泰國南星魚翅燕窩樓 (已結業)

兩個人叫左兩個餐都係120 蚊一個餐仲有燕窩 ...其實話飽係唔飽...因為飲左好多湯天感覺飽左...如果再去我諗我會叫多個送..魚翅..同燕窩都足料...低食

八月十四‧晴去過泰國n次，什麼也會吃，但有兩味菜色是很少很少，就是燕窩及翅，而老實說，不止是在泰國，其實在那裡都一樣，我可以揸主意的話，是絕少叫的兩味菜。是晚本想跟朋友去附近吃雲南菜，但好事多磨，反被挾了來這裡吃翅，沒法子。周六晚上八時許，店內還未滿，眼見坐了大半是自遊行的同袍，看來「魚翅撈飯」的概念，不是沒有市場的。先送上一碟芽菜及芫茜，另外一碟青醬，真的是幾泰式的。朋友二話不說，不理我要什麼，就自己要了個紅燒魚翅及燕窩的套餐，我則要了個鮑魚鵝掌煲的套餐。紅燒魚翅先來，一大窩杰杰的湯底，浸著幾疏牙揀翅，一看已知，先不說我對魚翅的觀感如何，這個又濃又杰的湯底，已不對口味。翅沒有碰了﹝也份量不多，不想吃了朋友的「心頭好」﹞，吃了一口湯，絕對是個生粉濃湯，也說不出用上什麼來熬的。只見大家也一股腦兒的將之混進飯去當泡飯吃，不是吧！鮑魚鵝掌煲我想吃的是鵝掌，而非鮑魚。這裡的又硬又實，應該沒有花時間去烹煮的。幾片的所謂鮑片，也不見佳處。索價一百六十八蚊的，有點欺場。還來了個泰式炒通菜，吃起來卻很港式，幾似椒絲腐乳通菜的賣相。還好通菜是翠嫩爽綠，38蚊一碟，算是這樣子。朋友的套餐還有一碗燕窩，我對

行街行到累﹐就試下呢簡啦魚翅撈飯真係正﹐我們點了紅燒翅和清湯翅紅燒魚翅﹐用來撈飯真係一流﹐好好好好味。清湯魚翅﹐比較普通﹐不過魚翅好多﹐好好味。最好來一個椰汁燕窩﹐呵呵﹐好多燕窩﹐好香椰香。裡面的夥計﹐老闆都好好人﹐好nice。環境都十分乾淨﹐簡簡單單幾好啊。

農曆年初幾天上番禺吃喝玩，回港後還真有點過年氣氛，或者因天氣冷的原故吧。趁新年取個好意頭，順勢來做個小豪客。(魚翅搒飯)連今次在內應該吃過4/5次？！今次最貴，因為要加二！！！但生意依舊好，7時許到達還要等幾轉！大慨6/7分鐘有位，ORDER 了2份魚翅跟白飯，其時覺很有趣：原來吃一次百多元(每人)的晚飯都會滚水淥脚般，急急吃完便走人！香港人都很識做，不會阻人做生意。食味一般，在下就認湯底較淡。

如果諗唔到食咩都會黎既將貨就價當然差小小啦同女朋友黎叫左個炸蟹餅都ok既叫左個丸餐d魚翅真係好小兩三啖就食哂燕窩真係唔太得比較普通又甜........不過剩係呢個"獻" 送飯都夠喇始終都應該係味精........不過去親食都好快上冇乜客間唔中去下都可以接受既

星期日晚, 兩個人叫左個$150套餐(包一個紅燒翅及一碗燕窩加一碗白飯) 及一個炒通菜$38。茶- 味道好特別, 有似係花旗參茶, 好甘甜紅燒翅- 味道不錯, 個"獻"又是"傑達達"果隻! 燕窩- 雖然係燕窩碎, 但有埋白都好有口感炒通菜- 都ok啦環境- 都ok, 不是太嘈雜, 因為人不是太多!全日免加一同茶芥, 都值得encore!2人total $188埋單!

17 August 2006 (Thur) - 晚飯睇完’禍水’之後，行過附近，突然諗起呢度有間南星食翅，又諗起好耐好耐冇黎，決定入黎一吃．．．menu好似比以前少咗嘢食，我同好友叫咗一個$68既翅再加一個$48既菇扒蔬！記得以前食時覺得好好味，又好大注翅，但係而家唔知點解冇咁好食，魚翅直頭唔多見踪影．．．不過就算係攞啲獻黎撈飯都真係既幾唔錯！而且個參茶好好飲！不過厠所就真係幾污漕；唔洗加一，ok咁啦！

泰國朋友好玩野，約我食飯約呢度，但完來係佢以為我會鍾意。識個咁的朋友你話幾正。我食翅講湯底的，加芽菜係因為唔夠翅無咬口，加糖做湯底係因為無火腿餚湯。好人好姐，食泰國翅痕咩？求其隨便雞湯翅都好過啦。最後倒埋碗飯落去，總算叫魚翅撈飯。

估唔到間野普普通通，又會有翅食，係朋友帶我去既！(當然請埋啦)我地叫左$150 一位既set meal，每人有一煲仔翅，一碗飯，一碗燕窩，我地個叫多個"西蘭花炒元貝"埋單150+150+78=$378 夠晒飽，都幾好既，不過我覺得d燕窩甜得濟，勁甜個隻，無晒燕窩味~!仲有坐得唔舒服，環境同茶餐廳差唔多~!

同男朋友去食晚飯，一坐低有蔘茶飲，我O地叫O左1個魚翅燕窩餐再加多1個鮑魚飯同炒菜，好飽好低好味！魚翅燕窩餐= 有魚翅，燕窩及一碗白飯($100)鮑魚飯= $98炒菜= $48埋單$246 (唔駛加一)

其實食翅都幾要講環境, 唔係平時話"喂, 食翅咯"就去食, 就算如果係, 都唔好太污糟囉, 價錢幾平都假, 要你同小強一齊食喎...點得呀.出面已經唔多好又多小巴又多人又多垃圾, 諗住如果裡面整得好好睇睇, 人地都會覺得入面感覺真好, 但佢成功之處係可以將裡面同出面環境融為一體, 簡直令你置身馬路食飯, 正.

$118散翅煲, 雖然獻多翅少, 但$118可以食到二真翅算係咁啦~ <br>下次order $98 一o既排翅可能好d~ 因為最細o既都有成四幾~ heheheh~~~~<br>咕嚕雞球幾好味呀, 白果燕窩都唔錯~

我記得曼谷唐人街o既南星好似主打係燕窩, 唔係魚翅, 印象係好味又抵食, o黎到香港手勢打折扣就係意料中事, 但最有趣就係價錢同泰國差不多…. 嘩! 咁叻o既! 係度叫個套餐, 有燕窩有翅百零蚊, 但翅o既質素麻麻, 個" 獻" 唔及格, 味道唔好, 燕窩同白蘭氏一樣咁碎濕濕, 唔多似樣, 又係將貨就價啦…老實講, 呢度只係一間賣燕窩賣翅o既茶餐廳, 同地道o既南星差好遠.

南星出o左名係食翅，我試o左佢$118 大煲翅。覺得雖然係好大煲，但真係好少好少翅。其實三啖可是將翅食完，其餘時間只係飲湯。唔多夠。

想平平地一佰蚊有找去食碗翅，呢度最適合不過，湯底夠熱，雖然翅o既份量唔多同質素爭D 外，但人地至少賣真翅俾客食丫，我覺得除o左翅外，其他食品o既價錢都幾貴，不吃也罷。