泰國人海南雞 (譚臣道) (已結業)

之前行經過灣仔，見到佢哋推出左個抗疫外賣餐，所以今日就趁着中午出去買返個返嚟試吓。今日係星期三，所以就去到買咗佢個泰式海南雞飯。返到去一打開盒飯，已經聞到好香嘅雞味，食落口每一啖雞肉都好嫩滑，配合埋佢哋嘅秘製醬汁酸酸甜甜非常好味。佢嘅飯好香雞油味，但係又唔會太多油，恰到好處，感覺好似真係疫情期間去咗次泰國食海南雞飯咁樣。最後飲埋佢個冬瓜湯，非常好飲，唔似出面啲味精湯。呢啲時勢，三十九蚊食到個正宗海南雞飯，仲有碗靚湯飲，真係好滿足。

呢間真係食左好多次因為之前公司係灣仔好鍾意佢個雞油飯唔係出面好多添加色素嘅飯都鍾意d雞上之前會過一次湯唔會咁乾又唔會超級凍食到雞翅定係雞腿、雞胸，真係睇緣分啦！雖然個湯多味精，但係我都係好鍾意個冬瓜湯。平時lunch食真係平靚正！！凍飲都唔洗加錢XD夜晚今次懶得叫野飲了(/ω＼)

星期六午飯好難搵位，搵左幾間在大街的都無位，有朋友推薦試下譚臣道，我們便入了去，入時還有位，不多久已坐滿，好在快人一步。午市有套餐餐牌叫得做海南雞，無理由不叫碟食下。泰式海南雞配雞油香飯及冬瓜雞湯 $57雞油飯的雞油味不算好出，雞份量多，肉質頗滑，味道一般。冬瓜湯少少鹹。 喇沙扎肉魚蛋湯金邊粉 $51 👍😊喇沙湯好好味，雖然個樣同平時食開好似有點不一樣，夠濃香，味道好好，辣度也很好，喜歡食辣的相信會喜歡，又不會過辣蓋過了食物本身的味道，餸亦夠多。 冬陰公湯金邊粉 $53 喜歡冬陰公的朋友應該會喜歡這個，湯好正。午餐包特飲，有百香果特飲和木橘蜜，除了特別外，還凍熱同價，凍飲不用加錢，超抵。👍😊凍百香果特飲，酸酸甜甜，好清新refreshing，推介👍😊 以上兩杯是熱百香果特飲和熱木橘蜜，好好飲，推介👍😊總體來講，海南雞飯我覺得不是最好味，喇沙湯我覺得仲好，我推介，另外餐飲好味，且凍飲不用加錢，又不用加一，真不錯。唯一是服務態度就可以提升😅😅

繼續努力食均灣仔餐廳，這間泰國人海南雞，地點比較偏僻，小店只有五六張枱，侍應有疑似泰國人廣東話很好。點選了招牌菜，泰國人海南雞飯 $57，海南雞，ok ，份量多㸃更好；雞油飯，不太油，有味道，幾好；午餐有例湯，有味精味；凍飲不用加錢。

Lunch搵野食，無無聊聊行過泰國人海南雞，加上排隊既人唔多，就試試啦! 叫左個皇牌海南雞金邊粉。海南雞算大份，最後都食唔晒。肉質都幾滑! 而碗金邊粉都幾大碗，不過湯底就一般。午餐係套餐，會跟杯野飲。除左基本既檸茶檸水，仲可以揀特飲而不另收費，亮點呀!! 😍😍😍

自從係曼谷食過粉紅色招牌果間水門橋就一直都好想再食返，但係香港我暫時未搵得返果種味道又心思思成日想食海南雞🐥見呢間個名叫泰國人海南雞就一於去試下搵唔搵得返果種味道啦🤪我叫左一個海南雞set同一個咖哩雞不過不失，老實說沒什麼驚喜。雞就去骨雞，咖哩雞就是咖哩加雞。

落單後好快就上菜叫左半隻海南雞，豬頸肉沙律同冬陰公湯金邊粉雞都算滑但冇乜油香味，豬頸肉沙律份量都幾多下，但豬頸肉有少少overcook至於個冬陰公湯金邊粉個湯完全唔合格，勁淡味

好難食，份量超級超級小，价錢超級超級貴，服務係零，侍應只係顧住打機，以後都唔會再去，未試過咁難食嘅海南雞飯，總之只得一個字，伏伏伏伏伏，👎👎👎👎👎👎

Koon Thai was once very popular with many more stores spanning across the four corners of Hong Kong but over the years a number of its branches have closed down.  The reason is very much because it's average. The chicken is alright but the rice is always too soft. You're better of getting the msg laden soup noodles with your chicken...However, the price is relatively inexpensive. At HK57 you get full and includes a drink for the lunch time set. There are other items like Tom Yum Soup noodles - I

差中之差黃咖喱雞飯, 我真係好懶, 但再懶都要寫呢篇食評, 小弟曾經做過8年西廚亦熱愛煮野食泰國野都略懂一二, 因為屋企原因轉行無做廚, 今日經開灣仔熱到無乜胃口, 見到有泰國菜, 又係集團應該衰極有限, 叫左黃咖喱雞飯, d雞係脾肉切件, 食得出係水烚完之後淋咖喱汁上面就出餐, 點解要咁呀…難食到嘔, 就算你要快呀d雞都醃下佢呀, 完全無醃"蘇"到爆 , 痴線嫁... 好難想像點做QC ... 個咖喱汁味道正正常常, 點解個雞會咁.... 絕對無下次 , remark 個飯係我用凍檸水夾硬撞落喉嚨.......

昨天到灣仔，行過見到呢間，平日係深水埗有人龍，今日見冇人，入去試下。 叫咗海南雞飯同黃咖哩牛腩飯， 海南雞飯味道一般，雞油飯完全食唔到雞油味, 雞飯既青瓜片，好明顯放咗好零，由新鮮放室溫而暖熟個隻，無光澤又冇水份，直頭唔會放入口。黃咖哩牛腩飯，見到面層有比較糊既汁 ，面個舊牛腩仲係深色咗，吹乾咗，一用筷子一夾，牛腩程度極林， 再攪一下汁， 非常水汪汪。味道完全唔辣唔香，飯邊既蔬菜，一定係煲咗好耐，枚枚地。不過佢有個好既就係加10蚊有三色冰，都多料，叫咗少甜都好甜。下次一定唔會再去。

😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😨😨😨😨😡😨😨😨😨😨😨😨😨😨😨😨😨😨😨😨😨嘩今日真心俾個4眼妹辣著，😠幫親過十幾次都唔認得我唔會怪你，好聲好氣問你拎多個醬姐唔洗俾你話下嘛，仲要尊登俾我聽到，忍唔到俾錢受你氣，我一世都唔會再幫親，大家真係死都要去光顧就預左俾人鬧先好去，垃圾服務員😡😡😡😡😡😡😡😡😡😡😡😡😡好想你老闆知你d工作態度

放lunch唔知食乜好就同同事行到嚟呢頭想塭下d未食過嘅嘢，行過見都幾平先50左右就入去食個晏。入面好逼嘅，8個人坐張5人枱咁濟，肥小小都坐唔到真心。講番野食，嗌左個喇沙雞絲魚蛋金邊粉(49 included a drink),,好快就上枱份量偏細。湯底過咸，冇一d花生或椰香，只得咸同辣:-( 魚蛋就幾彈牙，但只有3粒，而雞絲反而都幾多，有小小硬。粉就一般，只係食完好口渴，落太多味精，另外佢人手都幾小，有漏單。

食左個海南雞飯 ok既，食物質素可以既 ，不過肥仔塊面長黑，由叫野食到埋單佢都好似唔識講野，仲好似客人阻住佢玩電話咁有點不滿既表情，唔通啲野食好味到可以唔注重服務態度？我又唔覺得係咁⋯⋯

咖哩牛腩飯5得啦， 5係專科， 都係5好食。 要食梗係食專科海南雞飯啦。D雞比起以前我覺得細份左， 不過都係煮得岩岩好同厚肉。 d醬好味。 不過湯就太淡。 同埋貴左啦。 個肥哥哥依然係到做。 我認得佢haha. 超多人。 不過5係就要走到再遠d食，所以多人排架lunch.