泰地道 (文苑樓) (已結業)

本人非常熱愛泰國菜，可惜因疫情不能出國外遊，只好留港消費。在朋友的推薦下，來了位於佐敦<泰地道>。門口裝修簡單，但一進門內就給香噴噴的燒烤味吸引我急不及待叫了生蝦刺身、泰式柚子沙律、燒鱔、燒雞翼、串燒。而店員亦推薦了今日時令菜式<黃咖喱蟶子>，及誠意推薦蒜蓉包，話用來配咖喱一流！對於咖喱愛好者既我當然二話不說話好啦泰式柚子沙律首先出場，外觀美麗而且份量相當大，柚子好甜及juicy，蝦肉爽及有蝦味，醬汁調教得非常惹味接下來變是燒鱔，鱔燒得非常好，外脆而裡面鮮嫩，魚油十足燒雞翼相當大隻面層既調味料好惹味串燒叫了半打 ， 我揀左豬同雞，怕牛肉會韌。雞同豬外表睇落好似有點乾，但食落原來仲好ok，再配合沙嗲汁而店員亦好細心，話如果唔夠沙嗲汁可以問佢拎黃咖喱蟶子好大碟，但只需$108 ，而且仲剝埋殼，食既時候好方便，啖啖肉，而且好慷慨，起埋有十隻蟶子雖然唔係好大隻，但無沙同埋都有鮮味，咖喱夠惹味 ，再配合蒜茸包，真係無敵。個蒜蓉包好正，外面非常脆，而且係用厚麵包，再配蒜蓉同厚厚既牛油，而且淡淡香烤味，好有bbq 時燒麵包既味道，超正！真係無得輸！今晚食得好開心，居然

由正宗泰國人打理食過幾次各款午餐都好吸引海南雞飯雞夠滑但你話係唔係香港最好食我就食過更好食嘅個甜酸汁偏辣唔係太啱我口味但好食嘅依度我最最最推薦嘅一定係泰式奶茶正宗泰國口味既一般泰式奶茶都非常之甜去到泰國飲一定要叫少甜唔係真係好快糖尿病依間餐廳嘅泰式奶茶保留左泰國原始風味但配合香港人口味你唔叫少甜都唔算太甜為左杯奶茶 有人肚痛都要飲🤣🤣

當日星期五六點幾去到我地係第一枱客，叫左五樣野，水準都幾參差。超惹味，勁好食，唔會辣，牛肉都好夠腍，好食到成個汁打包拎走。應該係我食過最好食既蒜蓉包，質地好軟熟，牛油味好香，淡淡蒜蓉味，十級邪惡，同個咖哩係絕配。正正常常既通菜，可以嗌，但唔會驚豔。唔惹味，花甲唔會腥，但都唔會甜，可以試其他餸。比較油膩，味道偏淡，炒得唔夠散，甚至有一束有少少痴埋一餅，少許失望，可以試其他餸。雖然係咁，憑住佢既咖哩同蒜蓉包，我都會俾好評🤣🤣🤣其實兩個人黎講有少少叫得太多。

疫症之下全日禁堂食前的一餐泰國菜不知不覺隔咗幾個月忍唔住出外食一次依然保持水準在這種社會氣氛之下好多店舖關門甚至結業幸好此小店一直有固定街坊食客支持不至於要關門休息同店員長談了解過今次全日禁堂食唯有照常營業做外賣抗疫期間仲有外賣自取九折優惠好...我同友人一定大大力支持下相片影得唔係太好請勿介意

今天決定帶毛孩吃泰國菜。大部份寵物有善餐廳都要寵物坐在室外。這次我們終於可以坐在室內的。夏天，有冷氣便是天堂。我們點了海南雞、豬髀飯和牛腩湯河。海南雞可以點雞髀或者是雞胸。讚！ 雖然牛腩不是很林的那種，但整體味道很好！

泰地道 (佐敦)-估唔到星期日都仲有午市餐牌，假日都食到呢個價表示覺得好抵🤪-🔍 泰式冬陰功海鮮湯金邊粉$65大大碗，雖然可以話冇咩特別，但分量足夠，冬陰功味亦都好出，仲要係假期食到呢個價👍🏻-📍 泰地道 (佐敦)佐敦文苑街20號文苑樓地舖

一直唔會寫評既我真心覺得呢間小店值得分享比大家小弟同各個朋友一心諗住去圓方食嘢突然落大雨真係企左係度唯有是但搵間嘢食見有間泰國嘢店舖細細6:45左右坐左一半人一於試吓飲品方面我點左杯靑擰梳打不過不失朋友點左杯泰式奶茶話好正下次一定會黎試吓先食物方面泰式生蝦燒白鱔辣椒膏炒花甲泰式冬陰功明爐魚蒜蓉包小弟經常去有香港小曼谷之稱既九龍城食泰國菜估唔到原來呢區都有間泰國風味嘅小店從此又多個食點唯一美中不足嘅係食到一半不知不覺已經坐滿人門外有人排隊等候人多到有點嘈人多到真係太瘋了(建議想試吓呢間泰菜但又怕嘈既人平日去試）不過都證明咗呢間泰菜有一定嘅水準保証先會有人客

星期五，原本想去食韓國野，但無得book位得wall in，去到已經要等十幾張枱，熱到溶既天氣唯有求其係附近揀間，見到呢間泰國菜就入去，個陣七點十分左右，職員話無book既話都可以，但八點半要交枱，咁ok ga。入到去，隔離個枱人嘈到顛左，都無法。之後點菜，飲品叫左白酒同三色椰汁冰，酒好快上左，椰汁冰等左好耐，之後終於上喇。咁傾計就邊攪邊傾，但攪攪下，見支飲管入面個舊野，望真啲，仲有腳咁，咁就用支筷子篤佢出黎，係一隻唔完整而貌似曱甴仔既野，嗯。。。好彩未飲，如果係紅豆冰，係飲管外睇，會以為可能係紅豆黎。同職員講，佢即刻一手拎走道歉話換返，第二杯黎到，支飲管都有點黑色，咁飲左第一下仲係度，就以為係飲管啲膠唔好有雜質者，點知再飲，點黑色唔見左。。。嗯。。。當無見過啦唯有。。。生菜包、串燒同蝦餅都唔錯，無咩問題，唯獨係好多蚊滋飛黎飛去，係咁係啲杯上行黎行去。。。咁做飲食，有時有啲昆蟲控制唔到，但畀客咁樣見到。。。食物相就無影，淨係影左張單。

同女友兩個人無意逛進文苑街意外發現呢區有間窩心小店舖之前一直担心女友對辣有敏感我又怕泰國菜菜式可以選擇唔辣種類唔多好彩經細心店員同熱情健談既老闆娘跟進立即將店舖指定招牌菜色味道(咖哩炒花甲)立即改為啱我女友口味既(金不換炒花甲)真係大讚另外不得不提店員誠意推介數量有限既香草粉絲焗蟹㷛味道一流果陣香味充斥着全間店鋪不小心偷聽到隔離枱既客人都話好香喎女友食得好開心之餘重話下次一定要帶埋屋企人再來叫多D共他菜式試下

同朋友突然好想食泰菜見網評幾好評語一於試吓呢間野到門口見有個靚仔店員熱情開門招待我同朋友三個人叫咗幾樣野燒生蠔-$98/1隻泰地道燒三文魚扒-$148咖哩花甲，大大隻$128蒜蓉包，價錢好似幾十蚊燒西冷，店員推介三成熟啱啱好，價錢唔記得咗啦差唔多食完同店員傾左兩句先知原來燒三文魚扒唔係次次黎有得食甘啱今日有返貨先有得叫每次返好少量所以算係好好彩呀第一次黎就試到好味嘅野好感恩有機會我一定會再嚟試埋其他野

下午三時半路過，午膳過後餐室顯得有些冷清，回頭再看裡面烏燈黑火。年青店夥見客外面排迴，忙出來介紹。黑板每日午膳，忘了拍照，大概主食，海南雞飯豬髀飯青咖哩雞，牛黃咖哩雞，牛，豬金邊粉 －湯、炒等等附送飲品加3熱 7凍(非泰式) 及小杯子冬瓜湯，跟中式冬瓜湯煮法不同，加了葱花，湯底看起來味道清淡，近似日式面豉湯的咸度，喝下去舒服不油膩。凍奶茶顏色也是較港式奶茶深紅，線上提及泰國人常用手標牌，與地道錫蘭紅茶混合成份(抱歉相機燈光失色)。店夥大力推薦，沒有點錯，味道芳郁芳，但端子更喜歡印度奶茶幼嫩絲滑。第一次喝泰式奶茶，沒有比較其他餐室就以此暫結。海南雞飯醬汁和星馬用料不同，顏色偏啡紅，加了豆板醬入口勁辣，把雞的味道托得剛剛好。大部份上盒內大部份雞胸肉，嫩滑不帶紅，冰鮮雞也做得出色水平，已經保控得好好。雞油飯味道弄得恰好， 其他餐廳因市道問題，早已改用白飯代替，下層娃娃菜墊底，水份未涩去，把下層雞油飯沟稀，勿因小事錯過佳餚，不然會給五星味道。外賣透明長方膠盒，路上滑倒幾次免強夠放在盒上的兩隻高杯飲料 簡單菜式，給端子帶來惊喜，路過一帶下午茶的信心保証。推介 !注 星期三休息。

路過店友與老闆說話，為老闆娘Tiffany(化名)說兩句話，合伙兩三年前開業，一般只接受訂位，人多照顧亦有不周地方，老闆娘忙碌，服務員未及本地化，早一天訂了四位沒留座，氣坐四十分鐘離場。 外賣水平屬中等，等候環境佈置舒服。再路過沒有昔日人頭湧湧，跨赞誠意餐廳，門面、店內裝潢，以至餐牌都落足了心機籌備。現在客人疏落，walk-in更方便，外掛Stand吸引，出入員工顯得有點冷清， 自文蔚街越南餐廳移遷，地道名堂轻鬆打响，佐治會碰碰運氣，慕名再試。话有不周，敬請諒解。落鍵時，聯字提醒walk fun (walk-in)，請讀者幫忙拆解科技因素。2020.3.1 01:35

唔知幾時先再可以出走去泰國...唯有食住泰菜止下癮先🙈位於佐敦嘅小店【泰地道】絕對唔會差過九龍城嘅泰菜舖，個人仲覺得有過之而無不及添😆【香辣豬肉碎生菜包】可以揀辣度嘅生菜包都係第一次見，店家好貼心咁分咗大/中/小/BB辣🌶肉碎酸酸哋好惹味，食到落底都唔覺得油👍🏻👍🏻👍🏻有我至愛嘅檸檬葉香味💯❤【炸蝦餅】即叫即炸，咬開仲出緊煙...爭D辣親😝真材實料嘅蝦餅彈牙得嚟夠鬆化👍🏻【椰汁青咖哩雞肉】咖哩汁香口，夾住啖啖嘅椰香味🤤雞肉嫩滑而且份量好夠，好似食極都仲有咁👍🏻【蒜蓉包】有咖哩點可以唔叫蒜蓉包😋即叫即整，鬆化脆口👍🏻👍🏻👍🏻飲品方面叫咗【赫伯蝴蝶豌花】同埋【青檸梳打】，兩杯飲品都唔太甜，感覺好fresh好解渴🥰呢間小店絕對值得encore😍👍🏻

第一次寫食評。服務好，味道正宗又美味，已經成為我嘅飯堂。每次必點嘅燒生蠔，新鮮，飽滿，滋味無窮。蒜蓉包、冬陰功湯及沙嗲串燒，一流水準，每次同朋友去食，個個都讚不絕口！

今晚收工突然想食泰菜，於是與友人選擇左係柯士甸附近文苑街既呢間小店。一坐低見到隔離枱既客人叫左蒜茸包好吸引，於是我地都叫左一份配咖哩海鮮。蒜茸包整得好香而且唔硬身，點埋咖哩食好fit，老實講算係我地食過既泰菜中覺得最好食既咖哩配包；另外其他叫左既三款質素都好好。另外餐廳環境整潔，員工亦親切有禮，下次都會再幫襯一下。由於我地都好少影食物相而且好少比食評，但食物質素同員工服務好既小店係值得支持一下，所以淨係最尾記得影左張單比個正評：）