泰味道

營業中

休息中

泰味道算係我最常去既飯堂。岩岩從心廚轉手，特登上去試試。第一碟海南雞飯真係而家都重記得。隻雞岩岩熟，肉同皮中間重有層啫喱，跟湯加3蚊重有椰汁冰，望望餐版50蚊有找，之後就經常黎。一年來都經常黎，外賣都叫不下數十次。海南雞同金邊粉就最常叫。自從多咗外賣後海南雞水準就飄忽咗，金邊粉經常唔同味道，就我個人而言都接受到。豬手都愛食但時肥時瘦唔太平均所以比較少叫。泰式清湯河就其實一直想問點解有時清湯有時似船麵，不過見佢地咁忙都費事打擾。咖哩比較少叫，遍甜，質感水水地。但我幾鐘意飯加咖哩後食到飯一粒粒既口感。甜品開始放多咗椰肉，好食好多。我個人幾鐘意以前個調味盤有糖，酢，魚露，花生碎，辣椒粉。可能湯河少人叫，宜家少咗糖同魚露。個人推薦要試就要去堂食。需然係外賣方面花好多心思，只可惜餐牌好多都唔太適合外賣。無其它飯堂重油重鹽既飯盒保留得住啲味道。成遍野似感想多啲，隨便啦，多少推廣吓。

呢間泰國菜對於我嚟講係一間好有良心嘅泰國菜價錢實惠分量有足又好味😋 晏晝同埋夜晚都試過食！晏晝就比較多人 老闆娘 都要親手落場打拼😆 因為價錢實惠 所以 日夜都滿曬order所以等好嘢食就要等耐少少啦💪不過都冇問題🤭咁你諗起啲嘢食好食就值得㗎！ 整體上環境都光猛整潔 有少少裝修令到好有泰國feel!🥰 再加埋有泰國人駐守更加令到 好似置身體泰國😍 無論叫外賣返去同親朋戚友 享用或者堂食 個個都讚不絕口👍👍 哩間係值得去試嘅一間泰國菜💯 好嘢梗係同大家分享

叫左個海南雞飯，料足，有野飲甜品送，抵食，味道其實OK。不過可惜的係，佢地入面廚房d員工全部冇戴口罩就徒手整野食。另外，咁岩比我見到佢地其中一位廚房員工係入面食煙….. 依家肺炎仲未平息得到，而佢地公然違反規例，其實對食客健康好冇保障。堂食就真係唔見有好多人幫襯，反而見佢地做外賣居多，可能外賣客唔知佢地實地衛生情況竟然係咁樣。本身諗著算數，但對唔住良心+為左唔想終有一日有食客因為呢間餐廳的惡劣衛生情況而搞到出事，我係到奉勸食客們想去幫襯呢間餐廳之前請三思一下，因為佢地衛生環境情況真係唔掂！😵

本人及同事於下午時分前往餐廳用膳，冀望能品嚐正宗泰國風味。用膳後有感分量適中，味道尚可。但可惜的是，這工廈餐廳的職員全部並無帶上戴口罩，包括廚房以及樓面，對食客的衛生安全毫無保障。職員在櫃檯收錢之後會直接前往水吧提取飲料再轉送到客人面前，並徒手抓起飲管的末端，再放置在飲品杯內。過程中並沒有清潔雙手。若銀紙上存有新冠病毒，病毒將輕易經飲管傳播，危害食客的健康。在這狹小的餐廳環境，後果可以説是不堪設想。更甚的是，在快將完成枱上食物的時候，枱面竟然出現一隻曱甴。曱甴自由自在地穿梭於餐具籃子和餐牌之間，並不時嘗試邁向我們的碟子，彷彿希望在我們的碟上分一杯羹。餐廳出現曱甴是不可接受。我們食慾立即消退，現附上圖片以示公允。希望各位乘客注意此餐廳的惡劣衛生情況。縱使香港疫苗接種人數近期節節上升，亦不代表香港市民能夠縱容此類餐廳漠視食物安全。懇請餐廳方面多加改進，以令食客能享有安全的進食環境。

第一次食味道非常好，好有泰國味道，之後原來發現成間店舖，無論大廚樓面老闆全部都係泰國人，食物又好食又便宜，簡直隱世小店👍🏻😍，今日叫咗海南雞飯，黃咖喱牛腩飯之後再外賣叫咗海南雞飯，冬陰功雞河粉，好味到不得了，海南雞好滑，河粉好滑，冬陰功味道剛剛好👍🏻👍🏻👍🏻👍🏻👍🏻

這間經當區朋友介紹先識來，隱藏在葵芳金龍工廈入面，全部泰國🇹🇭人主理，味道夠正宗同標明不落味精，樣樣都好食，介紹一個甜酸蝦，佢用炸粉絲墊底，個醬汁甜甜酸酸很開胃，配合埋炸粉絲一絕，另一個柚子沙律都好食，調味同醬汁都夾，柚子都夠份量，泰式豬手同雞都好滑同入味。還有飲品提供，椰青都新鮮，另有各式泰式飲品供應，看餐牌午市套餐都很抵食，五十幾蚊一個set，已經包主菜，飲品同甜品，下次會再帶朋友來幫襯。

聚會吹水朋友介紹話工廠區有間泰菜是泰國人做，即管去試下，食落質素好好，好食過熊貓個間好多。初初只叫左2-3款，後來食落OK再選擇，食食下4個女人就食左下面咁多嘢柚子蝦沙律 >>> 柚子清甜，蝦爽口咖喱蟹配蒜蓉包 >>> 蟹新鮮咖哩汁好味，所以再叫多個薄餅泰式豬手半隻 >>> 好入味，好味到叫多半隻拎走馬拉盞椰菜苗 泰式炒金邊粉甜脆蝦 >>> 連蝦頭都食埋，底個炸米粉有甜脆蝦汁比我清晒本人好鍾意呢個菜芒果糯米飯 薄餅 >>> 咖哩蟹個汁太好味，所以加多個薄餅

同朋友搞生日，唔知食咩好，就提議一下食泰菜，一間在工廠區開的私房泰國菜，全部都係泰國人處理。朋友都話好味又抵食。重點係跨區都送，只要到某個金額就送，服務同食物都好正。#馬鞍山都係$650 可以送1) 柚子蝦沙律 👍🏻👍🏻👍🏻2) 無骨鳳爪 👍🏻👍🏻👍🏻3) 蝦餅 👍🏻👍🏻👍🏻4) 炒椰菜苗 👍🏻👍🏻👍🏻5) 三味魚 👍🏻👍🏻👍🏻6) 海南雞 ( 半隻 ) 朋友話好有雞味又滑👍🏻👍🏻👍🏻7) 椒鹽炒蝦 👍🏻👍🏻👍🏻8)薄餅 ( 配咖哩 )👍🏻👍🏻👍🏻9) 肉碎生菜包👍🏻👍🏻👍🏻

第一次購買是叫foodpanda, 因為有折扣,約每個午餐人五十元左右。後來發現可直接向泰味道訂午餐, 外賣滿200元, 可免運費！每個午餐43元, 而且可送飲品及甜品, 加$3又可轉特飲, 真是非常超值。很多同事也十分喜歡香葉肉碎荷包蛋燴飯, 但基本上每個午餐都很好吃。店舖更可叫到會,要先向老闆查詢,今次叫了, 馬拉盞椰菜苗, 泰式炒芥蘭,柚子蝦沙律,燒豬頸肉,泰式三味魚。食物質素及味道很好,泰式三味魚更超出預期中好味,值得推薦!

今次要同大家介紹一間工廠區入面嘅「高質泰國菜」我已經去過呢間餐廳幾次覺得食物質素十分高質價錢親民推介大家去呢度試下首先推介前菜「柚子蝦沙律」柚子清甜 蝦肉爽脆彈牙 令人一試難忘「炸蝦餅」大大件 炸得十分香口 令人一件接一件「泰式肉碎生菜包」肉碎入味夠辣 配埋生菜 十分夾推介主菜「辣椒膏炒魷魚」色香味俱全 喜歡辣嘅朋友仔岩晒魷魚彈牙入味 送飯一流「泰式菠蘿炒飯」菠蘿肉夠多夠清甜 飯香遠遠都聞到 夠晒獲氣「泰式燒鰂魚」原條鰂魚燒得岩岩好 咸咸香香 魚滑鮮美十足沾上泰式醬汁 味道一流「泰式咖喱炒軟殼蟹配蒜蓉包」咖喱汁香濃 軟殼蟹炸到脆卜卜 香脆蒜蓉包沾上剩餘的咖喱汁 回味無窮蒜蓉包唔夠可另散叫甜品必食「芒果糯米飯」芒果清甜糯米飯熱辣辣再淋上椰汁 好好味推介喜愛食泰國菜嘅朋友 不防一試呢間隱世泰國餐廳

朋友生日唔知食咩好就提議一下食泰菜一間在工廠區開的私房泰國菜全部都係泰國人處理朋友都話好味又抵食柚子蝦沙律 👍🏻👍🏻👍🏻無骨鳳爪 👍🏻👍🏻👍🏻蝦餅 👍🏻👍🏻👍🏻炒椰菜苗 👍🏻👍🏻👍🏻三味魚 👍🏻👍🏻👍🏻海南雞 ( 半隻 ) 朋友話好有雞味又滑👍🏻👍🏻👍🏻椒鹽炒蝦 👍🏻👍🏻👍🏻薄餅 ( 配咖哩 )👍🏻👍🏻👍🏻肉碎生菜包👍🏻👍🏻👍🏻泰味道服務態度好親切近人不論遠近馬鞍山最低消費600蚊抵👍🏻

我哋三個人啦食咗四個餸再加埋幾碗飯，金邊粉做前菜，一個好重味嘅馬拉盞炒通菜，之後一個咖喱軟殼蟹，咖喱值得一讚，加蒜蓉包絕配。生菜包酸味啱啱好份量亦很足，我已經連續食咗14日，都唔覺得悶。係呢兩個星期肥咗5公斤因為呢間嘢食真係太好食呀老闆娘其實真係好好人，食完野之後仲包埋一個甜品.加上係大連排工廠區，選擇真係不多。尤其是喺附近工作或者租工作室嘅人，附近茶餐廳九成都係中年人食嘅嘢.依家反而就啱後生仔口味 所以再強烈推介又唔貴.

公司叫外賣11點半打去落單要求12點半送到 結果要1點先到行去堂食都快過外賣 電話一直都無人聽直至我到餐廳先發現電話唔通 原來係餐廳職員故意掛起電話 唔想做生意 接完外賣單後送唔到根本追唔到單 外賣送到後飲品倒瀉哂 餐具污糟黃 青咖哩牛腩飯完全唔係咖哩咖哩汁勁稀 似水一樣 薯仔勁硬 無煮過一樣 根本咬唔開 又無味從未食過咁似水嘅咖哩汁 完全撈唔到飯食牛腩勁韌 完全咬唔開檸茶完勁難飲 完全唔知咩味 勁奇怪勁難食，勁差，完全係垃圾 無下次！

足不出戶就可以食到又平，質素又唔差嘅泰菜😍近日無意中喺網上發現【泰味道（Thai Yummy Food)】撞啱老媽子唔想煮飯嘅日子就叫咗外賣晚餐喇😆【泰式柚子沙律】一打開就見到兩隻大蝦喺入面，好足料👍🏼【泰式生菜肉碎包】肉碎嘅香料味夠重，啱晒我心水😋【泰式串燒 (雞/豬)】串燒豬肉好香口，雞肉就略嫌乾咗少少🤪【泰式豬手】煮到入晒味，夠晒淋🤤【泰式黃咖哩炒軟殼蟹】咖哩好香，要嚟配蒜蓉包一流👍🏼軟殼蟹份量都好足😮【泰式冬蔭功海鮮湯】相比起其他餸，冬蔭功湯就失色少少，個人覺得佢太油🥴食咗咁多嘢，5舊水都唔使就送埋甜品，仲送到屋企樓下，實在超值呀‼️