波記甜品 (已結業)

作為屯門牛 嚟過置樂咁多次都未試過呢間甜品店 今日星期日散開步路過見到 親人少少入去試吓先餐牌如上 好多唔同選擇 價錢合理～朋友話想試吓呢啲傳統港式甜品 就叫咗個芒果紫米露左啲西米我就叫咗個焦糖燉蛋 仲有個Cookie and cream雪糕一個甜品梗係滿足唔到我啦我哋仲加多左個心太軟～大概等10分鐘就有得食再加多杯飲品就啱啱好啦呢杯係綠茶奶昔雖然一次過食咁多甜品好膩 食完我就唔食晚飯㗎啦 最推介個綠茶奶昔 佢啲奶泡連買綠茶味非常之夾

屯門人介紹咗小妹去一間位於置樂嘅甜品店叫波記甜品 有各式各樣嘅甜品可以選擇💁🏻‍♀️而且店主係一個Lego迷 所以店舖放置左好多Lego嘅擺設☺️.真心一讚甜品嘅份量好大 價錢相宜 所以好抵食最啱就係幾個朋友叫幾款嚟share☺️🥰雪糕窩夫🧇 $58呢個雪糕窩夫嘅份量充滿驚喜有兩塊厚厚嘅窩夫夾住三大球雪糕🍦三球雪糕分別係曲奇芒果同朱古力味🥰窩夫面亦淋左啲焦糖醬 好滿足🤤芒果乳酪雪冰🥭 $65超足料!乳酪雪冰好香濃 好幼滑😎仲有好多配料 有勁多芒果 芒果雪糕 仲有西米😆仲加左椰汁🥥 好香濃

.🔺波記甜品🎗小編早前約左友人食甜品傾下計住左屯門咁耐都係第一次試呢間甜品店😂.鮮雜果窩夫🧇小編認為嚟到必食窩夫！😆😆😆窩夫超級大份有4大塊 每塊窩夫都好厚身🤤外脆內軟 口感好好 仲配搭一個巨型雪糕球😋.朱古力心太軟🍫心太軟超流心 朱古力唔會太甜🥰🥰配埋雪糕一冷一熱 好好味😚😚個雪糕又係勁大球！！😂.芒果芋圓🥭芒果好香甜 芋圓份量都好多😌😌糖水加左椰汁 小編就比較鐘意淡奶😗

今日我哋去咗位於置樂花園附近嘅一間波記甜品店食甜品，好耐之前已經嚟過一次，但知道原來已經轉咗手，轉手之後甜品更加出色咗好多，所以要嚟再試下果然同之前嘅好唔同，除咗裝修以Lego風格為主之外，佢嘅食物質素亦都大有改善，特別係窩夫系列，我哋叫咗個芒果窩夫$58竟然有四塊熱辣辣嘅窩夫，仲有原隻芒果，同埋芒果雪糕、朱古力醬同埋糖霜，真係好足料！窩夫除咗芒果味之外仲有士多啤梨、鮮雜果、香蕉脆脆、抹茶同埋雪糕窩夫🧇然後食甜品一定要試嘅心太軟$65 ，一樣咁出色，一切開流心瀉出嚟，而且食得出朱古力味亦都好濃，仲有一支固力果朱古力棒同埋一球雪糕最後我哋仲叫咗一個焦糖燉蛋$65，燉蛋上面用火槍燒燶焦糖，令到表皮好香脆，蛋質好滑，而且好有蛋香味，而伴碟嘅雪糕仲有好多味道可以揀，因為我哋好鍾意食曲奇，所以有2份都簡左曲奇，真係冇揀錯冬天食呢一類嘅甜品又唔會覺得好凍，但又可以為生活加一點甜，呢間良心小店真係要支持多啲

今次要介紹嘅食物就係位於屯門！💛黃店📜”波記甜品 (屯門)📌地址: 屯門屯門置樂康景花園地下11號舖1️⃣ 雪糕窩夫🧇$58窩夫好卜卜脆 熱辣辣😋 仲加埋朱古力醬仲有少少水果🍉 可以揀雪糕嘅味道🍦2️⃣ 芒果河粉 $45芒果細細粒 容易咬口🍋 仲有啲西米喺上面👀 不過芒果汁唔夠多所以有啲乾🥺環境係幾好 成班朋友喺附近食完飯再去食甜品一流🤤地址係好多餐廳附近👍🏻所以吸引完大家食完晚飯之後過嚟🤞🏻一入到去有好多熟悉嘅面孔 因為太多朋友都係度👋多人嘅時候仲可以坐埋外面🖖🏻不過價錢係有少少貴 比起其他同區甜品😢KS評分 (5個最高)環境:⭐️⭐️⭐️味道:👅👅抵食指數：💰💰

屯門嘅黃色甜品鋪～店內貼左不少文宣，仲放左好多老闆嘅lego同figure珍藏🤖 今次係晚上8點左右去食，唔使等位😛•🥢雪糕窩夫$58 2層原味窩夫中間夾住3球雪糕，賣相好吸引🤩 窩夫上枱嘅時候熱辣辣，外脆內軟～自選雪糕口味：曲奇🍪、抹茶🍵、芒果🥭同埋朱古力🍫旁邊嘅3款伴碟生果都好新鮮好甜，配埋窩夫可以解膩，感覺無咁邪惡🤤😆•🥢芋圓乳酪雪冰 $58乳酪雪冰嘅乳酪味夠晒濃，雪冰亦都磨得好幼細～ 除咗重點嘅4色芋圓之外，配料仲有雪糕、小丸子同埋麻糬💁🏻‍♀️4色芋圓同小丸子唔算好出色，口感比較硬；最好食嘅配料係麻糬，好煙韌～

屯門置樂嘅cafe x 甜品店🥰佢晏就係cafe，夜晚就會變身甜品店🤣我地晏就去食嘅～就飲吓野食少少甜品Creme Brûlée $42 焦糖用火槍燒過 脆卜卜🤩 同時塊焦糖唔會太厚，夾埋燉蛋食甜度啱啱好燉蛋質地綿滑 仲好香蛋香～Iced Matcha Latte $40 Iced Americano $36依加Like佢地fb/follow ig就飲品買一送一詳情可以睇佢地ig喔🤪平時就嗌甜品再嗌野飲有半價～佢嘅甜品會比飲品出色，下次夜晚去試吓糖水～佢好似有提供網上外賣平台同網上外賣平台外賣，街坊可以試吓🤪

甜品用心製作，一班人食得開心重點係有lego睇，大人小朋友都啱非常適合聚會既地方，一定會再去以後聚會都唔洗諗地方，而且員工服務態度非常周到～重點係黃點，有文宣睇！藍屍不了

每次到元朗食完飯，朋友都必定帶我到這裡吃芋圓糖水。（因本人非常喜愛吃芋圓）這裡的蜜玉芋圓值得推介，內有涼粉，蜜玉，椰汁，西米，當然仲有我非常喜歡的芋圓。老闆娘都非常好人，私人送多幾粒比我地。也很有heart💖💖💖💖💖💖💖💖💖💖💖💖💖💖💖💖💖💖💖💖💖，每人入來進食都要用消毒搓手液先消毒。👍🏻👍🏻👍🏻內裡佈置非常好，很多玩具。👍🏻👍🏻👍🏻

屯門有好多間糖水鋪，但係呢，呢間就真係唔係話出色，直頭麻麻。之前見行過幾次都有d人食諗住無死la, 應該ok掛。哈哈哈，點知唔食由至可，一食就無奈左。d水果真係唔得，糖水鋪其中一樣最重要就係水果，食落兜西瓜同哈密瓜都係無味既，唔係唔甜直頭係無味，西米就一pat野咁。坐係馬路邊食塵又真係好野，d灰塵吹哂碗野到又過癮，仲要隔離餐廳d廚餘味，真係以為自己飲［x水］。總而言之，都好過食垃圾，但食垃圾唔駛比錢咁lor。

食完午餐冇過幾耐又想食甜食，喺附近睇到呢間糖水店。進來睇ｍｅｎｕ點咗一份西瓜涼 粉，一份幾大，上邊嘅西瓜好大塊，好新鮮都好甜。下面喺涼粉，口感唔算好軟，夠冰凍，食完好解熱。下次再來試下其他甜品，因為呢度嘅服務態度好好，呢點真係好少見嘅。

送小朋友返房企，小朋友話食雪糕就去食甜品啦！小朋友叫夏雪，其實係朱古力雪糕加新鮮生果、西米露及涼粉。小朋友只吃Vanilla 雪糕，所以改了vanilla ，可能生果不合時，所以生果是新鮮但不甜帶酸，而哈蜜瓜算是最甜。整體不過不失。但下次還是叫其他沒有生果的甜品吧！

第二次來呢度食，同樣發生俾人趕嘅事件。我哋每次坐左唔夠半個鐘，有個長頭髮嘅女人，就會行埋黎同我地講：你哋食完未啊？咁我幫你收咗隻碗佢啊。（未同意就會收）語氣好冷漠，塊面仲好黑，搞到我哋食得超級唔開心。我哋諗住俾錢嘅時候，每人都拎返自己嗰份出嚟擺喺枱面，諗住數齊數先行出去比，點知佢行埋你好冇禮貌咁講：出面好多人等緊，出去俾錢啦！唔該！我哋即刻呆左，出到店外，一個人都無。我哋唔明白點解開開心心食糖水，要咁樣趕人走。賺錢唔係問題，但唔需要令人哋唔開心囉！講返佢嘅食物質素啊，佢嘅芝麻糊似一般芝麻糊粉沖出嚟嘅，至於佢個燉蛋只係普普通通，唔算好滑。佢啲水果涼粉嘅水果唔係好新鮮。咁嘅食物質素，加上咁嘅服務態度，真係要諗清楚係唔係再嚟呢度食啦！

喺小欖 燒完野食 朋友話帶我入屯門食糖水， 就嚟咗置樂嘅波記， 之前睇番啲食評， 話呢度嘅服務態度好差， 我完全唔覺，個姐姐有問有答 ，另外一個男人應該係老闆 ，不停問佢嘢都冇黑面， 仲有老實話畀我哋聽 ，邊啲水果呢個季節好食， 邊啲唔好食， 我哋叫咗個夏雪，雪糕可以揀味道， 其實佢係一個雪糕球加什果 ，下面係西米露 ，另外朋友叫咗個西瓜涼粉，我就叫咗個榴槤西米露， 榴槤肉都唔少，同埋好香，好甜， 西瓜涼粉就冇乜特別， 整體嚟講都好食嘅

做冬反同男朋友想食個甜品，但屯門好多甜品店都比較早關門，在附近的這間甜品店讓我們坐坐也不錯哦～味道算中等，但在屯門區的選擇也不多，在夜晚吃得到這類西式甜品的也不錯了～🤓