影片
港鐵深水埗站 A2 出口, 步行約7分鐘
繼續閱讀
電話號碼
66264533
營業時間
今日營業
12:00 - 17:30
19:00 - 00:00
星期一至二
12:00 - 17:30
19:00 - 00:00
星期三
全日休息
星期四至日
12:00 - 17:30
19:00 - 00:00
以上資料只供參考, 請與餐廳確認詳情
朋友唔多，所以真係要珍惜同感恩仍然記得同你補足生日嘅朋友仔呢個前同事由舊年開始同佢嘅關係去到可以去旅行，都算係大躍進。一齊經歷咗去台北同澳洲都冇反面，雖然我承認個過程中都有啲矛盾位。希望可以一直keep落去。今次係我獨遊途返嚟 佢就約我補返食生日飯。地點係我揀嘅，食我最鍾意嘅串燒（原先佢唔係提議呢間。）😜呢間之前食過一次 都知道要等好耐，因為得兩個人負責燒有好多人等住佢哋。亦都知道佢會有專人嚟講解一次嘅Menu先。（不過其實我哋覺得有少少多餘，因為佢一輪嘴講晒我都唔會記得）不過佢嘅出品都真係唔錯嘅。at least 我哋嗌咗咁多樣嘢九成都好食. 我嘅推介係明太子豆腐 、豬肉串同埋燒鮑魚 其實我哋要留定啲海鮮，留咗清酒煮花甲同埋燒鮑魚。有啲擔心燒鮑魚會好似擦子膠咁，又出奇地好味 啱啱好。花甲又冇估到佢份量咁多。好新鮮。豬肉串平時食開係雞肉，今次轉咗豬肉一樣咁好食，當然唔少得隻蛋啦另外朋友揀咗燒牛舌心，牛肩脊 唔知係咪因為去旅行食怕咗，食生牛肉撻撻食到嘔，所以而家對牛肉都唔係太有興趣。連燒飯團都冇嗌到都已經飽飽地！最後補多個開心果巴斯克蛋糕。完美嘅句號。
繼續閱讀
呢排討論度幾高嘅串燒居酒屋朝啡夕酒 除左有一般豬牛雞羊蔬菜串燒亦有廚師親自係屯門三聖訂嘅海鮮需預先訂購整體嚟講燒物質素比較參差火侯控制唔係太準 肉類容易燒乾燒焦樓底較低都幾嘈服務態度nice但成日搵唔到人人均~＄600可以有更好選擇不過當g持小店-1. 臘味煲仔飯🌟🌟🌟是晚mvp勁足料！臘味油脂+鮮冬菇粒好有咬口又惹味混合米種 又香又甜飯焦又脆身2. 麻辣湯煮蜆🌟麻香唔重，但辣勁好夠蜆肉冇沙，幾juicy幾索湯3. 燒鮑魚焦香帶些少柚子清香 可惜肉質太乾4. 燒馬友 🌟 外皮脆薄 魚肉細嫩帶油花 細骨都唔多 不錯5. 雞腿肉6. 火葱鴨兩道都有肉質偏韌嘅問題7. 豚肉月見棒🌟用免治豬取代雞 肉香都幾出 口感豐富8. 蒜蓉燒啡菇9. 檸檬鐵觀音梅酒正常
繼續閱讀
沙龍係好有心機對待每樣食材嘅小店🤍日間cafe 晚間居酒屋佢哋會好清楚話你知每樣食材嘅處理同烹調方式▫️八女抹茶提拉米蘇必試❗️估下佢用咗咩酒整呢個tiramisu答案係：Sake!太有feel了 除咗有好香嘅Sake清香酒味 成個presentation好似櫻花樹咁 好靚!!!八女抹茶唔會滰粉 夠濃夠滑 我會再嚟食！希望menu可以長期有 QAQ▫️牛肉他他必試❗️同我想像中嘅牛肉他他有啲出入🤣但係個日式醬汁好好食 同埋生牛肉好夾!!▫️牛舌芯必試❗️靚！爽！口感perfect!▫️清酒煮花甲花甲夠肥夠新鮮 好多隻(⁎⁍̴̛ᴗ⁍̴̛⁎)不過食到底個湯太鹹 可能配酒飲會比較好▫️生蠔味道口感還好 👵🏻略嫌調味太多 但係都好新鮮▫️風乾白鱔必試❗️好癲呀 勁肥美 個皮燒到勁爆脆 好厚肉 不過會冇咁juicy 所以爭少少 建議食普通燒白鱔！▫️魷魚筒點柚子醬係好正 整體正常 一班人食可以嗌 兩個人食會好辛苦😂▫️月見豚肉棒有啲失望因為有個位燶到有啲苦:< 但係肉入面嘅質感好好▫️雞橫膈膜幾有趣爽口彈牙 不過都係冇乜肉汁 鍾意Juicy嘅雞肉多啲好鍾意有storytelling嘅小店 睇到佢哋好俾心機買靚嘅食材同serve full-house出餐會比較慢 繼續加油！！
繼續閱讀
沙龍 📍深水埗大南街196號地舖工業風裝修，由3位年輕人主理，中午係咖啡店，夜晚係主打即叫即燒日式串燒，服務好好，聽到我病已經即刻被杯熱水，每日材料都係新鮮街市買，所以時不時會有off menu 菜式，當晚最好食係off menu 茶湯臘味烤飯團，飯團烤得好脆但唔硬，浸埋落湯😋但真係要7點準時入去order, 我地由7點食到8點，因為唔太多人所以串燒之間唔駛等太耐，但最後3道菜我地捉捉等左45分鐘先上到板燒雞皮雞頸肉 邊位有焦香翠玉瓜，雞腎明太子油豆腐京蔥雞阿波美手羽先燒豬腩肉火蔥鴨雞胸軟骨汁燒雞肝牛頸脊 牛肉味重，但太韌茶漬臘味燒飯團#沙龍Saloon#日式串燒#深水埗美食#即叫即燒
繼續閱讀
見廚師好後生，應該去咗日本或者香港高級餐廳學藝😂 好有心機煮，慢慢煮，非常肚餓就唔好食啦，因為都要等四個字至半個鐘。有張吧枱，同兩三張枱喺室內，有冷氣。食煙嘅可以坐出面啊，有兩張枱。自己一個人食咗五樣嘢都$2xx頭，平均每碟$40 ，拍得住中環蘭桂坊上樓梯嗰間😂 但係優勝在研究過，設計過食材，味道，而且係好食嘅。仲要燒咁耐，唔賣貴啲都對唔住自己啦。店舖提供預訂食材，例如一啲海鮮。呢個豆腐真係好好食，最特別係佢個汁，用米整嘅口感就似日本小碟蘿蔔蓉。啲豆腐好入味啊外脆內軟，夾上手唔會散。鴨串，仲有嚿蔥添，擺得好睇，有啲汁同啲粉點綴，慢火煮鴨保留水份脆口肉味Q彈濃雞蛋串，睇相都知OK丫茄子好入味白鱔，普遍餐廳都係得兩舊，其實唔夠喉，其實比四嚿都唔過分。。$4x一碟喎
繼續閱讀