泰國美食 (已結業)

呢間泰國菜餐廳已經唔係第一次幫襯，每凂都係叫外賣，可以先打電話黎落咗柯打先，之後再去拎。今次叫咗串燒、泰式拼盤、泰式濕炒海鮮炒泰粉串燒叫咗豬牛雞各一串，每未水都燒得好香，唔會好un,串燒一定要配沙嗲汁泰式拼盤：有春卷、炸咸肉、扎肉、炸蝦餅，炸咸肉第一次食，係將腩肉炸咗，不過有啲硬，味道一般。其餘的就中規中矩泰式濕炒海鮮泰粉，一打開個盒，哇多到滿瀉，材料主要係青口同蝦，可能外賣關係，凍咗，啲粉有啲一舊舊，但味道係唔差的呢間泰菜可謂大件夾抵食，以屋村小店黎講呢個價錢有呢啲質素已經唔差

一間努力工作的小食店。老板娘勁努力在廚房內工作。份量甘大，價格算平……真係得佢可以。它的堂食只是有4張小桌，但好少時間滿座。相對食客買外賣回家居多，再慢慢品嘗。而我就堂食和外賣也有，食了好多次。老板和老板娘也對我十分客氣。它的餐牌所有食物也可以加錢跟小食和飲品 做餐。上餐速度正常！！！餐具用一次性的，所以一定清潔。我今次是食海南雞米線。 有3種辣椒粉選擇。(河粉時常買哂，應該最受歡迎)汁湯好好味……因為湯下了大量香蒽！肉類品質合格！雞件偏瘦連皮，所以有好多雞油在湯內……但小肉，但+分入味米線……分量勁多！仲有小量菜！！再看一看價錢……再看其品質……總分有80分！勁超值

蒜蓉炒翡翠苗。這個菜我覺得比較有特色。首先他們用很香的蒜蓉炒 非常有鑊氣,最啱冬天食。其次翡翠苗很新鮮,就好像農夫剛剛收割好一樣，吃出那份真誠及誠意。海南雞飯這是我阿姨的最愛，她年紀比較大。已經冇牙，但係仍然能吃到他們的海南雞飯，主要是雞肉嫩滑無骨，很多餐廳也做不到。覺得唔錯。

叫左兩碗河粉一碗勁多香菜 一碗一條香菜都無第一次食到咁難食既札肉湯又無咩味河粉又勁散不過真係超大碗 😂大得好誇張..........沙嗲串燒 個汁真係難食到嘔泡甜到以為花生醬串燒好可怕。賣相又核突唔會再食第二次...太可怕了.............呢間野全部食物都係大但係唔好食估唔到一碗河粉可以做到咁難食真係刷新左我既三觀不過佢做既sizes 真係超巨型分量我諗正常人都唔會食得晒............

夜晚八點幾想食凍檬，去到老板話賣晒，叫我試凍米線，話幾好，於是試下，又唔錯哦，其實只系檬粉轉米線，其他配料系一樣嘅，上面系凍米線，上面系岩岩炸起嘅豬扒，好味，不錯，值得試下。

老公今日去買外賣！見到泰國野食！！諗住試試！一向都覺泰國野食唔差！叫左一個菜一個炒飯！點知回到家一打開個盒！呆左⋯⋯⋯係真係野食好大份！但好求其⋯⋯⋯⋯個菜汁流到成個紙袋都係！由其個菜！叫左個炒雜菜！點知係通菜+白菜+香菜？真係第一次見！可能我見識少！大肚唔食得通菜會抽筋！真係多到食唔到⋯⋯真係放棄個香辣肉碎炒飯！真係滿到瀉甘！但真係勁多紅色辣辣皮，又有白飯炒得唔均勻！又無半點肉碎！香葉都好多添！無言⋯⋯⋯⋯真係唔會幫襯

我叫了印尼海鮮炒飯（ 加辣）很好味，返到屋企開了個飯盒滿寫..............................

泰式豬頸肉湯泰粉 ($27)轉冬蔭功湯 (+$7)凍泰式咖啡 ($15)以前中學🎒成日食既一間泰國菜館，平得黎味道唔錯👍🏻而且份量多，岩哂學生哥👧🏻👦🏻(押韻?😂)畢左業差唔多4年都冇咩點加過價😳仲係廿幾蚊碗泰粉!!!仲可以係邊度揾?🤔講講食物味道先，冬蔭公湯濃郁👅偏椰奶味，比起平時飲開個d較杰身同味道冇咁刺激，都算唔錯💁🏻泰粉正常，不過不失啦~豬頸肉🐷夠厚，食落幾爽口，而且豬頸肉數量都唔少，好抵食呀🤗泰式咖啡☕️味道特別，好難揾到一個貼切既形容詞😂只可以話冇乜咖啡味，同埋好甜👄唔係個個人都接受到佢陣味，我個人就幾中意啦😎

今晚唔想食飯，兩公婆去食下小食， 叫咗個泰式鳳爪 ，唔太食得辣嘅人啱曬，我貪佢夠酸少少辣， 仲要有好多隻唔似出邊七八十蚊一碟 ，都數唔夠十舊鳳爪， 豬牛雞各一串燒 ， 雖然睇得出佢係炸嘅 ，但係都好大串， 我最鍾意食佢淋喺串燒面嘅 沙爹汁 甜甜地 幾嘢味 ,雞翼泰粉， 雞翼夠入味, 呢餐都係百一蚊有找， 平時如果同埋啲仔女嚟食 ，只係加多個蝦醬炒飯已經夠 ，因為真係好大碟， 真係抵食嘅泰國菜

今晚食泰式野食^^再支持小型自家食店！我係海南人，平時食既正宗海南雞係用雞油煮飯，雞油係海南雞既精髓！我想知道如何泰式法😂😂so interesting!! 冇錯，真係用雞油整! 賣相超好啊好吸引(╯з╰) 但d飯食落就失色了，味道好淡，超少油香😕😕d雞不是海南雞，但好食既^^😕😕是虛有其名的! 香港好難食都真正海南雞! 個飯好多菜，幾健康! 而個汁醬就一般般了，唔香既😂😂

大約1年前曾經吃過這間餐廳，味道不錯。今天又再次吃這間餐廳，怎料……食物水準差了很多，很難吃！我叫了菠蘿海鮮炒飯，炒飯很乾，飯太淋！而且太多油，炒飯配料味道很差！十分難吃！另外，我叫了泰式雞扒炒金邊粉，炒金邊粉完全不像炒金邊粉！完全不像炒過，好像湯金邊粉，味道又差。雞扒煎很太久，太（鞋）了，完全不好吃！另外又叫了香茅雞翼，雞翼煎得太久，有點燶，又太多油，味道一般。相比其他食物，算是比較好的了。最後叫了泰式蝦餅，蝦餅太油！真的很油！味道一般，相比其他食物算是比較好了。等待時間方面，我叫上門外送，餐廳只是在家中樓下，但都要等待接近一小時！太久了！價錢方面，食物不算太便宜，菠蘿海鮮炒飯$43，泰式雞扒炒金邊粉$40，泰式蝦餅$42，很貴！香茅雞翼$36。2人吃了$165，但很難吃！總結來說，食物質素差了很多，十分難吃，不會有下次！

喜歡小店的親切，今天就幫襯了這家平日排長龍的店舖。三號風球下，食客少了一點，老闆很友善加開了一張摺枱，讓我們可在冷氣下享用晚餐。點了以下3款1. 手撕雞+咸脆豬肉 金邊粉 $27手撕雞很多又幼細、豬肉脆脆的不太咸、「粉」量很多2. 海南雞 金邊粉 $24海南雞很滑、老闆很捨得給雞翼、雞脾位等等多肉部份、「粉」量很多，兩個人都夠食。3. 馬拉盞炒通菜 $38份量又是比外面餐廳的多很多，菜炒得青綠又多蝦米。總計$89會繼續支持，希望咁平嘅價錢可以頂得到領滙的貴租！

門面極為簡陋, 但甚得街坊青睞. 除了是因為區內並沒有其他泰菜館選擇, 其二是價位是街坊價, 晚餐幾十元就能搞定了! 點了一個雞排湯金邊粉, 才廿三元, 加一客一人份小食再加飲品一杯才只要加十五元 (即是總共四十元), 現在區外真是再找不到如此親民的價錢了! 雞排湯金邊粉- 雞排炸得有點過, 外皮呈現焦黑的顏色, 幸好只是雞排一部份焦了. 雞排是預先炸的, 收到客人的order後才把雞排丟入湯中翻熱, 以致雞排不夠酥脆, 又帶點韌, 唉!!!屋邨小店不能要求太多, 始終廚房太小, 訂單太多. 幸好雞排的調味不俗, 香茅味濃, 彌補了一點質感上的缺失. 金邊粉份量嚇人, 感覺上像下了兩個麵餅似的, 吃極也吃不完. 金邊粉有濃郁的米味, 這個味道是我第一次嚐到的, 金邊粉帶些韌性, 煙韌有質感. 置於湯中很久也不會變腍. 以小店的水準來講, 合格以上了!蝦餅圓鼓鼓的, 極為可愛, 蝦餅沒有炸得過透的毛病了, 金金黃黃的, 炸得剛剛好. 咬下去, 外皮香脆, 內裡則極為Q彈, 好像在兩排牙齒裝上了彈簧一樣. 蝦的鮮味滿溢, 除了蝦, 還是蝦, 好像沒有加添其他的外來物似的. 附上泰式酸甜醬,

而家嘅泰國美食係已經轉咗手。都有食過幾次，食物都係一般，但未至於難食。今次先寫食評，係因為今次試咗香茅雞翼撈檬真係好難食！平心而論，雞翼其實味道不過不失，但竟然3隻當中有兩隻係裏面炸唔熟！最大件事係撈檬個汁，倒咗落檬粉度，食第一啖，D醋味簡直係酸到有D搶喉，由於係外賣，簡直有怨無路訴！即刻倒晒D汁，飲水，再試情況都未見好轉，最後都係放棄，倒晒。飲咗成2杯水，隔咗一小時之後，口中仍然覺有陣醋味！以後真係寧願行遠D食，都唔會再去。

住喺附近，己經黎過用餐迥幾次，覺得十分扺食，要來這裡推一下．呢度除左有賣泰國食物外，早市仲有粥粉餐食，都係廿蚊唔駛就已經有齊粥品且腸粉．今晚同朋友來用膳，點左蝦頭膏炒飯，辣椒膏炒鮮，生菜包豬頸肉，三串串燒，魚蛋牛柏葉各一串．這裡的炒飯炒粉份量都算多，如果胃口唔大，可以兩個人share．始終是街坊生意，所以環境和服務都不能奢求，當晚得老皮和一位阿姐喺樓面，滿座情況下，點菜和埋單都要等一陣，但幸好上菜速度不慢．另外呢外食下午茶都好扺，三點至五點期間，湯粉麵，除扎肉款外，都會減五蚊！最平十五蚊就可以叫到一大碗！