泰國婆

營業中

休息中

東港城好有人氣嘅泰國餐廳，泰國船麵、海南雞、串燒、冬蔭功都有齊，定價合理而且質素唔錯🎈泰式冬蔭功湯冬蔭功湯裡面有蝦、雜菌及多種泰式香料集酸、辣、香於一身，辣度溫和大部分人都接受到🍲酸度辣度平衡得好好，仲帶點椰奶香甜，層次豐富🎈泰式船湯河船河超正，湯底濃郁而唔會過鹹，食到多種泰式香料獨有香味，河粉索晒湯汁味道夠晒入味配料有牛肉、牛丸、炸豬皮，估唔到香港都食到咁高質嘅船麵✔️🎈明爐烏頭烏頭原條上，唔會太多骨絲，懶人友好👍🏾湯底酸酸辣辣帶點香料味，窩底仲有椰菜，好啱送飯🍚🎈 泰式咖喱雜菜配薄餅咖哩汁香濃帶椰香，蔬菜掛晒汁好惹味，當然要配酥脆薄餅一齊食🎈芒果糯米飯必點嘅甜品，糯米飯有紅糯米及白糯米，加上椰漿，好難抗拒🎈泰式芒果蛋卷幾特別嘅甜品，以煙韌斑蘭糕卷住芒果，簡單但好味🎈泰式奶茶 統一甜度、甜度，茶味香濃飲到泰色奶茶獨有香味

叫咗個海南雞飯同船麵，味道還可以，不過偏鹹，環境一般，價錢偏貴，服務偏差，只會食一次，午餐餐牌選擇不多，只有五至六款選擇，平均價錢七十幾至80幾蚊，另加嘢飲$10凍檸茶，如果青檸梳打好似加$18 ，平均人頭消費$100午餐的服務質素和食物質素，可以有更多選擇，所以不會有下一次服務差嘅原因係因為用QR code下單，在他的頁面是沒有反應，所以叫其中一位職員幫忙下單，那個人是着便服的女士，應應該是經理或老闆，她不耐煩的幫我們下單，所以最不值得的就是需要+1服務費，連下單的服務都不能提供給客人，為何需要+1服務費呢？

今日去咗坑口站東港城新開的泰國餐廳。比較少去東港城，在二樓一角找到這間餐廳，而朋友已坐下等我了。餐牌都有幾多選擇，兩點半後還有下午茶餐。餐廳裝修有泰國風情，座位間也寬闊舒適。我和朋友點了套餐、魚和甜品，價錢公道，食物不錯。🏅泰式黃咖哩牛腩飯（$88）牛腩和薯仔都炆得軟腍入味，黃咖哩充滿椰奶和咖哩香味，是下飯神器。🏅迷你牛船河（$52）雖是下午茶迷你版，但牛丸、牛肉片和炸豬皮的份量不少，湯底色澤深沉， 味道香濃，帶有羅勒的芳香。🏅鹽燒鯽魚（$128）燒得很好，肉嫩有汁，加上鯽魚新鮮細嫩，配上香料，非常滋味。🏅芒果糯米飯（$68）泰國芒果清甜，雙色糯米軟糯，香濃的椰漿上還加了炸綠豆，非常正宗呢。🏅黑糖龍眼冰（+$10）🏅泰式奶茶（+$10）🏅泰式西米糕（+$6）

{泰國婆美食之旅 - $365}要講下坑口最近另一個新阿婆！繼上海婆婆之後，泰國婆出現，主打正宗泰式老風味，完全無令本麻甩失望，而且性價比唔錯，值得推介！♦️泰式船湯河上碟第一感覺係好足料，豬肉丸，牛肉，炸豬皮，每一樣都好多，湯底濃濃，比起泰國一碗碗嘅小船河，呢度係大大碗，滿足大食仔嘅要求！♦️泰國婆炒飯係泰式嘅臘腸腸蛋炒飯，臘腸煎到微微焦香，配合熱香濃醬汁嘅炒飯，成個飯充滿住泰式街頭惹味嘅感覺，令本麻甩好想即時飛一轉泰國！♦️泰式炸蝦餅大大件6舊炸蝦餅，勝在即叫即炸熱辣辣，蝦餅都係預計中好味，不過再正在黃色泰醬，同平日泰式辣醬唔一樣，但又同蝦餅好夾！♦️泰式燒牛扒之前喺尖沙咀食咗一個泰式燒牛扒，一試難忘，但呢度竟然食到同一番風味，微微焦香，超濃牛肉味！而且價錢仲平一截，性價比相當唔錯！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #泰國婆 (將軍澳)將軍澳坑口重華路8號東港城2樓238號舖

中伏冬陰功湯上枱，個湯好似淨係得湯 ，湯裏面只有一隻蝦，及幾塊菇， 及一些香茅香葉等，其他啲什麼都沒有， 一開二嘅車厘茄有5至6粒， 成惠98元未計加一， 味道正常， 不過食完非常之口渴，唔會有下次，

🚇坑口東港城新開🎊嘅呢間泰國婆十分之人氣鼎盛🔥，係幾高 CP 值嘅地道🇹🇭泰國菜館。泰式🥥椰子沙冰入口綿密，椰香味足👍又唔會好甜，十分之清爽🤩。串燒🔥拼盤有雞、牛同埋豬可以自選，我就揀咗各✌️兩串，火喉十足肉質仲好嫩🥰，加上惹味嘅沙嗲醬，🤤開胃又好食！泰式🇹🇭黄咖喱牛腩加15蚊💰仲可以配埋雞油飯🍚，咖喱香甜唔會太辣，牛腩煮得都幾腍😋幾入味，配埋好香嘅雞油飯十分之夾👍。鹽燒烏頭🐟都幾大條，肉質肥美焗得啱啱好👏，加上鹽燒嘅鹹香，入口又嫩又鮮味😍，如果沾少少泰式🌶️辣汁就更添一份泰式🇹🇭風情！

最新天氣開始轉涼想食啲辣野，見到東港城開左間新既泰國菜，就約埋屋企人一齊去試下啦！泰式冬蔭功湯 $98揀左正常辣度，辣度適中唔會食到出哂汗，反而酸味幾出，非常開胃，再加埋有車厘茄，秀珍菇，等等既配料。最後仲有大蝦，大蝦既蝦肉爽口彈牙，蝦頭充滿蝦膏，鮮甜甘口。鳳尾蝦炒金邊粉 $88份量都幾大碟，用料非常多，味道酸酸甜甜同樣十分開胃，金邊粉炒得彈牙，最好既就係旁邊會有辣粉，可以自己調較適合既辣度。飛天炒芥蘭 $78呢度既飛天炒芥蘭都有少少辣，不過香味撲鼻，芥蘭亦爽脆。串燒拼盤(6串) $98分別豬牛雞各有兩串，每款肉都嫩滑有肉味，又保留到水份，配合埋沙爹醬汁特別好食。將軍澳美食 #香港美食 #香港必食 #香港探店 #香港打卡 #香港旅遊 #香港必喝 #將軍澳探店 #香港泰菜 #香港好去處 #將軍澳推薦食品

坑口人有福了，有呢間新開既泰國餐廳！#醉貓炒河 💰108 呢個炒河有好多既肉碎粒，炒到好香好夠鑊氣。越食越辣，絕對係好惹味，必試必試✨🙌🏻#泰式青咖喱雞 💰88 咖喱類除咗加錢有白飯選擇，仲可以有雞油飯、蒜蓉包同埋薄餅嘅配搭。加咗$38配薄餅，有好多塊，牛油味好香。青咖喱唔算好辣～#飛天通菜 💰78 次次食就泰國嘢，離不開都必叫呢個飛天通菜。好夠鑊氣！#泰式椰子沙冰 💰38 飲品都好多選擇✨食辣飲啲清爽野就岩哂～～#芒果糯米飯 💰68 有黑糯米同普通糯米，好夠煙韌。芒果🥭份量都夠多，甜甜der~

泰國婆進駐將軍澳東港城正式開張短短一個星期晚市就已經大排龍🫨🫨🫨泰國婆的確為坑口嘅朋友帶嚟多款香濃惹味嘅泰菜當中包括招牌泰式燒豬頸肉、海南雞飯、特色船麵、串燒小食等等今日就試左佢地嘅皇牌船麵🍜泰式船湯河沙底由多款材料熬製而成濃郁得黎唔會好咸河粉幼滑配料有牛肉片、牛丸同炸豬油渣仲有大量通菜同九層塔做配菜個種風味真係夠晒正宗🍤泰式拼盤入面有蝦餅、魚餅、春卷、雞翼各兩件即叫即炸夠晒香口🦐鳳尾蝦炒金邊粉鳳尾蝦新鮮彈牙用豆乾芬菜金邊粉都幾惹味旁邊有辣粉同花生碎更添滋味🧋泰式奶茶🍹黑糖龍眼冰兩杯飲品都唔錯雖然冇少甜少冰等選擇但味道都好適中👍🏻泰國婆 (將軍澳)將軍澳坑口重華路8號東港城2樓238號舖

💡值得一試的泰國風味呢間最近係將軍澳開左分店，終於唔洗去到咁遠都有得食，餐廳裝修好有泰國風，環境舒適，當日去到已經要排曬隊。🐂泰式黄咖哩牛腩配油飯 咖哩香濃，牛腩煮得軟嫩得剛剛好，入面仲有薯仔，洋蔥及三色椒，令到味道更清新。🥓泰式豬猪頸肉 🔥燒豬頸肉外焦內嫩，香氣撲鼻，加埋特製醬料，特別惹味。🍢串燒盤（牛，羊，豬6串） 🐑🐖串燒有牛、羊、豬，各有特色，每一串都烤得剛剛好，肉質鮮嫩，香料的味道好吸引，啖啖滋味。 🍦泰式街頭椰子粟米雪糕 🌽雪糕真係令我驚喜！椰子的香甜同粟米的味道融係一齊，滑滑的口感令我瞬間感到清爽，而且加入糯米飯，好有口感。🧋泰式奶茶 最後黎一杯泰式奶茶，濃郁的茶香搭配奶味，甜度剛好，岩曬夏天飲。

喺坑口有間泰國餐廳，真係唔可以錯過！呢間餐廳提供嘅菜式色香味俱全，無論係串燒定係湯麵，都令我回味無窮。首先，佢哋嘅豬牛羊串燒絕對係明星菜式，各種肉類都經過精心醃製，味道入味又多汁。每一串都烤得恰到好處，外焦內嫩，配上特製嘅醬汁，食完令人一口接一口，根本停唔落嚟。而泰式豬頸肉就更值得一試，肉質鮮嫩，配上獨特嘅香料，口感豐富，唔會過於油膩，正好可以喺熱天享用。再講講雞髀咖喱湯麵，湯底濃郁，咖喱香氣撲鼻，麵條滑順，雞髀肉質滑嫩，食落去溫暖又滿足。最後，唔好忘記試佢哋嘅芒果蛋捲！甜品部分一試成主顧，清新嘅芒果味同蛋捲嘅酥脆口感完美結合，令人一口接一口，甜得剛剛好。整體而言，呢間泰國餐廳無論係環境定係食物，都令我感受到泰國嘅熱情。真係一個值得一再回訪嘅好地方！

香港人熱愛泰菜，所以各區都有不少隱世之泰菜選擇，之前喺屯門食過泰國婆，竟然喺坑口站東港城裏便都開咗一間分店，水準穩定而且菜式繁多，有D仲可以打卡添 ，例如我每次去泰國都會食椰子粟米雪糕，佢呢度都有，好多九龍城嘅泰國菜舖都冇㗎😁每次泰國菜基本上都係十居其久叫嚟叫去都係嗰10樣8樣，大家可以參考我嘅例行菜單泰式生蝦、冬陰功湯、明爐烏頭、青咖喱雞、蒜蓉多士、肉碎煎蛋飯、泰式奶茶等等 ，今次冇叫木瓜沙律🥗，因為想試吓佢嘅炭燒牛扒，冇令我失望，如果可以再辣啲，我就會更高興😂