河內越式小館

營業中

休息中

與爸爸和弟弟遊車河到元朗，試了一間越南小店，覺得挺好的😋生牛肉河一上桌，我就嗅到很香了；牛肉不會煮得太熟，浸在湯一會就剛剛好；河粉很滑烤牛肉撈濛就一般，烤牛肉的醬汁比較稠，不過都美味原隻軟殼蟹飯的軟殼蟹很惹味，炸得鬆脆，是挺特別的菜式 餐飲可選的款式都多，有越式手拉咖啡和手拉奶茶。我則點了熱菜蜜。蒜蓉雞翼非常香脆！上桌時剛剛炸好，熱騰騰！而且雞翼很肥美，肉很嫩，雞皮下有點肥膏，但油而不膩。我們點了叫兩客，共四隻。總括來說，這裡的食物份量足，味道好，是有誠意的小店👍

第一次外賣返屋企食，叫左越式豬頸肉飯。堂食好似多啲。豬頸肉係炸好再切，邊皮香脆，加上炸蒜更香口。肉爽，但如果切得再厚啲口感同層次會更好，但覺得肉算少。飯無話特別好食，唔爛。加魚露會開胃啲。熱菜蜜。

叫左個午餐，檸檬雞扒飯，51蚊。等5分鐘左右就有得食，係即炸嘅，雞扒好大塊，大過手掌。皮炸得脆，炸粉厚，不過雞夠大塊所以比較都ok，雞肉嫩滑多汁，炸嘅時間岩岩好。面頭加左檸檬汁，清新之選。如果加個檸檬汁可以點就更開胃👍🏻食食下出面抄牌，老細都有提醒食客，抵讚。

河內算係雞地一帶比較好坐同埋抵食嘅餐廳，食開嘅蕃茄雞扒/魚柳焗飯都好好食，不過太heavy，今日去食撈檬。 香茅豬扒撈檬唔好食，豬扒太厚，而且冇香茅味，配料唔得，淨係得青瓜絲，仲要切得好粗朋友食火車頭湯河就話好食兼豐富。河內嘅餐飲都麻麻，試過咖啡、奶茶都太稀，而且太港式，完全冇越南feel囉

今日朋友介紹去左內街食越南嘢，店內坐位濶落舒適，冷氣夠凍，裝修都幾有越南特色。下午茶時段叫左下午茶餐：手撕雞飯加凍O茶$44，手撕雞份量都幾多，D雞有少少鞋，配左黑椒做配料，送飯都0K。另叫左蕃茄牛腩湯河加熱華田$46，份量超級大，D蕃茄湯唔算太濃味，牛腩有6舊，好入味同好淋，河粉好滑。全店不加一，食完可以慢慢嘆飲品，支持小店。

原本都沒有計劃到「河內越式小館」用膳，但是經過這店的時候下着大雨，而我和工人姐姐都相當肚餓，所以沒有多想便到此用膳!可能是因為當日下着大雨，加上過了午餐的peak hour，所以餐廳內的人沒有很多，所以感覺相當舒服!隨便的拿起餐牌一看，發現這裏的選擇相當多，亦正因如此，我們用了不少時間才選定吃什麼。越南手撕雞椰汁酸湯檬粉一向喜歡吃酸味東西的我，看到餐牌上有手撕雞椰汁酸湯檬粉便已心動得把它點下來。越南手撕雞椰汁酸湯檬粉的份量相當多，湯底味道酸得來開胃又醒神，酸味之中又滲透出淡淡的椰汁香味，配上手撕雞和檬粉一起吃相當不錯，不過自己喜歡加一點辣椒油在內令成碗檬粉吃起來更為惹味濃郁!火辣沙嗲雞扒飯喜歡吃香口東西的工人姐姐便點了火辣沙嗲雞扒飯。由於雞扒是即點即炸的，所以我們吃到雞扒的時候還是熱騰騰的，雞扒更炸得皮脆肉嫩又多汁，配上惹味濃郁的沙嗲汁和白飯一起吃實在出色，我也忍不住吃了工人姐姐兩小件的雞扒!想不到這不起眼的小店能夠做出如此出色的食物，我們吃得津津有味又高興，相信不久的將來我們又會前來光顧!

中午又同朋友黎食越南野。叫左豬頸肉扎肉燒豬撈檬。見佢地menu好長好多嘢揀，好難先揀到雖然唔係好大份，但味道算不錯。檬粉幾清新，豬頸肉同燒豬肉都好香，扎肉都好味。值得再來

年尾長假期，終於去到搵食乾塘，屋企附近既全部吔過😛😛 係雞地行下行下又發現到呢間藏於後巷之末既河內越式小館☺️☺️舖頭擺位似茶記，白色燈光加少許裝飾，門口見到有兩隻象仔公仔加兩杯水，應該係風水格局👌兩邊枱夾埋有4幾個位，夜晚7點零黎都坐滿👏menu 有啲簡陋，字搭少許相， 牆上面既相都似係自己影😛 坐低老細話今日有個師傅病咗，上菜慢啲，有少少淆底😮 不過又咁諗，食餐飯係急，去老麥啦，磨爛席其實老細傷過你😂😂嗌咗蜜糖香辣雞鎚🍗，三絲生菜包🥦，蝦多士🍤，加埋個香葉肉碎粒炒飯🍚 但一見隔離個咖哩上枱，就知領野😅😅😅 舖頭原來係佛心般大份量😮😮 搞到即時叫老細包起個炒飯做外賣😝😝雞鎚熱辣辣🔥上枱先，咬落去略甜係蜜糖味，餘韻少少辣未至於大辣💪💪，肉質嫩👌👌蝦多士🍤🍤🍤係加咗兩蚊變芝心🤤🤤32蚊四舊，無預過咁足料，厚厚一層蝦膠係表夾住橙黃色芝士層，邪惡到不行 😈😈 出面蝦多士得鼻屎咁大舊既蝦膠，河內真係宅心仁厚，仲要炸到香脆😍😍生菜包又係一個特色，平時頂多咪豬肉溝香辣醬咁，但河內有隻三絲既生菜包，豬頸肉c, 扎肉師，雞撕，加埋啲豆角，係生菜既懷抱下，一啖咬落去係三隻質感🤤🤤🤤 豬頸肉既色香🐷配合扎肉既

🇹🇼🍲🍖🥥河內越式小館 (元朗)元朗鳳攸南街33號地下🥥🥥🥥味道：3 / 5簡簡單單只叫咗兩碗粉牛骨湯濛粉配手撕雞嗰湯底重胡椒味 似肉骨茶餐廳會比啲切粒辣椒你加埋落去食到個人熱辣辣晚餐嚟講得手撕雞做餸就dry dry哋建議自己嗌多幾款另外有碗 椰汁酸湯香茅豬扒金邊粉頭幾啖湯都覺得幾正幾特別味道偏酸 椰汁味重唔鍾意椰汁味嘅人要注意⚠️個豬扒冇乜特別 份量多得豬扒一個餸都夠食🍲🍲🍲位置：1.5 / 5位置較偏僻喺元朗站F出口落落到天橋 沿側邊車路行到去前面學校區域直至盡頭 就會見到🇹🇼🇹🇼🇹🇼環境：3 / 5普通餐廳位枱上放有食物實圖作裝飾冷氣溫度也舒適🍖🍖🍣價錢：3.5 / 5牛骨湯配手撕雞濛粉 $47椰汁酸湯配香茅豬扒金邊粉 $53

YOHO MALL附近其實都有好多小店想食越南菜都有👍🏻✨這間小店都間中會幫襯價錢大眾化食物款式都好多選擇基本上係任你點樣配搭🤣🤣🤣座位都應該有30人環境OK！☝🏻雞絲金邊粉最緊要啲湯熱辣辣👍🏻✨不過今次我覺得味道咸咗啲配菜少咗😵金邊粉都好好味！☝🏻香茅豬扒飯份量非常多，夠兩人食🤣豬扒都新鮮炸，味道OK☝🏻蝦多士這個真係有驚喜內有蝦肉及芝士非常香口我覺得必食👍🏻👍🏻👍🏻✨☝🏻龍眼冰

又食到飽到上心口，今日同豬隊友爸媽同豬隊友一行4人去食越南野，話說天氣甘熱，覺得食越南野清爽d!(好似係...應該係...）4個人明明唔係好肚餓，但又點左好多野，蒜香牛油雞翼、生菜包、菠蘿海鮮炒飯、紅酒燴牛尾配蒜蓉包、什菌炒四季豆、仲冇串燒拼盤🙈最可怕係...我地竟然係食晒所有野！當然豬隊友功不可沒！真心覺得個牛尾好好食！炆得夠晒火喉，又入味，配蒜蓉包係唔錯，不過如係係飯桶嘅就一定要跟飯，相信送飯一流！反而個串燒唔太出眾，下次可以唔食😂

胡志明市紅蕃茄烤豬湯金邊粉- 湯底微稠，蕃茄味濃郁，帶茄膏甜味，附有洋蔥片及椰菜，蔥花添香。加了青檸及指天椒粒後，整體感覺似羅宋湯。金邊粉的米漿味滲入湯中，影響了湯底原來的味道- 豬肉片量多，惟沒烤肉香。肉質很滑、過腍，吃到鬆肉粉味，肉味欠奉- 金邊粉腍滑

越南人都話唔正宗嘅越南餐室，今日同两個朋友去元朗做野，經過見門口有位泊重，咁方便咪試一試囉，一入座個越南朋友話全部都係港式食品，我叫左三絲炒金邊粉，油到一咀都係，㗎哩腩又唔得，香茅豬又差，冇不次

工作中午餐，元朗人介紹呢間，店面唔大，店內簡潔乾淨！桌椅唔迫，配色幾搶眼，牆上有越南🇻🇳裝飾！已經係下午茶時間，所以可以叫午餐或下午茶餐！食物都係大路嘅越南菜式古法香茅烤豬撈檬（$34）份量幾大，檬粉彈牙，豬肉無香茅味，不過幾滑，配料有生菜、青瓜絲、花生碎，加了酸醋汁開胃！越南滴漏咖啡（跟餐加$18）賣相唔錯，仲可以自己倒滾水落滴漏器，玻璃杯幾大杯，沖出來幾香，平時會叫少甜，今次唔記得叫，女在杯夠大，沖出來香濃微甘！好飲牛肉湯生菜（跟午餐加$5）同一樣嘅小食，跟午餐同下午茶價錢唔同，跟下午茶餐要$19（講真咁嘅份量$19超唔值）呢個生菜湯好淡，其實無乜味，生菜淥到淋咗，少咗爽脆口感！一般同事食：越式生牛肉湯河（$38）下午茶餐香茅豬扒湯河（$44）午餐青檸梳打（跟餐加$9）凍朱古力（跟餐加$2）食物ok，比較平實！唔知係唔係唔同地方嘅越南菜配料唔同，無咗我喜歡嘅九層塔！越南湯底係靈魂，但我個生菜嘅牛肉湯一啲都唔香，好淡，同事食嘅湯粉都話湯好淡！比較失色越南菜湯底一淡就失色

When it changed back to typhoon 3, we went down for late lunch. This viet restaurant is open and they still have lunch menu so we ate here.Ordered a noodle, there is 6 pieces of the meat and the noodle portion is the right amount.Another main is the pork chop with chicken wings rice. The pork chop is quite dry and the chicken wings are tasteless... the skin of the wings are hard, not sure if it is affected by the typhoon or their food quality is poor. The rice totally not recommended.We can use