泰國人海南雞 (砵蘭街) (已結業)

今天去這間是意外，而且沒有試過嘛！既然是店名，當然要點海南雞飯。午餐套餐，有飲品有湯品(湯品重終沒有上，我也沒有追究)，價格親民，店面落地玻璃很適合旅客，可以邊吃邊看舊街角的景貌。賣相不錯，雞皮鮮黃，肉質看來嫩滑，而且油脂適中，飯看去比較濕。口感與賣相不無多樣，肉質很嫩滑，味道可以，飯也一樣太濕太軟身，完全是煮好的白飯上桌前拌上湯汁，而且不夠熱，好像飯糊米糕，不是要米粒分明口感Q軟，但起碼也要水分適中，這點強差人意，始終在心目中海南雞飯的重點，應該是那碗香飯。我不清楚在泰國那邊吃海南雞飯是不是口感如此，如果是，只能說不是我的喜好。

間唔中都會同寶寶去百老匯電影中心睇戲，貪佢票價平d, 人流又少d, 最緊要易買飛嘛。今日同寶寶去拍拖睇中午場，快食個飯先！一出地鐵見到有間泰國人海南雞飯，lunch set 50幾蚊個餐包飲品，抵食喎！食得呢間，我梗係點招牌既海南雞飯，真係keep 到水準！雞肉夠味又夠滑！仲包左碗湯。個油飯簡真係非常邪惡既好味！ 加埋d 泰式汁去撈飯，真係可以成碗食晒，寶寶都忍唔住係咁食我d 飯囉寶寶點左個黃咖哩牛腩飯，呢個就椰汁味重夠椰香，牛腩就淋既，味道一般。佢覺得都係比唔上海南雞飯。埋單無加一，又包埋凍飲，勁抵食，下次一定再幫襯！

海南雞飯食過唔少想搵間好食既真係唔容易！今日行經油麻地，睇見有間泰國人海南雞心諗會唔會正宗D呢？就走入去試試個人認為海南雞最重要係碟汁其次就係雞既油脂比例但好可惜，今次既感受係又一次既普通仲有一般食開既海南雞飯應該係用油飯而哩度用既只係白飯碗湯就不過不失總括黎講唔會叫難食，但真係好普通既海南雞飯，我諗黎食海南雞應該無下次，但其他款式野食有機會都會試試。下次寫一間都係在油麻地既餐廳係暫時食海南雞飯最有保證既希望下次去食水準依舊

千年一遇去果欄. 出返黎係路口就見到佢. 因為趕住返學, 快快趣入去先. 唔好以為星期六十二點呢d時間好易搵位. 呢度都幾多人. 入去時已經滿左七成. 快d搵位坐底. 一坐底店員就即問你想食咩. 完全唔諗就叫左海南雞飯Lunch set. 朋友叫左豬頸肉. 所以大家可以share黎食(豬頸肉唔記得影相).海南雞飯lunch set $55, 有湯, 有飯, 有熱飲同一碟海南雞. 雞的份量以一人份實在好足料, 而且雞亦都好滑. 再加埋個冬瓜湯. 包你一定食得飽. 至於個豬頸肉set, 同樣都係有湯有熱飲同飯. 份量同樣唔少. 豬頸肉十分爽口啖啖肉. 重有特別醬料, 不過我一向少點醬料, 所以不知道味道. 不過單食我個人覺得已經好夠味. 醬料只是錦上添花.  最後, 作為"有營食肆", 若果係食品上加少少菜就好啦. 

好耐冇食去骨酸辣鳳爪上openrice search 先知道屋企附近間“泰國人海南雞”有得食午飯時間來到見到有午市套餐55蚊包海南雞(1/4隻)，白飯，仲有飲品同埋冬瓜湯簡直係超值雞的份量好多！而且冇骨，够嫩滑白飯則一般 好似加太多水煮咁最令我驚喜係個冬瓜湯清清地没有太重味精味而且入邊有2，3塊冬瓜加點葱花令我一試便喜歡去骨酸辣鳯爪就48蚊有點失望辣度唔够只有酸味份量少試一次便够

海南雞不過不失，黄油飯沒油香，laksa雞絲金邊粉沒什麼laksa味，雞絲dry到硬！唯有椰汁冰不錯。 本來有點期望他的海南雞，真有點失望了。一食完就收起所有東西，好赶時間啊！

上個星期連續食左3晚呢間嘅海南雞飯，第一日食果份雞好嫩滑，飯煙un,唔太油，整體好唔錯，但之後兩日食啲雞唔鮮味，又多脂肪。。。今日再叫多次，雞又好味返，好新鮮，但個飯唔知點解好水，一pat咁。。。之前幾次食雞肉幾差都好，飯都keep住水準，但今次。。。唉～只能說，要係度食到好食嘅海南雞飯要靠撞彩喇

這間泰國人海南雞周圍都開了不少分店，但是卻一次也沒有進去吃過，星期六的下午終於有時間試試這海南雞飯。午餐時間人客不算多，但不能發現每個人點的菜式都相差無幾，海南雞飯是大熱。對於無肉不歡的我，看見這一大碟海南雞，很難不心花怒放 雞肉嫩滑而且帶有鹹香味，雖然是冰鮮雞，但是處理得手法很好，肉質都算結實，不會鬆散。一開始看色澤還以為是普通白飯，吃下午別有一番洞天。味道帶有雞湯味，沒有平時油飯的油膩感，少許清香而有鮮味。酸辣去骨鳳爪的味道比較一般，酸味足夠，但是辣味欠奉，大概是顧及一般香港人的口味，餐牌上2個辣椒的辣味都只是十分輕微的辣味，有點不夠候呢..最令我驚喜的是這杯凍奶茶，茶味足夠，入口清香而幼滑，不得不讚！

琴日我同我D朋友去開油麻地，諗住都係求其依飽個肚，點知我發現有間開張左幾日嘅食店，甘就入去試下喇。黎到海南雞，緊係要食番個招牌海南雞飯！食落啖啖都係鮮甜肉嫩嘅海南雞，配搭上秘製海南雞醬，簡直好好味！睇見人地食都流哂口水！仲有，好味嘅野又點止一個呀，難得我地三個中意食辣，甘岩佢有兩隻辣椒仔，甘就叫左個青咖喱雞飯。一試停咖到口，唔係幫佢賣廣告，但佢D辣同咖喱真係一流同好好食，裏面仲有個青色蕃茄，好爽口，可以一試！除左飯，我地仲有叫左碗泰式船仔金邊粉，呢個就唔係辣嘅，但可以食到佢嘅鮮甜味。牛肉鮮嫩唔怕靭，湯唔怕話好鹹好重口味。金邊粉爽口彈牙，食落唔會話太「林」。另外，當然唔少得香茅炸雞翼，炸至脆卜卜，賣相又叫好，食落得彈。全部計埋埋單都唔港$300蚊！