泰地道 (已結業)

自從金不換總店變左做泰地道,都黎過唔少次.基本上D侍應一樣,裝修一樣,餐牌一樣,連味道都一樣.今次有朋友唔食得辣,所以叫左全部唔辣.四個人叫左:長條蝦春卷,柚子沙律,泰式蠔餅,炒雜菜,椰青焗飯,干炒雞肉河,再加三杯龍眼冰一杯芒果冰.最好食係泰式蠔餅,蠔仔肥美飽滿又新鮮,加蛋煎得好香口,超好食.其次係椰青焗飯,好香椰青味.埋單$41X,食咁多野仲想點.

環境很好座,價錢亦不太貴,食物份量較少,食物味道略嫌不夠入味,但賣相頗吸引,而且用料很新鮮.

公司一行十四人浩浩蕩蕩來食lunch，這裡的位置其實幾偏僻，不過入面裝修得又都幾精緻~先來個柚子沙律開開胃，柚子好清甜，加了椰汁，香得來好醒胃；泰式小食拼盤都係炸蝦餅炸春卷個d，有d油膩；鐵板燒蜿仔好好食，少少lone脆脆地咁；薰魚同魚鬆都唔錯，好惹味，不過魚鬆有少少乾，不過都好快俾人掃晒；同事話呢度d咖哩好好食喎，試過又確係幾得，個人覺得青咖哩比黃咖哩好食，如果有碗白飯送下就更好啦....另外要左兩隻咖哩蟹，雖然無食到，不過見賣相其實好吸引架，隻蟹鬼咁大隻，蟹鉗仲好巨型添~呢度午市仲有set lunch供應，我地點左2個：波蘿海鮮炒飯同炒牛河，雖然只係30幾蚊仲包一杯特飲，但都有落足料，有大大舊蝦青口魷魚....唔會用d"海鮮碎"來欺騙你囉!!!最後要埋甜品，西米糕、千層糕、芒果糯米、木糬各一。有最喜愛的芒果糯米呀，但食兩啖已經好飽喇.......望住一舊舊的木糬更加係投晒降.... / _ \食咁多野(total 14碟再加甜品)，埋單除番一人都唔使$100，真係食得過~ 下次再來試下其他lunch set先~

雖然改左名,不過裝修同菜式同以前都係差唔多一樣.活蝦剌身配料可以帶起鮮味,唔錯.冬陰公湯有爐熱住,又唔好太多香料味,幾好味.香葉雞太大件,雖然佢每件一分為二咁上,但係太乾,麻麻地.燒豬頸肉又係太乾,幾大碟下,但係我地都食剩三份一.鐵板蠔用黎撈飯幾好味.炒金邊粉味道麻麻.芒果汁唔甜,無加糖水,好新鮮,好味.六個人食左9様野,3杯野飲,埋單都係六佰,好抵食.

service very very bad !

成大班人去食飯(八、九個人)，如果唔係個friend帶路，相信呢世都唔知有呢間o野。個鐵板蠔餅好正ar！！但係就細o左o的囉，太多人唔夠分。But anyway 真係幾好食！

豬頸肉幾正!但D食物細碟食唔飽

朋友聚會揀左呢度, 都已經訂定位, 去到都要等三四個字, 印象已經差咁D 啦.....全香港咁多泰菜館, 係九龍城特別多人排隊, 唉....雖然耐左D, 大家終於坐落, host一口氣order晒D 熱門野, 蔭功湯, 大拼盆, 軟殼蟹, 魚爐, 去骨雞亦, 仲有個captain推介既煎魚(最差呢個!). 唔知係咪先入為主, 總係覺得黃珍珍最好, 其他野點都差咁D, 呢間都有番D 得手野, 軟殼蟹同雞亦都冶味, 但唔係樣樣都咁有水準. 收尾埋單, host堅持請客, 見佢千五蚊出左, 唔係找番好多喎....點解出面仲咁多人排隊?

無想到呢間泰國菜館可以令我對泰國菜有番興趣。 <br>椰青冬陰公、無骨雞翼同千層糕好味。菜館室內環境好。

冬蔭公湯用熱爐熱著,D 湯夠哂熱. 湯料足, 味度適中. 另外青咖哩,D 汁好好味, 撈飯正!