泰地道 (已結業)

大家好今晚我和一班朋友到九龍城一間明叫泰地道的泰國菜館食晚飯,一入到去就覺得好有泰國feel及周圍環境好舒服,因為朋友有訂位所以唔使等坐下後點了以下幾款餸,1 炭燒豬頸肉2 咖哩蟹3 蒜蓉飽3 生菜包/雞4 冬蔭公肥牛窩5 明爐烏頭6 串燒/ 豬,雞,牛,魷魚7 炞蝦餅8 飛天通菜9 炒集菜好快啲菜就到, 每個菜都好好味, 好地道泰國味道, 我們問經理廚師是否泰國人, 經理話全個廚房都是泰國人, 除左洗碗阿姐係中國人, 所以好有泰國feel最後叫埋甜品包括1 芒果燸米飯2 木薯3 西米糕好味道,好滿足!!!!!

九龙城泰菜馆很多，吃过泰兰花、金寶、同心、黃珍珍等，要找一間環境好少少，又不太擠的，我相信這間泰地道是首選。泰菜的咖哩蟹、燒烤類的，做得不錯，烏頭、蟹、蝦等海鮮類最重要是新鮮，食材新鮮，就算用最簡單的做法也已經是很美味了。不過這間泰菜個別菜式口味，可能跟平時到吃開的有點不同，比如冬陰功，偏酸少辣多椰奶，好不好喝，真的隨個人口味！所以下單前要跟待應說清楚。或者這叫對家鄉菜的堅持，不變成港式泰菜。個人推介菜式有咖哩蟹（蝦），汁料不稀不杰！配上蒜蓉包和白飯，一流！生蝦刺身，那種蝦的膠質完全可体會出來。燒膳，比較肥美，對日本烤鰻愛好者有另一番体會。有人會說此家價錢比其他地方貴，但我好負責任的告訴大家，貴多少少（約10%）可換黎地方清潔、又唔太嘈同迫！我覺得值得~~~

已經變成我地另一個泰菜飯堂鍾意黎呢度係為左個海南雞, 一樣無令我地失望, 小朋友好鍾意食, 好滑. 泰式炸蝦餅條, 其他地方無, 其實係蝦餅春卷, 不過好脆同加入香葉所以好香. 咖哩海鮮麵包盎, 有特式而且好飽肚. 不過有一次同朋友來叫咖哩蝦點garlic bread仲正. 冰火牛肉, 有特色, 未試過既值得一試. 最後一定要試椰青大菜糕同其他甜品, 大人細路都鍾意.

女友說九龍城舊機場富豪酒店附近，有一間泰國菜館很好吃。九龍城的泰國菜館成行成市，要突圍而出須有些特別菜式，當令女友一吃鍾情，便是宮廷蝦。五隻黃金大蝦上台，可是期望越大失望越大。宮廷蝦醬料中的花生醬味太重，食入口感覺很是油膩。唯一優點是蝦很大隻，肉感一流。女友說這道菜以前十分出奇，但今次完全走樣，不知是否換了主廚？來了一碟失望主菜，接下來是冬陰蝦媽媽麵。甚麼是媽媽麵？原來是平價但味美媽咪麵。雖叫冬陰但又不太辣，可是味道普通，只能說是不過不失的菜式。最後一道菜是咖哩海鮮焗麵包。這道菜賣相一流，附近客人均對此有興趣，但實際另味道如何？沾了咖哩的麵包本應很好食，但可能我們已吃過油膩的宮廷蝦，沾了蛋白的咖哩實令我們有點吃不消。所以下次點菜時，可要平衡不同的菜式。最後埋單為三百多元，這價錢可算是中上價錢。但此餐廳有不少其他獨特菜式，日後尚可再來一試。http://hk.myblog.yahoo.com/chicken-goal/article?mid=2830

I was rather surprised this placed was fully booked, anyway ordered fish stomach soup, stir-fried vermicelli with baby oysters, prawn pot with glass noodles, and prawn paste water spinach.The fish stomach soup was rather peppery and hot in temperature, so it was very hard to taste the soup, until it cooled down, but the peppar taste in the soup stood out the most.The vermicelli was good, silver thread vermicelli, although it could be slighty saltier as there was not much taste to it.The prawn po

朋友生日 OL 女仔 諗住搵間坐得舒服D (果然係靚D)落單問烤牛肉(朋友介紹) 配的汁可否改不辣(因有小朋友在場)侍應姐姐話OK 食物開始黎 冬蔭功湯 - 太多椰奶了 清炒芥蘭 - 味道OK 但冧左D炸蝦餅 - 味道、口感都一般木瓜絲沙律 - 最好味烤牛肉 - 好冧但醬汁竟然是辣的, 即刻問落單侍應姐姐 , 她說係甘的,帷有比豉油,我地話你頭先話有的,宜家竟然話無,她竟然嬲爆爆甘走左去,甘我地以為佢都會比豉油,但一路等竟然甚麼也無比,等左一陣我地同經理(老闆)再講番一次, 他竟然不太在乎不太滿說等一會叫廚房弄,最后再等多好耐終於來了一碟超咸的醬汁, 經理(老闆)亦無再走過來 我地亦放棄了, 正所謂 "上樑不正下樑歪"加單時吾覺意叫番之前侍應姐姐 她竟然黑晒塊面 破壞了整晚的心情

同2個朋友仔聚舊, 見lee度咁高評價, 試下.是次食左:豬頸肉 - 竟是焗的不是燒的? 不香亦不太好吃, 一般冬蔭功湯 - 味道一般, 太多椰奶了, 不夠香媽媽麵 - 名字頗特別的~ 所以叫了, 誰不知一上檯, 未食碟麵已經好似俾人食左幾啖咁, 無左一'忽'? wa...心裡頗不安但也吃了, 味道一般, 沒特別, 叫媽媽麵可能因為是用媽咪麵?!?還叫了椰青同芒果布甸, 其實這一餐我地三個人算食得少, 唔係我地細食或者飽, 而係已經再無心機食下去了, 因為發生的事, 足以叫我們不再幫襯...話說食完之後叫甜品, 叫了芒果布甸, 之後有待應都好手快執檯收碟, 咁我地等食甜品啦, 但係傾下傾下唔對路, 等左成20分鐘喇~ 咁問個經理(應該是經理, 全店最年長的), 我地問經理:"我地叫左個芒果布甸wo, 仲未黎bor." 經理竟然反問我地:"咩你有叫起咩?" 吓?!?!? 甜品要叫起先有得食? 未聽過, 咁過左一陣終於到喇, 又係經理拎過來, 說:"芒果布甸." 但上桌的竟是糯米糍!??!??! 吓? 經理將碟放低之後完全覺得無問題 (最慘唔覺自己錯咩) 我地開口話lee個係糯米糍....

好彩一早訂o左, 因為之後坐坐下都幾多人.打開餐牌, 嘩......都唔識點菜. 因為d價錢實在有d貴. 仲貴過去心.泰.不過冇計喇. 媽咪揀o既點都要食. 六個人叫o左六個餸一個湯.大冬蔭公湯~一個字酸, 冇辣味. 不過都叫做足料o既.串燒魷魚~普通喇. 串燒好難唔好食柚子蝦沙律~我覺得最好食o既一碟. 甜甜酸酸的. 不過份量少得可憐.清炒椰菜苗~真係清炒. 一d味都冇.黃咖哩牛腩~椰味太濃, no good.薄餅~實實的.我自己煎都仲好食過去.菠蘿炒飯~未食過菠蘿炒飯係會用臘腸炒o架. 好唔夾囉. 仲要d飯又冇咩黃薑味. 好差. 腰果仲要係好腍的.整體呢間o野可以bad list佢, 又貴又唔好食. 實在太差喇. 是日埋單$609.

這天我們在此吃了一個簡單的午餐。跟以往晚餐相同，仍然是超讚﹗環境 - 很好，比其他在九龍城的泰國餐廳好。服務 - 不錯。之前晚市因太多人，經理要求我人換一個較窄的位，最近免費送了一客甜品給我們。食物 - 是次因為是午餐，故只點了：(1)清炒椰菜苗 - 想不到的清甜新鮮而惹味。看得出師傅的功夫﹗(2)青咖哩鴨 - 很好味﹗椰汁香濃而又不蓋過咖哩味﹗鴨肉又好味﹗(3)酥餅 - 很柔軟香味﹗其實之前也試過其：(可惜沒有拍照)(1) 炭燒牛柳 - 很好味﹗牛肉味濃又有咬口。(2) 乾咖哩蝦球 - 正﹗蝦很大隻又新鮮，咖哩超香﹗(3) 通菜 - 新鮮惹味又不油膩。(4) 海南雞 - 這個稍稍「鞋」口一些。有待改進。總結 - 是時常也想光顧的泰國菜館。週末最好訂位，因很多人﹗

九龍城一向都係泰國菜熱點，不過一向都只係旺於南角道、侯王道一帶，甚少行到衙前圍道街尾。好彩今日跟媽媽去行一行，發現呢間唔起眼既瑰寶，食左個回味無窮既午餐。呢間餐廳係位於富豪東方酒店附近，由太子道東近迴旋處既巴士站行入去，過斑馬線就到。餐廳門口標榜午市提早埋單有九折優惠，不過有加一，所以早埋單亦即是免加一。午市餐牌有大約十款菜式，包埋冷熱飲品一杯，例如龍眼茶、凍泰國青檸可樂之類，另外仲送埋甜品。未講食之前，都先講下環境，餐廳主色係紅色，睇得出唔係話好貴價既物料，不過塑造出黎既效果好靚。一邊食野，仲一邊播住泰國音樂，尤其是慢歌同情歌，打破左我自己一個固有既觀念，成日以為泰文好粗魯，唱起黎唔好聽，又或者以為十居其九都係「神樂」之類既音樂。全餐飯都有輕鬆既音樂伴住，非常不錯。好喇，以下就係兩母子午餐好介紹：1. 黃咖喱牛尾飯 ($38)食泰國菜，咖喱真係睇到真功夫。上檯時，咖喱牛尾同白飯分開上。今次咖喱汁非常濃郁同勻循，惹味到不得了，全部黃咖喱俾我地要晒黎撈飯。雖然餐牌顯示一個小辣椒 (屬於辣味菜色)，不過唔算辣，反而好香同埋令人開胃。牛尾份量都唔少，數數埋埋都唔止六舊，只係燜得唔夠腍，如果煮

師傅自從試過呢間食店泰國菜後, 就念念不忘, 終於早幾星期前就再黎呢間食店, 希望能夠好好嘆番餐, 可惜事與願違!兩個人冇訂位入到去, 由於唔多人, 所以即刻有位! 一坐底即刻睇下有咩好食, 最後商量一陣決定要炒金邊粉, 泰式豬頸肉同咖哩牛筋腩!金邊粉同印象中嘅賣相好似唔同左, 一望埋去師傅覺得有少少倒胃, 不過試下個味道並唔係太差, 金邊粉依然係煙煙韌韌, 炒得唔油, 師傅覺得勉強合格啦; 泰式豬頸肉燒得好香而且切得好薄, 不過豬頸肉就油左d, 燒得未夠乾身, 而肉身望冇咁靚, 比上次黎食真係差左唔少, 幾失望; 咖哩牛筋腩嘅咖哩就非常香, 加上帶少少辣, 絕對唔錯, 而牛筋腩就夠鬆夠入味, 真係唔錯; 師傅都忍唔住叫多碗白飯呀!總括而言食物質素相退步左, 服務態度唔錯, 環境舒服, 埋單兩舊水到, 價錢都算抵食; 師傅覺得質素真係今非昔比, 可能師傅要求高左, 又可能真係成本上漲, 令到質料又差少少, 間接令師傅有少少失望, 笑臉真係比唔到喇, 仲會唔會再黎呢? 真係未知數!

菠蘿炒飯: 材料好多, 但 炒得唔係乾身, 味道普遍.炸魚餅(非常咸，好像在吃咸魚般......)炸軟殼蟹(味道普遍，不及和民那些脆口味香)春卷(味道一般)豬頸肉(味道普遍)炸蝦餅(完全不合格，不論味道、口感、彈牙程度都一般,但油膩)燒雞串(吃上去味道跟荷葉燒雞差不多，沒有過乾亦頗入味)燒蝦串(過乾亦頗不入味)

青木瓜沙律: 夠辣, 開胃.炒椰菜苗: 好似係第一次食椰菜苗, 原來幾嫩, 幾好味.泰式豬頸肉: 豬頸肉薄了點, 但附上的醬汁好好味, 有不同的香料, 又辣辣地.肥牛冬蔭公湯: 好似涮羊肉咁, 用爐上, 再另上一碟肥牛, 再放下灼熟. 冬蔭公湯好惹味. 呢個湯底湯, 再配上肥牛, 令肥牛更出色. yummy! 炸蝦冬甩: 冬甩只係形容個形狀, 和一般炸蝦餅差不多.青咖喱雞: ok.油鬆餅: ok菠蘿炒飯: 材料好多, 有魷魚, 蝦, 青口…仲有另上的肉鬆和腰果. 炒得乾身, yummy yummy!

上次女性好友生日時相約找天去吃飯長談一下，我便提議去九龍城，友人立即熱烈推介這間泰菜館，說著要我們一定要去試。心想一來沒去過，二來既然朋友那麼熱切推介，也就再沒不去的理由了。下車時的位置剛好是清真牛肉館，眼看店外等候的人客不多，頓時想進去買一個外賣牛肉餅邊行邊吃，不過最後因為有來電而臨時擱置....跟朋友會合後，行了兩條街便到達這店。進店之後才發現這裡的裝修不錯，座位雖然有點迫但未至於要肉貼肉那樣子。細問之下才發現，原來好友的老公是不吃蝦、蟹海鮮和酸辣的食物，到那一刻真的有點兒抓頭......因為那些食物不正正是泰菜中出名的都會有的東西和味道嗎﹖還好她所指的酸辣，是咕嚕肉那種，而不是酸辣湯的。最後，點了：酸辣湯底涮羊肉、蒜蓉包、咖哩炒蟹、肉碎煎蛋(餅?)、和小食大拼盤。先上的是我要的椰汁冰，它的甜度剛好，味道濃郁，不像加入了糖水和花奶。而另一位朋友要的芒果汁(冰?)，味甜而不酸，很醒胃的樣子~酸辣火鍋最先來。湯底味道頗正宗但好像不太夠酸，特別的地方是加入了一條條的椰肉，令到整個湯的香味增加了層次感。羊肉選用一般凍肉貨色，雖然不是那麼突出，但是一經湯底涮幾下後，實在很有風味。原來帶著微酸

每次必點芋頭雞煲仔飯惹味, 芋粒軟綿綿, 雞件嫩滑入味, 飯呈深棕色, 香氣撲鼻, 雖整道菜實際上較為油膩, 但適可而止的品嚐, 會令人得到滿足且幸福的快感~極力推介啊!!!!!!!