泰國BBQ

營業中

休息中

有晚叫左個海南雞飯食，本來食緊頭幾舊都冇事，後來就聞到有陣酸臭味傳出仲以為係其他屋企傳黎啦，點知到我將最後一舊雞放落口時，就聞到好大陣臭味即刻再聞多次確認，仲俾埋男朋友聞，原來真係舊雞壞咗😭內心os：千千萬萬句粗口！！！！一間舊店居然有壞雞，仲要街坊評價唔太差，果晚就令我對依間泰國店反感（其實比起以前，環境方面已經差咗好多）仲有。。。我本來好鐘意食雞肉，就係因為聞到果種壞雞味。。。時刻諗起都仲會反胃🤢

鋪頭细細間，雖然無乜裝修，外表平平無奇的一間泰國小餐廳，但食物質素很好 ! 專做街坊生意，我已經幫襯過好多次今次3個人去食，叫左一個海南雞飯($50)雞肉好滑好嫩，好味，但飯就唔ok, 完全無雞油飯香~泰式金邊粉($48),炒得好有喺泰國食嘅味道，正! 2串雞腎($12 一串)一碟泰式生蝦($80)香茅雞中翼($58 有8隻), 非常香口2個椰青($30 一個), 清涼解渴，仲有好厚嘅椰肉慢慢食~一罐可樂($10)抵食又好味的泰國餐

以往有幾年經常會在這一帶出現，早一輪都曾經與媽媽來過這間餐廳。但是一輪沒來這邊之後，旁邊的西餐廳原來已經轉了名，不知有沒有易手，由於搜尋時發現美景花園的韓式餐廳好像比較吸引🤔，一心想試韓式餐廳，但是去到竟然發現已經結業。因此，之後還趕着去探望朋友，吾等就來了這一間泰式餐廳，重拾當年的回憶-紅咖哩豬頸肉飯。本來看餐牌，看到海南雞飯，都有點兒想叫，結果還是點了一個紅咖喱豬頸肉飯。海南雞飯，雞肉好像不太肥膩，而且還有兩件是雞胸肉，味道當然比較乾，但又未至於乾燥鞋口。紅咖喱豬頸肉飯，仍然不乏當年勇，紅咖喱汁不算非常多，未至於會將整個飯淹沒，食材價格不斷上漲，豬頸肉當然會比較少，但是質素也不錯，半肥瘦豬頸肉，不像某些泰式燒豬頸肉那麼乾，配合紅咖喱汁，相當惹味。店員那這說沒有了柚子沙律，但是有木瓜沙律，也可以試試。木瓜沙律呈幼絲狀，味道微辣，連吃少了的吾等也胃口大開，店員阿姐還說可以挑選辣度，唔等挑選的是一粒辣椒。所謂的一粒辣椒，就真是這個沙律會用多少辣椒，並非像譚仔一般， 10小辣代表最低的辣度。最後加的肉碎炒四季豆，本人一向不太喜歡荷蘭豆、青豆等等。但是四季豆則不同，四季豆沒有那麼鞋口，質感會

以前係ive 讀書時已經係度食，依家係度住啦當然都成日係度食，點知早排得知轉左手，咁就梗係要黎試下有冇差左，今日lunch就一家五口黎食，我叫左個泰式豬手飯，我老公叫左個海南雞飯，我2個女就叫左碗魚旦河，另加2串燒雞肉腸，1串燒雞腎，1串燒豬頸肉。先講個豬手飯豬手夠淋夠入味，仲好多件Tim,有幾條菜墊底仲有一堆雪菜，好好味，豬手夠多，真係唔錯，呢個係轉手前冇嘅。海南雞同之前差不多，個飯都好香好入味，雞好嫩，同埋會送一個湯 但個湯就好重味精味。燒雞腎：有少少硬身，比較難咬但都好香，上面仲有香茅Tim.燒豬頸肉都好香但一樣比難咬開。珍多冰好香椰汁味，不錯整體黎講都同以前差不多，係價錢加左少少，之後仲可以再黎食。

近呢兩年，一想食泰國菜都會去呢度，一來近近地，二來價錢實惠，三來食物質素真的不錯。都有幾個月冇黎，上星期過黎見到佢冇開門，心諗唔通結業，今次同大少諗住再過去睇多次，好耶~有開門喇！不過，奇怪嘅事發生，7點鐘去到，竟然唔洗等位，平時點都要等1-2張枱喎！入到去坐低，發現唔見以前個泰國老闆娘嘅，算啦，都照落單。叫咗兩串豬肉串燒，兩串牛肉串燒，一碟馬拉棧通菜，一個海南雞飯。先黎串燒，同以前一樣，多汁，我鐘意豬肉串，好香口，同埋豬肉好滑好多汁，牛肉串1有好多肉汁，不過我覺得燒得唔夠香。之後就到通菜，以前佢地啲通菜係泰國運黎香港，因為啲菜係嫩啲嘅，同埋細條啲，但係依家就好老，完全唔爛。最後係海南雞飯，因為太餓唔記得影相，海南雞飯啲雞都算滑，但以前啲飯都好香雞油味，依家好似係得個顏色……失望。同埋細碟咗少少，價錢都調高咗少少。總結~ 可能加租，相對地食物貴咗，質素有少少下滑，唯一串燒仲keep到！

二零零八年經已在此吃午飯，到今時今日，週六的中午，這兒仍然熱鬧。店內仍然沒特別裝潢佈置，簡約的餐廳，連掛畫也不見。 紅咖哩豬頸肉飯，飯不少，豬頸肉不錯，少肥不瘦，但份量遠比之前少，價錢稍為提高至$42。汁醬好像現在酸了些，印象中以往的紅咖哩汁較甜，易伴飯，現在有點兒偏向酸。菠蘿炒飯沒菠蘿上，餸料亦不甚多。 珍多冰、椰汁冰均不須加錢，但其實只是一整杯椰汁，珍多冰就加點綠啫喱般。

星期六仍然要上班，與同事到美景花園找吃的，商場內的食店也試得七七八八，還剩下這間泰菜店未試，就來吃個泰式午餐la.餐廳環境一般，有如一般的快餐食堂，其中有一張超長的飯枱，足夠坐接近十人，這意味著搭枱是無可避免的.午餐選擇頗多，有泰式炒河、咖喱飯以及粉麵等，配上泰式特飲大約$3x，價格合理.青咖喱香茅豬扒飯($38)這碟頭飯飯量很多，青咖喱汁也多，只有微微的辣味，用來拌飯吃最適合不過，薄薄的一片豬扒也算香脆，不過整個飯就較為dry，只有大量的汁和薄片豬扒，連薯仔等配角也沒有，實在有點hea.沙嗲豬頸肉飯($38)同事的豬頸肉飯也是如此hea的，只有數片豬頸肉和大量的沙嗲汁，好一般.龍眼冰甜度不高的龍眼冰清涼解渴，還有三粒龍眼肉，相對hea爆的咖喱飯，這龍眼冰正常得多.我想我短期內都不會到這店吃午飯了.

最近有點心煩 下午找來朋友分享一下心事 晚餐不想去太遠 就在家附近了事 青衣城的食肆實在吃得膩 是晚走上美景覓食二人餐$98 (細盅冬陰公、泰式炒金邊粉、馬拉盞通菜、飲品2杯)細盅冬陰公份量勉強夠二人份 有蝦、磨菇和大量香茅香葉 不太常喝冬陰公 不知是否正宗 但味道挺好就是了炒金邊粉不夠惹味 淡淡的不討好 (真想找回那時在美國我吃過最美味的Pad Thai的味道)通菜則大大碟 不錯飲品包汽水或熱菜蜜 亦可加$8轉特飲 我們點了熱菜蜜和珍多冰珍多冰裡的粉條軟糯好吃 菜蜜也沖得夠濃有驚喜另加了三款串燒：雞全翼、雞肉、司華力腸 ($9-$12/串)串燒應是燒好了再翻熱的 感覺有點乾 不新鮮是晚總消費$143 便宜是便宜 但味道真是一般 沒有讓人回頭的衝動

同frds食晚餐叫左串燒(雞牛豬雞腎)通菜燒雞豬頸肉菠蘿炒飯串燒燒得香而且保持到肉汁唔會燒乾可惜牛肉的確將價就貨($9/串)所以牛肉質素稍遜通菜，菠蘿炒飯係酒樓水準豬頸肉反而有少少乾，但有醬汁點可以彌補返失去既油/肉香燒雞堅好味雖然係燒但保持肉汁唔會太乾加埋啲酸甜醬值得推介!!!五個人，每人$75

由於近屋企每2星期總會搵一日去食, 不論是午餐或晚餐每次都會叫燒鰂魚, 燒得夠乾身夠咸仲要比外面平都只係$70有找但如果有興趣請係一入座或等位時就預先叫定因為即燒需時!另外就係佢既飛天通菜唔係馬拉盞有d 麵豉辣椒好惹味但係唔辣既其他既好似豆腐肉碎湯木瓜沙律,生蝦,咖哩蟹都十分正!最緊要夠平夠正宗!店內全部都係泰國人有d 仲聽唔明廣東話...不過佢地逢星期3休息要食就要計好唔好星期3去啦

完左團契，十個人去食~~一入去...好熟悉的感覺，好似泰國既餐廳~~STAFF應該係泰國人，個Look似~我地八點半左右到，好多人，不過有一個朋友到先~~我地分開五個五個叫~叫左以下野食︰$65 好好食，同出邊食差不多~$30 抵食~~隔離枱叫...$34 呢個堅好食.....叫多左一次~^^仲有菠羅炒飯，夠"獲"氣....隔離都叫左一碟黎食~$50 唔得...冇味~$68 半隻 等左好耐....因為岩岩炸好....好好食,好脆~以下呢個叫左三轉....$12一串 超正....即叫即燒，所以等左好耐~~不過100%值得~加埋沙爹醬，好好食~~~唔似出面個d落金菇肥牛汁~~飲左椰汁冰同珍多冰....都出面差不多~總結︰係朋友介紹，佢地食過三四次，次次都讚好~終於試左，好有泰國既feel,,,,好有親切感呀~~我地住青衣半山都落黎試下....一定再去~~呢次係我第二次去美景花園，原來都幾多野食~埋單先80蚊有找....抵呀~~~

BBQ可選擇的種類不算多因為最近吃多了燒烤和火鍋, 所以祇點了兩串BBQ淺嘗; 燒雞串無論肉質和味道都比較一般, 點了兩碗細份量的湯, 賣$20.00一碗, 但無論是冬蔭公湯還是肉碎豆腐湯的湯料都十二分充足, 而且味道亦無投訴, 冬蔭公應有的鮮蝦, 香茅, 酸辣香料都無一或缺; 肉碎豆腐湯顧名思義一定有肉碎和豆腐, 另外還有清香的唐芹和大量的粉絲及椰菜, 如果真的想清淡一點, 祇點一碗湯再加一個白飯, 已經是一頓不俗的午餐!! 主菜要了青咖哩香茅豬排飯, 另外蔬菜選了欖菜炒四季豆; 青咖哩較為失望, 椰汁味比咖哩味還要重, 但香茅豬排大大件而且夠香口, 以$32.00的售價已經收貨有餘了!! 欖菜炒四季豆的味道亦OK, 肉碎和四季豆的比例剛剛好, 味道不過咸, $32.00大大碟, 全部收哂貨!!青咖哩不合格, 但香茅豬排大大件夠香口欖菜炒四季豆得合格分數

我都未見過一間餐廳可以等外賣等咁耐，一次算數，兩次都忍到，三次或以上只會令顧客卻步有某幾個禮拜日，我都係落街買飯盒番去食，係呢間野多數叫開蝦醬炒飯、鮮蝦炒金邊粉同波羅炒飯，有時更加要幫家人買埋番屋企食，但係叫左有排等!有一次，我係個度叫左個蝦醬炒飯同埋波羅炒飯，我入去叫個陣已經見佢做堂食做到踢曬腳，但係由於家人既要求同自己想食，唯有同佢落單點知我幫其他家人買飯盒後，再行番去佢門口度等從落單後計起半個鐘都未有得拎，我唯有先拎d飯盒回家再落黎等，點知都未有得拎(落單起計足足等左9個字)，我於是發火問佢仲要幾耐佢係咁話炒緊，但係我等左成個鐘(落單後計)都未出到比我，我於是發火問佢，佢都係話炒緊，出面d外賣客都"媽聲四起"最後，我等左一個鐘零三個字先拎到(落單後計)，番到屋企，家父家母都食飽左飯啦野食我一向都覺得唔錯，所以我唔會負評呢間野但係服務水準上真係要好好改善，你點解請多個人番黎唔係幫手睇外賣，只係幫手搞堂食呢?就算你d野有幾好食都好，只要你次次都要等咁耐，就算再好食都只會變成趕客係呢間野有改善之前，我建議大家千祈唔好係禮拜六、日/假期叫外賣，否則只會"比錢買難受"

一直間唔中都有幫襯, 其實除咗鹽燒側魚, 其他食品都係普普通通, 但價錢合理以前食開鹽燒側魚都係即燒,係非常新鮮好味熱啦啦 (可能多人的時侯係即燒). 咁之前試過一次唔係即燒, 係一定食得出,因為翻燒d肉質係完全唔同,同埋條魚尾都係凍既上次已經好唔開心,因為翻燒係完全唔好食既. 唔死心,諗住比多次機會佢, 落order時問係咪即燒,佢話係,點知5分鐘左右就上枱(之前起碼要等20分鐘), 已經心知不妙, 一check之下又係比條燒定既魚我, 又係d肉係凍凍地, d肉汁流失哂. 我梗係唔收貨,但佢竟然死撐係即燒,態度仲相當唔好呢間食店我決定certify佢,永不幫襯.因為太嬲,所以唔記得影相!

記得十年前位於九龍城的小曼谷, 一樣是門前有BBQ Counter, 小店裡面吃泰菜, 入夜大街上都開滿枱櫈, 每一個客人都吃得心滿意足!! 現在已經開了大舖, 門前的BBQ Counter 亦不復見... 偶然在青衣發現了這個似曾相識的組合, 名稱更直截了當地叫Bangkok BBQ, 泰國菜和BBQ兩者都喜愛的我當然沒有不試的道理 下午兩點多, 店內祇有一檯客人, 隨便找個位置坐下, 餐廳的裝修是典型街坊店格調, 很簡單的素色牆壁加上方便移動的枱櫈, 枱上放了筷子筒和擺滿湯匙的膠盒, 放便客人自行取用. 仔細翻閱了餐牌一次, 食物種類不算少, 但BBQ的種類則不太豐富, 可幸是取價公道, 絕對是以服務街坊為大前題的良心小店 因為最近吃多了燒烤和火鍋, 所以祇點了兩串BBQ淺嘗; 燒雞串無論肉質和味道都比較一般, 最多祇能給合格分數; 但另一串燒豬頸肉則要打上高分數, 微脆的外層加上嫩滑的肉質, 咬了一口還會有肉汁在口內飛濺, 賣$7.00一串的串燒能有如此水準, 絕對不是將貨就價的態度, 有誠意的小店!!點了兩碗細份量的湯, 賣$20.00一碗, 但無論是冬蔭公湯還是肉碎豆腐湯的