沛公甜品

營業中

休息中

這間甜品第一次食，有好多款味道的千層蛋糕同布甸，今日買左兩件芒果味的千層蛋糕，兩個芒果布甸回家食，賣相吸引，用一個三角形透明膠盒裝住千層蛋糕，剛剛好可以放一件。很細心的設計，膠盒上還要有沛公logo.味道方面，芒果千層蛋糕好大件的，價格好抵。蛋皮好香，有十數層，一層蛋餅，一層忌廉，入面好多芒果，十分軟身同夠晒甜，忌廉好多，軟線線，不會好甜同膩的，好味的呀！！芒果布甸大個，花花樣子，顏色鮮明，硬度適中，芒果份量也夠多好甜的！！

今晚去開荃湾，見到依間甜品鋪。擺放咗好多同味道的布甸和果凍，分別都约有十多款味道。我當然會買我至愛的布甸啦。味道有士多啤梨味，藍苺鲜奶，好立克，阿華田，茘枝鲜奶，香芋味，密瓜味及木瓜味等等。而我就買咗芒果鮮奶布甸。而且現在減價中，原價$24元，現在優惠價$10。價錢好抵。店員工作態度麻麻地，反應好慢。終於飯後，雪凍後開來食，口感都幾順滑，可惜芒果味濃，也偏淡。但勝在夠平。下次都會再光顧，選擇另外一些味道的布甸。防一試的甜品。

芒果千層班戟：有好多層 每層都好薄中間有cream同芒果食落軟棉棉 芒果新鮮真係好好味！朱古力千層班戟：中間有棉花糖 朱古力 仲有花生唔會太甜個人就比較鐘意食芒果！真心推介！

甜品時間到了食飽飽飯，梗係要食下甜品啦🍮食甜品係用第二個胃😆👉🏼紫薯鮮奶布甸 原價$24->特價$10▪︎紫薯控 🍠又黎啦！見到紫薯雙眼會發光🤩紫薯味好濃，估唔到會有紫薯粒唔係硬果ᴅ係淋淋地。👉🏼好立克鮮奶布甸 好立克就細細個飲到大🍼好立克布甸就無試過一開始食覺得好似食緊好立克糖咁🤤甜甜地又好濃好立克既味道布甸好滑身🍮

生日來買了個小的芒果千層班戟，一試就成為這裏俘虜了😍😍😍😍😍?!每一層也很薄，cream食落去又綿又軟又滑，立即就愛上了。在香港已經很少食到這種有質量的千層cake，要繼續努力維持水準呀～這已成我來荃灣指定menu 😋除了芒果班戟，仲有好多種味道，下次再去試其他口味~還有其他特別口味的布丁同飲料，好似香芋，蜂蜜柚子檸檬，木瓜奶等...色彩繽紛好吸引咁，未試過，不予評論，有機會的再去試🤗

好耐無食千層啦，每一層都仍然咁薄，啖啖都有芒果肉，好足料。依家買任何糖水都可以加錢換到一件指定味道嘅千層，榴槤同朱古力味都好正！如果佢呢個千層可以再大d就好啦，生日🎂又可以多一個選擇啦！

尋日(18-11-2017 Sat)傍晚同老公去完九號水產後返荃灣,經過路德圍,見到呢間就諗買唔買甜品俾爸爸食,行到o黎睇,見到有$34.00o既紫薯千層班戟,不如買呢個俾爸爸啦,講o左後,個哥仔話加$9.00可以要多件,咁耍多件啦,佢問都係紫薯千層班戟?我答係.但老公話兩件都係?咁我叫佢話返事,佢話芒果啦.OK.返到屋企,我唔食o野喇,等老公食完戰利品後,爸爸瞓覺唔食住,咁我o地就攞o黎食啲,再留返俾佢.我先食紫薯千層班戟,呢個唔甜,紫薯唔係好粉同腍,反而有啲爽口,我覺得麻麻,忌廉唔係好夠滑,老實,我有啲失望.味道: 1分之後食芒果千層班戟,呢個忌廉好夠滑而且有芒果o既甜,明顯好食好多,好食到我停唔到口,諗起要留返俾爸爸食我至收手.味道: 5分服務:買o左後,個哥仔會提醒9個鐘頭內食,否則要放入雪櫃.對上一次幫趁已經係6年幾前

沛公甜品 抹茶紅豆千層班戟 週年優惠$9(每人限買一件)抹茶淡淡 紅豆多同大粒 甜度剛好😛帶咗翻去屋企嘅冰櫃!!! 無錯要係冰櫃❄❄凍食即刻好味翻 食到忌廉嘅幼滑 而唔係膩.🍫朱古力千層班戟 $9🍫好少食朱古力甜品 不過...又估唔到ok喎😚😚首先班戟雪得夠 係凍凍地😂😂😂而且係苦甜朱古力🍫感覺冇抹茶忌廉咁膩🎉班戟皮好薄 不過係有存在感嘅☝

聽左好耐既沛公甜品～終於有機會食到啦🤗👉🏿✨紅豆芋泥千層蛋糕 💎 食落佢啲cream爆多，係勁full既感覺😂都食到粒粒紅豆，同芋頭都幾夾喎～層次都分明👍🏿食完一大個會有小小膩，啲cream雖然滿足但太多了🤔👉🏿✨好立克布甸 Hkd 10 💸之前講過話好多款式都得阿華田冇好立克😞見到沛公有出好立克味，點都要食啦！不過食落又有小小失望🤔感覺好立克味道唔太濃郁，同埋食食下好似有啲粉咁...嗯不過10蚊黎講，還好啦～

🌰法國栗子千層班㦸$9(九週年優惠)沛公甜品🌰 都九週年優惠咗好耐 人龍明顯短咗🐲等我左gup右gup後 發現呢個栗子味😍😍栗子好香仲幾濃 質感似慕斯咁綿滑😚建議立即食溫度最好 涼浸浸又唔會溶曬/雪到硬曬☀❄呢個比抹茶同朱古力好食 仲冇咁膩👏👏.兩點係第一輪開售啊✋✋

之前見沛公做緊9週年優惠，樣樣都只係賣$9，已經幫襯過一次，上次排長龍買咗班戟同啲布甸。由於班戟同果肉雪條，每人只可買一件，所以唯有揀最鍾意嘅榴槤班戟。雖然係賣$9，但質素一啲都唔馬虎，尤其係榴槤班戟，好食都無得彈😍，差唔多啖啖都夾住啲果肉。今日咁啱同朋友經過荃灣，估唔到仲做緊$9優惠，見寫18:15先有班戟賣，未夠18:00已經排哂人，拿拿臨走過去排，前面已經有超過20人排緊。終於等到18:15，未到我哋已經冇哂芒果班戟，我係榴槤忠粉，所以梗係將個quota留俾榴槤班戟，而我朋友最終揀咗朱古力曲奇班戟～每一層都好平均，差唔多啖啖都有果肉，$9仲要要求啲咩？試咗少少朱古力曲奇班戟，朱古力味好濃，不過我係榴槤控，所以唔好意思，依個真係完全比落去😂下次經過如果仍然做優惠，我都會再排💪🏻

I have heard for 沛公甜品 for a long time, my friend always told me the crepe cake here is amazing☺️Well, finally I try it, in a very big promotional sales 😂😂All desserts only for $9, is extremely cheap in Hong Kong.So i have order a cookies and chocolate crepe cake. The cream between the crepes layers is rich and soft and not to sweet. Is very worth to try in this price 👍🏻👍🏻👍🏻

適逢沛公甜品九周年，全部甜品都係賣9蚊咋！不過呢，蛋糕就只限每人買一件。呢個榴槤千層蛋糕原價42蚊，超！好！味！千層，真係千層有好多層，班cake超薄，仲薄到透透地，至於啲cream，好香好濃榴槤味，仲見到啲榴槤絲喺啲cream度，食落啖啖榴槤味，班cake加埋cream一齊食，口感細滑，有少少入口即溶嘅感覺蛋糕兩點開始賣，我地1點50分開始排隊，第二十個左右到我地，見其他人又買蛋糕又買布甸，每件9蚊又真係幾吸引，不過，食得多肥得多，今次就淨係試左榴槤蛋糕，下次再試埋其他！

榴連大滿足😋搵到一個都食榴槤嘅人 其實都幾難😭陪工九周年所有貨品係＄9 但係每人限買一件今次試咗去個榴槤千層蛋糕同埋榴槤果肉雪條😍榴槤果肉雪糕真係好正係好似凍食榴槤果肉咁😍每一啖都好幸福😆榴槤千層蛋糕都唔差架 層次都幾分明 每一層都有好大pat cream😂啲cream兩邊有啲榴槤肉😋但係千層蛋糕都係兩個人share好啲有啲滯🕵🏻‍♀️：荃灣沛公甜品