波士廳 (已結業)

朋友一早訂好位到新開張中菜餐廳, 原來係H&X隔離好方便, 之後仲可以好近地去埋老蘭飲野. 雖然餐廳地方不大但勝在地點方便, 室內環境舒服又乾淨.我地兩位女士點左:前菜波士春卷 – 賣相好精緻好西式感覺; 個皮可以做得更脆, 味道一般.香蒸素餃 – 每件都放在一個迷你蒸籠好別緻(一件一個籠); size夠大隻, 裹面的冬姑及紅蘿蔔好像用甚麼煮過, 可以有肉汁味道, 好食!!日式麻汁茄子- 這個很開胃, 一點都不膩因為只用了日本芝麻. 茄子軟硬適中入口易食, 芝麻醬很香. 推介燒汁牛舌 – 我和朋友都很仲意食牛舌, 全碟都食哂因為太野味了. 牛舌用了少少酸酸甜甜汁來煮, 沒有過生或過孰, 煮得剛剛好而且夠爽口! 推介主菜波士炒飯 – 不是太大驚喜但都比想像中好食, 飯炒得很香而且一粒粒分開, 非常足料, 一個飯有差不多10隻蝦, 唔係蝦仔, 真係新鮮蝦!滑蛋時菜煲(白菜仔) – 好特別嘅做法, 用滑蛋放在菜上面, 上到檯才mix埋一起, 有視覺, 嗅覺, 味覺三合為一的享受. 一鍋足夠4個人食. 推介甜品波士三色甜品(新張免費) – 芝麻卷, 杏仁餅, 貴花糕 – 雖然係新張期間送的但賣

幾個C9 找地方飲下茶，就試下呢間型o野啦，時時經過都想知道呢間係乜，原來係中菜廳！ 入面好高級會所feel, 叫了好名貴的原隻鮑魚酥，鮑魚真係好大隻啊，不是誇張！令外叫了豉味蒸排骨，牛肉腸粉，叉燒酥，水準不錯。最喜歡波士咖哩雞煲可配香脆法包，很西化fusion。還有海皇脆煎生麪，好脆好正！最後仲有咖啡tan，有cream serve 的，好肥啊，不過真係好正！這一餐非常滿意！

經朋友介紹昨晚去The Boss吃晚飯。雖然地方不大，但裝修高雅，有酒店的氣派。最令我回味的有Alsaka 蟹三食，蝦醬雞，黑松露炒雜菇。Alsaka蟹三食有:避風塘式蟹腳-金香的炸蒜與蟹腳很配，一條條蟹肉很新鮮，有汁。蛋黃蒸蟹膏-濃濃的蟹膏及滑滑的蛋黃一起進食，令口腔內散發餘香真是末發擋。花雕蛋白蒸蟹肉-花雕味不會太濃，蛋白很滑沒有蒸過火，恰到好處！蝦醬雞-蝦醬很香，雞香脆又有汁。有很香的蝦醬味又不會過鹹。很特別，讚！黑松露炒雜菇-菇炒得乾身，加入黑松露醬後更加惹味！

完成一天辛勞工作後，同女朋友到中環行下逛下，發覺除左topshop新開之外，皇中還有另一家新開嘅地方，就係波士廳喇 （個名都幾猛! 😬）呢間新開業無耐嘅餐廳 （經理話還在試業中），係食高級中菜！位置吾錯，內裏間隔四正，吾侷促，啱晒我呢d享受環境嘅食客 （懶係!）因為新開嘅關係，對價錢毫無概念，仲要有「波士」兩個字，都比佢嚇一嚇! 不過一場黎到，吾理得咁多喇! 食食食! -黑松露野菌-wasabi/黃金蝦-咕嚕肉-魚湯莧菜-招牌波士炒飯食物質素無得挑剔，話哂中環地方，一定有番咁上下質素! 但一定要讚係個黑松露野菌同波士炒飯! 野菌非常香，可能係頭盤關係，有d餓，吾駛九秒九，清碟! 個炒飯非常乾身，大廚炒工一流! 咕嚕肉都吾錯! 大路野要好食係最難，最孝功夫，如再加多d波羅同青椒就更好! 魚湯莧菜係吾錯嘅選擇，有菜食之餘，仲有啖湯飲!正! 碟蝦有兩種口味都幾特別!最後，因為同阿經理啱嘴型，佢特登送個甜品比我地，真係thank you!埋單每人約$350，喺中環食呢嗰級數，吾算過份（鬆一口氣😏），會再有下次，但下次黎一定要多d朋友一齊，試多幾樣特別野，經理話人多仲可以打去訂長腳蟹㖭! 期待!

昨日行經Top shop，諗住要搵食途中，經過這餐廳，就在H&M隔2個鋪，起初以為是酒吧，仔細看完來是食中菜點心。正想飲茶就試試看，野食出奇好食，又精美，環境時尚。我最喜歡黑松露餃，超正，仲有波士抄飯，都好好味。女仔就緊喜歡甜點，我地叫左個3色美點，個棗椰糕直得一讚，不會太甜，紅棗味很濃。埋單仲係160一個人，係中環甘既價錢的確抵。我會再去，因為太方便了。

地點方便，在中環H&M隔兩個鋪位。店外好像酒吧club的感覺，好奇看看原來是新開的中餐廳，裡面格局蠻高擋的，坐得幾舒服。點了幾個點心試試，都不錯，最喜歡黑松露餃, 好香黑松露味。還叫了幾個菜，脆皮咕嚕肉好味，皮脆，幾好；蝦醬雞都好味，好脆又濃味；還有招牌波士炒飯，D味好正，飯炒得夠乾身一粒粒的。最後埋單也不算貴，三人食了每人大概$200，以這質數和地點都幾抵食。我會再來試試其他菜！