沛公甜品

營業中

休息中

如無記錯，最早期千層蛋糕熱潮未開始嘅時候，沛公甜品已經賣緊，當時仲有好多分店，到後期有更多千層蛋糕專門店 (例如眾所周知嘅 Lxxx M)開左之後，沛公就有啲不復當年勇。不過，個人覺得沛公有個優勝之處，就係千層蛋糕款式選擇多，價錢夠親民。今日突然口痕，所以就過黎買番件蛋糕食下。對生果口味興趣唔大，所以揀左石板街味。餅皮一如以往冇令人失望，夠薄，有淡淡朱古力味，中間夾住棉花糖，份量好多，啱曬鐘意棉花糖嘅朋友。Cream份量適中，食完唔會膩。

做特價買左黎試！真係唔錯，一打開已經係榴連香撲鼻，食落細緻幼滑，又好有口感，而且好soft。最緊要係好新鮮！完全係每啖都食到粒粒榴連🥰我諗呢個應該做招牌，真係最穩陣👍🏻但我諗如果無特價買，我應該就唔會買了，有點貴，特價買就差不多😅

見到附近擺咗檔臨時檔，想吃甜，所以就買返兩件。$50兩件，價錢一般，唔算平，又唔算貴。一件朱古力Oreo，的確香濃嘅朱古力味，忌廉算幾滑。中間一層層會有啲Oreo餅碎，味道係唔錯。一件係香芋紅豆，呢個味道我比較少食，食落去幾香芋頭味，裏面仲有一粒粒嘅紅豆，忌廉唔算太滑，隱約會食到忌廉裏便都有紅豆蓉。我自己來講嘅話，個千層斑戟有的膩，啲忌廉偏甜，同厚。當然餡料係豐富嘅，如果忌廉可以薄啲，再多幾層應該會更好。

由於家人決定26-9-2020 (Sat)返嚟食中秋節晚飯,於是我喺20-9-2020 (Sun)晏晝,同老公食完車仔麵後,過嚟訂香印提子月餅,佢有香印紫薯無皮月餅用香印黑糖芋泥無皮月餅兩款,我就買晒兩種,各$198.00,同預訂喺做節嗰日攞.我攞嘅時候,店員話放喺雪櫃下層,唔使放上層,同3日內要食晒.由於我想俾佢哋拎走,所以有啲擺上上面冰格,大嫂聽到生果月餅後,即問好唔好食o架?咁怪雞.呢晚食完飯,家人就話食月餅,我就拎出嚟解凍.但解唔夠佢哋就食,切開時,裡面嘅香印提子跌出嚟,大嫂就話咁hea嘅,求祈將粒提子放入有紫薯泥同黑糖芋泥嘅模就攪掂.呢個仍然好凍時食,口感麻麻都幾實,黑糖芋泥冇乜芋頭味,紫薯泥味道正常,大嫂就話怪雞.翌日,我同老公就食下格嗰啲,溫度同口感正常返,咁就好啲.味道係:3.5分雖說家人冇冒險精神試新嘢,但沛公咁樣做個月餅,好似冇乜誠意.佢哋就話只食過佢嘅布甸唔錯,其實我記得我有買過千層班戟俾佢哋食(就係10年1月25日登嘅呢篇食評: https://www.openrice.com/zh/hongkong/review/%E5%86%8D%E6%94%AF%E6%8

第一次買西米露同芒果布甸，西米露係好味，但芒果布甸已開始變壞！酸酸地，最後丟左。第二次再買西米露返屋企食，又開始變酸，個盒又冇寫製造日期，根本唔知佢放左幾耐，買2次2次都係變壞，唔會再俾機會呢間野😡

屋企人生日，傳統生日蛋糕食得多，千層蛋糕就未訂過，千層有好多味道選擇，提前一日電話預訂就可以。芒果千層蛋糕🎂個賣相已經夠獨特，連生日牌都咁有創意🥳個蛋糕可以分到8份，每層層次分明，夾有忌廉及芒果，蛋糕甜度適中，食1/8件絕對無問題好滿意！😁

可能見泡芙做特價，佢又跟住做，雖然沛公近年成日做特價，但件裝千層蛋糕都偏少，而今次對佢地嚟講亦唔算好平，所以無人排隊。栗子千層蛋糕，外表同以前一樣，但栗子成份少咗好多，食落成口cream味，只能到知佢有栗子嘅程度，同以前無得比！聽日都係食返泡芙。

我都算係一個甜品控 久吾久就會出發搵食 其中我至愛嘅就係千層蛋糕 但出面買通常都幾貴 所以我會搵沛公幫幫手今日如常黎 見到平時賣開$148嘅栗子千層蛋糕做緊周年優惠 賣$99 $100都吾洗 就的左成個番屋企原諒我比較暴力 所以佢個樣比我fing到歪歪地 不過真係好好食 佢每層皮之間嘅栗子餡都好厚 好均勻 吾姑寒 入囗仲好滑 而且食得出好新鮮 蛋糕皮好鬆軟 用叉一吉就出左黎 吾會韌或者乾之前都有試過榴槤同芒果味 同樣吾錯 係時候諗下下次甜品癮起嘅時候要試咩味

沛公甜品的金枕榴槤雪條👍🏻超正吃完拉麵好想食啲甜品，沛公甜品的金枕頭榴槤雪條今天做特價，今天已過了冬至，他們還寫着夏日優惠😂，原價$32一支的，現在消暑價😂每支只需要$20 ，好抵食。金枕榴槤雪條 size唔係好大，但果味香濃，一拆開包裝袋 便聞到榴槤飄香，真材實料，每吃一口都感到啖啖果肉，雖然我偏愛靑尼，但在沒有選擇的情況下，金枕頭也能滿足我。

朋友間常說沛公甜品好吃，今次偶爾間試了，卻發現非常一般。這個芒果花甜品甚是奇怪，芒果很酸！酸得要命！做甜品選食材很重要！這不是正常甜品店都知的嗎？然後佢用一塊班戟皮包着芒果布甸，這真是奇怪，布甸是一整件的呀？ 何況一點也好吃。芒果布甸味道也很假，一點也不濃郁。真失望！

好耐冇食沛公既甜品喇💓今次經過荃灣 見到朱古力曲奇味同抹茶紅豆都係$20 兩款都好想試 每日都好似有唔同味道既千層蛋糕做特價👍🏻#朱古力曲奇千層蛋糕 $20🙉🙉朱古力味cream好香濃而且好滑仲有啲Oreo 曲奇碎🖤 令到味道冇咁單調～餅皮都做到幾薄 平平地都好抵食！ 仲都幾好味！.______________________________📸#沛公甜品地址：荃灣路德圍荃興徑18號富榮大廈地下

估吾到沛公嘅北海道3.6牛奶布丁咁難食😨完全係冇3.6既味道 奶味淡到不得了 吾知自己食梗啲咩完全侮辱左北海道3.6牛奶 比我買多次一定吾會買反呢個好彩都吾貴 做梗優惠價$10個原價$22

十周年所有甜品$10‼️‼️只限荃灣每人限買一件竟然唔洗排隊🤫-上年九周年九蚊今年十周年十蚊都好抵呀😍😍😍😍經過一定會買返件-芒果千層蛋糕😋無將貨就價仲係咁多芒果肉Cream都好滑優惠唔知到幾時快d去買啦買來做下午茶/宵夜非常好😍

漏夜要買生日蛋糕，行勻附近得返呢度仲有一個。問幾點閂門～ 肥仔員工望住電話唔理你～ 問多句，繼續望住個電話敷衍你，但係細聲到完全聽唔到～ 再問多句先大聲啲話：「23:45」。問可唔可以買完，轉頭食完飯先嚟拎，又望住電話答咗啲唔知咩～ 再問多次先聽到「唔得」唔得ok，咁我依家直接俾錢買啦～ 佢又話「唔得」~ 吓？唔買得？「係呀，啱啱有人hold起咗。」（全程對眼無離開過電話）食完飯經過，23:30個蛋糕仲係蛋糕櫃，但佢23:45就閂門，係咪真係有人hold咗，定純粹唔想賣俾我呢，就唔知啦～當我諗多咗～ 但係全程望住電話咁同客人溝通都係十分不禮貌。如果又唔賣嘢，又咁唔鐘意服務客人，其實閂埋門玩電話咪仲開心。想做生意的話，建議改善一下服務態度，如果唔想嘅話我仲有咩好講？有本事可以做到澳牛咁，都係另一種成就

早排見屋企附近既商場有沛公甜品擺檔, 就買左呢個芒果千層班戟 ($20) 做飯後甜品. 好耐之前食過一兩次都覺得唔錯, 但今次食完都幾失望, 好似同以前唔同咁, 唔知係咪做緊優惠價既緣故...每層既蛋皮仲係薄薄一塊, 但食落竟然冇乜蛋香味, 唔知食緊一塊乜野咁...而蛋皮同蛋皮之間夾住好多忌廉, 真係超多忌廉, 忌廉算滑, 但因為食唔到蛋皮既蛋香味, 所以每啖都剩係食緊齋忌廉咁, 我本身都幾鍾意食忌廉既野, 但都覺得好"漏"下! 芒果粒亦都幾少....整體唔多OK...食完呢個甜品都冇開心既感覺....