泰國佬餐廳 (已結業)

好多餐廳都響應三罷，真係搵食艱難⋯見到之前自稱係黃店嘅鋪今日竟然開，就去幫襯下⋯可能少咗選擇，攪到全店滿座。我哋一行六人，因唔夠位，只好分開坐。一入餐廳，其中一位同事已被不禮貌對待「你坐唔坐，唔坐唔好阻住」，阿姐，你執緊枱點坐呀？？到我哋嗰枱點餐，個阿姐問餐飲，同事只係「er...」咗一聲，阿姐就話「唔好諗，快啲！」下？諗叫乜都唔得？？算，你多人，你趕做生意，忍你！戲肉嚟喇，我叫咗個肉碎生菜包，我唔多講，睇相啦！！唔講真係以為我去食印度菜今日開鋪，你咩顏色我真係唔知，我淨係知我唔會再幫襯你囉！