泰味道

營業中

休息中

喺葵芳有一間泰菜館.因店舖設於工廈嘅13樓.好少人會知道.今日專程到此覓食.聽聞呢度係全部泰國人主理.價錢都係好體貼.餐廳位置唔算好難搵.距離葵芳地鐵站大概10分鐘路程。入到餐廳感覺環境都好舒服.好似去咗泰國咁.筆者比較喜歡坐卡位.所以每次都會揀卡位坐.盡可能唔好騷擾別人！今次坐喺收銀處附近的卡位.呢度啲擺設好有泰國feel.連調味品樽及紙巾盒都是好泰式.別具風格。正值午膳時間.坐低冇耐.已經現場爆滿.來的全部是熟客.與店家有傾有講.好熟絡！點餐如下：1. N 冬陰功海南雞河粉 X1 $48元2. 泰式阿莎 $59元3. 餐飲轉（椰汁冰）加$3元4. 餐飲轉（青檸梳打）加$3元註：點餐時.店家溫馨提示.冬陰功海南雞河粉.河粉有點大.恐怕食唔晒！另外當用膳完畢.店家突然送上兩個椰青大菜糕給我哋.呢度服務態度熱誠有禮.可以加分.👍👍👍

一間泰國菜，環境幾好，整潔及衛生都很好（餐具感到很潔淨），平日來都平排隊，好彩平日來只等幾分鐘就有位，等位期間服務員都有招待態度幾好！因個人鍾意食魚，所以試試出面很多地方都有的菜色：明爐烏頭～原本以平常心來食泰國菜，估唔到烏頭的味道確實唔錯，食落質感都很好（酸辣度好合當）！串燒～有雞，牛，豬，肉質及味道都很好，重點提一提雞肉好有口感，漿汁同我食過的有點不同，但我很喜歡這𥚃的漿汁！風味魚～最後雖然食了烏頭，但都叫了這道菜，真的不令我失望，風味魚的味道很特別，唔知點講，但很好味！總結這間泰國菜，環境裝修唔錯，但食物品質確一流，期待下次再來試下第二d菜色！

今日去葵芳逛街，順便睇下有咩好嘢食。中午時段週圍都好多人，後來搵到《泰味道》，見食評唔錯，加上係泰國人主理，即管一試。一到門口，見差不多滿晒客，，估唔到工厦食肆都咁旺，好在我們等了十分鐘就有位。先嚟一個《泰式無骨鳳爪》，最近天氣熱熱地，這個沙律酸辣程度剛剛好，唔會太辣，無骨啖啖肉，加埋配菜一齊食，超清新的。小食方面，我們揀咗《泰式燒雞全翼》。本身我們是“雞翼控”，對雞翼有一定要求。這碟燒雞一送上嚟已聞到好香雞味，醃料亦好入味，熱辣辣，肉質juicy，唔會燒到燋燶。雞翼控必食。《冬陰功海南雞河粉》平日好鐘意食「海南雞飯」嘅我，今次見到這個河粉就想一試。第一啖試個湯底，簡直驚艷到，湯底充滿香料，口味濃郁。配合埋個雞，嫩滑有雞味，真係一試難忘。《泰式喇沙》個湯底好足料，少少辣之餘又夠香濃，食唔到辣嘅人就啱晒。粉嘅口感順滑帶少少煙韌，沾上濃濃的湯汁，加上配菜，口感好豐富。估唔到葵芳都搵到隱世美食上菜速度快職員態度殷勤一定會再嚟!!

係美食平台嗌外賣 見到呢間4.1分再上open rice睇下啲評價啦好似都正正常常 話係泰國人煮🫢應該唔會太伏掛 點知⋯串燒真係見到樣都唔想食（強烈建議睇相） 見到個樣都知唔妥  白烚雞咁  重要冇俾醬🥲第一次食串燒係冇醬㗎  完全冇味唔知自己食緊乜個咖喱油到hihi 乜黃咖喱係咁㗎？飯同金邊粉都算正常 係啲飯硬左啲通菜份量係出面食少一半左右啦成餐飯最好食係芒果糯米飯 芒果夠甜差啲留咗啲嘢飲送嘅不過味道⋯點解阿華田可以淡到冇味🥹

一向喜歡食泰菜，經朋友推介認識這店。見可以用WhatsApp訂枱，十分方便今日想食咖哩炒蟹，事先在WhatsApp問了有否供應，怎料店方立刻為我們向供應商買貨，實在太有誠意了吧～ 感動!兩隻肉蟹均份量十足，豐腴鮮甜。咖哩汁非常惹味，好香，一點不辣，適合不能吃辣的朋友。這個泰式炒金邊粉一點不油膩，味道好好。$48這個價錢大大碟嘅份量，實在非常親民，我們兩個人食完真係好飽。這個冬陰功湯可謂必食推介，香濃而不過會份辣，店長說，辣道是按香港人口味調教過，肆辣的可以叫“加辣”，但我個人覺得剛剛好，非常足料。我們跟餐加$25叫咗個柚子沙律試吓，價錢便宜但一點不求其，柚子新鮮多汁配料亦惹味。非常清新。芒果比一般泰國餐廳食到的更香更甜。店長向我們解釋，因為芒果是特別嚴選的，他們知道哪個品種最好，出面未必食到。當日是星期三，又適逢落雨天，店內客人不多，但就不斷有外送單。整體來說，十分滿意。服務有禮-我們進食之際，亦不斷提供濕紙巾，收碟速度也快。上菜快。價錢亦相當合理。值得推介!!

事緣朋友見過呢間小店有派飯比有需要人士，於是我哋就一齊去支持吓，入到去老闆娘招呼幾好，人好 nice (應該係老闆娘，哈哈)，我朋友喜歡食魚，老闆娘就介紹咗〝風味魚〞，另外再加個〝泰式豬手〞，賣相真係好靚，味道亦有驚喜，我哋唔係食家，唔識用咩去形容，簡單三個字 -- 好好食。好食的小店可能好多地方有，但好食又有良心的，真是買少見少，值得支持。

嘢食水準絕對唔令人失望。蝦沙律、海南雞等，樣樣都獨當一面，回味無窮。尤其係個海南雞，可能係全港第一。服務態度一流兼親切。一定會再去！如果開工時間，再長少少就仲好。

因為老婆生日～聽朋友介紹葵涌有一間好出名嘅泰國菜，佢成日都會去食～所以介紹咗比我試下～由於遲左訂位，早2日book 都已經full 左🥲不過老闆娘都好好人，話可以安排到早段時間比我地。不過都真係早得滯，所以最後選擇咗叫外賣～一共10樣野，有：E. 泰式乾炒河K. 金邊粉P. 菠蘿炒飯A02 泰式肉碎生菜包A10 x 2 泰式串燒雞豬各2件A14 泰式炸蝦餅A18 泰式蒜蓉包A19 泰式薄餅最後加個～咖喱蟹所有野食都好正，冇投訴😝

朋友們推介工廈，中午餐價錢相宜，平靚正食物泰式金邊粉、炒飯(野味，少辣)、海南雞飯另外，見到老闆娘，用心製作食物，派送基層 + 露宿者，大家都讚美味，感謝你送上這份愛。

經好友介紹專程去呢一間泰國餐廳雖然位置有啲就腳(葵芳地鐵站大約行10分鐘就到)地點雖然喺工廠區裏面，但餐廳環境乾淨闊落價錢夠貼地，想食嘅泰菜樣樣齊，而且仲啲都唔嬉場，份量夠，好抵食👍🏻👍🏻🐔泰式海南雞海南雞值得一試，雞嫩滑無骨，啖啖肉，仲買左半隻返屋企。🤣🥬肉碎生菜包熱辣辣上枱，跟既生菜🥬好多，入口肉味香，之後九層塔味道，慢慢浸出，微微辣度，好食。🦀咖喱軟殼蟹配蒜蓉包軟殼蟹以依個價錢嚟講算好多，而且都幾大隻，同時唔會因為浸係汁到而失去脆感整體性價比高而且味道好食蒜蓉包體本身都烘得好，好鬆軟而旦外邊微脆！唯一如果再辣啲就更加prefect啦！

約咗些好朋友慶祝生日飯，第一次到工厦食店，嘩！蝦餅極為推介，我們還點海南雞、猪手、串燒、咖哩軟殼蟹、猪頸肉及燒魚，仲有斑蘭味糯米飯很好味，價錢比出面街舖平得多，所以推介比大家去試。

附近有泰國餐廳選擇榜首，就要試一試！今次叫左好多樣送，不過我自己有幾個必食推介！必食：泰式蝦仁炒金邊粉夠味夠色水，食落亦入味，個口感唔錯，有辣椒係隔離，隨心水喜好落。必食：芒果糯米飯好好食，兩色好吸引，芒果好大份，好清甜👍🏻👍🏻👍🏻 我地係秒清左。泰式肉碎生菜包味道偏淡，可以再濃味d～泰式無骨鳳爪份量ok, 但鳳爪唔係好入莞茜味，但咁岩朋友們大多唔太鍾意食莞茜，又ok 左泰式生蝦夠急凍，唔錯👍🏻 新鮮的泰式炒通菜送漏左，評論唔到😆😆泰式冬蔭功蝦湯比想像中甜，夠料，鍾意飲的朋友可以點，唔錯～泰式柚子蝦沙律粒粒柚子，夠份量👍🏻泰式炸蝦餅keep 到脆口，都唔錯，堂食應該更正泰式薄餅蔥味餅，都幾surprise !馬拉盞炒椰菜苗菜比較大條，有苦味🤨泰式蟹肉炒飯啖啖蟹肉，surprise，不過乾乾地椰汁冰冰多左少少，有點啖味，又偏甜

今晚叫外賣，打算試吓泰國菜，見到就試吓，叫左6個餸，滿心期待。點知食到一半，黃咖喱入面有隻嘢，啫喱未開蓋入面有條毛！無哂謂口，其他野全部扔咗！不知所謂！好嘔心呀～～～總括而知就係好鬼污糟，最尾有好多盒外賣食都冇食直接掉咗就算！！！！

生日玩左一日，晚上想同老公2人世界渡過，因此叫外送係最好選擇。想食d邪惡d食物，見到有熱氣串燒，炸軟殼蟹咖喱，濕熱芒果糯米飯，就決定食佢啦！泰式咖喱炒軟殼蟹配蒜蓉包($192)本身只係沖住軟殼蟹咖喱來叫，但食一啖蒜蓉包就立即愛上！好好味！炸軟殼蟹送到來時還有d熱，好好彩無局到好淋，咖喱正常，配蒜蓉包不得了！泰式串燒($58) 串燒比較普通，點的沙嗲醬還不錯。泰式炒什菜($70) 味道ok, 但份量比較小，感覺有d唔抵，未必會再叫。火車炒飯($70) 老公選的，味道ok﹐份量正常，感覺有煎蛋的炒飯都唔會差。芒果糯米飯($54) 想食甜嘢，同太掛住去泰國了。芒果都幾甜，糯米飯有2種色，青色的有淡淡椰青味，點中間的椰汁食，勁好味。有機一定會再叫。

同女朋友去整陶瓷，所以上 openrice睇下附近有D咩好野食，發現呢間由泰國人主理既餐廳價錢非常貼地，而且評論都比較正面，就決定去試下餐廳唔難搵，係工廈D𨋢要稍為等耐少少 only，餐廳環境其實幾舒服，播住泰文歌，有少少泰國一般民居既感覺叫左半隻海南雞，個份量好有誠意，先60蚊有咁大份都算係咁，肉質唔夠嫩，不過有雞味，性價比好高叫左個濕炒河粉，佢係炒左個河粉底再另外炒D菜同肉倒上去，所以河粉係食到鑊氣味，個醬汁係偏甜味，行傳統泰菜路線，唔中意甜味既就唔建議叫呢款，不過我覺得唔錯泰式炒通菜，同香港用腐乳炒既方法好唔同，佢係落左豆豉同椒絲，上面加少少乾蒜，食落有少少辣味，味道好香，除非完全唔食得辣，如果唔係都推薦試下叫左個咖哩，本來係叫青咖哩，不過佢出左黃咖哩，我地係善良既顧客所以就照食冇叫佢再整過，呢隻係平時都會食到果隻茶餐廳既偏甜味咖哩，冇咩特別整體性價比好高既一餐，味道唔錯，大家行經附近可以一試