河內越式料理 (西洋菜南街)

營業中

休息中

✨順化蕃茄蟹肉扎肉湯檬 $68越式河粉食得多🤔但今次專登過黎試蕃茄湯底既蟹肉扎肉湯檬，湯底以蕃茄的酸甜為主，加上有少少蟹肉同肉碎，味道鮮甜👍🏻湯檬的米粉質感滑溜，吸收湯汁精華，配合扎肉既味道都幾夾，最後都飲哂成碗湯咁滯🤪✨越式牛柳粒紅飯 $112越式牛柳粒紅飯色香味俱全，牛柳粒嫩滑多汁，醃製入味，份量都多😁洋蔥、三色椒都炒到好軟腍多汁，紅飯有蕃茄味，而且糯而不黏😎整體口感豐富，牛柳粒既嫩滑同紅飯口感配合得恰到好處👍🏻✨法式牛油雞翼 $54法式牛油雞翼香氣撲鼻，外皮金黃酥脆，內裡嫩滑多汁😋牛油香味充分滲入雞翼中，帶出濃郁的奶香，每一啖都好滿足💯✨牛油果沙冰🥑 $36牛油果沙冰綿密滑溜，面頭都有牛油果粒🤤兩者都有牛油果濃郁奶滑既味道，帶微微甜，質感幼滑好快融化，唔係粗粒果種冰，夏天飲真係一流，消暑解渴🍹✨鮮芒果西米露🥭 +$10芒果味道好甜，幾新鮮，西米幾Q彈帶點椰汁味🤓而且芒果份量都幾多下，加10蚊就得超抵！

路經旺角朋友想吃越南菜，見到這店有很多客人，位置是港鐵太子站B2出口，步行約4至5分鐘，交通非常方便。店內環境舒適，座位寬敞清潔整齊，服務員禮貌招呼。菜譜簡單易明，越南粉麵、越式小菜、套餐、炸物小食、飲品等，價錢合理，任客人自選配搭。生熟牛肉湯河粉$67份量十足的大碗湯河，薄切生熟牛肉鋪滿碗面，肉質嫩滑牛味濃，越式湯河夠軟滑，吸入濃香湯汁，配上青檸和紅椒粒，極為美味可口。濱海伴香茅牛肉$74擺盤精緻，食材豐富，牛肉片炒熟，味道幼嫩多汁，爽嫩彈牙的濱海米粉團，伴著鮮嫩甜脆的生菜及多款越南香草，用生菜包裹著以上食材，沾滿越南醬汁，好食到不能停口。安南鮮蝦米紙卷$54米紙晶瑩剔透清楚見到鮮蝦和卷內食材，米紙柔軟適中，入口鮮嫩爽脆，配上越南醬汁，惹味又可口。椰青$45、椰汁紅豆冰$30椰青夠新鮮又大個，汁液豐富又清甜。椰汁紅豆冰，紅豆極稔甜，甜度剛好，混入清香椰汁，解渴又舒喉。

旺角河內越南餐廳，佈置充滿越南風味。極品牛三寶湯河粉：三寶食材包括鮮嫩生牛肉、爽彈牛丸、甘香入味牛展，湯底每日用新鮮牛骨和香料熬製而成，好香牛骨湯味，非常好飲，河粉好滑好爽口，煮得出色，招牌必點。越式河內三寶飯：雞翼煎得夠香、豬扒香茅味濃厚、扎肉香口，撈埋秘製醬汁，滋味無窮。西貢牙車快：越式沙律，配料有雞絲、花生、椰菜絲、青瓜、紅蘿白、菠蘿等，味道清甜，十分適合作飯前既開胃菜。越式炸春卷：炸到金黃色，點埋個酸辣越式醬汁，非常惹味。越式炸蝦餅：炸蝦餅爽口彈牙，配埋個越式醬，好食到唔停得口。椰汁三色冰：用椰漿調製，加入紅豆、綠豆、馬蹄，帶來煙韌口感，椰汁味道香濃。熱情果梳打：酸酸甜甜既滋味，令人著迷。總結，餐廳位置就腳，食物好味，抵食之選。

旺角鬧市搵嘢食真係好挑戰我呢個人有選擇困難症，今日心血來潮想食越南嘢。河內越式料理位於西洋菜南街，主打越南菜有好多款式選擇，小食，米紙卷，粉，麵，飯等等。順化蕃茄蟹肉扎肉湯檬先講湯底，味道十分之融合，蟹味嘅鮮，係新鮮蕃茄湯底下係十分夾，唔會有一邊過份突出，所以飲落好鮮甜。配檬粉個人較為鐘意，扎肉蟹肉份量都多，食落唔會淨係食粉咁單調。越式炸蝦餅跟餐加22蚊已經有咁大咁厚嘅蝦餅真係極抵食，唔夠飽的話一定要加點，食落香口不油膩，蝦膠爽口彈牙重蝦味。魚露雞扒蛋飯勁大塊雞扒咁上檯，蔥油雞扒外多咗一陣魚露嘅咸鮮，味道提升好多。加隻煎蛋，加倍滿足。上湯灼田園菜都係跟餐就可以叫，淨食肉太膩，不妨叫個菜平衡一下。軟殼蟹米紙卷份量有啲難以置信，每嚿卷都包到滿晒材料又大件，軟殼蟹夠香脆，味道口感都夠新鮮。越式香茅雞翼經典香茅雞翼夠哂香口，香茅味恰到好處。

今日系旺角經過呢間越南餐廳，見到入面坐滿人咁濟，好旺場，就諗住入去試下。- 安南鮮蝦米紙卷米紙外皮煙韌，包住蔬菜好爽口，蝦肉新鮮彈牙，層次極豐富。- 生牛肉湯河粉好大碗，份量都幾多。湯底清甜，額外比青檸檬同埋辣椒加落去，味道會更加豐富。生牛肉浸落湯之後食真係岩岩好，口感好嫩滑。- 濱海伴豬頸肉串燒濱海唔系間間越南餐廳都有，今次系第一次食，就咁睇個名真系唔知咩黎嘅。食落質感似米粉，但比較彈力，加上少許香蔥炸蒜，幾特別。豬頸肉串燒有3串，燒得很香口，爽口彈牙。- 街頭香葉卷撈檬香葉卷由香葉包裹牛肉碎去燒，味道非常獨特，肉質柔軟，多肉汁，香葉的香氣和味道非常濃郁，香葉的香脆程肉碎嘅柔軟增添口感層次。檬粉份量都唔少，加上魚露甜酸汁，酸酸甜甜而不失魚露鹹鮮味，非常開胃。- 上湯灼田園蔬加配$20,非常抵，好大碟！- 熱蜜糖柑桔飲品就加$5, 非常清新，好潤喉。

經過左好多次 終於有機會食到🫶🏻唔想等位建議下午茶差唔多完既時間入去 又可以叫到下午茶 亦都無太多人 會坐得舒服啲添🤣基於好肚餓既關係 今次就無叫下午茶😂全部叫哂正價餐 都抵食喎👍🏻越式豬扒包 $53 店員推介一定要叫🤤果然無介紹錯麵包烘得好鬆脆 唔會過硬岩岩好 豬扒香口又多汁亦好細心係包度搽左薄薄既牛油再放配料每啖都食到牛油香 好新鮮既菜 好香口既豬扒 好惹味！！順化蕃茄蟹肉扎肉湯檬 $68啖啖都有蟹肉既香味 再加上蕃茄湯既酸甜 好開胃好快可以食完一碗😋 法式牛油雞翼 $54每一啖都係牛油味 面頭仲有啲炸蒜🤩雞翼炸得超級脆 絕對停唔到口建議有朋友一齊share先好叫 唔係一個人食哂會好易覺得油膩架🥲越式炸蝦餅（細）$33又係一個好香口既小食 蝦餅炸到黃金色好靚食落好香蝦味 仲有啖啖蝦肉 好有誠意👍🏻上湯生菜 $23一定要叫個菜幫助消化🤭連灼生菜都有好越南風味 好多炸蒜😆野飲方面叫左龍眼冰（跟餐+$10）同埋檸檬蜜糖薑茶（$24）😋滿足

禮拜六晚比較多人見到呢間嘢咁多人好評就專登嚟試一試，嗌咗一個二人餐兩個粉一個菜一個小食兩杯凍飲埋單$200都唔使 睇個價錢係OK嘅 但係你話係唔係好食到要專登再食多次我覺得 冇下次啦。首先叫咗個生牛肉湯河 個檔得個甜字，肉又比較少。個雞翼係幾出色嘅。 小息嗌咗個越南春卷咪就係撈檬d friend😅 一模一樣……..普通到一個點，個菜唔知係咪加得太多蒜有啲苦，兩杯嘢飲叫咗個紅豆冰 正常嘢Overall, 即係好似我個標題咁不過不失囉 你你睇啲標題話好食其實係抵食未去到話好食嘅 咁嘅價錢咪咁Ge質素囉！我食得7788啦，佢係咁俾啲眼神你快啲走啦我要接下一台客，感覺唔係太好🙃最後收錢搞咗陣，因為佢唔收Visa or Mastercard ，後面有冇客趕住要俾錢，佢又唔耐煩🫤阿叔我咪要多謝你賜我食糧？我俾咗錢㗎🙄

最近我去左河內越式料理，真係好正嘅用餐體驗！真正體驗到價廉物美！我點咗香茅豬扒撈檬，依道菜讓我一試成主顧。豬扒的香味真係好濃厚，配上清爽的米粉，簡直是絕配。香茅的味道很吸引，配有青瓜、生菜同埋蘿卜𢇁令整個菜充滿層次感，食落去特別過癮！除了主菜，我仲點了小食拼盒，裡面有雞翼、春卷、扎肉和蝦餅鮮蝦米春卷。每一啖都係驚喜！雞翼的鹹香剛好，春卷又酥又脆，扎肉軟熟，蝦餅鮮味令人回味無窮，真係多元化小食拼盤。凡顧惠粉麵或主食可以加$10叫特飲，我點了鮮芒果西米露和凍鹹檸七喜。鮮芒果西米露嘅芒果果味十足，清新唔太甜。而凍鹹檸七喜則很特別，鹹檸的風味配上汽水，喝上一口瞬間消暑又提神。總之，這次的用餐經驗實在太讚了！價錢也很實惠，推薦給喜歡越南料理的朋友們，一定要試試！

越式炒牛河超大份 但好食到一個女仔都食得晒朋友話入面係肥牛 仲好香薄荷葉味有鑊氣（唔會過於油膩 朋友推薦）-青木瓜沙律酸酸辣辣清新爽口 仲有幾隻大蝦 正常水準-鮮蝦米紙卷 大大件餡料好充足 記得點埋醬汁-個芒果沙冰真係不得了勁多果肉 口感好SMOOTH-講真幾抵食3樣食物+杯嗶飮只係大約＄260 仲要超級飽肚重點係好食上菜又快（有多間分店 我食嘅係旺角分店）推介比大家 性價比高

河內越式料理係小妹其中一個最愛飯堂，貼地親民嘅價錢，食物質素有保證，而且份量又大，性價比極高👍🏻👍🏻越式牛柳粒紅飯🐮紅飯嘅顏色相當吸睛👀每一粒飯都嗦哂醬汁，粒粒分明唔會太濕🥰😋牛柳粒加上青黃椒一齊炒香炒熟，一口size 牛柳粒熟度剛好，仲好juicy 😍❤️順化蕃茄蟹肉扎肉湯檬🦀必食推介⭐️蕃茄湯超級濃郁，一打開蓋已經聞到🤗🤗湯底以鮮茄熬製，天然嘅酸甜味唔需要過多調味已經好好味，蟹肉已拆肉唔會有蟹殼👍🏻👍🏻食落好放心越式蝦餅撈檬🦐手打蝦餅口感彈牙，仲食到粒粒蝦肉😆炸蝦餅已經預先切好，方便分享🤭撈檬嘅酸汁分開承載，自行調配口味香茅牛肉三文治🥪三文治其實係越式法包🤭4款口味之中揀咗香茅牛肉，薄切肥牛以秘製醬料調製，加上醃製爽脆蔬菜，食落唔會油膩反而有清爽感覺

星期六約左朋友去旺角行街, 順便逛逛新開既donki, 夜晚去左太子一間越南餐廳食飯。我哋叫左生牛肉湯河, 牛肉嫩滑，湯底牛骨味道濃厚, 飲落清甜。炸蝦餅撈檬, 蝦餅炸得香脆彈牙, 加埋甜酸醬一齊食, 十分開胃。我哋另外叫左兩款小食, 香茅雞翼煎得好酥脆, 香茅味突出, 肉質嫩滑。鮮蝦蔬菜米紙卷, 入面有蝦肉, 扎肉, 蔬菜,檬粉等, 配合特製醬汁, 食落好惹味。飲品方面叫左椰汁三色冰, 椰汁味香濃, 配埋三色珍多粉條好有咬口, 不會過甜。

今日嚟到旺角呢間越南餐廳食晚飯，知道佢都有唔少分店，質素應該都有保證，所以就試一試。河內生牛肉湯河粉湯底味道超濃郁，河粉好滑，非常推介！越式手打炸蝦餅（細）因為點咗個河粉，可以以優惠價加配小食，所以就試吓呢個蝦餅。蝦餅大大一件，再切開幾塊，外皮炸得好脆，裏面好彈牙，口感非常好。西貢咖喱牛腩配法包咖喱嘅奶味比較重，牛腩薯仔都煮得腍同入味，配埋蒜蓉法包一齊食，好有滿足感。順化豬肉卷米紙卷米紙卷好大件，裏面仲加咗少少薄荷葉，令味道更加清新。香茅沙嗲雞肉串燒串燒有豬牛雞可以選擇，我點咗雞肉，有三大串，沙嗲醬比較杰身。龍眼冰龍眼冰除咗有龍眼肉，仲加咗杞子，非常足料，而且唔太甜。

今日去咗位於旺角嘅「河內越式料理 」 lunch…….河內特色綜合河粉$95……有生牛肉，牛腩片，扎肉，雞絲，香葉卷等……份量不少⋯⋯2人Share 再加小食巳很夠飽🤭😍小食拼盤有春卷、鮮蝦米紙卷、蝦餅、雞翼同扎肉……. 即叫即炸，熱辣辣上枱👍味道方面…….鮮蝦米紙卷….米紙卷皮薄，餡料好足！蝦餅口感彈牙…. 另外春卷也不錯，好飽滿…而且配有生菜可以包住一齊食，減油膩感😆另外追加小食..豬頸肉…. 口感爽彈🤭🤭

今日同朋友去咗試下河內嘅二人套餐，份量同價錢都相當唔錯首先講講個越式菠蘿炒飯啦，個炒飯真係好香，啲飯粒粒分明，炒得乾身爽口，夾埋菠蘿嗰種香甜，仲有啲微微嘅酸味，真係開胃到爆！入邊仲有好多嘅海鮮跟住嚟嘅係西貢牙車快，即係雞絲沙律啦。呢個沙律真係清新爽口！啲雞絲嫩滑得嚟又夠韌，配埋爽脆嘅蔬菜同埋香草，再淋上酸甜嘅醬汁，食落去香口開胃，真係夏天食得啱啱好呀主菜順化蕃茄牛腩配法包就更加係重頭戲啦！個牛腩燉到軟腍腍，啲肉質香滑得嚟又唔會肥膩。個蕃茄湯底酸甜開胃，夾埋啲香噴噴嘅法包，簡直係絕配最後嚟講吓飲品啦！個椰汁冰真係清甜消暑，飲落去清新解膩，至於青檸梳打無糖就更加係消暑恩物啦！酸甜解渴，夠清新，仲唔使擔心肥

款式多嘅越南料理😍外賣左三個主食：生牛肉湯河粉，香茅豬扒撈檬，越式河內三寶飯外賣速度都幾快，唔洗等好耐就有👍🏻生牛肉湯河粉牛肉份量都頗多，就算拎到返屋企食都唔會淋曬，湯底濃郁得黎唔會好鹹！香茅豬扒撈檬酸酸甜甜好開胃，特別夏天如果想食清爽少少冇咩胃口的話呢個啱曬😆豬扒又醃得幾入味越式河內三寶飯扎肉，雞翼，豬扒，份量好多而且有埋豉油撈飯一齊食好正😋嘢飲揀左牛油果沙冰見到上面仲有啲牛油果粒粒，幾滑身飲落唔會好重冰感，牛油果味都重👍🏻蜜糖柑桔冰解渴得黎有🍋‍🟩嘅酸甜好fresh！椰果椰汁西米露啖啖西米露椰果可以食又可以飲🤤🤤仲額外叫左個小食鮮蝦米紙卷蔬菜新鮮而且好多料食落好滿足蝦肉都好彈牙再點埋個汁👍🏻😋二人餐，學生餐，下午茶餐，價錢唔貴！平時經過食都係一個唔錯之選😍