泰國婆

營業中

休息中

坑口東港城新開的泰菜館泰國婆，名字很親切，舖面亦很光鮮，員工的態度尚算有禮。泰式鮮蝦碌柚沙律鮮蝦碌柚沙律的鮮蝦比想像的多，碌柚肉與沙律醬混合得很好，多汁帶鹹，非常開胃。泰式乾炒豬肉片河粉泰式闊河粉炒得乾身有鑊氣，芥蘭爽脆。鹽燒鯽魚鹽燒鯽魚因為即燒關係，等了差不多半個鐘。鯽魚用了不少鹽醃，撕開外皮內裡魚肉鹹鮮嫩滑，魚肚放入香葉，不用點醬已非常美味，當然點辣醬就更加增添味道。泰式凍奶茶 泰式奶茶外觀呈橘紅色，顏色吸引，味道濃甜。原個椰青椰青水清甜解渴不在話下，椰青肉亦滑溜清甜。

將軍澳冇乜泰國菜尤其係坑口簡直係泰國菜荒漠難得有新鋪開張一定要去幫襯吓餐廳座位比較迫除非你係坐卡位唔係嗌多幾個餸都冇位擺泰式凍奶茶盛惠$25杯 杯比較細講真話麻麻哋好飲好似溝咗奶粉咁唔會再叫之後叫咗碗船河材料都足 湯頭比較甜整體嚟講都好味木瓜絲沙律 份量好大味道酸酸辣辣非常之開胃而呢個價錢嚟講 非常抵食炭燒豬頸肉有好香炭燒味 每塊都大大塊咬落口感好好 好香油香作為一個豬頸肉愛好者非常推薦鐵板蠔仔蛋非常惹味有鑊氣不過相對比較油膩好彩蛋下面有芽菜底感覺會冇咁油膩 清新爽口啲整體嚟講會再幫襯係除咗座位比較逼夾以價錢同食物質素份量比性價比都算高如果諗起想食泰國菜都會諗起佢

二訪坑口依間「泰國婆」，又同屋企人試下其他唔同菜式先。*此餐廳收取加一服務費。泰式煲仔翅（單點$188），好足料，勾翅口感厚身，蟹肉味道鮮甜，內有瑤柱、冬菇、雞絲、芫荽，湯底口感濃稠，飲落鮮味十足，配以紅醋食用，味道更佳。泰式青木瓜沙律（單點$78），表面鋪滿櫻花蝦、車厘茄、花生，青木瓜、紅蘿蔔、豆角、生菜口感爽脆，食落味道酸辣。芭堤亞雞肉卷6件（單點$48），腐皮色澤金黃、口感薄脆，雞肉卷肉質嫩滑，食落好Juicy，配以泰式甜辣醬食用，食落好惹味。泰式凍奶茶（兩杯$50），採用泰國手標紅茶、泰國煉奶製作，飲落茶味濃厚、甜而不膩。

今日嚟坑口東港城搵泰國婆😄餐廳都幾大，座位寬敞舒服泰式柚子鮮蝦沙律～柚子酸酸甜甜與鮮蝦完美配合，清新美味非常開胃😋泰式黃咖喱牛腩配薄餅～香氣撲鼻，微辣濃郁順滑，牛腩經過長時間的燉煮，肉質軟嫩，薄餅外脆內軟用嚟沾咖喱，絕配👍原個椰青焗飯～具代表性的泰國食品，絕對必點的一道菜，用原個新鮮椰子裝滿焗飯，飯粒與海鮮索滿香甜的椰漿，係一道色香味俱全的佳餚👍✨#將軍澳美食 #香港美食 #香港必食 #香港探店 #香港打卡 #香港旅遊 #香港必喝 #將軍澳探店 #香港泰菜 #香港好去處 #將軍澳推薦食品

見到新開咗呢間泰國餐館好似唔錯，就同屋企人過嚟試吓。我哋拎咗一張六人飛，門口服務員話大枱第一張就到我哋叫我哋等多一陣，仲指住話轉頭會比呢張大枱我哋！等咗大概半個鐘都未有位就去個洗手間先，點知返到嚟，餐廳入面職員竟然安排咗我啲屋企人入咗去坐張四人枱，而喺我哋後面攞飛嘅六人坐咗嗰張大枱😳，即刻問發生乜嘢事？佢哋話佢哋張飛攞嘅時間早過我哋，但係睇返張籌，我哋個號碼係先過佢哋，呢下餐廳安排得真係好差，最後我哋六個人坐住張四人枱好迫好迫咁食嘢！好迫真係好迫，完全唔夠位放嘢食！除咗條燒烏頭之外，佢哋上菜嘅時間速度都快，我哋要食得好快，因為食完一碟先至可以有空間擺另一碟餸…….勁無奈😮‍💨食物方面，個船麵湯底極度唔鍾意。成浸跌打酒嗰啲藥油味。好伏！海南雞同燒烏頭正常。最出色係個咖喱麵包軟殼蟹👍最後埋單連加一$779

今次同朋友去咗將軍澳「泰國婆」食飯，泰國風味十足，每道菜都係地道又有誠意！🍴🇹🇭 鳳尾蝦炒金邊粉金邊粉乾身而且炒得香氣十足，配上鮮甜鳳尾蝦，口感彈牙，味道酸甜鹹辣啱啱好～薄餅薄餅一客有8塊味濃，食完一塊仲想要多一塊！所以好快就清晒明爐鳥頭即叫即整，成個明爐上枱烤熱鳥頭，湯底係酸酸辣辣嘅汁底肉質嫩滑，蘸上泰式醬料更加惹味，呢個真係必點！ 泰式燒豬頸肉豬頸肉烤得焦香，咬落去油脂分佈均勻，肉汁滿滿，配埋酸辣醬，滋味無窮！ 馬拉蓋炒通菜通菜炒得嫩綠爽口，蒜香味濃仲帶少少辣，份量十足串燒拼盤（雞・牛・豬）拼盤一次過可以試晒三款肉類，燒得香噴噴，唔會燒得太乾爭爭，配埋特色沙嗲醬汁好夾原個椰青清甜椰青飲落去清新解渴，仲可以食埋嫩椰肉芒果糯米飯最後點少得泰國經典甜品！糯米飯軟糯香甜，配埋香濃椰漿同鮮甜芒果，簡直係完美的結合！ 泰式千層糕千層糕外觀精緻，層層分明，味道香甜但唔膩口，甜品控必試！

前排約咗舊同事喺坑口食飯，見到呢間新開嘅泰國婆，大家都想食啲開胃菜就即刻試吓！！🥬🥬馬拉盞炒通菜呢個幾好喎，唔會話食到好辣，但係又香又惹味，通菜爽口又入味，而且都幾大碟，不過因為好惹味兩個人都食得晒！🍲🍲泰式船湯河個湯底非常之濃，但唔會話好鹹。最鍾意配啲脆炸豬皮一齊食，我哋兩個都好鍾意，入面嘅配菜都好多！🌶️🥩泰式紅咖喱牛肉片呢個牛肉非常之香，一開始以為都會好辣，但都算係適中，本身淨係叫咗個飯，但係紅咖喱味真係太香啦，再叫多個薄餅一齊食！🧋☕另外我哋都嗌咗兩杯飲品，泰式奶茶同埋珍多冰，兩杯飲品都幾正宗，泰式奶茶嘅茶味好香呢度小小嘅菜式，已經食到我哋兩個好飽，本身仲好想食甜品都食唔到！下次一定要再食😝🍽 泰國婆 (坑口)📌 將軍澳坑口重華路8號東港城2樓238號舖☎️ 2887 3737⏰ 星期一至日11:00 - 21:30 #將軍澳美食 #香港美食 #香港必食 #香港探店 #香港打卡 #香港旅遊 #香港必喝 #將軍澳探店 #香港泰菜 #香港好去處 #將軍澳推薦食品

坑口新開的泰國餐廳，餐廳以木系簡約風裝修，很有泰國風情。泰式肉碎生菜包泰式生菜包內充滿了酸、辣、咸的元素。獨特的泰國香料，加魚露、檸檬汁和新鮮香菜，非常清新，口感層次豐富。生菜葉脆嫩清爽，咬下去時，清新的生菜與多汁的肉餡混合着，非常好吃。泰式海南雞飯 雞肉滑嫩無骨，特別是髀位的肉質更是鮮美。搭配的雞油飯粒粒分明，帶有淡淡的雞油香，淋上海南雞的醬料，味道更加豐富。附送的冬瓜湯清爽可口。泰式紅咖喱牛肉片 牛肉份量十足，肉質軟嫩，搭配爽口的豆角，咖喱汁香濃，微辣的味道正好，讓人一口接一口。芒果糯米飯 芒果糯米飯糯米香甜，搭配新鮮的芒果，口感綿密，甜而不膩。

早排收工同朋友去到東港城一試泰式美食，這裡的美食都相當地道，好有係泰國食的風味 。原個椰青焗飯絕對是必點的一道菜，原粒新鮮椰子裝滿焗飯，一上枱就散發出濃郁椰香。飯粒粒粒分明，索滿椰汁的香甜，最正係可以食到新鮮椰肉，口感好豐富 。泰式船麵湯河船麵的湯頭濃郁，有肉香同香料的清新 。配料有嫩滑的肉片、脆口的豬皮、既有鮮味又帶有鹹香 。泰式咖喱雞青咖喱搭配薄餅確實是無得頂的的組合，青咖喱特有的香料味道配上酥脆的薄餅，既能吸收咖喱的醬汁，又能享受不同的口感 。泰式肉碎生菜包爽脆的生菜配上香辣肉碎，醬料味道適中，包著吃特別開胃。泰式冬蔭功湯酸辣平衡，香茅和檸檬草的香氣充分釋放，湯頭層次豐富。豬頸肉沙律醬料酸辣惹味，豬頸肉嫩滑，搭配埋其他菜，非常開胃醒神 。串燒拼盤（雞、牛、豬）三種肉類各具特色，醃製入味，燒到恰到好處，點埋沙嗲食一流 。街頭椰子栗米雪條清甜不膩的甜品，既能解膩又可以食到椰子的清香 。味道不太甜，食落唔會有負擔 。

坑口搵食時，記起有間唔錯嘅泰國婆，剛好有位唔使等，餐廳是半開放式夠晒開揚！半隻海南雞，雞胸完全唔會鞋，髀位超嫩滑就更加唔使講，冇骨啖啖肉，仲有碗清甜雞湯跟埋。咖哩牛肉，牛肉片份量多，內還有爽口豆角，香濃咖哩汁微辣，再叫碗白飯撈飯很正。鳳尾蝦炒金邊粉，炒得夠晒火喉，唔覺油膩好惹味。飲品點了泰式奶茶同凍檸茶，茶香大杯都唔錯。#將軍澳美食 #香港美食 #香港必食 #香港探店 #香港打卡 #香港旅遊 #香港必喝 #將軍澳探店 #香港泰菜 #香港好去處 #將軍澳推薦食品

難得在坑口找到一間質素這麼高的泰國餐廳，而價格也相當合理，吸引了不少鄰近居民前來用餐。🏠餐廳： 泰國婆 📍地址： 將軍澳坑口重華路8號東港城2樓238號舖泰國婆的椰青焗飯（$128）是一道讓人驚艷的佳餚，整個椰青外殼內包滿了椰香四溢的焗飯，配上大量椰子肉和少許椰漿，口感極其吸引，份量豐富，絕對滿足。此外，這裡的泰式冬陰公湯（$98）也不容錯過，湯料香料豐富，酸辣的湯底中透出鮮味，味道恰到好處，讓人欲罷不能。豬頸肉沙律（$98）則是一道酸酸辣辣的開胃沙律，洋蔥和醬汁的辣度恰到好處，與豬頸肉及沙律搭配，口感絕佳，好味非常。泰國婆菜式繁多，青咖哩、串燒、船河等應有盡有，每道菜式都值得推薦，絕對是喜愛泰國菜的饕客們不可錯過的好去處。

間餐廳安排客人入座極為混亂，當時有等四人枱同大量等二人枱既客人，餐廳堅持先安排四人枱入座，令二人枱客人一直等，等左兩個鐘，等剩二人枱既客人，二人枱先被安排到，情況唔理想同公平。餐廳服務贊素中規中矩，送餐速度好唔一致，叫左碗面同飯，個面食完仲要等先有個飯，雖然理解唔同既餐點需時唔同，但隔咁耐既情況都幾唔理想。餐廳門外不時有客人不滿等候時間太長，外賣送遞人員同餐廳職員溝通混亂，令用餐體驗一般，加上餐廳定價進取，不推薦。

知道一直想去嘅泰菜店响坑口開左新分店 去開嗰就即刻試吓啦 新分店裝修舒服擁有社交平台木系簡約風 帶有泰國風情落單方面，QR code落單快捷方便首先當然食佢店嘅招牌海南雞海南雞有附送冬瓜湯 清清哋唔錯海南雞好滑，而且無骨嘅仲配上雞油飯 加埋海南雞嘅汁醬料一股股滋味在心頭黃咖喱牛腩黃咖喱只有微微嘅辣非常啱我哋唔食得辣嘅人士帶有椰香。而且有啲洋蔥青紅椒薯仔好豐富。牛腩都係炆得好腍泰式海鮮炒粉絲有蝦青口，魷魚粉絲炒得唔會油膩，而且好多蔬菜黃芽白啊唐芹啊好似食咗炒菜咁但有好多海鮮配料好豐富而且有鑊氣添仲叫咗燒咗兩隻雞全翼燒得好香，外皮香脆好味又Juicy 飲品椰汁珍多冰好香椰奶味泰國婆 (將軍澳)將軍澳坑口重華路8號東港城2樓238號舖#Hkblogger#hkfoodie#泰國婆將軍澳#泰國菜

約咗朋友嚟將軍澳食晏，心血來潮想食泰菜，醒起東港城 2 樓呢間新開嘅「泰國婆」。餐廳裝潢簡約，環境舒適，座位闊落，加上以翠綠嘅盆栽作點綴，充滿泰國風情！ 點咗兩款午市精選：香葉肉碎飯配荷包蛋 ($78) 同 泰式乾炒豬肉片河粉 ($78)。肉碎肥瘦適中，辣度啱啱好；煎蛋流心，加上微微燶邊，送飯一流！河粉炒得好有鑊氣，條條分明，入口熱辣辣，肉片嫩滑多汁，再配埋啲芥蘭、粟米仔同紅蘿蔔等，多重口感，夠晒惹味。 另外仲可以用優惠價加配小食同飲品，點咗雞肉串燒 ($12@)、凍泰式奶茶 (+$10) 同 熱柚子蜜 (+$8)。雞肉柔軟濕潤，沙嗲醬唔辣，食落好香花生味。奶茶滑溜幽香，而柚子蜜亦甜度適中，滋潤解渴。加點咗半隻海南雞 ($118)  雞皮油潤肥美，帶油脂甘香，雞肉亦有濃郁雞味，口感嫩滑不韌，加上已經全部去晒骨，食落超爽。甜品點咗客泰式芒果蛋卷 ($45/2件)  做法非常特別，用上煙韌嘅斑蘭薄片卷住甜美嘅芒果肉，再配上香濃椰漿，提升滋味。

想食泰菜，見到都多人食，就入左去泰國婆。餐廳的裝潢舒適，平日都滿座，人氣極高。泰式乾炒豬肉片河粉 $78上桌時，香氣撲鼻而來。河粉炒得非常滑，調味剛好唔太鹹，豬肉片嫩滑入味，整體口感層次分明。泰式海南雞飯 $82雞肉質滑嫩，搭配上香氣四溢的雞油飯，加上醬汁，簡單但味道出色，滿足！串燒拼盤（雞牛豬 各兩串）$98每一串肉都烤得恰到好處，外焦內嫩，配著泰國醬汁，味道更上一層樓。芒果糯米飯，$68呢個甜品真係唔可以錯過！糯米熱辣，香甜軟糯，搭配上新鮮的芒果，每一口都讓人陶醉。椰汁珍多冰 $38椰汁的香氣濃郁，清新可口，正