影片
港鐵石門站 C 出口, 步行約3分鐘
繼續閱讀
電話號碼
26509333
營業時間
星期一至日
06:30 - 22:00
以上資料只供參考, 請與餐廳確認詳情
黃金蝦肉身梅及身頭分開來上蝶既，已經唔係味道問題， 直接食材不新鮮。 星米都唔夠熱，真正是劣食文化代表營商控制唔到成本就唔好出餐牌，完全當食客是無知。沙田友被負評， 也不是沒有原因正宗一句。實力地拎負評👍一次見識左 廚師抄鑊 既所有出品.
繼續閱讀
叫麵包加一杯野飲，全村人等成2個字都出唔到一杯野飲，個個都等到火。同d 員工講叫佢跟下單 佢地漠視你，唔憂做咁既款。如果真係唔想做就返屋企呀嗎，唔好做Service 啦。堂食同外賣都唔會再幫襯，d 單亂過鬼。
繼續閱讀
【沙田區】【沙田友】去到呢個位置都冇咩嘢可以寫，不過我想講嘅係，我係住沙田架，所以名符其實係一個「沙田友」。一見到呢間餐廳個名就覺得好好笑，不過雖然聲稱想試，但係理想同現實往往爭好遠，一直都未有機會試。呢間嘢喺石門都開咗一段時間，不過次次都係過門而不入，都食咗好多其他嘅餐廳。最近稿件不足，所以都要的起心肝去食一次。點知一去到冇位喎，我本人係幾討厭等位嘅，所以就過咗隔離陸記食，就係之前寫陸記嗰篇。搵到一次終於再有機會入去，喂又冇位嘅，啱啱有個人走喎，咁我就坐落去咯。唔知點解呢啲搵極都搵唔到位而又突然有位嘅話係有啲開心嘅，好似失而復得咁。不過呢間嘢成日都咁多人，都有啲興趣試吓佢哋啲嘢係咪咁得。入得呢啲茶記，梗係叫個「常餐」啦，主食「沙嗲牛肉麵」又真係一般咗啲，有少少失望添。個「黑松露炒滑蛋」同「多士」就挽回到唔少分數，隻蛋炒得幾有誠意。餐飲我飲「凍檸茶」少甜，都係一貫茶記水準咁啦。個阿姐喺我叫嘢嗰陣無啦啦 sell 我叫「酥皮蛋撻」，而我又唔知點解話 okay 喎。可能都想畀個機會佢哋嘅包餅部，因為好似敏華嗰啲咁，個新鮮出爐蛋撻係幾正。不過好可惜，上到嚟發現佢唔係啱啱焗好，味道亦都一般。我最後食咗個常餐加件蛋撻，夾埋 $66，求其茶記食個晏晝嚟講當然唔平啦，不過佢個炒蛋都幾入到我法眼，只係個沙嗲牛麵真係爭啲。未有機會試佢其他嘢，佢哋成日都咁多人，一定有佢哋嘅過人之處，有機會要食多次。。。（地址：沙田石門京瑞廣場一期地下 G19 舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #1ambackup #1am0569 #tasty #globaleats #tastyfood #foodpics #followforfollowback #love #eat #1am沙田區 #沙田 #石門 #沙田友 #沙田友冰室 #常餐 #沙嗲牛肉麵 #黑松露炒滑蛋 #多士 #凍檸茶 #酥皮蛋撻 #京瑞廣場
繼續閱讀
同大家分享第一次入去食飯嘅負評餐廳出餐位4個姐姐企哂係到，我望住佢問有冇2位，個姐姐望住我話等等之後走咗，過咗大概1分鐘冇人理我 再問有冇2位終於另一位姐姐應我話等等睇吓，即刻覺得應該都冇咩可能姐姐返工狀態唔好咁唔緊要啦，點知呢個姐姐𨍭角入咗去冇下文，好啦唔緊要！終於入到去點知入面得2,3個人全部都係位點解等咁耐？搵到位坐低枱面全部都係上一手啲嘢食好多枱都係咁，我就舉手講：「唔該！可唔可以執下張枱？」個姐姐望住我走咗，我即刻心諗下？ 之後佢周圍行行左去附近執枱 我問 「唔該？」其實佢企係我隔離 但好似扮聽唔到 之後我等左差唔多5分鐘 張枱岩岩執好就同姐姐講，唔該想落單，佢話等等，我地坐係到等左好耐差唔多10分鐘都冇人過嚟 之後我朋友話不如唔好食啦 嬲嬲地，我諗唔會再幫襯。 最後冇叫到嘢食走左
繼續閱讀
斑蘭味蛋撻（$11 per 1, $21@2)見到斑蘭味，睇落好特別。😋😋😋但食落斑蘭味道唔重，好淡，蛋唔夠滑，酥皮唔夠鬆化，整體真心普普通通，🤔🤔食完冇咩太感受，少失望🥲，同埋11蚊1個都幾貴。😂😂😂個收銀仲要好唔耐煩咁。🤐Total 1.5/5
繼續閱讀