影片
電話號碼
26649730
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
牛腩河粉超好吃，湯底很濃郁，牛腩很多，而且都很大塊，燉的很軟爛咬起來一點也不費勁，強力推薦！工作人員也有很好很溫柔，很有人情味的一家小店，怪不得飯點的時候那麼多人來吃推推
繼續閱讀
呢間餐廳無論有食過定冇食過，相信好多住大埔嘅人都識，無論平日定假日，經過裏面都係坐滿人。餐廳面積唔算好大，好多時都要搭枱，餐牌就有超級多款式選擇，快餐連飲品都只係 $45 蚊定價都算合理，而晚市小菜最貴都只係 $80 蚊非常吸引，搵日有機會都想試吓。今次叫咗沙嗲鮮魷飯 ($52) : 上枱時熱辣辣之餘份量幾多幾大碟，雖然沙嗲味唔算太濃郁，不過鮮魷就真係無得頂非常新鮮，食得出唔係急凍貨，肉質嫩滑帶鮮甜味，其他茶餐廳真係食唔到。
繼續閱讀
呢一度可以話係大埔街坊嘅食堂，座位同一般茶餐廳無異，都係比較狹窄嘅，但係大家嚟得呢度都只不過係食一個快飯，所以都唔會太過介意。而且，大家都知道呢間餐廳嘅嘢都係大件夾抵食。雖然係咁，但餐廳嘅炒粉麵飯都非常之有鑊氣，即叫即炒。呢間餐廳仲有一個可愛之處，就係餐牌上面嘅炒粉麵飯其實係可以自由組合嘅。就好似呢個黑椒豬扒炒意粉為例，其實餐牌上只係有黑椒雞扒炒意粉。但餐牌上有其他嘅食品包括左豬扒，所以就試吓同侍應講話想要黑椒豬扒炒意粉。咁侍應都係會幫手落單，廚房亦都會相應出餐。炒意粉夠鑊氣，份量其實夠兩人食用。另外一個朋友點了福建炒飯，同樣份量十足，而且因為有加入芹菜一齊去炒嘅關係，食到陣陣嘅芹菜香味。
繼續閱讀
好地道老街坊感覺嘅茶餐廳, 做街坊生意, 價錢經濟實惠, 放lunch黎到, 第一次食呢間, 叫左個快餐, 茄汁豬扒飯加凍奶茶, 茄汁酸甜岩岩好, 豬扒份量夠飽肚, 煎得幾香有少許燶邊, 凍奶茶正常👍
繼續閱讀
下午茶餐，一杯奶茶，一碗雞翼麵，30蚊，真係窮人恩物。百物騰貴，飲杯奶茶都十幾廿蚊，叫個下午茶餐，30蚊，有四隻雞翼，size不算細，都算得係好抵食。叫呢個餐，都要撞手神，有時新鮮煎起，真係唔錯；有時凍咗就差少少。叫呢個餐，竅門係要小湯，因為如果係新鮮煎起，就唔會浸淋咗啲雞翼😂個面可以叫佢淋啲又得，硬啲又得，除咗可以轉米粉可粉，仲可以轉生麵，都算係比較特別。至於杯茶，奶茶輕淡口順滑，可以；咖啡是少燶味偏酸少少嗰隻，不是我杯茶；加埋一齊杯鴛鴦反而幾得😂另外餐廳裏面衛生環境都算幾好。
繼續閱讀
您可能會有興趣的...