沙田18

營業中

休息中

前幾日你睇到我寫開北區飲茶三寶，不如講下另一間我favourite嘅一定係大學站嘅沙田18。之前食晚飯食得多，飲茶真係第一次，呢個環境其實真係好適合來個周末午餐，特別係久唔久佢就會有一啲好好食嘅新Menu。每次嚟食都唔會有失望，今次飲茶更加之精彩，亞拉斯加蟹鉗灌湯餃真心好痴線，以勁大隻嘅蟹鉗、蝦、豬肉、大菜、蘑菇、鮮草菇放入去做過灌湯餃，呢個一定不能錯過。鳳尾蝦多士，好多地方都有呢度做得乾身同埋佢嘅形狀非常特別，盡顯佢哋嘅廚藝工架。金桔白玉木耳係夏天必食，第一次食白木耳，口感幾得意，朋友愛金桔，本身自己興趣不大，白玉木耳來自雲南，新鮮柑桔來自廣西，而醬汁主要以用柚子汁調製，三樣夾埋一齊絕對係一個用嚟消暑嘅前奏。燒椒醬糖心皮蛋秋葵又係非常有特色，燒椒醬以青尖椒燒香後，再加入醋、生抽等調味製成，為四川地道的做法，師傅每次整一啲新嘅醬汁都係有無比嘅創意，而且味道都無懈可擊。主菜麻椒黑豚腩肉薑油煎焗鮮鮑魚，雞夾鮑魚試得多，黑豚未試過，加上濃郁又香的麻椒感覺，配上鮑魚特別香。其實真係好難想像羊點同梅菜可以拼埋一起，師傅就成就了這美事，梅乾菜筍乾扣羊膝，羊膝大件到不行，愛羊嘅一定會愛上呢個咁特別嘅

讚-菜式穩定地好 片皮鴨晦皮脆得黎夠油香 臭豆腐海鮮煲既湯汁好飲 蝦肉夠鮮甜 辣鱔皮爽彈 肉質夠油份 整體係樣樣都出色-環境保持得企理 雖然開左十幾年 但都唔乜點殘舊彈-白木耳頭盤同皮蛋頭盤都有啲淡

沙田18位於沙田凱悦酒店內的中餐廳，坐位寬敞舒適👍大學站步行五分鐘便可到達🎉最好訂座及預留菜式，免得白行一趟🥢正宗北京烤鴨是沙田18的招牌菜🏅師傅會在飯桌旁邊即席片皮, 分切成淨皮, 皮帶肉,及淨肉三種口感🎊今次選擇了三食🤗一食：片胸皮，胸肉，腿肉連青瓜，大蒜，黃麵醬，薄餅第一個食法是薄薄及脆脆的鴨皮，灑上少許白糖，香脆可口, 入口即化第二個食法是 加入京蔥、青瓜及醬汁，包薄餅皮吃，, 香而不膩十分滋味!第三個食法是把鴨肉點上黃色的蒜泥醬， 蒜泥醬突顯了鴨肉的甜味，也是很好吃二食：生菜片鴨鬆生菜包裹着濃味濕潤的鴨鬆及大豆芽，吃起來超清爽三食：紹菜豆腐鴨骨湯鴨味十足同時帶鮮甜另外再加了一個菇絲肉絲銀芽兩面黃🍽️麵是外脆內軟，吸收了冬菇、肉絲、銀芽的茨汁脆、軟，兩種質感一起入口，口感豐富

暫時香港食過最好食嘅北京填鴨完全為左食烤鴨去，師傅即席示範片鴨，個皮烤得酥脆加埋白糖，可以分淨皮，皮帶肉，及淨肉三種食法，另外再加多一食紹菜豆腐鴨骨湯老醋紅頭海蜇脆皮燒五花腩肉明爐烤蜜汁叉燒傳統北京烤填鴨一食片胸皮，胸肉，腿肉二食紹菜豆腐鴨骨湯自製黄皮醬焗鱈魚煎梅香馬友鹹魚XO醫鮮淮山秋葵炒帶子

心血來潮想食片皮鴨，用膳當日電話訂座，竟然book到🤭訂座時，餐廳好貼心問是否需要預留北京填鴨，所以入座時好快就可以上菜了。傳統北京填鴨三食（半隻）🦆片胸皮（淨皮）、胸肉(無皮），腿肉連皮鴨胸片（淨皮） 上枱時仲熱好脆口，師傅刀工出色連少少肉都冇，要點砂糖食，要趁熱食否則凍咗有點油膩感胸肉冇皮，個人覺得有少少嚡口，胸肉係俾你用餅皮包住食，個人覺得加埋腿肉連皮好食啲腿肉連皮，餐廳員工建議加埋個蒜醬一齊包嚟食，加咗之後感覺都係冇咁漏夾餅嘅配料 青瓜 京蔥絲 醬料都好味餅皮兩個籠仔一齊上，要快快手食，第二籠好快凍🦆紹菜豆腐鴨骨湯每人一碗，冇得添🥹呢個湯真係要趁熱飲，放涼咗鴨蘇味特別強烈。湯渣有幾粒豆腐，幾片紹菜。因為係用鴨骨熬製，所以冇鴨肉食。個人認為呢個湯太蘇，下次未必再食。🦆生菜片鴨鬆二食嘅係生菜包炒鴨鬆，鴨鬆切得太犀利，感覺冇乜口感，如果下次再嚟，我諗一食算🥦三杯汁芥蘭炒牛肉我見好多枱都有點呢個餸，係一個啫啫菜式，個人覺得味道偏甜，牛肉芥蘭份量都多，整體OK👨🏻‍🍳蝦籽竹笙紅燒豆腐呢碟幾適合鍾意食清淡嘅人，除咗竹笙豆腐，仲有菜心墊底，份量都算多。由於清淡為主，調味唔係好重。🍧紅棗軟蛋糕

今天和家人去了第一次到沙田18吃晚飯,  點了他們所謂的signature dish, 北京填鴨, 定枱時已下了單點半隻,  坐低便對服務說要三食, 我們是最早吃第一食片皮鴨的一枱,可是吃完一食後等等多過1小時還未吃到二和三食,  其間已催促服務員兩次, 他們都說會跟進,但一直沒有回覆我們, 眼看其他枱點了同樣二三食都吃完了,最后我決定取消,  他們竟然說最初的服務員只為我們定了一食, 更連忙叫她過來向我們道歉。我從未見過如此劣質的酒店餐飲服務,  難怪現在港人都北上揾食!!!半隻所謂北京填鴨盛惠$568, portion 極少,味道不比一般小店半價好食,  服務也極度另一失望, 建議酒店管理層若覺得三食賺不到錢便不要放在餐牌给客人選擇!  家人都說不會來光顧這酒店內的任何餐廳！

約沙田友飲茶吃飯，最佳的地點，我認為是沙田18。食物水準了得，當然是我愛這裡的原因之一。環境清優，枱與枱之間有足夠距離，加埋落地大玻璃窗，吃也吃得自在。是日時間充裕，可以叫些點心，來幾客小菜，大家慢慢傾慢慢食。其中的一款，蝶豆花帶子餃，外形飽滿精緻，像花般美。大口咬下去，外皮爽滑，帶子及蝦肉餡足料又鮮美，配合頂頭爆汁的三文魚籽，好吃。接下來兩款小食，金桔白玉木耳，聽名字都知清爽。黑白木耳爽脆，特別喜歡醒胃的金桔令整道菜的吸引力大大提升。另一道的燒椒醬溏心皮蛋秋葵，皮蛋晶瑩。廚子用上尖椒打造而成的燒椒醬，香辣惹味，配埋爽口的秋葵，不錯吃。按位上的亞阿拉斯加蟹鉗灌湯餃，賣相比起坊間的出品更具氣勢。先呷口湯，清甜可口，仲有瑤柱和竹笙。灌湯餃餡料豐富，有原隻既阿拉斯加蟹鉗，啖啖肉，好精彩。再來一系列的小菜，麻椒黑豚腩肉薑油煎焗鮮鮑魚，鮑魚開邊，口感唔會韌，而且黑豚的油香令鮑魚更精彩。當然，黑豚腩肉本身也是好東西，結合麻椒，與及蠻多的薑粒，呢個配搭我是首次見識，卻又非常喜歡。澳洲羊膝鬆化，最正係以豬油炒香過的梅菜乾和筍乾，淨係呢個汁已可以下一碗白飯。如此豐盛既午餐，總要有點菜蔬來平衡下。鶴藪白菜

天朗氣清的日子，朋友約到沙田18吃午飯，立時想起這裏超好味道的堂弄火焰叉燒，真係想起都留晒口水；但原來今次朋友是想來試吓這裏的新菜式及甜品，當然試完後也有意外驚喜。餐廳內環境寬敞舒適，透明玻璃更可看到在廚房內勤勞的廚師及清潔的環境，自然令食客食得更加安心。主菜未到，先叫兩碟點心暖暖胃，第一味係「蝶豆花帶子餃 」，豐滿嘅外型，頂部鋪滿粒粒晶瑩通透的三文魚籽，餡料有鮮嫩的帶子及爽彈的蝦肉，美味可口。第二味係大大隻的「亞拉斯加蟹鉗灌湯餃」 ，湯底清甜又滋味，餃子除了有一整隻亞拉斯加蟹鉗外，還有鮮甜爽口的竹笙和瑤柱，非常好吃。酸酸甜甜嘅口感，正是這味「金桔白玉木耳」，食落不但開胃，還非常醒神，在這炎炎夏日下吃，更覺合適。這味頗有辣度的「燒椒醬糖心皮蛋秋葵辣」，皮蛋呈糖心形態，口感滑溜，馥郁香濃，秋葵則口感軟糯粘滑；吃得辣的友人就食得津津有味，還大讚好吃，但我則只敢試了少許。🥵叫了五款主菜，首先上場的第一味是「麻椒黑豚腩肉薑油煎焗鮮鮑魚」，辣度沒有想像中高，食落反而非常惹味；鮑魚口感煙靱爽彈，黑豚肉油脂豐盛帶肉香，煲底有大量的薑粒，喜吃薑粒的友人，則吃個不亦樂乎。香麻辣子農家雞～雞粒外層香脆，中

講開中菜總有一些會經常令我心心念念的！這天介紹的便是其中一間，久不久就會非常掛念它的菜式和甜品，冇錯一間中菜的甜品竟然會有叫人趨之若鶩的魅力。這間正是位於沙田凱悅酒店內的沙田18，除了我最喜歡的堂弄火焰叉燒之外，每次的新菜式和甜品也非常有驚喜，饞嘴的我們這天又來午餐品嚐美味新菜式。炎炎夏日先來客前菜金桔白玉木耳$188消暑開胃！甜美的金桔生津止渴好醒胃，配搭爽脆的白富美之稱白木耳真的非常適合夏天享用。清爽過後到品嚐燒椒醬糖心皮蛋秋葵$190！完全沒有異味的皮蛋伴上用尖椒特製的燒椒醬秋葵，吃下先感受到醬汁的香辣然後就是甘香可口的皮蛋和口感十足的秋葵，這個前菜非常香濃惹味很適合愛重口味的朋友品嚐。吃午餐最開心便是可以品嚐到點心！這天選了兩款來嘆率先上檯的是蝶豆花帶子餃$75。超級飽滿的蝶豆花帶子餃頂鋪滿了鹹鮮三文魚籽，賣相嬌艷之餘更能增添鮮味，餃皮口感爽滑內裏藏著滿滿的鮮嫩帶子和蝦肉，鮮氣沒法擋是一件帶幸福味道的可口點心。亞拉斯加蟹鉗灌湯餃$128/位勁大隻非常足料！清澈的湯頭好鮮甜內裏還有爽口竹笙和瑤柱，餃內有一整隻阿拉斯加蟹鉗鮮味滿分，這個灌湯餃確實真材實料非常吸引。麻椒黑豚腩肉薑油煎

唔係試食，真金白銀畀錢食！！！母親生日飯食豪小小，訂位時已經留咗隻片皮鴨片皮鴨 三食皮香油香 點砂糖食真係好味鴨胸肉甜口但略柴鴨腿肉就係剛剛好 加埋個蒜泥醬 竟然好好味 蒜辣突出咗鴨肉嘅甜味鴨鬆炒飯 就還好。。。鴨湯 好甜好香 呢個唔錯後話：叫三食係為咗個鴨殼，拎返屋企煲湯炆咗個好好味嘅米粉；如果唔係個鴨鬆炒飯真係好一般燒味拼盤：好出色嘅燒腩仔同埋叉燒，個子姜都好好味吊桶：普通，唔夠鑊氣，調味唔夠重手，大排檔小炒都比呢個更好食，而且！佢清走臟器嘅時候清走埋個嘴，無咗脆脆嘅口感，小可惜最尾叫咗個花雕話梅雪糕，好驚喜，花雕同話梅味都平衡得好好要講下服務：作為一間中高價位餐廳，要合理地安排上菜，切忌一下子將所有餐點送曬出嚟，食得個燒味又食唔到個鴨，啲糢糢皮凍咗我都食唔切個皮片鴨。

香煎蟹粉糍糕配桂花糖雞頭米其實食落只係一塊煎香左嘅糯米糕，基本上係一D蟹粉味道都食唔出。所謂嘅雞頭米，其實即係茨實，即係大家煲湯用。十幾蚊可以買到一斤個D。個碗雞頭米只有一個茶杯咁嘅大小。旁邊的煎糍糕亦大小相約。食材唔名貴，分量出奇地細，味道平淡，亦唔係功夫菜。完全唔明白，點解可以賣到咁嘅價錢。呢款甜品要198加一。大家幫襯嘅時候自己衡量一下，值唔值啦。我食完就有一種被欺騙嘅感覺，令整體用餐體驗極差。其餘菜品皆普通，環境與一般酒店無異。如果唔係係中大返工，或者住係附近，即使係沙田友，交通亦唔算方便。

簡單啲講，如果看見人哋話呢度嘅片皮鴨好好食而專程來試的，真心建議要有心理準備，因為佢嘅鴨係「無味」的！ 鴨湯亦都係完全冇鴨味的！ 奇怪點解之前咁多食評話佢嘅片皮鴨好食…. 價錢亦都唔係平，但質素真係唔值…. 一路食，個心嘅感覺就係難以置信… 另外叫咗個松露龍躉片，啲魚肉口感幾好，但係冇乜松露味，同埋整體太過鹹….. 而叫咗一碟叉燒，就咁睇賣相幾好，但點知一咬落去係啲肉好乾身同埋實淨…. 好似食緊擦子膠嘅感覺⋯⋯ 真係唔知發生咩事，一間洒店嘅中菜廳，食物嘅價錢都唔係平，但係質素可以如此，竟然仍可以生存到…

星期日去咗高級中菜食府沙田18😋八個大人四個小朋友🥰朋友幫手訂咗大房，大圓枱加梳化，環境超級舒服👍🏻👍🏻真心推介最邪惡嘅堂弄玫瑰露叉燒豬油撈飯🐷😋😋廚師即場煲玫瑰露將叉燒燒到燶邊，成間房都充滿玫瑰露嘅香氣👍🏻叉燒好焾好入味，燶邊燒得啱啱好，加埋豉油乾蔥豬油撈砵仔飯真係一流🥰🥰🥰 另一推介係松露菌生啫斑球🐟好香好滑👍🏻北京烤填鴨三食都係出名菜式，刀工一流，皮夠脆，鴨鬆同埋鴨湯都夠香😊其他菜式正常水準😊

We had the most delicious dinner at Sha Tin 18 . The appetiser platter was so flavourfu. The sliced garoupa was so tender and fresh, alongside the crisp luffa and delicate beancurd sheet soup 😋. The signature Peking duck was melt-in-your-mouth goodness 🤤. The stir-fried abalone with umami black mushrooms and numbing Sichuan pepper truly awakened the taste buds 🔥. The pan-fried chicken had moist and succulent meat perfectly balanced by the subtle flavors of lily bulb and green pepper 🍗. The wok-b

我原本係open rice 訂位嘅時候預訂咗半隻北京填鴨，上網見食評好好，好出名，好想一試，點知原來朋友唔食鴨，唯有取消，最後食了一碟燒味雙拼，叉燒燒腩仔，呢碟就一般般，帶出色，另外炒咗一隻膏蟹薑蔥，隻蟹好好膏，食咗一碟紫蘇醋牛油果，呢碟好好食，最後叫咗一碟炒米粉，都好好食，整體不錯，因為是中大員工有折，但係我哋買單嘅時候唔記得咗同員工講，其實佢哋應該都收晒機，但係都幫我哋處理，服務好好，會再encore