泰國BBQ

營業中

休息中

星期六晚想食泰國菜,便再光臨此店, 今次一進店便叫了鹽燒側魚..因為要等..生菜包這個普通不夠辣, 酸辣海鮮湯,這個很開胃,但我們還是覺得冬陰公好味些, 黃金蝦,這個不成很多粉, 另外叫了4串串燒這個依然好味..最好食便是燒魚又抵,今次我們都沒點生蝦因為上次吃完肚痾…送了糖水還叫了青檸冰加可樂埋單179算抵..不過不知是否天氣凍人人都打邊爐,少了很多人….

星期日, 都差唔多八點, 之前都有睇過有唔錯既食評, 都想試一吓, 仲以為要排隊, 好彩唔洗, 入座後好快有人招呼, Menu都算多野揀,有好多個套餐, 二人三人四人.....但都係差唔多係O個D野, 錢都係差唔多, 最後叫左個二人餐, 有冬陰公湯(細), 一個炒粉麵飯, 一個炒菜(馬拉菚or清炒)(只可以係菜心or"own"菜,唔可以係芥蘭)仲有兩杯drinks, thai drinks 加五蚊杯落單後等左好耐好耐....同其他泰式小店一樣好油煙最快係飲品, 泰式飲品, 普普通通, 冇咩特別湯到..佢一次過出左三碗, 應該係等埋一次過做既, 本來想將個冬陰公湯轉做大既, 但侍應話唔可以...仲話有兩碗...結果:都有兩碗仔啦...椰味重, 唔多chili,有好多空間可以再hot D...味道唔錯又一陣, 炒飯到, 叫左菠蘿炒飯, 又係一次出三碟, 有菠蘿粒有肉鬆, 但味比較淡, 唔多出色仲欠馬拉菚"own"菜, 等左一陣, 侍應先行埋黎話"own"菜賣晒, 咪揀菜心囉(冇得揀芥蘭), 菜係最有風味既, 好味但唔開心既係, 本應諗住三樣野一齊到, 但而家係分開晒, 最後兩個人就對住碟菜

星期六夜晚唔知食嘜好.又唔想去咁遠~突然之間諗起美景呢有泰國野食.於是二話不說就黎左試一試佢..其實平時經過呢度見到佢既晚市生意都唔錯.今晚都唔例外.坐滿晒人~我同男朋友兩個人叫左:生蝦刺身($38): 呢個食親泰國野既必選．$38真係好抵食~又好味..佢d汁仲幾辣下!!!酸辣鳳爪: 呢個食完好開胃~唔錯..酸辣湯($28): 成日飲冬蔭公,於是今次試下新口味.男朋友話呢個湯都好辣！個湯一黎到.都好大碗下.足夠3-4人飲用．湯底望落好清~一D油都冇..估唔到飲落真係OK辣.不過辣既程度整得岩岩好..入面又有蜆肉.蝦果D配料.唔錯!泰式炒粉絲: 呢個唔記得影相..個粉絲炒到一D都唔油.平時我好驚食粉粉面.因為驚肥.不過今次食得都好放心!另外.我同男朋友仲叫左杯椰汁冰($10)同龍眼冰($10).埋單$148..平過出面啦!

星期日晚和男友兩個人去這裡食泰國菜.7點已經差不多滿座,我們叫了泰式生蝦$38好辣.但不錯,不小得冬陰公湯$18,正,一碗細的已夠兩個人喝,飛天通菜比較咸了點,不過泰式的是這樣吧,鹽燒側魚,這個$45很抵食,但上菜比較耐,所以建議一坐底便先叫,豬頸肉,雞肉,雞腎串燒各一串,好正,好食過星期六晚去燒烤的那些,再加一碗蠔仔湯飯,一鑵可樂和一杯椰汁冰,兩個人食6樣野真的好飽,隔離檯一家四口都是食差不多東西.這裡的套餐很便宜,2人套餐$70也有,不過要叫炒粉麵飯,我們不想因為試過麻麻地.還是喜歡散叫吃喜歡的東西..