味道水準都幾好 最抵讚嘅係啲飯 軟身得你粒粒分明又夠乾身 一點黏嘅感覺都冇 唔係金鳳就係上等茉莉 叉燒有種好特別嘅香氣類似係煙燻或炭火嗰種好令人想食和追食嘅香氣味 而豉油雞豉油味道都唔錯 喺同類燒臘店嚟講係我人生食過稍為突出出眾 不過啲油雞有少少嚡口同埋雞胸配雞背 如果改做雞髀配雞胸或者雞翼配雞胸或者雞背配雞髀 就最好 菜乾湯方面都唔錯 同油雞叉燒飯配合得好夾一啲油膩嘅感覺都冇 不過感覺出街食的湯硬係有少少味精 如果師父可以輕手啲就更加好 值得推介再試

早2日同屋企人去食生日飯，見佢出名食燒鵝，所以叫左半隻試下點知黎到隻燒鵝，胸肉都得2，3舊心唸開得門做生意應該吾會咁差掛偷肉，仲要偷咁多！味道好都無用，真心差！仲有間舖完全無冷氣咁仲要長期打開門 一路食一路出汗食左半個鐘頂吾順即走，真係未試過食間野食得咁快沒有下次！如果要食真係要睇住佢切

乳豬飯皮un 、 肉薄、 有豬酥味完全唔掂叉燒燒鵝飯叉燒質感幾好，瘦得黎又淋但個味好一般般冇焦香味、冇蜜味、冇油味燒鵝皮唔脆、肉夠淋但又係冇鵝香味 蔥花蝦米腸極度唔掂呀！又唔脆又少蝦米腸粉難食，豉油死咸，麻醬唔香

今日晏晝去呢間買個燒鵝油雞飯，油雞走胸，凍檸茶小甜，盛惠$63攞到返公司一打開，咩事呀油雞收雞翼唔緊要好正常我走雞胸丫嗎，點知燒鵝得啲骨帶皮冇肉，我咪攞落去同佢講$63唔係比皮同骨我食呀？點知入面切燒味師傅同我講走胸丫嗎係咁咖喇，唔係你想點？好嬲，我話我淨係走雞胸，但燒鵝唔係我皮同骨呀？冇人食骨咖？另一位師傅又講，你走雞胸佢味覺得你咖食胸囉，好正常乜料呀？你收咁嘅價錢咁嘅食物都好正常？我真係真係唔會再幫襯，上次試過下午茶都係咁，諗住唔會再係咁，點知都係咁😡😡😡

很久沒有吃過燒味！😩減重的每個周一至周五中的每一餐澱粉是大忌🙅🏻‍♀️，而且豬牛也不能吃😭突然有個周末想吃一個美味的燒味，但人已在回家🏡路上，而且區內沒有太多性價比高的燒味吃想到上次第一次來到店家享用了美味的燒味😋，為了滿足味蕾特意多花⏰半小時步行，為的就是一碗雙併燒味瀨粉燒味雙拼 - 古法燒鵝 + 叉燒 配瀨粉（可改配飯或米粉）$54燒味之中最喜歡😍就是 燒鵝 + 叉燒這個組合了可惜燒鵝成本💰較燒鴨高，很多店都會選擇以燒鴨代替。以這個價錢來說算公道，皆因份量不少而且質素不錯！👍🏻店家的signature food「古井燒鵝」說是用上荔枝柴製作的脆皮燒鵝，這次🌟幸運地獲得半邊鵝脾，皮薄脆夾香，帶點油份但不肥膩，肉質鮮嫩，肉味偏濃，味道適中不會過鹹😌而店家的叉燒同樣是受客人歡迎👏🏻的食品之一，色澤跟味道與外間的略有不同🧐 店家製作的叉燒味道偏甜帶酒🥃香，肉質腍滑🐽豬肉味濃，帶少許燶邊感覺不錯‼️千叮萬囑要「肥叉」，現在吃燒味跟店家要「肥叉」也只會提供半肥瘦的💁🏻‍♀️沒有以白飯🍚襯托，點選了瀨粉同樣不錯，湯🥣沒有太鹹瀨粉自身味道也不賴這次二訪雖是外賣性質，回家需時進餐時品質會受一定程度影響，不

之前食過覺得味道ok，上星期便買半隻燒鵝返娘家同屋企人分享｡😋點知返到去發現我買嘅半隻燒鵝只得隻脾同兩三舊小肉，脾下面全部都係鵝頸之類的骨，完全不見鹅胸位置😱😱。仲要畀屋企人問我，買個下裝，要咁多頸嚟做乜？？ 我😤😤😤 打電話去餐廳問，佢話如果係畀漏咗我，可以補返。但其實好明顯，唔係畀漏，而係手腳唔乾淨，唔老實｡ 再上openrice睇其他post，發現佢已經唔係第一次咁做，亦不是誤會。原來佢一直都以呢個不良嘅手法經營。 就算食物幾好食，以後都唔會再幫襯。

第三次食，依然好多人。今日有啲攪肚，所以食下粥之前食過佢啲粥都ok嘅，今次食皮蛋瘦肉粥都算多料。上一次點咗嗰炸兩但係炸兩係淋嘅，今次叫咗豬潤腸粉，都唔錯。但係豬潤比較少，如果大塊啲就咁開心，味道都正常。

1月29日，夜晚六點後禁堂食，想食燒味，諗起石門沙田一，於是去外賣自取打定電話柯打，要咗半斤半肥瘦叉燒，同埋半斤燒腩仔，總共港幣$148元返到屋企打開嗰兩盒餸，十分失望，完全貨不對辦劣！劣！劣！叉燒：又瘦又柴皮，每舊切到成串厚燒腩仔：又鞋又有骨，根本就係燒肉，切片嗰隻都返到屋企，唯有硬食，諗住打電話同沙田一反映一下，希望佢以後會有所改善，點知沙田一唔知邊個女員工，好串咀咁話「不嬲都係咁㗎啦！」火都嚟埋，以後唔會幫襯！

由於在石門工作 午飯每星期總會到一至尊一次 早前OT要在石門解決晚餐 就幫襯晚市小菜 點了個西芹帶子炒蝦仁 麻辣雞煲 帶子蝦仁盛惠$108 成碟野乜味都無 西芹有渣無刨絲 蝦仁係啤水啤到乜味都無果隻水晶蝦 帶子 同樣係啤水帶子 味道口感就好似唔熟的感覺 總之就好怪 雞煲就費事再寫啦 總之都係唔好食 成間野燒味咁出色就係比小菜攪喎晒 又燒味又小菜又生滾粥 其實係咪專注D整好自己拿手野重好呢 總之結論就睇標題啦. . . . 

買外賣燒鵝下圧及义燒，返到屋企發覺燒鵝一係骨，一係肥膏，鵝脾淨係得最後果段骨，唔見咗隻髀，從來未見過咁嘅下圧燒鵝！ D义燒八成肥兩成廋，雖然我冇指定肥定瘦，都冇理由係咁樣，非常失望！以後不會幫襯。大家小心！I am not sure if they are cheating those who buy take-away. Both char siu and roast goose are coincidently of bad quality.

夜晚肚餓行過石門睇下有咩食唔想食太貴（即係打邊爐。西餐etc以燒味店黎講　見到舖面都算光鮮整潔　就入咗去食入到去梗係嗌燒鵝雞飯堂食黎講正常價錢啦　對女仔黎講都算幾大兜另外叫咗jeje通菜煲比預期好同惹味不過自己就蠢咗　唔知有送白飯／粥一碗個呀姐問我個時　我仲話嗌咗燒味飯唔使要多個白飯！唯一扣分嘅就係燒味店多佬食而且啲佬唔太衛生...成個口罩就咁放係台面同凳下次會選擇叫外賣／自行搵消毒紙巾抹一抹求安心平日諗唔到食咩都會揀佢

今晚去咗石門站搵食，入咗沙田一至尊食燒鵝，佢哋啲燒味確係有水準，隻鵝夠香肉質都好嫩味道適中唔會過鹹👍👍，碟例牌叉燒腍滑得黎好好味😋有驚喜。叫咗幾碟小菜，炸鮮魷、豉油鵝腸、豉汁炒蜆、啫啫雞煲，整體黎講算唔錯，尤其係碟鵝腸爽脆之餘豉油味道甜香入味。