沙縣特色小吃

營業中

休息中

今日要出席一個喪禮，先在紅磡食個快嘅晚餐。見到間沙縣小吃店，真係未食過，網上查一查，原來沙縣小吃起源中國福建省三明市的沙縣，是具有沙縣當地特色的一系列小吃的總稱，屬於閩菜。就入去試試！環境光猛企理，地方闊落，多張卡座，坐得舒服。選擇有餃子、雲吞、燉盅、套餐、水煮、湯/干麵、涼菜、香炸、飲品等。招牌蒸餃 （$35）擺到好似一朵花，賣相好靚！皮薄饀飽滿，鮮肉中加咗蔬菜粒，仲要無乜無肥膏，健康之選。再點啲醋汁，酸咪咪更好味！雪梨豬肺盅 （$38）原個燉盅上枱，熱辣辣。內有多件豬肺、雪梨等，真材實料，滋潤順喉，有祛咳潤肺之效！另點一份營養燉盅飯 （$53）， 揀咗鹿茸菇排骨燉湯、灼菜和熱菜蜜。灼生菜翠綠清爽，唔油唔鹹，有營之選。熱菜蜜就甜美滋潤。鹿茸菇排骨燉湯一樣熱度十足，有很多爽口甘香嘅鹿茸菇、鮮香腍嫩嘅排骨、甘味的蔘、紅棗、杞子等，味道甘香，有溫補腎臟之效。醬汁牛腱 （$53）腍嫩入味，香辣之餘亦有牛香，唔錯！墊底仲有大量爽脆的青瓜絲，沾滿紅油，但唔算好辣。原來沙縣嘅高湯雲吞 （$30）好獨特，同平時食嘅雲吞好唔同喎！皮非常薄滑，包住彈牙的肉，好似粒肉丸，一啖一口。高湯加了滑而無沙的紫菜，

天寒地凍總會肚餓,突然想食辣野,想起紅磡有間沙懸特色小吃那度都係QR code 落單,左諗右諗,不如試下豬大腸,但係配咩最吸辣,不如試下薯粉都好,就叫豬大腸麻辣薯粉,再加杯凍檸茶,人生一大享受.食物來到,熱辣辣,非常好食,下次再光顧宵夜恩物

好味的川味撈麵，汁料味道適中，麵質爽口，價錢優惠，份量亦適中，附近有幾家類似的店，這間最好食，牛百葉撈麵，下次會再試其他，環境乾淨，這些小店越來越越小了，要多多支持☺️

好抵食！蒸餃係好好味，但酸辣粉好淡味，我以為呢啲大陸嘢加周期元素表，點都會好香口，但佢淡到我懷疑人生。如果剩係叫蒸餃都值得食嘅。兩個人叫咗蒸餃、酸辣粉、胡椒豬肚湯、一罐可樂，埋單只係$113。

❇️周一放工，在黃埔一帶逛逛後，不自覺要去找食店準備開餐，經過蕪湖街就選了<沙縣特色小吃>。這家小店提供了多款地道小食，讓人感受並認識沙縣的風情。🌟我點了「營養炖盅米線」~$53，選了胡椒粒豬肚米線。這道米線的湯底鮮香濃郁，胡椒的香氣與豬肚的鮮味相得益彰。米線的口感滑順，吸收了湯底的精華，每一口都是滿滿的幸福感。而且，豬肚的嚼勁適中，讓整道菜更為豐富。❇️我加$6可配一罐汽水，讓整個用餐更加完美。汽水的氣泡感與米線的熱乎乎形成了強烈對比，讓人胃口大開。🌟因此，我更點了「小食雞中翼」~$38。4件雞中翼經過香料醃製，外皮金黃酥脆，咬下去的瞬間，肉質鮮嫩多汁，伴隨著微微的香辣，令人回味無窮。✨沙縣特色小吃價格親民，更重要的是食物的質素和味道都很不錯，適合放工後與朋友聚餐或獨自享用。

今天下午 ，我搭地鐵去到 何文田 站落車 ，然後走了過去蕪湖街沙縣特色小吃餐廳， 下午茶。餐廳是新裝修的 ，十分美觀， 地方大， 客人坐得舒服。看一看餐牌， 我叫了高湯豬手幼麵、拍青瓜(小辣） 和芬達。高湯豬手麵， 豬手炸得爽脆， 皮脆肉嫩，皮呈現金黃色； 幼面伴著生菜、 大豆芽、 花生等， 湯底酸辣互相調和， 既好味 ，又開胃。拍青瓜， 爽脆 ， 酸甜辣並重， 味蕾被刺激到在舌上跳舞 ，令人 食慾大增。加上凍芬達， 正是送拍青瓜的最佳飲品， 又消暑解渴。我十分享受今天的下午茶，價錢又經濟。

紅磡的沙縣小吃，店內環境溫馨而舒適，價錢平民。招牌蒸餃，皮薄餡多，頗為大隻，一口咬下，肉汁鮮香，內有紅蘿卜絲及香菜，伴隨着蒸餃的溫熱，味道鮮美。金湯牛肉米線，米線軟滑煙韌，湯汁濃郁，牛肉的鮮嫩與流心蛋的滑潤相得益彰，爽口的芽菜與生菜令整個米線更添清新。豬肝撈麪，酸辣適口，豬肝嫩滑與炸黃豆的香脆形成鮮明對比，豬肝的份量非常多，足料抵食。豬大腸，內有頗多的大豆芽及炸黃豆，炸黃豆的脆爽與大腸的軟糯相輔相成……，大腸頗為軟腍……，傳統的滋味。喜愛配翻個冰凍的忌廉汽水！ 好味！

平日常常出外用膳，很少機會喝營養湯品。今天經過這店，看到有炖湯和米線，便進店一試。鹿茸菇排骨盅 （$38）鹿茸菇本身帶有天然的鮮香，湯煮出來的味道清新而醇厚；排骨經過慢火燉煮，肉質軟嫩，湯汁吸收了肉類的精華，味道更加濃郁。雲吞湯米線 （$38）大大碗的雲吞米線，有10粒雲吞，還有青菜。雲吞皮很滑，雲吞饀肉彈牙。麻辣青瓜 （$28）這是一道既美味又營養豐富的涼拌菜，通常以新鮮的青瓜為主料，搭配特製的麻辣醬汁，口感清新，味道獨特。這店的環境寬敞整潔，十分舒適。

紅磡有一所小店(沙縣特色小吃)，留港消費也要支持小店，店舖装潢寬敞，坐得好舒適，而且星期一至五下午2:30~18:00前結帳有九折優惠‘’好抵食‘’❣️招牌蒸餃每隻手工柳葉型招牌蒸餃皮薄如紙，餡料豐富多汁，味道鮮美，口感滑嫩，令人回味無窮。❣️花旗参竹絲雞盅湯底清甜甘香鮮美，雞肉嫩滑，花旗蔘香氣撲鼻，温補養顏不油膩😋😋❣️金湯味水煮魚片(微辣)魚片鮮嫩滑口，湯底濃郁香辣。大荳芽清脆爽口，金菇增添纖維感，整體口感層次分明，令人食欲大開。❣️炸雲吞外脆內軟，雲吞皮質地獨特，帶有淡淡的香氣。內饀鮮味，咬下去時層次分明，口感輕盈，搭配醬汁更添風味

差爆叫左撈米線，一落完單已同店員講走酸菜同芽菜，上菜時米線上面全部都係酸菜，碗嘢聞落勁大陣酸味，叫店員換過碗，佢拎入去之後，見住廚房剩係整走啲酸菜就比番我，成碗米線都仲係酸味喎，點食呀？我係食酸菜既就唔會話走喇！叫佢再換過，佢勁串咁問咁碗嘢比邊個，冇嘢呀？！一早同店員講左架喎，你地自己出餐出錯，唔肯換，仲問我碗嘢點？姐係咩意思？咁既服務態度都得架？出錢食嘢，貨不對辦，仲要受氣？真係勁喎！嘢食都唔差，人差就搞唔掂！

見到有一間好有特色的餐廳，專吃小食的，鋪面幾乾淨，食物價錢相宜👌👌👌1. 招牌蒸餃 ($35): - 這是餐廳的招牌菜品,使用優質的餡料和精心包餡,口感很好。❤️2. 老壇酸菜雲吞 ($35): -酸菜能帶來清新的口感,讓雲吞增添不少層次3. 豬肝酸辣湯麵 ($58): - 豬肝湯麵酸辣調味,加了層次感。湯頭濃郁,搭配薯粉，麵條好正🙌🏻4. 花旗參竹絲雞盅 ($38): -很有營養價值,滋補養生。盅湯溫和醇厚，喜歡喝湯的要叫啊！🤩5. 香烤雞全翼 ($35): - 肉質豐厚多汁,配上烤制出的香氣,作為小食享用不錯😀

嘩嘩嘩，今日由何文田行過去黃埔，經過蕪湖街有點肚餓，於是揾間小食店試下。哈哈哈真好運氣比我揾到間招牌都寫住係小吃的店鋪，當然拿拿聲入去揾D食物，順便大熱天時休息一下。先來個燜豬腳，一見到大大碗即時開心，熱辣辣香噴噴，舊肉又肥大，正到無得頂。再來一碟蒸餃子，又係熱熱辣辣香噴噴，個餃子仲有扭紋花紋好鬼靓仔大熱天時，當然要加杯凍飲，凍奶茶少甜甜度剛好。在這間店鋪舒舒服服休息一下，之後再向黃埔繼續前行，非常棒

在內地常常見到「沙縣小吃」，但我就真係未食過。今日見到紅磡蕪湖街開咗一間，原來香港都有得食，而且裝修比內地更加光猛潔淨，一於去試吓！見到佢嘅餐牌，都有唔少選擇。燉湯1：雪梨豬肺盅，好有驚喜！有好多豬肺，而且個湯好甜好好飲👍🏻燉湯2:胡椒粒豬肚盅，亦都有好多豬肚，湯帶點微辣，飲完好暖胃。餃子拌麵：可以選擇辣度，小辣啱啱好！餃子亦都好飽滿。脆皮豬手：香脆爽口，師傅加咗孜然粉提升了味道，好香口！無骨鳳爪：啖啖肉唔使吐骨，我鍾意！

香港有唔少福建人，但福建餐廳嘅選擇相對比較少，甚至想無知一問，其實福建菜係食咩呢？為咗挑戰自己嘅無知，嚟到紅磡嘅沙縣特色小吃，由當地嘅地道小食認識福建菜，當中嘅扁肉、拌麵、蒸餃、燉罐，堪稱為沙縣嘅名物。

招牌蒸餃
一份六隻嘅招牌蒸餃，粒粒都大大隻，餡料有豬肉、青瓜同紅蘿白，清新得嚟而口感爽脆。餡料內嘅豬肉令餃子充滿肉汁，清香濃郁，夠晒驚喜。
醬汁白肉
五花肉肥瘦分佈好平均，食嘅時候唔油膩，減低罪惡感。至於秘製嘅醬汁，帶有麻香味，非常香濃，極具層次。
黃燜雞
上枱睇見佢嘅顏色就知佢好入味喇！雞肉燜到入晒未，肉質嫩滑，配料仲有冬菇，用嚟撈飯食一流呢。
豬肚撈麵
越邪惡嘅嘢越想食！呢碗豬肚撈麵，用上炒香過嘅葱油，所以特別香。至於豬肚爽口，充滿口感。而麵條掛上葱油，非常惹味。

呢間街坊小店主打沙縣美食 夠晒特別 沙縣原來係福建一個地方 拌麵、蒸餃都係名物呢度都當然有得食🥰味道仲意外地有驚喜 而且好大份 絕對係街坊恩物！🥟招牌蒸餃 $35非常好食 大大隻 因為係蒸 所以外皮更加煙靭 又唔會太厚 肉餡新鮮 有好多蔬菜🥬更加爽脆🍝黃炆豬手花生醬干撈薯粉 $48薯粉粗身又滑捋捋 索晒花生醬味 仲有啲花生脆粒、榨菜粒 非常惹味好食🤤豬手有3件 淋身又唔會太霉 夠入味 入口充滿膠質🍲黄豆排骨盅燉湯 $38非常足料抵飲 有好多排骨同豆豆 清清甜甜 感覺無味精 好飲！海帶絲 $28雲耳 $28叫咗兩款涼拌小食 俾佢份量嚇親 成碟炒麵咁大碟😆可以揀辣度 惹味又開胃