河內越式料理 (西洋菜南街)

營業中

休息中

哩間越南野店仔細細唔太起眼, 但係D野又幾好食, 晚市時段都幾full下。生熟牛肉湯河食哩D最緊要啖湯, 清甜夠熱有肉香, 飲落好味又順喉。生牛肉好嫩, 河粉滑溜，食到一半加埋青檸汁同辣椒粒入去, 又係另一種美味。招牌越式豬扒飯豬扒醃得入味, 乾身得黎唔會柴皮, 咬落有彈性有肉香, 拌飯一流。另外小食都唔錯, 軟殼蟹米紙卷包得札實唔會一夾就散, 加埋脆脆地既軟殼蟹, 一啖入口有多重口感!越式春卷炸得香口脆卜卜, 加多碟菜都係$20有大大碟, 抵食。另外野飲都幾多款式揀, 檸檬蜜糖薑茶同埋鮮芒果西米露都好好飲又夠味。

今次試咗旺角嘅一間越式料理。入到舖頭，地方都唔算話好大，但都坐得算舒服，座位空間都好足夠。今次嗌咗兩個主食同埋一個小食拼盤。自己就嗌咗個極品牛三寶Pho, 朋友就嗌咗個炸軟殼蟹撈檬。個Pho 份量幾大，賣相相當唔錯。而三寶嘅生牛肉牛展同牛丸都各有各好味，不過個人最鍾意食牛丸，彈即得來好有牛味。湯底偏清淡，加返少少辣椒同埋青檸汁吊味啱啱好。撈檬亦相當好食。炸軟殼蟹嚟到仲係幾脆幾香口，蔥同埋芫荽都俾得好多。辣魚露係擺枱面自己落嘅，可以跟自己嘅口味落多啲或者落少啲。而檬粉都十分之爽口。小食拼盤就包括咗大部分嘅小食， 有春卷、米紙卷、蝦餅、雞翼同扎肉。嚟到嘅時候全部都熱辣辣，明顯係即叫即炸！味道方面全部都相當唔錯，想每樣食啲嘅人嗌呢個拼盤就啱晒。飲品方面就叫咗杯龍眼冰同埋凍華田。大大杯，幾抵飲！總括嚟講，喺旺角如果想搵啲抵食又飽肚嘅越南菜，推薦呢間俾大家可以試吓。

朋友之前食過呢間店話好食，價錢又唔貴，一直都話想帶我嚟試吓，今日喺附近行完街，就即管入嚟試吓😆首先，喺門口望入去已經見到差唔多滿座，好在，埋便仲有位，我哋唔使企喺出邊等😂👫職員們都好Nice，無論係招呼我哋入座，定係我哋order嘢，都好好態度同埋面笑容☺️坐低咗，職員會先奉上兩杯茶，我哋當然就急不及待睇吓有咩食啦😝📝我哋order咗以下食物：💁‍♀️ 香茅雞冀湯檬$63- 雞翼有三隻，上枱熱辣辣；檬粉好幼細，軟硬度煮得啱啱好💁‍♀️越式豬頸肉(細) $33-叫飯或者湯粉，有優惠價order小食，朋友揀咗豬頸肉，肉質軟腍腍💁‍♀️ 越式炸春卷(4件)$50-呢款係我指定要order嘅，上枱時都係熱辣辣，點埋魚露食，好夾💁‍♀️ 順化炸蝦餅(大)$74-一碟有兩件，好細心咁剪開咗，方便食；所有醬料放喺枱嘅旁邊，可以自由咁鍾意落幾多就落幾多🤭💁‍♀️ 酸辣無骨鳳爪$76-好鍾意佢嘅酸酸味味，好開胃而飲品方面我哋order咗：💁‍♀️龍眼冰$10-叫飯或者湯粉，有優惠價order💁‍♀️可樂$20正常罐裝可樂，出奇地嘅係，有冰底🤭餐廳座位比較少，店舖比較細，但絕對冇影響食物質素同員工嘅服務態度🤗重點，餐廳「

平日大約7pm黎到 已經滿座剛好有1枱食客走 所以唔洗等位人流多 座位之間較狹窄上菜速度快 店員有效率岩晒放工餓扁既我306. 河內雞絲湯河粉 $59大部分雞絲肉嫰滑 小量有d嚡口點餐既時候 唔記得走芽菜 好彩芽菜量唔多湯河粉好大碗 河粉份量多越南河粉口感滑溜505. 上湯灼田園蔬（碟）+$20原個大生菜 健康腸必點621. 濱海伴香茅豬扒 $744件厚切香茅豬扒6件濱海第一次食濱海少量蔥碎同炸蒜粒鋪左一餅米粉上面本身濱海冇咩味加埋餐枱上既醬料 味道隨即昇華湯河粉同濱海2款主食各有特式本人下次再黎都會想食返同款632. 順化豬肉卷米紙卷 $54豬肉份量比例較小221. 牛油果沙冰 $35杰撻撻 面頭仲加左切粒牛油果122. 椰青 $45新鮮清甜 解暑必備

提供地道越式美食🇻🇳地方闊落，可供多人聚餐🍴越南風格裝潢，讓你猶如置身於越南品嘗美食☺️蕃茄蟹檬湯底濃郁，滿滿的蟹肉味和番茄味🦀非常鮮甜，材料亦非常豐富😃有蟹膏、豆卜、扎肉、蕃茄🍅扎肉厚身，檬粉爽口彈牙🍜一絲絲很幼細的米粉組成一個米糰，香茅牛肉燒得香口🔥加上越式魚露、生菜、九層塔🌿味道醒胃清新😋炸春卷是典型的越南民間小食🥢用米紙炸的特別香脆又好吃，內𥚃餡料豐富😙配上酸甜醬汁，份外惹味😍

好耐冇去越南，講真，對越南印象麻麻，但越南美食就唔同，係鍾意嘅。時不時都會掛住，呢日又想食，就來到太子站始創中心附近呢間越南店食嘢。見到啲2人套餐好抵食，有以下咁多選擇，啲河粉/撈檬( 生牛肉湯粉/牛丸湯粉/雞絲湯粉/扎肉湯粉/香茅猪扒撈檬/香茅雞翼撈檬/雞絲撈檬/扎肉撈檬/豬肉卷撈檬)大概九款可以揀兩款，已經差唔包括晒平時會食嘅嘢；跟餐小食就二揀一，即是安南鲜蝦紙米卷1客/越式香茅雞翼4隻其中一款；仲有碟田園灼時蔬跟，非常好；飲品除椰青之外，可以任揀凍熟飲品或特色飲品2杯，平時食開嘢特色飲品都要加錢，呢度唔使但仲有好多選擇，好正；如果想飲越式滴漏咖啡都係加10蚊啫。我哋嘅2人套餐選擇就有“生牛肉湯粉”和“香茅豬扒撈檬”，湯底好鮮，飲咗唔少湯，牛肉浸少少食亦好好味；豬扒煎得香口，撈汁亦恰到好處。小食“越式香茅雞翼4隻”好有越式風味。見人哋食“酥香軟殼蟹”食得津有味，唔執輸都嗌咗一份，大大隻有2隻，食得開心。“椰汁三色冰”和“芒果西米露”亦有水準👍🏽👍🏽

難得星期五放早快快手手食個晚飯返屋企攤抖，呢間越南餐廳就夠晒快靚正！越南餐廳生熟牛肉河係必點！湯底清澈得來夠香濃，半熟牛肉睇落都知新鮮嫩滑，加埋洋蔥同足料香葉，味道有保證！仲有原粒青寧俾你慢慢吱，啱晒我呢種鐘意清新味道嘅客人～跟餐$23有越式炸春卷兩件，塞滿餡料，炸得夠香脆，值得追加！朋友點魚露扎肉河粉超大碟，點讚夠鑊氣夠多料~軟殼蟹米紙卷皮薄料足漲卜卜。跟餐加配特色飲品椰奶杯同青檸梳打都只係$10一杯，非常抵！

平時都幾鍾意食越南野，行完金魚街見到附近依間餐廳都幾多人幫襯，入左去試下啦。 越式牛柳粒紅飯牛柳粒炒得幾香，咬落易入口唔韌，幾香牛味，仲有好多嘅洋蔥紅青椒。紅飯加入左蕃茄煮成，望落好紅下，食落都酸酸地好有蕃茄味。順化蕃茄蟹肉扎肉湯湯檬湯底望落係好深嘅茄紅色，飲落唔算好酸，但幾香濃惹味，另外可自行加入辣椒同桔仔。另外仲有絲絲嘅蟹肉扎肉同豆卜，同埋見到啲蕃茄蓉。檬粉幾掛湯，索哂香濃嘅湯。跟餐叫左兩款小食。越式炸蝦餅蝦彈牙，炸得幾香脆。越式豬頸肉幾有口感，燒到焦香。特飲跟餐都幾抵飲，叫左鮮芒果西米露，大大杯又有新鮮嘅芒果，就好似10蚊就加多碗糖水咁。另外叫左熱情果梳打加益力多，加埋一齊幾開胃，都可以一試。

河內越式料理見到好多人食我都想試下，叫左個生牛肉湯河， 牛肉河粉嫩柔軟，配埋湯一齊食真係好正！見到有好幾台都有點😋 仲點左個小食拼盤咩都有啲，雖然係炸物但不太油膩

依間越南餐廳我成日都幫襯，終於扚起心肝寫一寫食評，因為真係非常抵食，而且好味😆▶️魚露雞扒蛋飯 $62雞扒調味得非常之好，而且肉汁都非常嫩滑，配上蛋以及豉油混合，超級好送飯▶️蕃茄蟹肉扎肉湯檬 $68湯底好濃郁，配上真係有蟹肉，另外檬粉亦都非常彈牙，真係值得一食▶️小食拼盤 $135有成五款小食，包括炸春卷、米子包春卷、扎肉、雞翼以及蝦餅，另外唔好以為放在底的菜是擺盤，其實是比我哋包住小食入口，中和花冇咁熱氣，令到食落去更加清新😆😆🥫椰汁三色冰🥫冰鎮凍奶茶由於嗌咗兩款主菜，兩款特色飲品都是分別加$10以及$6 ，非常抵食🤭整體嚟講依間越南餐廳口味都非常之好，而且非常之抵食，平均一個人都係$100以內已經食得好飽🤗

今日我同屋企人去咗旺角一間越南餐廳食飯。喺出邊見到餐牌啲set幾抵，就試試！ 首先，我哋試咗生牛肉湯檬。呢碗湯檬真係好正，湯底清甜，味道鮮美，牛肉切得薄薄地，好嫩滑。啲檬粉食落去好有口感，配合埋啲芽菜洋蔥都唔錯。越式豬頸肉撈檬豬頸肉煮得剛好，然後有少少喺焗過，所以好香口。之後加上嗰個酸酸甜甜嘅魚露汁，再配合埋啲青瓜蘿蔔絲，整體個撈檬都好清新，夏天食真係啱晒！安南鮮蝦米紙卷米紙包住新鮮嘅蝦、蔬菜咬落去個口感真係好爽脆。而裏面嘅大蝦係新鮮嘅，唔會有腥味。米紙口感煙煙韌韌，裏面仲有少少粉絲，吸晒啲魚露汁，非常開胃！香茅雞翼 💯另外套餐加咗香茅雞翼同埋炸蝦餅。呢個雞翼好值得嗌，雞翼經過香茅醃製，味道十分入味，外脆內嫩。炸蝦餅外面炸得金黃酥脆，裡面嘅蝦肉鮮甜。飲品方面，我哋選擇咗檸檬蜜糖薑茶同椰青。檸檬蜜糖薑茶，薑味十足，飲落去好暖心，特別適合女士飲。 而椰青就係一杯清涼，椰汁甘甜，真係好解渴解辣。 總括而言，呢間越南餐廳款式都幾多，而且套餐都幾平， 值得encore !

自從去完越南旅行之後就迷上咗越式料理，有日喺旺角行完街就同朋友入咗呢間河內越式料理，唔係繁忙時間但係裏面都full House，咁嘅市道之下做到咁多人幫襯，肯定有佢嘅本事🫡基本上你講得出嘅越南嘢佢都有，我哋叫咗三樣嘢，分別係越式河內三寶飯（豬扒、雞翼，札肉）$72、招牌越式三文治 $53、越式烤雞半隻 $118。首先上枱係三寶飯，啱晒啲有選擇困難症嘅人，可以乜嘢都試吓。雞翼好惹味，炸至顏色非常之金黃，再食啖豬扒，頓時忘卻咗要減肥😆😆至於個三文治其實係法包，裏面有扎肉同埋超多蔬菜，個包皮唔會太硬，配埋個特製嘅醬，大滿足。最後上嘅係烤雞半隻，上枱熱辣辣仲噴緊煙，雞肉好嫩滑，就算係雞胸部份都唔會好嚡，我同朋友一致認為呢個係今日mvp🫶🏻另外天時暑熱梗係要嗌返兩杯凍嘢爽吓，叫咗杯椰汁三色冰 $30，同埋鮮芒果沙冰 $36。兩樣都超級解渴。咁食法人均都只係$150，抵佢咁好生意！而且又近旺角東或者太子站，行過都可以再試佢啲Pho。

在繁華的旺角西洋菜南街，我獨自前往河內越式料理，探尋一番美食之旅。首先，我品嚐了他們的順化蕃茄蟹肉扎肉湯檬，一口湯裡蘊含著濃厚的蟹肉風味，搭配爽口的蕃茄，讓人回味無窮。這道湯的湯底清甜鮮美，每一口都帶來滿滿的滿足感，讓我彷彿置身越南的街頭小巷中。接著，我品嚐了河內越式料理的杞子龍眼茶，清香淡雅的茶香中，混合了杞子和龍眼的營養，喝下去讓人感受到一絲絲的幸福。這杯茶不僅解渴，更是一道道地的東方美食饗宴，讓我愛不釋手。河內越式料理帶給我不僅僅是美食的享受，更是一趟穿越東方風情的旅程。這裡的每一道菜都散發著濃濃的越南風味，讓我感受到不同文化的交融與美好。如果你也喜歡探索東方美食的精髓，不妨來河內越式料理一試，品味越南風味，感受東方美食的魅力！

間餐廳好旺場，入到去有氣氛食😜 越式河內三寶飯($72)有齊招牌豬扒、金黃雞翼同經典札肉嘅三寶飯物超所值，3款肉類各有千秋，份量俾得一啲都唔吝嗇🥰 特別要讚招牌豬扒調味調得好好，好夾啲豬肉肉汁同香酥口感😖西貢咖喱牛腩配法包($80)濃味之選😍 咖喱主要係香料味，唔辣，同軟腍牛腩一齊食啖啖滋味😋 蒜蓉脆包蘸咖喱咁正，如果唔係嗌咗飯一定嗌多份包食😂濱海伴香茅牛肉($74)唔多機會食濱海，<河內>呢味<濱海伴香茅牛肉>第一次食就令人愛上🤩 各種香草新鮮奉上，盡顯誠意❤️ 牛肉油脂重，特製過更加香氣滿溢，夾埋香草、蔬菜、濱海食，有肉有菜有澱粉，味道好澎湃，食落好幸福😇椰青($45)椰青清甜好飲，殼附帶好厚肉，椰青水都好滿👍🏻 椰汁珍多冰(跟餐 $10)珍多食落新鮮，冇硬掘掘，大大杯，甜蜜蜜🍯鬧市旺場越南菜，價錢公道，1 個人去，定結伴同行，一樣搵到好嘢食🥳📌河內越式料理 (西洋菜南街) 📍旺角西洋菜南街204號地舖

今日同朋友去咗旺角行街，我見有啲肚餓，而是上網搵搵，睇吓有冇好推介食，見到都好多人推介呢一間越南餐廳非常好食，見到門口已經排晒隊，好多人幫襯，就知道呢一間應該好有質素保證，服務有好嘅餐廳，估唔到一試愛上咗，非常有驚喜，食物質素真係好高，而且性價比非常高，食物分量又豐富，價錢經濟實惠，所以真係吸引咗一班唔同市民嚟食呀，真係好啱一家大細，情侶嚟食飯啦，我真係好推介佢哋嘅極品牛三寶湯河，河粉非常豐富，而且三寶又生牛肉，牛腱，仲係牛丸，湯係熱辣辣，全部即有即整，非常新鮮，而且賣相吸引，睇得出廚師好有心機呀，而且生牛肉就可以慢慢變熟㗎， 三樣都非常有牛味，而且湯非常濃郁，湯河粉浸晒樂堂，真係好好呀，而且得嘅越式豬扒包都係好有推介呀，非常足料，而且呢度仲可以叫唔同嘅特飲，有紅豆冰，綠豆冰，真係好多款式可以選擇啊，真係一定要試