泰國廚子

營業中

休息中

已經食過十次有多， 因為在附近返工，lunch好方便，但佢地間中出食物都等得幾耐下，唔知點解最鐘意佢d咖哩汁，全部都唔辣，少少甜，cream cream地！岩晒我最鐘意係青咖哩！配乜都好味，豬牛羊，第2 係豬手飯， 肥美的豬手，豐富的骨膠原，滑滑的，帶有油香味。一個人食會太飽，通常都係互相share比較好。第3就係海南雞飯，下次有機會就post返張相啦。飲品方面，有獨特的泰國奶茶，感覺有少少朱古力味咁，其實都係香港奶茶好味好多而服務態度就普通啦，都係個別的侍應怪怪的，有時嬲嬲地，或者扮睇唔到客人舉手叫。男經理就好積極主動，nice.

要在迎海薈找美味食肆不是易事。今午來到泰國廚子點了兩款非泰式食品，確不算是明智之選。海南雞飯賣相吸引，雞肉嫩滑，黃薑飯色澤鮮黃，但飯質略硬。干炒豬排烏冬，賣相一般，只有少許紅蘿蔔點綴，其餘的食材都是單一顏色--深啡色，味道非常咸。

馬鞍山又叫美食沙漠，當然我會周圍搵下有咩好食啦！好似迎海呢邊除左屋子我成日幫襯外，都冇乜試過其他，今晚就試泰菜啦！其實我覺得喺呢邊食飯都幾relax，可能人流唔多啦！坐餐廳出面檯有好處，因為單邊sofa唔會好嘈，可以靜靜地傾下計。泰式鳳爪都幾爽彈，如果酸多少少就更好啦！唔夠惹味啊！辣椒膏炒蜆，蜆肉都夠大粒，但可能我重口味啦！覺得唔夠辣同咸啊！泰式金邊粉好味，唔油炒得夠乾身，金邊粉又夠幼，最好味係呢碟啦！再整多碟豬手，嘩。。好多皮啊！見到都飽啦！個豬手皮太稔，如果有多少少煙un口感更好，有啲人中意入口即溶，但我唔係喔！味道方面又係偏淡口的，唔係重口味的朋友可以黎試試。

嚟烏溪沙食午飯諗住試下泰菜咁岩就有一間係左近，好就你啦去到等左十五分鐘先入到去（星期六無計）見到餐牌有冬蔭公xx就你啦食完覺得伏左，冬蔭公唔辣偏酸、海鮮除左青口有少少味道其他係無味，仲有烏冬同冬蔭公同床異夢份量仲要係用左5分就食哂，岩哂細食的女仕不過杯檸檬茶有驚喜，飲落同平時茶記唔同，有少少酸好似話梅咁，令到你飲完有種好似身處係泰國海灘吹住海風咁，仲有茶應該唔係茶記用開的紅茶，顏色偏淡，味道配不知名果就岩岩好

人稱美食沙漠既馬鞍山，由其銀湖呢邊，得稻香同百分百，而家有迎海之後就多好多選擇，其中一間就係呢間泰國野，午餐40-50左右冬陰公湯底肥牛雞翼湯河湯底唔夠辣雞翼味道夠香，好入味肥牛太熟湯粉吸哂味雞翼豬扒豬扒夠林入味如果可以多d菜就好咖啡偏淡奶茶味道幾特別，但茶味唔夠