波士冰室

營業中

休息中

分量極小，選的沙爹牛常餐，面感覺只有出前一丁的一半，牛肉就幾小塊，然後配很小兩片脆脆豬和一小碟炒蛋，加杯凍檸茶就59蚊，食完一點飽肚的感覺都沒有，下午還要食下午茶加餐先得😂

今日返工前去咗呢一間位於莊士敦道35-45號地下既波士冰室食早餐。早餐時段嚟講，都幾多人，出邊都要排隊嘅情況，好彩我哋都係等咗兩三分鐘就有位我就叫咗一個沙嗲牛肉公仔麵，炒蛋，丹麥多士同埋凍檸茶嘅套餐 我個人嚟講就比較鍾意食丹麥多士多個普通嘅方包，因為佢會融合左白麵包既口感同埋丹麥酥既個股牛油香氣 佢嘅丹麥多士，亦都非常好食 沙嗲牛肉公仔麵嘅牛肉飯份量都唔錯，至少有五至六件牛肉，性價比都高，牛肉口感亦都林滑，唔會有咬唔開嘅情況，公仔麵軟硬度亦適中凍檸茶就普通，冇乜太大特別，大概每人$40，CP值極高

有豐富早餐食嘅morning 先至係 good morning, 難得有mood, 就同同事喺公司附近搵咗間冰室食早餐先再返工。呢間茶記好似有幾多早餐set, 望落又乾淨企理咁，睇落唔錯。同同事各自叫咗一個早餐set.仿鮑絲粟米火腿通粉 併炒滑蛋、香草蒜蓉多士 $37雖然係普通茶記早餐，但成個set都好完整，有哂想食嘅element。通粉上嘅時候仲係暖暖哋，調味適中，通粉夾埋火腿、仿鮑魚絲同粟米都夠味。滑蛋夠哂creamy。食茶記最緊要有杯香滑奶茶 西冷牛扒拼雞肉腸、火腿奄列、香草蒜蓉多士 $45係Menu上面比較貴嘅早餐set, 但勝在夠晒豐富，啱晒啲食肉獸。西冷上面淋左啲黑椒汁，好正。塊扒有少少硬，可能太薄嘅關係煎得耐咗啦，不過茶餐廳嘅牛扒通常都係呢種口感。奄列入邊有火腿，唔怕雞蛋唔夠味。個人幾鍾意佢嘅蒜蓉包，蒜味香濃，麵包有少少脆，另外配埋蛋食都好正。自己就點咗杯鴛鴦，咖啡味同奶茶味都飲到嘅，不過不失啦。

間中都會嚟波士冰室食早餐灣仔銅鑼灣都有分店，夠晒方便。第一次嚟食晏晝，整體感覺都唔錯，夠實際，價錢又唔貴😎😎Late lunch2-3點都容易搵位內部裝修有少少懷舊風打吓卡都仲得😄😄咖喱吉列魚柳飯吉列魚柳同早餐嘅魚柳一樣！都係咁大塊！魚柳係大過我隻手😎😎炸粉唔算厚，脆卜卜，魚唔會炸得太乾，仲保持少少濕潤，唔錯唔錯👍🏼超鍾意依個咖喱汁有一粒粒薯仔，好香口👍🏼熱奶茶都唔錯奶味同茶味平衡，唔洗加糖都好好飲

一早要出灣仔做野，食個豐富的早餐。見到呢間裝修幾靚，一於試下。裡面嘅裝修係懷舊的港式冰室風枱，座位闊落～早餐選擇相當多，價錢合理～我叫左M 雙併公仔麵 配炒滑蛋加香草蒜蓉多士雙併餸我揀左鮮雪菜肉絲同雞肉腸。真心要大讚呢到嘅雪菜米，係用新鮮雪絲加鮮肉同蝦米仔，用料勁新鮮！！呢個價錢真係無得輸～另一大特色係個多士，多士搽上香草同埋蒜蓉去烘，勁香口～炒蛋就好滑～奶茶係港底傳統奶茶，茶底濃&香，好正～下次出黎做野會再黎食～

下午週未假，今天約了朋友行銅鑼灣維園一年一度的工展會，未行前，我們上Openrice選那兒吃下午茶，見到銅鑼灣有這間之前在灣仔吃過，味道不錯，就去了這間，入到去，坐位寬倘，看了一陣餐牌叫了下午茶餐芝士流心西多士大塊，厚身，好軟熟，一切芝士在西多士流了出來，好香芝士味，西多士再搽蜜糖，特別香，甜度剛剛好鮮雪菜蝦米肉絲米雪菜好鮮菜味，蝦米細細粒好爽口，香蝦味，肉絲嫩滑，好香豬肉味，米粉好滑身卡邦尼汁焗豬扒飯上枱陣陣香味，豬扒入口特別軟霖，飯好濃香卡邦尼汁味，好軟熟香滑

灣仔波士冰室吉列豬扒旋渦蛋包飯蛋包飯可以配照燒汁，咖哩汁或者黑椒汁。我點左照燒汁，味道相對冇咁濃，唔會蓋過蛋包飯嘅蛋味。蛋夠哂大隻，呈旋渦狀，穩穩蓋係飯上面。可惜食落冇乜特別之處。米飯形狀圓潤，有啲似珍珠米，但食落又冇珍珠米果種獨有嘅黏糯口感，同一般米飯差唔同。最出色嘅係塊吉列豬扒，塊扒仲大過我塊面，勁大塊。咬落仲係卜卜脆嘅，炸嘅時間控制得岩岩好，肉質唔會好乾，抵贊。連一杯熱飲外賣66蚊，整體不俗。

Weekend早起真係勁攰，仲要上早堂，唔食飽d邊有氣力專心上堂？好耐無食港式早餐，夠時間嘆嘅一定食茶記，又平又抵食，仲勁多野揀！早餐排骨螺絲粉，炒滑蛋，蒜蓉香草多士熱辣辣嘅排骨茄湯，好大碗！好在同人些牙，自己真係食唔晒！茄湯勁正，仲有豬肉一齊煮過，香好多！滑蛋入面唔會過熟，生同熟嘅比例剛好，唔會太多生蛋液。西冷牛扒，雞肉腸，蝦花蝦炒滑蛋同牛油多士每次黎同不同嘅fd食都會大推佢地食呢個，個人覺得全menu最好性價比嘅早餐。同埋我貪心想share，食多d唔同野！黑椒汁牛扒，早餐食都唔會覺得好難消化，因為塊扒唔係太厚，肉質都好軟滑。櫻花蝦好多見menu有葡式咖啡，咁搞笑嘅個名！店員話係香過普通咖啡，可以一試。真係勁香勁香！凍嘅都咁香！飲完呼出嘅空氣都係咖啡味！好似食緊咖啡糖咁，痴線，下次走埋甜就perfect!

🇭🇰波士冰室🎈鮮雪菜肉絲銀絲米粉用上新鮮雪菜 加以調味 食落一啲都唔咸仍有雪菜香; 絕對驚艷到😍/ 米粉滑身掛湯 每啖都唔會好乾/ 份量大 食完已經好滿足🎈配炒蛋蒜蓉多士炒蛋應該有加奶去炒 有陣陣鮮奶味/ scrambled egg style所以濕潤感重 唔會乾爭爭/ 多士烘得夠脆 塗上蒜蓉牛油 邪惡但絕對食唔停口🎈厚切白豬仔火腿扒公仔麵午餐肉同火腿極厚切啖啖肉 食肉獸必嗌😋/ 一丁公仔麵 啖啖麻油香say no to空肚食早餐波士絕對係茶記早餐之選🙃😋

"周末的意義是：食番個菠蘿油做早餐。.感謝天才朋友一起我才有機會食番呢個邪惡的組合。(食得菠蘿包點可以唔加厚牛油？加左牛油點可以唔即刻食？所以破16.8都要食早餐）.呢個時候其實想配茶記奶茶.茶記，我最鍾意既多士類係鮮油多.其次係奶醬多(係大學canteen 回憶）.咸嘅，一定係蛋牛治烘底別無他選。==============================波士冰室湾仔庄士敦道35-45号利文楼地下A号舖

《波士冰室》（下午茶）回憶的味道 ， 我會叫佢做《波士冰室》 超記得每次嚟到一定係嗌雜扒餐因為有得食紅腰豆沙律又有得食炸雞翼，諗起都掛住！細個唔覺去到而家呢個年紀入到去就發現老闆啲字真係好靚，全間舖頭都係佢寫嘅餐牌，以前細個仲會見到佢買好多咖啡豆，所以佢呢度啲咖啡local餐廳來講真係算唔錯。佢唔係茶餐廳因為佢乜都有得食日本拉麵、雲南米線、雜扒、和風牛肉飯、小菜，連麵包曲奇都做埋，所以由細到大都好鍾意食佢，因為無論你想食乜嘢佢都會滿足到你🧶—————————————————————————————佢碗米線係真心大碗，本身問咗侍應姨姨佢話佢豬扒氣炸嘅可能因為得返四個字整唔切所以最咪變咗煎豬扒，整體來講我就覺得麻麻地辣得滯又冇乜鹹味，撈埋啲花生同埋酸菜食會好好多，由於呀咀本身食嘢太慢所以我食到真係流晒鼻水💧但係見屋企人食嗰兩個常餐就好似好吸引，下次真係要識揀！

今日非常難得約咗同事食早餐，同事推介位於灣仔地鐵站附近的波士冰室。店內擺設十分懷舊，見到唔少兒時玩意及用品，例如搪瓷杯用來放調味，舊信箱舊鐵閘裝飾，仲有唔少懷舊的圖片，充滿舊香港情懷。我們坐卡位，坐得舒服，環境乾淨衛生，食得安心。早餐E 吉列魚柳、雞肉腸拼櫻花蝦炒滑蛋，香草蒜蓉丹麥多士非常豐富滿足！吉列魚柳好厚身，肉質鮮嫩，炒蛋非常香滑，再加上櫻花蝦沾上高貴氣質。重要主角係香蒜丹麥多士，上枱放咗一陣，還有微熱，口感好鬆化，一層一層，口感豐富好香香草蒜蓉味道。早餐F 西冷牛扒餐、雞肉腸拼櫻花蝦炒滑蛋，香草蒜蓉丹麥多士西冷牛扒食得出肉味，底部仲有兩塊香葉似乎是用香料醃製過，感覺唔會有鬆肉粉，值得一讚。門口見到有外賣優惠，下次可以試吓。

吓!唔係嘛!星期六返工途中，突然收到 HR Whatsapp 通知，一早8點鐘負責開門嘅同事有事請假，寫字樓未有人開門，要等老細成十點先返嚟開門!咁我點算呀! 成個幾鐘時間溜溜長!長短週星期六要返工已經慘慘豬，重要等開門! 對於我哩D迷信人士，一日之始唔順利已經係大忌，咁就對自己好D，食份好D嘅早餐.咁就遲d先落巴士，行前少少去波士冰室，食完慢慢行返寫字樓.另外我知道有D同事住果頭，有時會落去食完早餐先返工，睇吓遇唔遇到，結果食完都見唔到.點咗沙爹牛肉麵轉一丁，香草蒜蓉多士跟炒蛋，見到有個香草蒜蓉丹麥多士，唔知咩嚟，叫咗一客試吓，凍0茶少冰.沙爹牛肉唔韌，鬆軟入味，沙爹味唔太辣，夾自己口味.蒜蓉嘅丹麥多士同多士同樣蒜味香濃，而丹麥多士比較脆口，同炒蛋一同入口，一流!早排去太子嘅元朗冰室，炒蛋份量少得可憐，波士冰室就唔同，份量比佢多得多，而炒蛋亦炒得夠滑，當然唔好忘記要落鹽同胡椒粉.另外要講吓杯凍0茶，原以為普通一杯凍0茶無甚特別都矛諗住影相，飲咗一啖之後茶味同檸檬味各占一半無話偏重一邊，好好味夾自己口味即刻補影.最後..... D客總係無咩手尾，大門係趟門開門之後又唔閂好，走哂冷氣..

灣仔平日上班時間 ，要找個不太擠迫的地方食過美味的早餐醒一醒神也甚難度。這間在莊士敦道的茶餐廳是我喜愛之一，餐廳以懷舊風格裝修，而且有不少卡，位能讓我在早餐時候重溫以前香港年代的情懷，當然也可以品嚐一下地道茶餐廳的味道🥰今天想食個健康早餐🎉，叫了一個健康五穀蛋白麥皮，最討厭是稀流流的, 幸好這個麥皮杰杰的，而且加了蛋白，還要無糖，絕對是健康之選，適合減肥人士。餐廳也貼心地奉送鍊奶，並分開上桌，客人可以因應自己的喜好加煉奶👍🏻麥皮配搭了香草蒜蓉多士🍞，相信這是是餐廳的招牌食品！果然沒有令人失望，多士烘得熱辣辣，十分香脆，香草搽在多士上，香味四溢，加以濃濃的蒜蓉，完全令普通的多士提升味道，食完兩塊真的不夠喉😇

今日放假一早約了朋友去行山頂，出發之前當然要食個豐富的早餐，揀了附近灣仔波士冰室，冰室裝修有點懷舊feel，又乾淨。揀了波士推介吉列魚柳併雞肉腸、櫻花蝦炒滑蛋$42，另+$4 轉香草蒜蓉丹麥多士配葡式咖啡，炒蛋加櫻花蝦更加香，魚柳外脆內軟，夠香口，轉丹麥多士比普通多士更好味。另外香煎豬扒併雞肉腸、櫻花蝦炒滑蛋$40+$4轉牛油丹麥多士，豬扒很大塊，再加5轉熱鮮奶，朝早一杯熱鮮奶補下鈣先行山，鮮奶甜甜地飲完好滿足。珍珠帶子粒火腿通粉平炒滑蛋、香草蒜蓉多士$37 ，飲品加錢要了紅豆冰，好多紅豆，天氣熱真係透心涼😋本來想要自製自家製三網蛋白杏仁茶，可惜賣晒。