泰國南星魚翅燕窩樓 (已結業)

但你又無發覺果碗翅好水汪汪同地方真係好污漕. 我食一次襟大把

其實翅o 既份量唔係好多，而且覺得好零碎，不過味道唔錯，亦好大碗。其他菜式都幾夠味。人參茶好香好甜。

原來銅鑼灣洛克道間新店已經開o 左幕啦, 如果唔係係食飯時間去, 都好容易搵到位, 而且比起旺角間分店, 位座闊o 左, 舒服好多, 各位住香港o 既食家不妨去試o 下, 千尋除o 左食最鐘意o 既" 紅燒小排翅" 之外, 仲食o 左" 蟹焗粉絲", 都幾好食, 粉絲唔乾, 仲吸晒o 的蟹味, 不過,118 蚊就貴o 左o 的。

聽人講過呢間食店好耐, 知道好平, 好低食, 但係門口就永遠都出現人龍, 而且等位o 既時間好長, 不過, 千尋o 尋晚就試o 下係午夜一點去, 雖然唔駛等位, 但係就好多”旺角搾fito 既社團幹部”, 如果你係”斯斯文文電到你暈”o 既靘女, 最好帶埋保鏢去o 勒! 呢晚我想試o 下”清湯翅”, 個伙計嬸嬸覺得好奇怪, 話因為大多數人都會食”紅燒翅”, 試完就覺得嬸嬸冇介紹錯, 雖然”清湯翅”好清淡, 但係始終唔夠”紅燒翅”o 的味o 禁濃, 所以最係都要多一碗”紅燒翅”, o 尋晚終於係兩碗翅o 既包圍o 下失眠, 至於燕窩唯有等下一次o 勒!