泰國佬餐廳 (已結業)

今日沒有自備午餐盒，就要搵下附近有咩好食。關咗一大圈，行到泰國佬門前，見到餐牌寫有～無骨海南雞飯，不再三心兩意，走入去試吓先。無骨海南雞飯$50呢個午餐仲包一杯熱飲及冬陰功湯。先來一個冬陰功湯，第一眼望見唔算吸引，好歹都要喝一口試吓，味道酸酸辣辣，同飲開的冬陰功湯有啲唔同，但佢係免費奉送，冇期望冇失望。無骨海南雞飯雞肉都幾滑，冇雪味，醮點辣汁好好食，我仲拎埋嚟撈飯🤣熱奶茶似港式奶茶，茶味濃，缺泰式奶茶獨有的香味。

Fatvava揾食😋泰國菜泰式金邊粉 $58正常，多蕃茄既，所以蕃茄味都夠，再加肉碎豆角，配菜都足料，但係整體唔夠熱唔夠鑊氣，火喉勁d會更好。無骨海南雞飯 $58味道正常，飯唔夠黃油唔夠香，雞都砑肉同嫩滑既，雞味可以再香d，都係唔夠熱。

之前去過堂食覺得味道唔錯，午餐同下午茶時段都有set幾抵食，疫情間咁啱見到外賣平台有優惠，就嗌個外賣再幫襯下啦～無骨海南雞好嫩滑又多肉，配咗一款泰色辣汁，不過油飯就冇乜特別；青咖喱汁好好味撈飯一流，有好多舊牛肉同茄子，咖喱汁如果杰身番啲就更加好。泰式豬頸肉幾香但有啲乾同硬；肉碎生菜包就最滿意，生菜幾新鮮，送嚟時係用保鮮紙包住，肉碎微辣好香口。泰式咖啡奶茶通常俾人感覺都好甜，但依間嘅又剛好，比較適合香港人口味。

大家千其吾好食，貴到過份都吾再講。D人又臭串，好聲好氣問點知句句窒住曬。 個阿嬸無啦啦行埋黎大大聲問1號有冇叫雞飯 我春知你邊度1號？冇D禮貌。 疫情下仲吊鬼 人地分枱用膠板 佢用落地易拉架banner 想行入去點吾知點行 個芒果海鮮炒飯好地地你係要搞到咁難食 個餐牌冇寫有耶奶無啦啦又落搞到鬼咁難食個泰式金邊粉淡而無味，得過色水有得揀既真係吾會黎食 零招呼 又播埋D吾知咩膠歌 嘈到冇曬心情食飯 真係請我都吾會再食總結 間野比狗食

上年七月搬咗入大埔之後，一直都冇留意有呢一間泰國餐廳，今日晏晝行行吓肚餓，先至發現到佢。門口有一系列午市餐牌，我減緊肥...見到有減肥食得嘅泰國金邊河（如果唔係減肥，我會食豬手飯😆）乜都唔理就衝左入去。其實都差不多已經三點，算下午茶時間，但都座無虛席，好彩啱啱有位唔駛等。咁我就叫咗個泰式湯底扎肉雞絲金邊河，$44仲有罐Coke Zero跟，真心覺得抵食。湯河嚟到，似模似樣...大大碗，但食落去湯底點解淨係有花生醬，係咪花生粒落得太多，因為我平時食開都會係有牛骨湯味、好清，個湯底就感覺怪怪，可能我食唔關依一種味；而個金邊河就偏淋，但尚可接受。佢嘅扎肉係好味嘅，雞絲就同出邊差唔多（其實本身雞絲就冇咩好評論，好難失手🤣）街坊餐廳$44大大碗金邊河連可樂，我會覺得合格～😌

好多餐廳都響應三罷，真係搵食艱難⋯見到之前自稱係黃店嘅鋪今日竟然開，就去幫襯下⋯可能少咗選擇，攪到全店滿座。我哋一行六人，因唔夠位，只好分開坐。一入餐廳，其中一位同事已被不禮貌對待「你坐唔坐，唔坐唔好阻住」，阿姐，你執緊枱點坐呀？？到我哋嗰枱點餐，個阿姐問餐飲，同事只係「er...」咗一聲，阿姐就話「唔好諗，快啲！」下？諗叫乜都唔得？？算，你多人，你趕做生意，忍你！戲肉嚟喇，我叫咗個肉碎生菜包，我唔多講，睇相啦！！唔講真係以為我去食印度菜今日開鋪，你咩顏色我真係唔知，我淨係知我唔會再幫襯你囉！

下午茶時段由14:30開始，午餐減$10元，包冬蔭功湯及飲品。今日揀左無骨海南雞飯，雞肉香滑，飯唔油但覺得比較乾硬。追加嘅肉碎生菜包，熱辣辣好好味，要讚嘅係生菜葉沒黃沒爛👍，

好少來大埔墟食飯，經過廣福道見到間泰國餐，下午茶時間都幾多人，原來是幾抵食$48午餐，兩點半後仲要减$10甘平，最初不抱太大期望……原來幾好。份量也夠仲有冬蔭功例湯送，跟埋餐飲一個set 相當滿足我男友點了泰式手撕雞飯，佢話酸酸辣辣吾錯幾開謂……而我當然食最喜歡的海南雞……雞非常滑，飯也錯 都幾香 海南雞成日食，能有這種水準不是間間做得到 其實係大埔有間平民泰菜而又好味，實在是大埔人既福氣下次晚餐來試下其它

廣福道嘅呢個舖位，開親都係做泰國菜，不過間間都做得唔長，本人覺得係因為食物質素普通，今次呢間都唔例外，真失望。今次我同老公嚟簡單食個lunch set，睇碗例湯已經估到今餐飯好唔好食。例湯係一人一碗冬蔭公湯，一上枱我見到啲油就震驚了！點解可以直達俾層油俾客人？另外，點解可以連紙巾都唔俾一張？問侍應，佢話要3蚊一包⋯疫情期間，相信大家都想有張紙巾抹餐具吧！點解唔細心啲？廣福道附近有好多餐廳，要做得好先長做長有！會唔會再食呢間？不了！

大埔出名派飯俾老人家餐廳👵🏼👴🏼。星期六晚上大約20:00來到呢間餐廳，餐廳大約可坐30-40人，當時餐廳大約有3-4成滿，所以唔需要等位😚。我哋3位大人，點了咖哩羊肉配薄餅🐏🌮，泰式生蝦🦐（唔係日日有），同海南雞飯（係黃色嘅油飯）。海南雞飯，飯喧香但雞肉唔算好多😬，生蝦都可以，可能我唔太鍾意食生嘢，所以只食咗一隻🤪，朋友話唔算大隻。我最喜歡嘅係：咖嘢羊肉配薄餅，薄餅好好鬆，真係唔錯🥳🥳🥳，黃咖啡唔辣，合我口味，咖哩都做好好好味👍🏻

時間不早，看見這兒這泰國佬，以及後面群記牛腩亦都有一間分店，看到餐牌的下午茶，問一問，才知道海南雞飯是不適用於下午茶的於是替友人點了一個冬陰公海南雞烏冬，另一個就點了串燒兩串以及烤餅。烤餅還好，一份大約都有三四片，可能是一大片烤餅剪開4份，然後配一個小小的醬汁，但其實這個醬汁是用來點烤餅定還是用來醮串燒，我也不太清楚；串燒兩棒，可能因為外賣的關係，不算非常香焦，味道較為普通。事後想回這一個下午茶40多元，只有兩串串燒以及幾片薄薄的烤餅，其實也不太划算。🤔友人的冬陰公海南雞，烏冬份量都不太多，第二就是海南雞，反而不錯，因為不只是只有雞柳或是雞肉，而是定係海南雞，包括有雞肉，以及海南雞翼。冬蔭公湯底還算挺濃郁，但是比較油膩的湯底，因此令到碗子顯得有點兒油膩。凍奶茶，因為沒有叫走冰/少冰，因此之後冰粒溶化了，茶味都顯得比較淡了。一名年輕的小夥子，服務態度偏差，漠不關心，以及愛理不理的工作態度，實在難以令人想再來這間餐廳，反正都不算便宜，以40多元下午茶的價錢，其實差不多$50 ，已經可以去大埔熟食市場那家泰式餐廳吃個午餐了。

(大埔人)本地人介紹我吃這間“泰國佬”的泰式無骨海南雞飯。剛過去的五天(2019/11/20-24)同七個朋友去泰國自由行旅遊，在曼谷及北碧府都吃過地道的泰國海南雞飯，現在評價今餐：(1) 厨師對我太好了，大部份都是雞胸，除了一只有骨雞翼，都唔算鞋；(2) 醬汁只有一種；(3) 飯雖然是熱的，唔夠油香，偏乾身；(4) 冬蔭功湯，酸而不辣。可以接受啦！由於九月中也去過星加坡一趟，總覺得港式及星式的三種醬汁會好一點；而用雞內臟煮的湯更合我口味！可能吃慣了港式雞油飯，所以略嫌跟飯唔夠香；

剛剛過去星期日,一家四口去完大美督, 晚上去到呢間泰國菜食晚飯,點了4道菜, 全部都好難食：面包軟売蟹--咖哩冇味冇道,軟壳蟹好似冇炸過，好林牛油焗蝦--蝦明顯不新鮮,蝦很小, 有點受騙辣椒膏炒蜆--炒蜆炒到好似水煮蜆冬陰公海鮮湯--冇料,海鮮好少服務態度也十分惡劣,全店職員全部黑口黑面,現場有其他食客complain 等了40分鐘, 職員態度極惡劣地回覆 "40分鐘好耐咩!!! ", 所以我地等了很久也唔敢出聲, 最終我地等了約 50分鐘先有野食另外, 店內見到不少曱甴總結：食物味道十分差, 服務態度極度惡劣, 簡直係比錢買難受,差差差

朋友生日想吃泰國菜就來到他介紹的 #泰國佬餐廳七點多進來坐滿七八成左右所以很順利的找到位置朋友說餐牌有點不一樣應該是轉手所以不知味道有沒有改變所以點了泰國菜的精隨 #冬陰公湯 試試就知道這餐廳的水準菜很快就送上等候時間不長值得一讚特別推介蒜蓉包其實與其說他是蒜蓉包倒不如說他是蒜蓉多士因為他是厚厚的吐司一開二 四件的附上表面有很多的蒜蓉蒜蓉味濃用料絕不吝嗇加上新鮮烤出來！吐司很脆很香！🍞可以再吃也沒問題！冬陰公海鮮湯海鮮是超級多！蝦🦐超多超大隻！又有魷魚🦑青口 蟹柳用料豐富湯底濃郁！非常好喝！炸蝦🍤餅新鮮送上入口酥化有很濃的蝦味蝦餅有點像蝦丸外面炸很金黃鬆脆裡面蝦膠滿滿還吃到蝦子！加上甜酸汁真的十分開胃整體算平宜好吃！用料豐富！是CP值很高的餐廳

之前試過一次，覺得很一般。本來不打算寫食評，但經過今天了解到這家店不但服務水平很差，而且心祥也不好，所以留低幾句，希望有心人不要進這黑心店舖。老闆屈年輕人食飯唔俾錢。既然他連是非都不分，難保糖會變鹽，鹽會變糖。This is one of the worst restaurants in Taipo. Not only the taste of the food is bad, the wrong-doing of the boss also make Taipo people angry.