泰原味

營業中

休息中

收工同男朋友去調景嶺搵野食，見到呢間全日餐價錢幾平，就入左去~馬拉盞通菜肉碎飯 ($55) (罐裝可樂加多$5)黎到以為叫左通菜「山」肉碎飯，對無飯家庭既我見到咁多菜好開心，不過好多菜莖，會咬到牙骹軟 (笑)、白飯偏硬唔係我Style、肉碎唔係真係碎，但無阻我食，因為我自己本身鐘意食菜多過肉 XD 通菜幾惹味，會想繼續食，所以呢個價錢我好OK!香草肉碎雞蛋飯 ($55) (熱檸水唔洗加錢)肉碎炒過更加香，都係惹味唔會點有問題既餸。不過會辣啲，份量一樣係好多、肉碎一樣唔係碎，但好味就得XD香茅雞翼 (3隻) (跟餐加$22)雞翼好熱好脆，係熱氣既味道 😊 冇話好出色，但正常可以食得落~記得要攤凍少少先食結論🫰食物味道OK，份量超多搭救🫰做街坊生意冇問題好味度：7/10回頭度：9/10 (街坊可以encore，因為平)🎡餐廳資料餐廳名稱：泰原味餐廳地址：將軍澳調景嶺彩明街1號彩明商場2樓249號舖營業時間：星期一至日 7:00-22:00

叫左7樣送4樣都係難食🤢2樣正常😓叫左海南雞 👎無海南雞醬汁之餘 仲要無味連白切雞都不餘，未食過咁難食嘅海南雞，無諗過海南雞普通嘅菜式都咁難食。叫左個大蝦粉絲煲👎又係無味，莫講話有蝦味⋯蝦餅👎個皮唔係脆，係硬！！唔知返炸左幾多次….冬陰公湯得個辣👎..唔醎唔酸…..個菠蘿炒飯👎其他餐廳都係有原隻菠蘿，佢無都算..啲炒係唔似炒飯…👎炒菜👍係最好食相比起其他，正常炒菜食到有鑊氣涼瓜魚就係正常

去完個fd屋企 帶左我落樓下商場食飯咁岩見到個泰國餐廳就入左去食兩個人叫左一碗麵 一份生菜包 一碟菜同杯野飲本身仲驚唔夠食 點知黎到 份量都叫多(⁎⁍̴̛ᴗ⁍̴̛⁎)兩個人食到飽一飽(*≧ω≦)話值得一食又唔係話好好味 難食又唔係難食正正常常囉(´･ω･`)-香辣肉碎生菜包 $75次次食親泰國嘢都會叫生菜包嚟食碎肉上枱嗰陣好大碟 啲肉多到啲生菜唔夠包(≧▽≦)就咁食啲碎肉都好好食 炒得好香小小辣 岩岩好(⁎⁍̴̛ᴗ⁍̴̛⁎)-馬來盞炒通菜 $70馬拉盞係一種醬料 有齊香鹹辣味道(⁎⁍̴̛ᴗ⁍̴̛⁎)口感爽口 入味 鹹鹹鹹地又辣辣地不過稍為有啲油最底果啲菜就比較淋普普通通 係大碟(´･ω･`)-冬蔭雞肉拼扎肉湯河粉 $49湯底冬蔭公味唔太濃同平時食開嗰啲冬陰功湯唔同 呢個反而椰奶味重啱晒啲覺得冬陰功太辣太酸嘅人飲咗幾啖湯都唔會覺得口乾河粉OK 唔會太碎 之前喺出邊食過啲河粉勁碎( ´▽｀)紮肉厚度唔會太薄 不過覺得可以多啲雞肉冇咩味道 但就唔算少份量-椰汁珍多冰 $10越南同泰國餐廳非常常見用經過特別調製嘅椰漿沖調飲落去奶味重個椰汁味 岩晒我(*≧ω≦)入面有綠色粉條 多數用糯米粉製作同用斑蘭葉染色一條條都幾特

今日一個人嚟到調景嶺站的泰原味茶餐廳，由於係下午茶時間，主要為咗醫肚， 所以叫了 下午茶套餐，公司三文治和凍檸茶。雖然要了凍檸茶少甜但係甜度仍然係正常的，檸檬正常冇苦澀味，茶底一般。只是這個公司冶下午茶加多幾蚊便可以多一杯飲品，適合二人一齊吃， 值得一讚。

今早買了個早餐給家人吃，真是很無奈叫了香茅豬扒札肉公仔麵$39，轉冬陰公湯底$4，加一份旦、多士$10+熱啡。現在叫外賣是收盒錢，明白的⋯但這間是在調景嶺內食過最貴的外賣，每個盒計$2😓。$2 一個普通膠盒，還貴過x仔，但又不是有質素過⋯結局找數$59。（*因怕發脹，要求分湯，收多一個盒正常的）不是俾唔俾得起問題，是條氣不順，食完都掉的膠兜，要逐個$2🫣。還以為收銀打錯，她說是呀⋯逐個盒收$2。日後真的不要外賣，俾人劏的感覺很難受😪

- 世紀難飲的菠蘿冰（真係人生都無飲過咁難飲既菠蘿冰，跟餐加$10） 問個侍應生點解可以咁難飲？佢答我呢杯係正常嘅菠蘿冰，用原罐嘅菠蘿糖水溝冰溝水溝菠蘿粒，佢個味道係咁既！- 冇味嘅炸魚柳（真係無味，鹹味都冇）- 炸到乾曬嘅薯條（乾到支叉拮落去，條薯條就會分裂）- 42蚊得嗰一嚿飯同三分一個芒果嘅芒果糯米飯（ 芒果是甜的，飯比較林）好彩問佢攞多啲椰漿，佢冇再另外收我錢- 食泰式河粉正常，但雞胸比較柴- 豬扒包幾好食，個包幾脆- 西多士幾好食- 熱檸檬水係用真正嘅檸檬，而唔係好似某啲集團咁樣溝檸檬汁，呢樣幾好- 熱奶茶正常，一般般，唔係特別好飲

在彩明商場入邊這間泰原味，大家若果想食吓泰國菜，都可以試一試，因為他都是一般泰國菜有提供的食物，而且食物多元化，總會選到一款你喜歡的午餐，大家不妨試一試！👌🏻👌🏻我都食過他餐牌上不同食物，食物質素還可以的，例如豬頸肉炒河、馬拉盞肉碎炆米粉、冬陰功炒飯等，都是一些泰國配料炒出來的粉、麵、飯，都可算是非常惹味，而且食物味道都不錯的❤️❤️❤️至於彭境方面，餐廳範圍都是非常大，三五知己去吃午餐都容易排到的✅

【西貢區】【泰原味】去調景嶺搵嘢食，不過彩明商場嗰啲餐廳其實我都寫過唔少，今次就要睇埋仲有幾多未寫就要寫埋佢。即係咁，當我去到，我就要順便睇埋附近有乜嘢食。如果嗰頭附近可以寫嘅餐廳真係咁啱寫晒，咁喺之後嘅行程就要避吓。又咁講，如果去到一個地方，寫極都未寫到而又唔係啱啱新開嘅餐廳，咁佢嘅吸引力本身就不大。喺呢個情況下先食嘅餐廳，都只係為咗滿足讀者睇到十八區唔同地方嘅餐廳嘅渴求。不過我相信大家都慣，我唔係一定食好嘢。今次呢間係泰國嘢，本身我唔多好，所以放到呢一刻先食。之但係我見佢都幾多人食，應該信得過喇掛。咁就走咗入去啦，坐低覺得周身唔聚財咁，原來係未抹枱，嗰吓都覺得瀨瀨哋嘢，不過入咗嚟坐埋低就做埋場戲佢啦吓。叫咗個下午茶，價錢 $30，叫做「泰滋味」，主食我要咗「薄餅」，冇叫肉類因為冇興趣，反而呢啲東南亞菜裡面嘅薄餅我係幾受落嘅。而事實證明我係冇揀錯嘅，因為咁多樣嘢嚟講，最正常已經係佢，講緊係味道嘅正常。加 $9 要咗「西多士」，都預咗佢係半份，冇計，而且冇夾花生醬，味道又怪怪哋。嘢飲我加多 $9 飲「椰汁珍多冰」，個椰汁點解鹹嘅，我真係唔知自己飲緊乜，好痴線。咁樣就用咗我 $48，本身

雖然依個早餐唔係貴但估唔到叫一個湯麵係無湯真係極之失望一打開個時真係以為佢係撈麵夾硬搵係有少少湯嘅 但啲湯係完全無味嘅唯一優點就係碗嘢係熱嘅😀真係唔會再去食 大家如果真係想試 真係要記得叫佢分湯短短幾分鐘路程上到樓竟然打開會無曬湯😂

第一次去呢頭食野，本來想飲下茶，但等成半個鐘未有位，就轉去其他餐廳，好幾間都要等位，咁岩呢度就食呢間。餐廳選擇十分之多，炒米麵飯有好多種，泰式中式都有，叫左4個，分別係乾炒牛河，泰式炒粉絲，椒鹽豬扒飯，揚州炒飯。兩個飯都係正常水準，唯獨乾炒牛河真係出事，第一份上既炒到燶咗，原本我夾開哂啲燶左既諗住照食，但一入口成燶味，同樓面阿姐講佢一口就應係咁嘅味架喎！真係呃我未食過咩？最終換過碟出嚟，味道偏咸，唉😮‍💨算啦！再換怕唔知會食到咩，咁我哋幾個人分黎食，每人食少少都可以，一個人食哂可能會咸死！另外要讚既係泰式炒粉絲，味道適中，帶丁點辣味，粉絲炒得好乾爽，好好味

同朋友仔一齊去食，入到去叫蕃茄炒蛋飯，嗰個飯係精選飯$52，當時想轉返下午茶餐，個經理就話唔俾轉，仲話入面已經開始整緊…點知等咗好耐個飯都仲未到，朋友叫咗個類似泰式炒飯嘅東西，都係覺得好難食..唔會想再去幫襯！******************************

外賣點餐叫了豬扒牛丸船河要求分開湯上、走青收銀嘅話要加兩蚊我地照俾打開見到俾咗肥牛牛丸船河湯冇分開，而且個袋好多湯倒瀉咗出嚟更加冇走青龍眼冰冇味淡到好似水蝦餅好硬好難咬

呢間真係黐線，我淨係嗌咗一個星洲炒米同埋一杯熱朱古力，等咗差唔多一個鐘淨係有杯熱朱古力，杯熱朱古力都變咗凍朱古力而個星洲炒米仲未嚟，已經同咗服務職員投訴左多個五次等咗咁耐最後都冇嚟到。我真係從來冇試過可以係一間餐廳等一個鐘個食物都未嚟到，仲要服務態度好差，仲竟然講番轉頭駁嘴，講一聲對唔住都冇。大佬人哋遲過我入嚟食飯，佢哋啲嘢食都嚟咗已經食得7788，清潔阿姐都抹緊枱掃緊地，餐廳嗰啲人都食完走晒啦，等咗一個鐘好鬼耐，點解可以嘢食仲未嚟到???想問而家啲炒米粉咁難炒咩????係唔係因為我係女仔所以就蝦我?????講返聲對唔住都得啦掛，好無奈最後俾咗$18飲杯「凍」朱古力，嘥晒我啲時間，搞到我啲心情衰晒，真係建議大家唔好嚟到食飯，我真係冇試過因為食一餐飯搞到咁嬲，黐線。

係調景嶺地鐵站一站串連多個商場.今日閒情走來走走.商場都很大.依度都係以平價及中價為主.人流都十分興旺.由其是喺午膳時段.啲學生多到爭路.我哋行到累都找個地方歇歇腳.嘆番個下午茶先.在彩明商場見到這間舖.舖面及舖內都幾大.入面座滿顧客.應該信得過.入到去好難找到兩個位.眼見好多枱客都叫咗炒飯.望真啲餐牌.原來炒飯都有幾種.見人哋嗰啲干炒牛河都幾靚！嗱嗱聲叫咗阿姐過嚟叫咗兩個下午茶鑊氣炒嘢！1. 蝦醬肉鬆炒飯 X1 $44元 配餐飲（鴦走）2. 泰式干炒牛河 X1 $44元 配餐飲 （鴦走）🚶🏻‍♂️👉📌泰原味 (將軍澳)將軍澳調景嶺彩明街1號彩明商場2樓249號舖

#84用家感受，不是打手Walk In 不用等 八成滿座6️⃣5️⃣CP值，2023/3/10/五/16:42，平日下午茶時段，二人埋單$88(免加一)，平均每人$44。店在商場內，做街坊生意，八成滿座，装修有特色，坐得算闊落，感覺乾淨一般，招呼正常，係收銀位女仕應該是日無水洗面，出餐快，不過不失，只此一次。6️⃣5️⃣下午茶咖央奶油豬$26，包脆幾好，淨咖央唔夠味。7️⃣5️⃣椰汁冰及椰汁紅豆冰，跟餐每杯另加$10，唔太甜，椰汁味濃，豆淋。5️⃣5️⃣芒果糯米飯$42，芒果酸，其他正常，唔太正宗，細細碟，量少唔值咁嘅價。