泰國人海南雞 (已結業)

尋晚睇長江七號之前，去左灣仔食泰國人海南雞，$38，有湯，很多人一食雞就話要有雞味，算啦，冰鮮雞何來有雞味呢，不要強求，這雞算得上爽滑，已算不俗，唯那雞油飯真的沒什特別，算是這海南雞飯最失敗之處，幸好，那泰式醬十分惹味，所以總體來說不太差。另外，豬肉串燒十分美味，可以一試!

呢間嘢完全唔掂!!好後悔同女友響間咁嘢度食咗個lunch。當日我哋較遲食飯(約1點半)，因此未有其他網友要等位情況出現，順利入座。環境其實算唔錯，你唔介意響馬路邊較開揚好似多啲塵咁就ok(我自己其實唔介意)，起碼地方都ok闊落又算乾淨。不過叫嘢食就出事。我自己叫左個鹵水鴨金邊粉，我女友就要海南雞飯，結果我個粉到左食完佢個飯都未嚟。２０分鐘催一次，個男侍應叫我哋等等，亦見到佢有幫我哋追。３０分鐘再催，另外一個女侍應就咁嗌入去廚房話漏左單就算，但我聽到附近幾枱都漏單漏海南雞飯。結果要我哋拍晒枱，成間都知我哋個雞飯要等４０分鐘，先至有個飯到，仲連sorry都久奉，認真要搵華仔拍醒佢哋。講返嘢食，個鹵水鴨金邊粉都算不過不失，係份量細啲唔係好夠食。我本身已經細食，呢個粉都要我後尾食返個熱狗先頂到肚餓，份量多少你哋自己想像。至於招牌海南雞飯，雞尚算滑，不過我稍嫌太肥而且雞味不足，但個雞汁就ok，至於雞油飯就稍嫌太硬身唔夠香滑。總體嚟講，呢間嘢啲嘢食質素已經比唔上同區附近既泰x雞，仲有咁既九流服務，我覺得大家就無謂撞板。

飯無味, 雞無味, 完全無泰國風味!

上星期日一行六人試新嘢，一去到就知唔多妥服務:1)去到無人會理您,企到成門口都係人,我哋企咗好幾分鐘,跟住mum忍唔住問侍應,佢先會幫您寫低幾多人,但又無飛仔喎2)店鋪又迫又細,枱與枱之間,人與人之間係貼住坐咁滯,而最大既枱都係只可以坐到4個人3)不單只我哋漏單,好多枱都投訴漏單,佢哋落咗單後會印張單據俾人客,我哋同侍應講漏單,佢睇過機後就話無落過order,但明明張單據有架嘛......4)單據混亂到不得了,明明果張單係a枱,就拎咗去b枱5)海南雞飯係跟湯既,佢哋鍾意就俾唔鍾意就唔俾食物:1)海南雞飯~無乜特別2)咖喱牛腩飯~唔辣但咖喱香,牛腩也不錯3)什錦..撈麵之類~一d都唔好食一定無下次,服務超唔得+_=

剛行過灣仔發現開咗間泰國人海南雞於是再和2位朋友再試海南雞飯及朱手飯油菜及札肉肉碎金边粉雞味道夠味夠滑連朱手飯到無骨very good good

2007年12月28日，泰國人海南雞路過看到烏節已摺，於是便進去看看。由於趕時間，所以很快便點了咖喱雞飯。1．侍應沒有問我喝什麼。餐是送飲品的，我不知道，是聽到鄰座的客人叫才知道。要我主動追問才加番。2．餐牌原來有熱飲或汽水選的，但當天只有汽水，因為水吧還沒有set up。3．飯來了，賣相不佳，一點拌碟的蔬菜都沒有，個咖喱也看不到有香料，像港式咖喱。咖喱奶味較重，不夠咖喱的香味。4．觀察所得，其他客人都是要追汽水和食物才來，完全是“檔”狀態。5．飯吃完了汽水還沒有來。又要追。最後還是拿走了（是罐裝百事）。質素如何，看官從以上也可知一二吧。

今日中午和舊同事第一次試此店, 海南雞飯午餐包1杯drink.先講個飯,好香薑同雞油味,硬度適中,海南雞很滑,個飯整體幾好.叫野飲,舊同事叫熱奶茶,個無禮女侍應一句今日無熱野wor,要凍la.比佢吹帳. (唔明點解無熱飲供應??)我地坐近出菜位,甘岩有人等外賣,又係個個無禮亞姐唔小心整瀉垃圾筒d冷飯菜汁起個等外賣既男人度,佢一句唔好意思都無say sorry就行左去! 仲差d彃到d污濁野去我度,真想鬧爆佢.比錢時,2個餐total$76,因無散子比$90佢找,個收銀肥婆問我有無$1,我話我無,佢再問,我答:我真係無.跟住佢話我都無甘多散子,最後佢找返$15比我加多句: 唉!找多$1比你啦. (我好恨你個$1呀,收銀都無散子找比客仲要唔好語氣問人.)食物又唔算超好,加埋D其差既服務,死得!我唔會再去.

今日同埋班同事去呢間野食lunch,點知食到我爆粗!唔單止食物差,員工服務更加係差到pk!!!先講食物,呢間野招牌菜係海南雞飯,一心諗住試一試,誰不知連招牌菜都不知所謂!!一碟海南雞飯,d雞完全無鮮味,仲要凍冰冰,好似就咁響雪櫃拎出黎,d飯仲衰,乸埋一舊,食落仲章住個口,油份又唔夠,阿媽o係屋企住o的白飯仲好食過佢！我真係完全唔明白,o的咁ge菜可以用黎做招牌菜！！！！！講完食物,再講一講員工服務。員工ge服務态度，簡直完全唔掂，唔再去培訓下真係唔太掂。我地六個人12:00黎到...叫左六個餐，落左兩次單，好清楚咁話俾佢知，佢自己都覆左一次係無問題，但係唔知點解，我地坐左o係度半個鐘頭，連野飲都未黎過一杯，我要可樂同雪碧遮，唔使我落單先問可樂厰攞掛！結果催左第三次單聽個waitor哥哥講左三次「等等！出緊黎！」先至黎左三個最易出ge海南雞飯。跟住等到十二點四十五分，再催催佢問佢點解有三個飯同埋三杯野飲未到，先至發覺佢原來漏左單！簡直谷鬼氣！當我食食下唔夠油乾乾地ge飯，諗住飲返啖湯濕濕個口，個waitor就走埋黎問都唔問我一聲就收左我食左一半，仲有一大堆雞ge飯！豈有此理！！！！！！！

放完假,見到公司附近開左呢間野,之前未聽過但原來已經有好多分店,所以咪試下囉~好開揚的門面,但唔適合依家既天氣,好凍~~已經係3點,無咩客,一半到啦,而職員就有好多.我地由於趕時間,就毫不猶豫地ORDER左海南雞飯.想ORDER咖啡,但點知..."依家只有百事同七喜,其他都冇供應"店員話. u_u" 我一向都唔好汽水,所以唯有要清水.一路等,過左已經成十五分鐘,我地兩個人只黎左一個飯,想問侍應,叫極個個都你推我讓,無人想睬我,好慘...再等多五分鐘有多,先有野食.如果好多order我唔介意等,但係個個都食完等埋單...個飯都ok好食,係d雞有d怪怪味同埋太少雞喇~~最後埋單,我企喺收銀同個女仔面前揸住張單,叫左幾次埋單,佢望一望我又繼續傾偈,要我同其他侍應講埋單,佢先出手收錢.全程飯好似乞番黎咁,無奈!