影片
更多
2022-09-30
737 瀏覽
吓!唔係嘛!星期六返工途中，突然收到 HR Whatsapp 通知，一早8點鐘負責開門嘅同事有事請假，寫字樓未有人開門，要等老細成十點先返嚟開門!咁我點算呀! 成個幾鐘時間溜溜長!長短週星期六要返工已經慘慘豬，重要等開門! 對於我哩D迷信人士，一日之始唔順利已經係大忌，咁就對自己好D，食份好D嘅早餐.咁就遲d先落巴士，行前少少去波士冰室，食完慢慢行返寫字樓.另外我知道有D同事住果頭，有時會落去食完早餐先返工，睇吓遇唔遇到，結果食完都見唔到.點咗沙爹牛肉麵轉一丁，香草蒜蓉多士跟炒蛋，見到有個香草蒜蓉丹麥多士，唔知咩嚟，叫咗一客試吓，凍0茶少冰.沙爹牛肉唔韌，鬆軟入味，沙爹味唔太辣，夾自己口味.蒜蓉嘅丹麥多士同多士同樣蒜味香濃，而丹麥多士比較脆口，同炒蛋一同入口，一流!早排去太子嘅元朗冰室，炒蛋份量少得可憐，波士冰室就唔同，份量比佢多得多，而炒蛋亦炒得夠滑，當然唔好忘記要落鹽同胡椒粉.另外要講吓杯凍0茶，原以為普通一杯凍0茶無甚特別都矛諗住影相，飲咗一啖之後茶味同檸檬味各占一半無話偏重一邊，好好味夾自己口味即刻補影.最後..... D客總係無咩手尾，大門係趟門開門之後又唔閂好，走哂冷氣..
星期六返工途中，突然收到 HR Whatsapp 通知，一早8點鐘負責開門嘅同事有事請假，寫字樓未有人開門，要等老細成十點先返嚟開門!
咁我點算呀! 成個幾鐘時間溜溜長!
長短週星期六要返工已經慘慘豬，重要等開門! 對於我哩D迷信人士，一日之始唔順利已經係大忌，咁就對自己好D，食份好D嘅早餐.
咁就遲d先落巴士，行前少少去波士冰室，食完慢慢行返寫字樓.
另外我知道有D同事住果頭，有時會落去食完早餐先返工，睇吓遇唔遇到，結果食完都見唔到.
點咗沙爹牛肉麵轉一丁，香草蒜蓉多士跟炒蛋，見到有個香草蒜蓉丹麥多士，唔知咩嚟，叫咗一客試吓，凍0茶少冰.
沙爹牛肉唔韌，鬆軟入味，沙爹味唔太辣，夾自己口味.
蒜蓉嘅丹麥多士同多士同樣蒜味香濃，而丹麥多士比較脆口，同炒蛋一同入口，一流!
早排去太子嘅元朗冰室，炒蛋份量少得可憐，波士冰室就唔同，份量比佢多得多，而炒蛋亦炒得夠滑，當然唔好忘記要落鹽同胡椒粉.
另外要講吓杯凍0茶，原以為普通一杯凍0茶無甚特別都矛諗住影相，飲咗一啖之後茶味同檸檬味各占一半無話偏重一邊，好好味夾自己口味即刻補影.
最後..... D客總係無咩手尾，大門係趟門開門之後又唔閂好，走哂冷氣..... (X_X)
張貼
