泰國人海南雞 (砵蘭街) (已結業)

今日去左依間連鎖店食下午茶，選擇都有唔少，我地叫左叻沙同埋雞飯。去完星加坡旅行之後，都好想搵一間好味嘅呢晒湯底食店，同埋好味嘅雞飯。。先講依度嘅雞飯，佢太過淋喇，但雞配上醬汁味道都既香又酸辣，都好開胃，加返分。在餐牌上叻沙有一隻辣椒圖案，不過對我地來說都好辣。但金邊粉連埋魚蛋，扎肉等一齊食，係好夾味的。此價錢在一個都幾乾淨同靜嘅連鎖店食下午茶，係都幾好嘅選擇。仲有店員好nice好有禮，超值得加分嘅。

去完果欄， 行經見到餐牌都ok, 就諗住一試， 試完發覺普普通通， 不值再試野飲大杯， 特登加$8 叫左芒果梳打， 但一d 梳打感都無， 亦無芒果， 只係罐果的果肉 另外肥牛麵都好普通菠菜麵鴨胸， 又普通最深印象就係冷氣超凍！ ！ ☃️☃️另外， 服務亦不好， order 完記唔住， 要再落多次order

Wandering around the Temple Street Night market area, trying to find a place that was simple and affordable. This chicken place was perhaps a little more expensive than surrounding Canto BBQ places, but very clean and cute. Good service and good portion sizes! Chicken rice was a little dry, but the Thai style hainam chicken itself was moist, flavorful, and a good amount of meat!

食海南雞飯最重要係咩？隻海南雞。錯啦！係碟油飯呀！不過，呢碟油飯，完全無油飯ge 香味同口感，食白飯好過隻雞份量充足，但d肉係梅ge 完全無雞味，令人失望，有待改善

出左旺角咁岩想食海南雞飯 上黎見到評價唔錯一於去試下 點知 希望越大...一去到即刻有位 我地2個人 本身坐細枱 不過waitress見我地諗住叫2人餐 驚我地張枱唔夠擺 幫我地轉左去4人枱2人餐有個湯 叫左咖哩豬頸肉 泰式鳳爪 泰式小食拼盤 海南雞(例牌)我諗1/4隻或者再少D 2碗油飯 野飲要+錢 仲有2舊甜品我地再加多個豬手可惜 基本上無野好食...海南雞都係好一般最好果樣可能係杯珍多冰有D失望如果要食海南雞 有好多地方都比較出色

以前在砵蘭街另一頭，裝修沒有現在的好。搬來這裡之後，感覺乾淨了，但價錢沒有大變，一樣價格親民。每次和老爸來都叫2人餐B，$208三個人吃。每次都是又食又打包。因為就老爸，永遠都是叫泰色雜錦湯，清清地，又多湯料，算不錯。泰色海南雞（例牌）。我和家姐從來沒吃過，因爲都留給老爸了。我們會去皮夾給他。雖然每次他都說咁多㗎、唔要啦，但就一直往口裏送。所以水準應該過得去。因為老爸向來咬了一囗不喜歡就會吐。有醬料提供。老爸不用，我拿來蘸湯料的扎肉，很好味。泰色酸辣札肉沙律。很道地的味道，如果在泰國吃的算大辣，這個算中辣，又辣又酸很開胃，讓人停不了口。黃咖哩豬頸肉。有少少辣，連老爸都接受到。黃咖哩很香，拌飯一流。豬頸肉一點都不鞋十十，肉質咬落感覺爽脆。老爸吃完一件又一件。暹羅炸魚餅拼泰色春卷。老爸覺得炸魚餅辣，吃了一件不要了。但我覺得不辣，只是和春卷一樣炸得香囗。這個餐有飯，可選油飯或白飯。另外有甜品。甜品比較甜和黏。我不太喜歡。另外要了蠔油時菜，蠔油是另上的。$22。很鮮爽。另外加$10要了特飲：香茅青檸蝴蝶花茶。勸告不要加。一來賣相完全不符。二來沒有香茅味。似杯檸水多一點。沒加一。三人吃了$240

同同事經過油麻地,特登去食青咖喱雞。咖喱好有濃郁嘅椰汁香味,適合我唔鍾意太辣嘅朋友。雞肉鮮嫩好好食, 缺點係分量唔夠多。咖喱裏邊有好多唔同嘅配料,我相信好多香料喺泰國入口。例如香茅,食咗好舒服。感覺到整個人都放鬆。餐廳裏邊環境清幽,播放住泰國嘅音樂。而且有泰國好出名嘅singru啤酒。飲得好香甜, 好開心。泰國啤酒好夠氣, 配上青咖喱, 簡直就係perfect match..值得一提個泰國飯好香, 一定係用泰國絲苗米。😊refreshing

每次經過吃泰國菜的餐廳都覺得很吸引。今次來到泰國人海南雞吃午飯。地方不大，午餐要搭檯，不會要求可以很舒適地吃，但快快吃個午飯是可以的。曾經來過這裡吃午飯，點的是湯粉。試過那次的湯粉以後，我覺得這個價錢點湯粉好像不太抵，所以今次便點了飯試一下。我點了一個青咖喱雞飯配熱奶茶，不久便送上了。除了咖喱和白飯，飯邊也有點椰菜，感覺健康一點 把一點咖喱汁淋在白飯上，好邪惡！青咖喱裏有很多香葉，所以整碗咖喱都有香葉的味道。青咖喱的料有不少，有很多雞絲，還有青豆角，最驚喜的是有泰國的圓形小茄子，不過不新鮮是沒有味道的。把白飯跟青咖喱撈著吃，兩樣的份量比例平均，我還把椰菜沾著咖喱吃呢，不健康了餐廳裏有位叔叔很殷勤，上次來都見過他的了。$46的午餐，份量夠的。味道加上了很多香葉，如果你喜歡香葉的味道應該會喜歡的，是泰國午餐好選擇

旺角同油麻地都有好多野食不過同朋友上完堂之後填肚餓到頂唔順了佢突然講想食海南雞,所以就入黎一試~講真無期待,只要求飽肚兩個SHARE左一個椰青你會話點解要兩份分呢因為晚上9點,餐廳只得番一個咋好彩椰青都幾大個唔會兩啖就飲晒海南雞配金邊粉~分量就正常但餓了,咩都唔理豬頸肉配金邊粉~個湯底可接受唔算特別原先想食泰式豬手,因為唔係太多地方有得食可惜太遲去,SOLD OUT我個人意見~一個晚餐叫粉面既話,個領都貴貴地最欣賞係椰青~

加5蚊轉雞脾，點知。。。全部肉都咁嘅色，又一撻撻，朋友話瘀血，上網睇有啲話係細菌感染。。最後食左幾舊睇落冇野嘅肉就算。。唉，又浪費錢了，唔係見近屋企都唔會買，經過呢次唔會再買了！ 屋企人都買過呢間嘅海南雞飯，佢地都話唔好食，對面街嘅先好食，但都未試過食到啲咁色嘅肉食左幾啖已經冇得食，唔知發生咩事啲雞肉變成咁樣。。。。。。。。。唔理顏色，味道淡到有啲似烚雞肉，又唔新鮮，可能夜晚啲雞係差啲掛。。。。。。。

被老闆鬧完，個腦爆炸當然唔想用腦諗食乜，有人會選擇頹飯例如粟米肉粒飯免治牛肉飯等，一口一口送進嘴裡，不用動腦的。而我就會選這類的海南雞飯，不需要思想，一啖一啖放入口中，是嫩滑的雞肉，調味較為輕手，可自行點豉油或醬汁，重點係拆成淨肉，非常適合同我一樣的唔想用腦人士。而且一碟內有肶有翼有胸，感覺公平，冇因我係單身醜男就比頭頭尾尾。套餐連冷熱飲品，冬瓜湯，油飯。對我來說唯一美中不足應該是那碗飯，不知何解總覺得口感麻麻，唯有撈湯才吃得下，唔通我適合轉行食軟飯？哈哈。

2人餐$188泰式雞油香飯D飯隻色同平時食開既唔同，佢唔係黃色，純粹係白飯色，有d油光係表面咁，但都香既，都算做到粒粒分明，食落就得油香味，無香料味。冬蔭功湯個湯偏咸，少少酸味，主要材料都係菇，同有兩隻蝦。個湯有d紅色粉狀(似係辣椒粉)撈唔勻?!溶唔到，飲湯時卡到會唔舒服。不夠真材實料所以先用粉去調色加調味?! 定係坊間都係咁做?!我唔專業，唔識。黃咖哩牛腩普通，無特別，味道同茶餐廳果d一樣，但賣相有唔同，有條大辣椒係面，同有d椰汁，但最後個味出黎都係一樣。😑生菜正常，無特別暹羅炸魚餅拼泰式春卷個魚餅幾好食，口感好紮實，魚味香，都幾彈牙，但個春卷略為唔夠新鮮，咬落油味重，同都幾多油下。 甜品成餐飯最泰式既食物，煙煙unun，甜度岩岩好，係好食既。泰式海南雞雞肉略為細舊，雞肉同雞皮比例近乎1比1，但D肉都唔錯既，夠滑夠嫩，有點唔明既係，泰式既點喺邊?!

成日都見到「泰國人海南雞」，不過一直都無試過。直到今次跟父母二人在油麻地辦完事後見到他們的餐廳，我們三人都不約而同地想到此試一試他們的晚餐。一入到餐廳就感覺到餐廳光線充足，座位不算多，餐廳沒有特別的設計，與現時的新式茶餐廳設計有點相似，整體上亦算乾淨企理。看了他們的餐牌後發現這裡食物的種類都頗多，小食、串燒、沙律、咖喱、炒粉麵、湯粉麵等等。他們還推出了為夏日炎炎這天氣而設的食物，都是一些較為清新開胃的食物，同時亦有夏日推介的飲品，感覺相當貼心! 不過我們還是選擇了點四人餐，愛它的款式組合不錯之餘，價錢又相宜。四人餐裡有湯、沙律或無骨鳳爪、小食、海南雞或豬手、咖喱、時菜、飯和甜品亦只是$308，還不用付加一服務費，十分超值!泰式雜錦湯這個泰式雜錦湯裡有一些豬肉丸、扎肉、魚蛋、白蘿蔔、通菜和生菜，而湯底方面則用上清湯。湯底鹹度適中，喝完後沒有即時口渴的感覺，但回家後我們三人都感到口渴不而，令我們甚為失望。至於湯料方面如豬肉丸、扎肉、魚蛋白蘿蔔、通菜和生菜都一律正常，不過豬肉丸、扎肉和魚蛋的口感不夠彈牙，這種偏腍身都口感令我們再次失望。泰式豬頸肉拼泰式炸蝦餅泰式豬頸肉拼泰式炸蝦餅的賣相頗為不

常常到百老匯電影中心，以往看戲後慣性光顧的餐廳水準大不如前，本人也要另覓地方醫肚。那天走了大概兩條街，看到這間泰國人海南雞，決定試一試。理所當然的的叫了個海南雞飯海南雞的味道非常好，本人嗜吃雞胸，吃來啖啖肉！雞肉醃得入味，肉質出奇地嫩，就算是雞胸也不會很＂嚡＂，極美味油飯也是水準之作，吃下去香而不膩，輕輕鬆鬆便吃完了一碗餐廳服務快靚正，由坐下到吃完離開都只不過是半小時的事，非常適合簡簡單單吃個晚餐，似乎以後在油麻地的一人晚餐有好去處了！

叫左海南雞飯同咖哩牛腩,啲雞加埋得六件,呢個價錢勁唔扺,牛腩就硬到好似柴皮咁,嘈佢佢先換啲淋啲嘅,換時水吧個泰藉阿姐個表情仲勁不滿,真係換到啲淋啲嘅,擺明就知邊啲淋邊啲硬啦,明知啲牛腩咬唔到都俾客人,真係唔掂,無下次