影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
【屯門Vcity高質泰國菜🇹🇭GrandmaThai】-今日要同大家介紹呢間係屯門Vcity非常高質嘅泰國餐廳『🇹🇭GrandmaThai』😳佢係少有係大商場食到好味正宗嘅泰國菜！地址仲好方便屯門站一出去就係😝推薦❤️🔥-😋鳳尾蝦炒金邊粉🍤$88+1點樣為之一碗好食嘅Pad Thai😁就係要酸中帶甜🌶️再有辣椒片嘅香辣😙呢碟就做到啦！加埋青檸🍋🟩同花生碎🥜味道更加豐富～仲未讚完🥹佢啲嘅仲好大隻彈牙🦐must encore!好味指數：🌕🌕🌕🌕🌗-😋泰式船湯河🍜$78+1唔講唔知正宗啲泰船河個湯之所以咁深色係因為摻入了豬或牛血，飲落鮮濃帶甜🤣雖然唔知呢碗有冇落到🩸🩸但個湯係真心好飲嘅👍🏻仲可以自己加調味料🧂船麵入面有牛肉片、肉丸、炸豬皮條、芽菜同埋通菜🥰食落都唔錯😌好味指數：🌕🌕🌕🌕🌗-😋泰式燒鮮魷魚🦑$98+1魷魚烤過後香味十足🤩小編好鍾意佢將魷魚筒切到細細塊🙂↕️食落更加Q彈😏點埋個酸辣醬就更過癮！好味指數：🌕🌕🌕🌕🌘-😋泰式菠蘿刨冰及椰子刨冰🥥$38杯+1呢兩杯味道還好😗但夏天飲就好消暑啦🔥🔥好味指數：🌕🌕🌕🌕🌑-📍泰國婆 屯門：鄉事會路83號V City 1樓L1-2B號舖將軍澳：坑口重華路8號東港城2樓238號舖💸人均消費：$190
繼續閱讀
午市經過商場想食泰國菜🇹🇭咁啱有位就二話不說即刻入座今次點咗餐廳推介嘅「泰式冬蔭功海鮮🦞湯河」我習慣第一件事即刻試吓個湯底先😋十分足料！味道酸酸甜甜得來又帶點微辣🌶️夠哂濃郁！河粉口感幼身細滑，每條都能浸滿冬蔭功湯，入口十分好食；另外食材還有蝦、魷魚、青口及菇菌等等！賣相吸引又豐富～～✨必叫✨泰式菠蘿🍍刨冰🍧炎熱天氣下叫呢杯刨冰真係夠哂解渴👍菠蘿鮮甜美味‼️夏日之選‼️
繼續閱讀
喺屯門V city呢一層8成食肆我哋都食過晒！呢間係未食過而好多人排隊嘅泰國菜，份量非常多，唔怪得咁多人去食！▫️▫️▫️▫️▫️▫️▫️▫️▫️▫️▫️▫️▫️🍢泰式街頭豬肉串燒（3串）第一口已經嘩一聲，好腍好入味，而且非常大嚿唔似得某啲泰國菜，燒到好乾！呢個保持好多肉汁出邊仲有少少燒完收汁嘅面！🍜泰式冬陰功海鮮湯河本來想叫個冬陰功湯飲但又怕太大碗，食唔到其他嘢，但又想食個河粉，所以就Max埋咗冬陰功湯河，嚟到又係超大碗，冬陰功勁好飲，一啲唔過辣唔過酸，好重香茅味，粉有剛剛好唔會太爛，平時可以就咁過嚟食冬陰功湯河都得！推介🙌🏼🍲泰式青咖喱雞+ 🍛雞油飯我自己本人就唔係太鍾意青咖喱，但呢個唔錯青咖喱嘅椰香啱啱好，而唔會整到個咖喱汁太稀，尚算係我心目中鍾意食嘅質感，配埋油雞飯，簡直一流，油雞飯嘅雞油香非常香，配埋青咖喱成個配搭另一番風味！🍨泰式街頭椰子粟米雪糕 開頭以為呢個睇個名，就咁椰子雪糕加啲粟米，點知係個底有糯米，OMG，椰子雪糕勁濃椰子，配埋粟米好有咬感，仲有一啲椰子絲，成個配搭好解咸，食完重味嘅嘢係要食一個甜品，我覺得呢個好食過芒果糯米飯！嚟到必叫🙌🏼🥗泰式柚子鮮蝦沙律柚子肉勁多成碗都係，腰果脆嘅，同埋有蝦夠大隻，數量亦好多，每兩三匙羹都有一隻蝦，開胃醒神！
繼續閱讀
泰式肉碎生菜包（走辣）🥬$88佢哋呢一個生菜包嘅肉碎，肥肉嘅比例比較多，所以食落零舍香口😍海南雞（半隻）🐔 $118海南雞嘅雞肉好滑，而且真係有雞味，拍得住平時專賣海南雞嘅餐廳！另外值得提一提佢哋嘅醬汁，味道好好，為成碟海南雞加咗唔少分！☺️☺️鮮菠蘿海鮮炒飯🍍 $88講起泰國菜，當然唔少得菠蘿炒飯，呢一個海鮮菠蘿炒飯嘅海鮮份量都幾多，旁邊仲有新鮮菠蘿肉，而且炒飯嘅份量都幾多，整體都幾有誠意！🫶🏻🫶🏻泰式乾炒豬肉片河粉 🐷 $78呢個炒河粉睇個賣相就知佢夠鑊氣，又係大大碟，絕對係平靚正之選！
繼續閱讀
平日夜晚約左朋友三個人去食泰國田野，原來唔洗行到去置樂，v city 都有得食，門口就見到有霓虹招牌，都幾靚。泰式春卷炸得金黃通透，外皮好脆口，內餡粉絲混雜菜絲，蘸泰式辣醬，三人分食三件岩岩好。 街頭豬肉串燒即點即烤，一定要襯熱食，凍左可能會食到肥膩咁，再蘸辣醬（帶香茅酸辣）風味瞬間提升。柚子鮮蝦沙律 - 全晚代表作→ 三隻大蝦彈牙新鮮，柚肉飽滿零苦澀 → 醬汁酸甜微辣平衡完美，腰果碎添脆度 → 份量慷慨，三人分食仍覺得柚子好多肉碎生菜包 - 中規中距生菜葉新鮮脆嫩，肉碎炒到乾香但冇油漏出黎，九層塔香氣突出。自包時生菜夠大不易穿，附薄荷葉加清新味道。 鮮菠蘿海鮮炒飯原條菠蘿上枱，證明用新鮮水果，果肉挖出炒飯不酸澀，提子乾意外地不搶戲。海鮮給得大方：兩隻蝦＋兩隻青口＋魷魚圈，炒飯鑊氣足而且乾爽，如果可以多啲肉鬆仲好。
繼續閱讀