河內越式料理 (西洋菜南街)

營業中

休息中

收工買埋外賣番屋企食，天氣又熱又焗，特登揾附近越南餐廳，想食撈檬。我之前未食過呢間河內越式料理。好特別嘅係呢一間竟然有素菜，平時都好少見，今次就嗌咗素春卷撈檬$66，加小食香茅雞翼$23，同埋唔少得嘅涷飲青檸梳打$10。個素春卷內餡豐富，有粉絲，蘿蔔絲，木耳絲，口感豐富，春卷皮炸得脆香，卜卜脆。檬粉嘅份量合適，另外仲有有蘿蔔絲同青瓜絲，如果多啲花生就好。另外我好鍾意撈檬醬汁，酸酸甜甜，食完好開胃。小食嘅香茅雞翼，$23有兩隻雞翼，亦都煎得好香，食到香茅味。整體嚟講，嘢食幾好食，下次有機會試堂食。

上次嚟旺角上堂叫過呢間法包外賣一次，覺得真係好好食決定要嚟試一次堂食順化蕃茄蟹肉扎肉湯檬 $68 呷一口湯先 蕃茄味好香之餘仲飲到好濃郁嘅蟹味😍真·蕃茄蟹肉濃湯😂😂😂仲跟埋粒迷你小青檸（勁香～）仲有4塊扎肉同兩粒豆卜，有啲肉碎同芫茜豆卜索晒啲湯汁 入口爆汁又入味💣越式河內三寶飯 $72（有扎肉、香茅豬扒、雞翼）呢碟飯啖啖肉，香茅豬扒同雞翼炸到好香～炸到啱啱好，又唔會太乾連塊豬扒都炸到好Juicy😍飽到越式炸春卷 $23 （跟主食價）呢個春卷好多料好紮實 入口又脆口感又豐富 個春卷皮厚薄適中🫶🏻冰鎮凍奶茶 $22個人好鍾意冰鎮凍奶茶多過加冰嘅凍奶茶味道濃郁好多 又唔會比啲冰搞到淡晒茶底飲到係好厚好濃郁 但飲到奶味會更重嘅凍奶茶 鮮芒果椰汁西米露 呢個簡直就係飯後甜品 但係變咗高杯裝😋😋😋😋芒果都幾多好滿足Location : 太子站B2出口一路向前行3-4分鐘就到啦！（要過對面）店內payment: cash / 八達通

真係已經唔知幾耐冇食越南野 今日咁岩同同事係旺角做完嘢，經過就決定入去食嘢我揀咗個牛三寶，一上到嚟嘅時候就聞到好香嘅越式湯河嘅味 勁正 我嘅湯河有牛丸，一堆牛肉片，同埋牛腱。牛腱算係比較貴價嘅食材，但係都有兩塊。河粉索晒啲湯好好味，而且個量勁多，我覺得男仔自己一個食應該都夠飽。朋友叫咗個飯，有豬扒、雞翼，同埋扎肉。我哋兩個主食都可以追加小食，所以追加咗個炸蝦餅同埋炸軟殼蟹。蝦餅超級好味，外面炸到好酥脆，但係入邊係好有蝦味又彈牙軟殼蟹不嬲都係貴價之選，我估唔到佢可以咁小嘅價錢追加就可以有一隻咁大隻嘅軟殼蟹，你見到佢入邊都坐質飽滿，唔係剩係得個殼我地仲加左個包，勁多蔬菜，好fresh!嘢飲方面我叫嘅係芒果西米露，幾驚喜嘅係係間越式舖頭竟然有種港式嘅甜品。西米同埋芒果嘅份量都好多，再配埋個椰汁底，我覺得佢既係飲品又係甜品，好正。朋友就叫咗個椰汁珍多冰。

基於Vivian近排要減肥，所以要食多少少野🤏🏻🤏🏻先有力減有fd子話呢間2人餐抵食，話Vivian食完都會飽，睇下true唔true先Menu跟friend子叫左優惠2人餐，同行人士最後飽到上心口，本Vivian表示仲有quota 🤭叫多碟酸辣無骨鳳爪優惠2人餐 $195扎肉撈檬好食，鐘意呢隻檬粉好爽口，仲要大大碗🥹鮮蝦紙米卷都好食，好扎實又有份量雞翼超正，唔記得講埋個撈檬汁，酸甜剛好，唔似其他會偏酸仲有碟菜，朋友呢個時間已經陣亡，Vivian表開心，冇人爭食，btw碟菜冇味精，其他野食都冇落味精，唔錯酸辣無骨鳳爪$76整得幾好食，唔會淨係得辣味，酸酸甜甜，唔太食得辣嘅人都可以試下套餐仲有野飲添最後可以同friend子講：非常認同，真係好抵食

第一次去呢間越南餐廳食越南菜呢間餐廳都幾多客人係門口等咗一陣就有位今次叫咗香茅豬扒湯河同叫咗一杯凍蜂蜜柚子等咗一陣 野食都好快到湯河嘅湯底味道好濃 好夠味🤤豬扒好大塊 又好食份量十足 一個人食到好飽杯蜂蜜柚子都好飲下次會再嚟☺️

係近旺角東天橋底 無意中發現嘅一間餐廳 店員態度很好 食飯時間好多人排隊 可能需要等十幾分鐘 舖頭位置算多 上菜速度很快 點的豬頸肉同無骨風爪都很好吃 係食完仲會想再食嘅一間餐廳

今天晚上，我和太太到位於旺角西洋菜南街的河內越式料理晚餐。我們點了法式蒜茸包、酸辣無骨鳳爪、越式炸蝦餅、牛腩片湯河粉、椰青和芒果沙冰。法式蒜茸包是我們的開胃小吃，外皮酥脆，內里鬆軟，散發著濃郁的蒜茸香。這道菜讓我們胃口大開，迫不及待地等待接下來的菜式。接著上桌的是酸辣無骨鳳爪，酸辣的調味讓人胃口大開，鳳爪肉質鮮嫩多汁，完全不怯生。越式炸蝦餅則是我們在越南餐廳的必點菜色，外脆內軟，搭配著特製的醬汁，香氣四溢，令人回味無窮。當牛腩片湯河粉上桌時，我們被它濃郁的湯汁和嫩滑的河粉深深吸引。牛腩片入口即化，湯汁鮮美，讓人感受到越南料理的獨特風味。椰青清涼解渴，配上芒果沙冰，甜而不膩，是我們完美的結尾。在這家河內越式料理店裡，我們不僅享受到了美味的越南菜餚，還感受到了家的溫暖和舒適。這個晚上，不僅填飽了我們的胃，更充滿了愉悅和幸福的回憶。这是一頓讓我們嚐到美味的越南料理晚餐。

放工約朋友去太子附近搵食，諗起西洋菜南街嗰邊多選擇就行過去睇下～見有間越南菜座無虛席咁，而且門口餐牌價錢幾大衆化，朋友又話想食湯粉，咁就等位食呢間啦～ Order咗幾款~~賣相幾好!!順化蕃茄蟹肉扎肉湯檬 $68蕃茄湯底酸甜度幾好，唔會過酸，夾住蟹肉、檬粉一齊食多咗份鮮甜味，有驚喜！不過個人就略嫌配料較少河內生牛肉湯河粉 $59熱辣辣嘅牛骨湯頭，令生牛肉剛好浸熟，牛肉食落嫩滑，配上大量配料，夾住河粉一齊食可以減去油膩感，推介！追加小食～ 越式手打炸蝦餅（細） $33大大件，炸到外面好脆、入面彈牙，點埋雞醬 一流！追加小食～ 香茅雞翼（2件） $23睇落以為外皮好乾，但咬落入面幾juice，雞翼都夠大隻，唔錯～主食加錢配飲品熱蜜糖柑桔+$5好足料！落咗3、4個柑桔仔，配埋蜜糖水，甜甜酸酸，夠潤喉椰汁紅豆冰 +$10紅豆夠軟糯，甜度啱啱好，配埋椰汁夠解渴，呢個配搭真係無得輸呢~值得一提，枱面準備好各款醬汁俾客人，唔駛下下要問店員拎～ 贊！晚市一個主食+ 小食 + 飲品 只係人頭一百蚊左右，仲要唔駛加一，價錢合理，性價比幾唔錯！雖然座位唔算好闊落，但坐得舒服，地方乾淨整潔！值得一贊！河內越式

河內越式料理📍旺角西洋菜南街204號地舖味道：😋😋😋😋😋😋😋😋環境：🎑🎑🎑🎑🎑🎑🎑🎑服務：😏😏😏😏😏😏😏😏河內越式料理設有大圍、尖沙咀、旺角等多間分店，今次試咗佢嘅旺角分店，估唔到食物大件夾抵食，CP 值幾高喎😍我哋order 咗1️⃣順化蕃茄蟹肉扎肉湯檬🍜💰66湯底濃稠，既有蕃茄嘅酸酸甜甜、又帶有香料嘅清新，非常開胃😋一碗有三塊大大塊嘅扎肉，仲有絲絲嘅蟹肉🦀，扎肉肉質彈牙、蟹肉勁多同好好鮮甜，正啊！2️⃣越式豬頸肉撈檬🍜💰62豬頸肉肥瘦相間、鮮嫩多汁，麵條彈牙掛汁，撈檬酸酸甜甜，非常清新開胃，夏天食一流！😌3️⃣越式炸春卷（2件）💰22四個字：皮脆餡靚！餡料有蘿蔔絲、豬肉、粉絲同木耳等，非常足料，配合埋酸酸甜甜嘅辣好惹味😍4️⃣凍越南滴漏咖啡☕️💰18上層係咖啡、下層係煉奶，餐廳會提供一枝匙羹比你撈勻。估唔到撈勻後仍然keep 到醇厚嘅咖啡香、煉奶又唔會太甜、死甜，大推👍5️⃣鮮芒果西米露💰10食得出芒果好新鮮，唔係罐頭生果/用糖水浸住個種，椰香味濃，消暑解渴之選😆另外雖然餐廳客人好多、外面都好多人排隊，但店員好有禮貌同耐性👍👍#香港美食 #美食推薦 #美食日記 #越南菜 #香港美食推介#旺角美食推介 #

這間越式餐廳有幾間分店 就太子站附近地點方便 餐廳人流不斷好旺場😍食物款式選擇多而且質素不錯 叫主食可以用優惠價錢加配小食同飲品 又不用加一😬性價比好高✨極品牛三寶湯河粉湯河粉一大碗🍜配料有生牛肉、牛展、牛丸🐮湯頭以牛骨熬製熱辣辣🦴味道清甜濃郁不油膩 加入青檸及辣椒更提鮮🌶️生牛肉粉嫩 牛展膠質豐富有口感 而河粉非常滑溜👍🏻✨越式河內三寶飯三寶飯有豬扒、雞翼、扎肉配料夠豐富🍚帶骨豬扒厚肉香茅味濃郁 雞翼皮脆有肉汁👍🏻白飯的份量都好多配上蔥油好下飯😋亦有甜豉油可以自己加✨越式炸蝦餅（細）蝦餅厚身已預切 炸得熱辣辣😍外皮好香脆不會油膩 口感好爽口彈牙🍤檯上放了酸酸甜甜的甜辣醬沾著吃味道好夾✨越式豬頸肉（細）加配的豬頸肉都幾大份🥓口感爽彈又夠入味 如果可以燒得再香口點就更好啦✨青檸梳打一杯冰底加青檸同一罐梳打水上枱😋冰涼好清爽十分消暑解渴🥤✨鮮芒果西米露一大杯好似一個甜品咁😍椰汁味濃郁而且甜度適中 西米夠軟糯 以優惠價錢加配好抵飲👍🏻📍河內越式料理 (西洋菜南街) (旺角)旺角西洋菜南街204號地舖

週末與朋友來到位於旺角的河內越式料理吃晚餐，我們點選了極品牛三寶湯河粉、越式炸春卷、越式青檸冰及鮮芒果西米露。 極品牛三寶湯河粉簡直是一道好吃的越南美食！這碗湯河粉，大大碗，份量十足。以牛丸、牛肉和牛腱作為主要材料，味道濃郁鮮美，讓人回味無窮。 首先，牛丸是這道湯河粉的重要組成部分。在湯河粉中，牛丸彈牙又滑嫩，入口后散發出濃郁的牛肉香氣，口感鮮嫩，讓人愉悅。 其次，牛肉是這道湯河粉的另一大特色。牛肉切成薄片，放入湯中煮熟，保持了肉質的鮮嫩與濃郁的香味。牛肉細嫩多汁，煮熟后入口即化。牛肉的鮮美和湯汁的滋味融合在一起，帶來無限享受。 最後，牛腱是這道湯河粉中的驚喜之一。牛腱經過長時間的燉煮，肉質變得極為軟嫩，滲透了湯汁的滋味。每一片牛腱都充滿著濃郁的牛肉味道。這道湯河粉中的牛腱，絕對是美味。 除了湯河粉，越式炸春卷也值得一讚。越式炸春卷脆口爽口，里面包裹著豐富的肉香鮮味，配上生菜，絕對讓人愛不釋手。 總結而言，極品牛三寶湯河粉是這間餐廳一道值得推薦的美食，再配合越式炸春卷，帶給我無比的滿足感！

西洋菜南街不嬲都多野食，見到呢間越式餐廳價錢親民，而且即使過咗中午時間依然係全場滿座，所以就決定喺到食返碗越式湯河嚕～生熟牛肉湯河粉💰HK$66牛肉份量多，有半肥半瘦牛腩同埋生牛肉片呢兩種，肉質唔會柴，而河粉就係偏幼身果一款，食落質感嫩滑有米香，仲要掛湯能力極高～極品牛三寶湯河粉💰HK$71有口感彈牙嘅牛丸、軟腍腍嘅牛展同埋生牛肉片！最中意就係碗麵個牛骨湯底真係好鮮甜，味道好濃厚～越式豬頸肉(細)💰HK$32豬頸肉用香茅香煎至金黃色，半肥半瘦，肉質爽口多汁，唔會令人覺得太油膩，配埋泰式辣醬，味道一流～(熱)杞子龍眼茶💰跟餐+HK$5因為唔想飲凍野，見到呢杯杞子龍眼茶好似好補咁樣，飲落去有啲似黑糖茶，而且仲好足料，好多杞子同埋龍眼肉，係一個養生嘅選擇～鮮芒果西米露💰 跟餐+HK$10呢杯西米露好有驚喜，好重椰汁味，原本好擔心會死甜，好彩係唔會太甜，飲哂成杯都唔會有罪惡感！面頭啲芒果肉超甜唔會酸，加埋西米，成杯野口感非常豐富～

周三晚上，下班走到旺角逛逛。旺角鬧市熙熙攘攘，在西洋菜南街走過，食肆林立，今晚很想吃越南野，於是走到去一間叫「河內越式料理」，餐廳試下，呢間真係未食過呢。餐廳裝潢別出心裁，仿佛穿越到了河內的街頭小巷，牆上有各式各樣的越南油畫圖案。暖冷的燈光的襯托下營造出放鬆愉悅的氛圍，舒適的座位也讓我期待著晚上的美好時光。餐牌設計得十分精美很花心思，封面寫住 "一種令人愛的味道"，文案真是寫得不錯呢。翻開餐牌，各款越式菜式琳瑯滿目，任君選擇。🍜香茅雞翼湯河(HKD$62元)那邊廂，友人點的湯河，香氣令我飄飄欲仙，用香茅醃的燒雞翼肉質鮮嫩，搭配著清爽的湯底，瞬間拉開了美食的序幕!🍜順化蕃茄蟹肉扎肉湯檬粉 (HKD$66元)這邊廂，我點的湯檬粉不遑多讓。鮮香的蕃茄湯底酸中帶甜，搭配香濃的蟹肉絲，每一口都讓我感到驚艷。🐖越式豬頸肉 (HKD$32元)豬頸肉經烤得剛剛好，外酥內嫩，配上越南酸辣醬汁，香氣四溢，讓我愛不釋手。餐飲甜品畫龍點睛🍹鮮芒西米露 (跟餐加HKD$10元)飽滿的芒果和Q彈的西米相互輝映，清新的口感，微甜可口。🍹熱蜜糖柑桔 (跟餐加HKD$5元)這道甜品有著蜜糖的香氣，搭配柑桔的微微酸甜，是

相熟的旺角錶店報料，今天返了隻Dayjust新款「撈」，排了超過半年終於可到手，立即取了下午假與老婆去睇貨。戴上後，老婆即愛不釋手，於是就馬上改錶帶據為己有。老婆滿心歡喜，就在食店林立的西洋菜南街作東找美食，東西美食各式其式，最後決定以越南河粉作獎勵。我們找到了一間名叫河內越式料理的食店，此店在5點多仍是下午茶時間，我們點了：牛腩片湯河粉~$66、越式香茅豬扒湯~$62、越式炸春卷兩件~$22、加配：椰果椰汁西米露~$10、椰汁紅豆冰~$10兩碗大大的越南河粉，再配以牛腩、豬扒等餸菜，加上炸春卷及特飲，完全可當是一個豐富的晚餐。越南河粉換名錶，有趣的交換。

星期六既下午，我同太后係旺角試左間越南餐廳，我地叫左份香茅豬排小食，越南牛三寶（包含牛丸、牛展和牛肉）以及蕃茄蟹肉札肉湯檬。兩碗菜間份量都好豐盛。飲品方面，我點了一大杯芒果西米露和一杯熱越南咖啡。首先，香茅豬排，炸得金黃酥脆，外皮酥脆內嫩多汁，每一口都散發出濃濃既香茅香氣，令人回味無窮。而越南牛三寶則結合左吾同部位的牛肉，柔軟既牛丸、爽脆既牛展和鮮嫩既牛肉。最後碗蕃茄蟹肉札肉湯檬清新酸爽，湯裡既蟹肉札肉滑嫩可口，每一口都帶著微微既檸檬香氣，為整餐帶來了一絲清新風味。在飲品方面，芒果西米露清涼甜美，入口即化的西米搭配新鮮既芒果果肉，非常適合配搭辛辣既越南料理。至於熱越南咖啡則是濃郁香醇，獨具風味，係一個完美既提神之選。喱家越南餐廳用餐環境十分舒適，裝飾簡潔清新，讓人感到放鬆愉悅。而服務人員都好親切和細心，讓客人倍感溫暖！