泰亞萊泰式美食

營業中

休息中

今日寶仔叫外賣！同媽咪share一個辣豬肉炒飯！超有鑊氣，啲飯係粒粒分明，非常乾身，而且個汁調配得啱啱好，唔會太鹹，非常容易入口！完全冇野可以挑剔！介紹過媽咪食一次之後，佢非常之鍾意食！成日都話要食！依家叫某外賣APP超方便！

呢間平民泰國野係紅磡土瓜灣區既小店，原本對呢間野唔係話好大期望，但反而有驚喜。平日夜晚去就唔算太多人，唔需要排隊，落左單唔太耐就有野食🤩🤩🤩青木瓜沙律永遠都係我必嗌既野，價錢唔貴，但都幾大兜，賣相幾靚架，舖左啲蕃茄仔，令到成個look fresh好多🤪仲有個好處就係呢個沙律好多花生，唔係碎唔係粒，係全粒花生！！啲汁唔會太稀，食完之後仲要飲曬啲汁🤪🤪🤪冬蔭功湯都好正好夠味，幾多料幾多海鮮👍🏻

我不嬲都對泰國菜十分鍾情 今次就係番工附近搵到間街坊泰國菜一開始係比佢門面個兩個公仔吸引到 。特別一提 ，佢地都有做早餐，我食過佢地既 洋蔥 旦 牛治 好好味 好新鮮。之前試完早餐 ，今次就同同事試番個lunch。午市餐牌都好多選擇 同佢上菜速度夠快而價錢都好街坊既。香辣肉碎煎蛋飯一嚟份量好夠 ，肉碎好香好野味 但就真係有dd辣，煎旦係流心旦 幾正不過飯太爛太軟，欠口感。咖哩雞味道就唔係好咖哩 介乎於咖哩同沙嗲之間，偏甜唔算辣。我個人就唔太喜好，感覺怪怪地 ，唔可以叫咖哩雞。

來到黃埔，朋友介紹了這間正宗海南雞，所以便來一試。入到店內，已經傳來陣陣海南雞飯味。叫了一碟海南雞，價錢先40幾蚊，加凍飲龍眼冰才2蚊，抵到偷笑。海南雞飯很大碟，而且他給我的是雞脾肉，這點意想不到的，值得加分。雞肉很滑很嫩，而且佩上獨有醬料，非常好味。美中不足的是，如果那碟薑油飯再多一點就完美了。

點咗一個泰式菠蘿炒飯, 一個泰式海鮮乾炒河, 凍0茶,凍呵叻.優點 :1, 炒河炒得夠入味而且河粉夠滑.2, 菠蘿炒飯配料頗多, 有腰果, 肉鬆, 蕃茄, 雞蛋, 洋蔥, 雞肉, 菠蘿…. ETC.3, 炒飯份量足夠.4, 0茶甜度適中. 有待改善 :1, 炒河入味, 但配料明顯係冰鮮, 都數, 最慘係配料蝦, 魷魚, 青口等完全無味!2, 河粉斷開一段段.3, 炒飯D腰果冧哂, 唔夠脆.4, 阿華田偷工減料太淡.5, 0茶甜度適中但茶味不足.6, 坐對面位大哥遲入場都早上菜過我!7, 我講咗乾炒河粉, 落單果位大媽又問乾炒定濕炒, 都算, 佢以為我聽唔到仍發問, 竟然用支原子筆打我隻手! 有無攪錯呀！即刻 Black list! 

又去紅磡開會，中午一行4人行去最多餐廳嘅祟潔街搵食，揀咗呢間泰國菜🇹🇭，門面及店內好平實，似普通粉麵店，店員比咗張卡位我哋，一般泰國菜有嘅菜式都有，我哋幾個都食海南雞飯，不過我要減肥改白飯海南雞飯（$43）賣相幾好，雞無雪味，唔算滑，又唔嚡，正常，泰式沾醬鹹味夠但辣味唔夠，夠味但唔惹味，白飯鬆軟，拌碟椰菜爽脆！ok青木瓜沙律（$58）等咗15分鐘先到，應該係即撈嘅，賣相幾好，份量都大份，但⋯⋯味道太甜了，一啲辣都無，雖然青木瓜絲加其他材料都爽脆，但個汁太甜了！唔好味！熱檸茶（跟餐）茶夠熱唔澀，正常朋友食：檸樂：椰汁冰🥥（跟餐$6）店員姨姨豪爽，不過好奇怪，我叫咗青木瓜沙律，好雲都未來（大家都差不多食晒啲飯）咁叫咗另一個店員問，佢聽完就叫返落單嗰個姨姨跟！青木瓜沙律太甜

午餐時間得1個鐘，又要行又要等位又要等食，有時都幾趕的。好多時快餐讓你減少等候的時間。沙爹豬扒飯，份量多又濃稠的沙爹醬，幾乎蓋過全碟飯。食到有花生碎混和一起，咁多醬真想留番嚟蘸沙爹串吃，真一流。豬扒炸得鬆脆，混醬吃超正，一碟飯很快便吃清光了。香茅豬扒飯，豬扒同樣醃得入味鬆化，附上的個泰式醬汁酸甜惹味，為碟飯添加了不少分。熱龍眼水，有龍眼肉在內，味道淡淡地，OK la。不過以$39一份餐而言，已是非常不錯了。

今日中午突然間想食泰式炒金邊粉，諗起屋企附近幾個月前開左間泰國野，咁就去試下佢了。入到去坐底，望望餐牌，果然有泰式金邊粉食，咁當然叫黎試下啦等左大約10分鐘，泰式炒金邊粉到了，目測賣相都幾靚仔，立即試下佢先，食落酸酸甜甜，好開胃，好味另外飲品，可以加$3飲$12飲品，我望左望，楝左龍眼冰試試佢，可惜龍眼冰飲落都幾甜下，我飲左幾淡就冇再飲了。總結，呢到既泰式炒金邊粉，炒得確係唔錯，我會再返黎食佢的。

上網發現紅磡美味泰雞重生了！喜出望外即時探訪，午飯急急到來一探究竟。新舊舖係同一條街，只有幾個舖位，明顯易見又容易找到。三步夾兩步 5 分鐘趕到，門口堆滿等住食客，老少男女學生都有，幸好我一個是但攝入搭檯都可以，即時入座，爽乎。舊舖完全移植到新舖，Menu 不變、菜色不變、味道不變、裝修格局不變，現在還提供早餐呢！凍檸七，還以為會是咸檸啊，無緊要。海南雞飯，淨雞味淡、淨飯味齋、淨汁味咸，必須三合一，缺一不可。懶得續舊雞浸汁，直接全部酸辣汁倒落碟飯，撈起撈起。香辣強酸滲透每顆嚥韌飯粒，連飯連雞撥入口。無骨雞肉又彈又滑，雞味甜美，越食越起勁，數分鐘整碟消失，美味可口。香茅豬扒冬陰功湯河，原來可以轉金邊粉呢。豬扒香茅味微弱，薄薄豬扒質地鬆化，煎的嗎？炸會更脆更香喎。微辣微酸平凡冬陰功湯併上硬淨河粉，沒怎麼特別感覺，三爬兩撥食完。泰式菠蘿炒飯，生洋蔥粒呀！我不吃的，慢慢挑走。炒飯非常惹味，包著醃雞柳都幾好味，無投訴。泰式燒豬頸肉，頸斷絲連，一片連住一片，好刀功！風琴一樣。雖肥但不膩、雖油但不滯。肥美爽彈鬆化有嚼勁兼而有之，焦香夾著輕甜味，可口的。掉在酸汁滾兩滾，更醒胃。