波記甜品 (已結業)

吃貨日常❤️ 💖車仔麵 系列（兩餸$34）我地order左勁多餸😂 主要都係叫滷水系列，有牛腩、雞翼、自家製水餃🥟等牛腩好林，而且啖啖肉😍 水餃🥟味道好鮮，加埋牛腩汁，成碗米線🍜即刻變得好鮮味😋😋😋💖芒金撈 $50芒金撈主要用楊枝甘露做底，加上蘆薈、芒果布甸，仲有鮮芒果🥭成個配搭簡直一流🤩😍🥰而且我好喜歡食煉奶味，加埋落甜品到簡直最佳配搭😙👍💖腐竹白果糖水 $30食左凍野又想食熱野！另外多叫了一碗中式糖水，呢份糖水份外驚喜！！😋腐竹同白果都好足料，唔會太甜，味道岩岩好簡簡單單有主食，又有甜品食，一舉多得，而且老闆態度好好，好細心❤️店內仲有好多lego，同朋友坐低食下下午茶，傾下計，呢到係不錯嘅選擇❤️😙食物味道👍👍👍👍用心製作👍👍👍👍食物價錢👍👍👍👍👍服務態度👍👍👍👍地理位置👍👍👍👍LIKE總數 21/25

同朋友係置樂食完飯，搵個地方繼續吹水就嚟咗呢間。叫咗個鮮雜果涼粉，每間雜果涼粉都差唔多，呢間嘅椰果比較特別，唔係用平時食開個隻罐頭椰果，口感比較好少少。朋友叫咗個夏雪，同鮮雜果涼粉差唔多😂係多咗一球雪糕同西米，生果就少左香蕉。嚟吹水又點可以少咗雞翼尖呢，每次去食糖水都一定會叫，一路食一路傾🤪最少叫多個心太軟，一上枱就聞到好香，可怕個底穿咗少少，流咗少少朱古力出嚟，但味道都唔錯😝見隔離枱個窩夫好香，下次再嚟就試埋個窩夫先得。

入開屯門探朋友，今日天氣又好熱，所以就想去食下糖水，朋友便帶左去呢間波記甜品。一入門口比好多玩具吸引，店舖裏面以黑白色為主題，門口右手邊有一個玻璃櫃，放咗好多玩具，有Lego有車，玩具迷啱晒而且仲播住80後聽開嘅音樂廣東歌。坐低之後叫糖水，分別叫了一個芋圓乳酪雪冰$58及抹茶窩夫🧇$65，一上枱嚇親，好大份，我同朋友對望一眼，心諗點食得晒芋圓乳酪雪冰上邊嘅曲奇雪糕好正！同埋天口熱食雪冰真係一流，佢嘅雪冰係乳酪味架，入口即溶，仲要啲配料超多，有芋圓同小丸子，煙煙銀銀超有口感抹茶窩夫分量多得驚人，綠茶雪糕唔會太甜有淡淡的綠茶味，窩夫鬆脆配上朱古力醬，口水都流埋，配呢個綠茶雪糕就剛剛好，中和左佢嘅甜味，旁邊仲有紅豆溶，完美，色香味俱全老闆原來佢好好人，仲問我食得夠唔夠飽，我同朋友雖然係兩個女仔但係都好大胃口，唔夠仲有車仔麵可以叫，因為舖頭啱啱出咗車仔麵，不過太飽啦今次食唔到，都幾抵$34兩餸，下次試吓

抹茶窩夫配朱古力雪糕$65朱古力雪糕嘅朱古力味超強，稍為搶過抹茶味嘅鋒頭。不過呢個都無傷大雅，因為整體係好好味d紅豆，麻糬粒多到瀉窩夫夠厚，外脆內軟雪糕球又夠大，份量比例啱晒芝麻糊燉蛋$38有驚喜芝麻糊味道天然，細心品嚐下會食到d芝麻粒粒，感覺上係真材實料燉蛋亦都好滑身芒金撈$50由芒果布丁，西米，蘆薈粒同埋芒果配搭而成口感豐富，係一款芒果迷會喜歡嘅甜品焦糖燉蛋配曲奇雪糕$65焦糖燉蛋入口好香滑，蛋香味突出我哋仲將d燉蛋搭埋落窩夫上面食，都好夾架要讚下呢度嘅雪糕真係好夠凍，唔係放一兩分鐘就開始溶，令我哋有充足嘅時間影相另外舖頭隔離有唔少咪錶位，揸車嚟都好方便

行過不能錯過嘅高質甜品車仔麵店以前讀中學嘅時候成日會經過呢間位於置樂嘅甜品店 而且會同一班同學經常嚟食糖水自從畢業之後都好耐無嚟過 前幾日經過 可能因為疫情影響下 10點就無堂食 所以糖水舖亦開始有車仔麵供應 我同朋友一入門口就發現裝修吾同咗 四周圍都會有模型車嘅擺設 而且對住大門亦有一幅好多marvel 人物既掛畫一坐低 店主勁Nice 而且會細心介紹車仔麵有咩好食我叫咗碗豬紅豬耳雞翼腩肉油麵 而餐湯汁方面就試咗~秘製波仔汁 ~ 個汁辣辣地好惹味當中嘅腩肉煮得好淋而且超級入味 必食推介😋而朋友就叫左個蘿蔔牛腩魷魚粗麵另加辣菜脯 蘿蔔清甜無渣 而且佢嘅辣菜脯雖然有少少辣 但係會令人想一食再食食完車仔麵就係時候食甜品啦每次黎都會必叫佢嘅窩夫 佢有六款口味嘅窩夫 而我今次就選擇左芒果味嘅窩夫芒果窩夫 $65窩夫有4塊 而且佢會有原個芒果同一個芒果雪糕一齊上 賣相一流👍🏻窩夫上嘅時候仲係熱熱地再配埋個雪糕一齊食 有冰火交融而且入口即溶嘅感覺😋香蕉船 $52另外我哋仲叫咗個香蕉船 呢度嘅香蕉船比較特別嘅就係佢會有芋圓 而係佢哋會有彩色嘅朱古力針鋪喺上面 每一啖都有食到朱古力針加雪糕

最近行街市見到啲芒果好靚 又到咗芒果當造嘅季節 芒果嘅香氣真係好難抗拒 香甜嘅果肉製作成為甜品 大人小朋友都喜歡食完晚飯最好就係捉埋屋企人去食糖水 近近哋揀咗屋企附近嘅波記甜品 越夜越多人 相當旺場 店內設有室外及室內位置供客人選擇除咗甜品以外 原來小店亦有售賣車仔麵 可是今天已經吃飽飽 下次有機會試下佢啲車仔麵先芒果乳酪雪冰$65 超揼本 有一個半新鮮芒果果肉 芒果好甜 夠熟 底下放咗乳酪味嘅雪冰 酸酸甜甜好開胃 仲有芒果味嘅雪糕 成件事好芒果芝麻糊$35 芝麻糊係生磨的 確實有粒粒芝麻 芝麻味好香好濃 入口非常細滑楊枝甘露$48 有半個芒果嘅果肉 西米晶瑩剔透 堅韌非常 欣賞加入花奶 令整個糖水底更順滑 芒金撈$50 感覺有啲似楊枝甘露 不同之處是加入奶凍及椰果 口感更加豐富 奶凍震騰騰 滑捋捋 放入口中瞬間即逝芒果沙冰$38 天氣咁熱 飲返杯凍冰冰嘅即打沙冰 真係令人身心暢快 透心涼嘅感覺真係大快人心 仲要配合時令季節嘅香芒打製而成 又香又甜 非常好喝

置樂呢頭真係超多嘢食，以前喺附近返學都成日過嚟食嘢，今日食呢間甜品就食過，而家有埋車仔麵食喎。自選車仔麵兩餸34蚊，再加餸每款8蚊或者10蚊，另外有兩款王牌必食嘅「波仔腩肉」同「南乳豬手」就18蚊。對「必食、推介⋯」等字眼冇抗拒力嘅我最後揀咗波仔腩肉、蘿蔔、魚皮餃、同比較少喺車仔麵出現嘅陳皮魚旦，揀咗腩汁同油麵。老婆揀咗豬耳、魚腐、豆卜、生菜，秘制波仔汁同粗麵。腩汁湯底幾濃味，秘制波仔汁都幾特別！餸比較出色嘅係滷水煮嘅腩肉同鮮甜嘅蘿蔔，每款餸嘅份量都好多吓，學生食都一定夠飽，幾抵食！睇住店主嘅玩具收藏，再加埋學生時代成日食嘅車仔麵，學生嘅感覺返晒嚟，哈哈！

‼️黃店告急 老闆表示撐得好辛苦‼️喺疫情下 甜品店嘅生意真係越嚟越難做加上有限聚令 營業時間更係縮短咗唔少之前有睇新聞見到呢間黃店甜品店嘅老闆喺報章上告急表示 ”真係撐得好辛苦!” 🥲所以今日特意嚟大大力懲罰下！見到佢哋除咗有甜品外 更新推出咗車仔麵～-兩餸車仔麵🍜 $34車仔麵配料嘅選擇都有唔少～十分推薦滷水牛筋 滷得好入味 口感亦都好冧身潮汕牛丸 肉質好彈牙 唔會粉粉地 咬落好多汁😋湯底就有得揀唔同嘅醬汁 有咖喱汁 腩汁仲有個蒜辣薄荷汁 （好特別～今次我揀咗職員推薦嘅秘製波仔汁聽講係用鹹魚同腩肉炆出嚟嘅醬汁好濃郁 令到成個湯底變得更惹味～十分推薦大家一定要記得揀要辣菜脯 超好食！-抹茶窩夫🧇 $65十分推薦大家嗌窩夫!!!!窩夫好脆口 好香蛋味 外脆內軟～配料有紅豆蓉同麻糬粒 增加咗口感嘅層次但可惜略嫌抹茶味唔夠濃 唯有用抹茶雪糕補救😋不過建議大家要盡快食因為凍咗就會變得冧身 無咁好食!!!-芒果乳酪雪冰🥭 $65雪冰嘅份量好多 非常適合share食🥰雪冰帶有淡淡嘅乳酪味最驚訝嘅係 佢芒果嘅份量一啲都無吝嗇大大舊芒果肉 又甜又好食 再加埋個芒果蛋糕🤤最值得一讚嘅係 成個雪冰都無落芒果

波記甜品屯門屯門置樂康景花園地下11號舖店內攞設童心未泯，好多lego，同時都非常喜歡店內的歌！ 鮮奶燉蛋$32鮮奶燉蛋一般甜品店都能吃到，但要做到超滑就唔係間間得。波仔的鮮奶燉蛋真係唔錯，白白滑滑！甜度剛剛好又有蛋香！鮮雜果甘菊粉仔$55因為唔知咩叫甘菊粉，所以點左。鮮果果然新鮮！椰汁香滑，甘菊粉仔除了淺色點呈啡黃色，外觀跟涼粉好像。食落甘甘涼涼，少少甜而不會過甜，口感比涼粉有咬口。心太軟 $65這個心太軟奧妙之處，盡在一刀切下去時，裏面的朱古力漿流出，有如火山熔岩般，慢慢流動。甜度適中的朱古力漿配雪糕一流😋。竽圓乳酪雪冰$58夏日來這裡吃碗冰，不僅解暑爽口，快樂也被無限放大，是夏天獨有的小確幸 。香港的夏天來得比較早，入春就可以來一碗。乳酪雪冰柔滑，甜度適中，加上煙韌的竽圓，正！

作為屯門🐮 要多食甜品多數去虹橋個面而家發覺置樂都有間唔錯既可以隨時encore👍🏻👍🏻🥢 芋圓乳酪雪冰 $58成碗都好滿好足料😂如果可以將麻糬粒改做左椰果/爆爆珠/其他配料會更好😛因為叫左窩夫都有麻糬粒 變相而家食兩份乳酪雪冰好濃味 一d都唔淡 而芋圓煙韌得黎亦都好入味😍 大讚！曲奇雪糕都滿滿曲奇碎👍🏻👍🏻整體唔錯唔錯🥢 抹茶窩夫 $65 呢份窩夫有紅豆蓉、抹茶雪糕、麻糬粒配埋朱古力醬 窩夫係普通窩夫 裡面無抹茶味的～外層香脆 裡面軟綿綿👍🏻一定要趁熱食 如果唔係攤凍左會無咁好食 抹茶雪糕好大舊 比起平時食開既大成倍 不過抹茶味好淡😢🌸人均消費$60🌟不設加一服務費

本身自己好鐘意食芋圓，睇過openrice 係好多人讚呢間好食，就試一試，買左碗蜜玉芋圓。$48蜜玉芋圓其實唔平鮮芋仙都係45，紅橋果邊都係under $40，龍門居更加係$35 大大碗足料Anyway試一試令到手，個碗size細到嚇一嚇，咁細既外賣自取番去打開，真係呆左，$48呢碗野唔係嘛大量涼粉+幾粒芋圓+西米+蜜玉真心好唔值，個糖水味就係小小椰汁如果話佢$20咁就非常合理，但佢係$48而且佢係under 芋圓果個項目，但味道完全係椰汁涼粉，芋圓又唔太好味，失望到爆，完全唔明點解可以賣$48，以為好足料/好好味一定唔會有下次

行完沙灘之後，雖然仲係飽飽地，但想坐低休息食少少嘢，咁就食甜品啦🥰 呢度有好多Lego模型😍（諗起我有架車擺係櫃頂仲未砌🤦🏻‍♀️）🍵🧇 抹茶窩夫 $65每次去食甜品都一定會叫窩夫！老闆娘整緊嘅時候，我地都聞到陣香味🤤 窩夫外層酥脆，內層口感軟糯綿密，配埋麻糬粒、紅豆、綠茶碎同埋朱古力醬一齊食，真係無得彈💯 4大塊🧇適合2個人share～ 另外仲有一球綠茶雪糕🍵🍦，味道濃郁，味道比較甘甜😋🍧 芋圓乳酪雪冰 $58好澎湃🤯 丸仔好多，鋪滿曬係乳酪雪冰嘅周圍，有芋圓、紫薯圓、蕃薯圓、綠茶圓、小丸子、麻糬粒，口感比較煙韌帶嚼勁。除左麻糬粒偏甜之外，其他丸仔都係少甜～ 而乳酪雪冰上層就有一球曲奇雪糕🍪🍦 入面有好多曲奇碎，好好食😋 乳酪雪冰一層層「不」起黎幾靚，好似❄️🥭 芒金撈 $50有芒果🥭、西米露、蘆薈粒、布丁🍮 呢個食落少甜，無咁大負擔👍🏻 芒果清甜無渣，布丁滑溜柔軟、有蛋香，蘆薈粒清爽鮮甜～🍮 焦糖燉蛋 $65本身以為會比較細份，點知一上檯見到係大過拳頭✊🏻 燉蛋入口滑嫩，微甜而唔膩，焦糖脆身，略帶烤焦味😋 另外配有一球芒果雪糕🥭🍦，芒果甜味好出👍🏻甜品嘅presentation精緻用心

平時foodpanda叫開呢間，好吃👍🏻 相當足料，甜度適中，冷熱甜品都好高質素！🤩，早前同朋友去店內一齊食，大家都好喜歡😋😋📍咋喳芋圓🍡📍自家黑芝麻糊🖤📍楊枝甘露🥭📍焦糖燉蛋🍮很推薦焦糖燉蛋，雲呢拿味香濃，燉蛋細滑，齒頰留香🤤🤤🥰。芋圓口味功課，有綠茶，芋頭，紫薯，南瓜，煙煙韌韌，一年四季都啱食🤩✨季節限定- 滋潤三寶✨📍滋潤木瓜雪耳📍愛心番薯糖水📍滋補寄生蓮子蛋茶是老闆娘特意為冬季而設❤️，滋補養生，很適合這個季節😋，番薯軟綿綿，雪耳爽滑，大南杏潤肺，桑寄生茶配合滿滿紅棗蓮子，滋潤養顏🌻

啱啱先食完飯，我地兩個又要岀發食甜品，都話咗女仔係有兩個胃架啦，尤其係食甜品個胃size 再大啲！黎到波記甜品，好，坐低睇下有咩好食先。芝麻糊燉蛋，芝麻糊好香，濃厚又錦密，杰得黎唔會黐埋，燉蛋夠滑。抹茶窩夫，份量好大，未食都興奮，窩夫焗到外脆內軟，仲伴有麻糬粒粒，紅豆醬，好甜好好味！心太軟，呢個簡直係我哋必食嘅甜品第一位，焗到暖笠笠嘅朱古力蛋糕，切左裡面既朱古力流岀黎，食落好濃郁嘅朱古力味，配番雪糕食啱啱好

今次分享一間係屯門置樂嘅抵食甜品鋪！品嘗了三款甜品，水準份量均值回票價。看著店內眾多的模型和文宣，就知道小店店主在此投入的時間和心血！雜果乳酪雪冰 ($68) 西瓜，温室瓜，奇異果，香蕉，火龍果，色彩繽紛的水果冰，在頂則有曲奇雪糕，中間有乳酪雪冰。一口水果，一口雪糕，一口雪冰，三者混和，既涼又爽，也有著綿滑口感，正！ 抹茶窩夫 ($65)先講窩夫，整整四大件，送到時依然香脆內軟且有蛋香；加上半融且有淡淡幽香的抹茶雪糕；另有紅豆配襯，三者配搭，口感十足！心太軟 ($65)最後一款是心太軟，這款以外皮硬脆、內夾熱古力漿的蛋糕，一刀切下去時，內層的朱古力漿流出，有如火山熔岩般，慢慢流動，既治癒又美味，另外也有雪糕，一冷一熱，完美的配搭。